ޔާމީން ޖަލަށް ވަޑައިގަތުމަށް ލޯންޗްގައި މަޑުކުރައްވައިގެން: ދައުލަތަށް 52 މިލިއަން ދޭން އެމަނިކުފާނުގެ މައްޗަށް ކުރި އަމުރުގެ އިސްތިއުނާފްގެ ޝަރީއަތް ބުދަ ދުވަހު ފަށަން ވަނީ ހަމަޖައްސާފައި --- ފޮޓޯ/މިހާރު
27 މާޗް 2023 - 14:21
12 comments
ވ. އާރަށް ކުއްޔަށް ދިނުމުގައި މަނީ ރިޝްވަތު ނަގައި މަނީ ލޯންޑަރިން ހިންގި މައްސަލާގައި ދައުލަތަށް 52 މިލިއަން ރުފިޔާ ދައްކަން ކުރީގެ ރައީސް އަބްދުﷲ ޔާމީންގެ މައްޗަށް ކްރިމިނަލް ކޯޓުން ކުރި އަމުރުގެ އިސްތިއުނާފްގެ ޝަރީއަތް އަންނަ ބުދަ ދުވަހު ފަށަން ހައި ކޯޓުން ހަމަޖައްސައިފި އެވެ.
އާރަށް ކުއްޔަށް ދިނުމުގެ މުއާމަލާތާ ގުޅިގެން ރިޝްވަތާއި މަނީ ލޯންޑްރިންގެ ކުށް ސާބިތުވެ، 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވަނިކޮށް 3.4 މިލިއަން ޑޮލަރު (52 މިލިއަން ރުފިޔާ) ދައުލަތަށް ދައްކަން ކްރިމިނަލް ކޯޓުން ޔާމީނަށް އެންގެވީ އެ މައްސަލާގައި ލޯންޑާކުރި ފައިސާ ދައުލަތަށް ނެގުމަށެވެ.
އެ އަމުރު އިސްތިއުނާފް ކުރަން ޔާމީންގެ ފަރާތްޕުޅުން ހައި ކޯޓަށް ހުށަހެޅުއްވި މައްސަލަ ބަލައިގަތުމަށްފަހު އަންނަ ބުދަ ދުވަހުގެ ހެނދުނު އެ މައްސަލާގެ ޝަރީއަތް ފަށަން އެ ކޯޓުން ވަނީ ހަމަޖައްސައިފަ އެވެ.
މީގެ އިތުރުން ރ. ފުއްގިރި މައްސަލާގައި ޔާމީނަށް ކުރާ ދައުވާގައި ޝަރީއަތުގެ ކުރީގެ ހުށަހެޅުންތަކާ މެދު ކްރިމިނަލް ކޯޓުން ނިންމި ގޮތް ވެސް ޔާމީންގެ ފަރާތްޕުޅުން އޮތީ އިސްތިއުނާފަށް ހުށަހަޅުއްވައިފަ އެވެ. އެ މައްސަލާގެ އިސްތިއުނާފް އަޑުއެހުން މާދަމާ ބާއްވަން އޮތީ ހަމަޖައްސައިފަ އެވެ.
ޔާމީން 11 ޖަލަށްލާން ކުރި ހުކުމުގެ އިސްތިއުނާފަށް ހުށަހަޅާފައި ވިޔަސް، އެ މައްސަލަ ބަލައިގަތުމާ މެދު ހައި ކޯޓުން އަދި ވަކި ގޮތެއް ނުނިންމަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުވޭ
28 March 2023
ހާރާން ހުކުމެކޭ ގޮވަނީ އެކަމަކު މަތީ ކޯޓްތަކުގައި އިސްތިއުނާފު ކުރަނީ.
އަންދަލޫސިޔާ
28 March 2023
ޕީޕީއެމް އިން 2023 ގަ ވާދަ ނުކުރާނެ. ޔާމީނު ބޭނުންވާނީ އޭނާ އަށް ކުރިމަތިނުލެވެންޏާ އެހެން އެއްވެސް މީހަކު ޕީޕީއެމް އިން ކުރިމަތިނުލާން. ޑރ. މުޢިއްޒުއަށް ޓިކެޓް ދީފިނަމަ ޔާމީން އަތުން ޕާރޓީ ގެއްލޭނެތީ ޑރ. ވަހީދު ނޫނީ އާދަމް ޝަރީފަށް ޓިކެޓް ދޭނީ!
އަންނަނީ އަންނަނީ
28 March 2023
މި ކަން ކާމިޔާބު ވާނެ ކަމުގެ އޮތީ ކޮން ޔަގީންކަމެއް ތޯ ވަގުތުތައް އިސްތިއުނާފު ކާމިޔާބު ވާނެ ކަނަށް ދުއްވާނުލާ ޕޕމ އިން ޑރ މުހައްމަދު މުއިއްޒު ނެރެ ކެމްޕޭން ފަށަންވީ މުއިއްޒު 2023 އިންޝާ ﷲ
ކާތިބު
27 March 2023
ކުރީގެ ރައީސް އިބްރާހިމް ނާޞިރުގެ ގެދޮރާ މުދާ ވެސް ދައުލަތަށް ނެގި. އެހެންވީމަ ފައިސާ ނުދައްކައިފިއްޔާ އުސްޓަވަރ ވިއްކާލާފަ ނަމަވެސް ދަރަނި އަދާކުރަންޖެހޭނެ. ބެންކު ލޯނު ނުދެއްކީމަ މީސްމީހުންގެ ގެދޮރު ވެސް (މޯގޭޖްކޮށްފަ ހުރުމުން) އެވިއްކަނީ. ރައްޔަތުންނަށް ހެޔޮ ވެރިކަމެއް ކޮށްދޭން ﷲ ގަންދީ ހުވާކޮށްގެން ހުރެ ރައްޔަތުންގެ މުދަލުން ވައްކަންކޮށް މަންފާ ހޯދުމަކީ ހާދަހާވާ ނުބައި ކަމެކޭ. ޙުކުމެއް ނޫން ޙަރާމީ. ކުރި ކަންތައް ޙަރާމީ. މުޖައްރިބު.
މިސްޓަރ ޓިނޭ
28 March 2023
ޝުކުރިއްޔާ ރައީސް ޔާމީން
އަންނަނީ އަންނަނީ
27 March 2023
މުއިއްޒު 2023
ފޮނި ފާތުން
27 March 2023
ތިޔަހާ ރައްޔިތުންނާއި ދައުލަތަށް ހެޔޮއެދޭ ނަމަ ތި ލާރި އަވަހަށް ދައްކަންވީނު ނުދައްކާ ފަރުޖެހޭތޯ މަތީ ކޯޓު ތަކަށް ނުދުވެ.. ދަހި މީހެކޭ ދޯ؟
އަންދަލޫސިޔާ
27 March 2023
ވައްކަންކޮށްގެން ސަލާމަތްވެވިގެން ނުވާނެ!
އަންނަނީ އަންނަނީ
28 March 2023
ޑރ މުހައްމަދު މުއިއްޒު އަކީ އިލްމީ ގާބިލް ބޭފުޅެއް މިހާރު މާލޭ ސިޓީގައި ހިންގާ މަޝްރޫއު ތަކަށް ބަލައިލުމުން ވެސް މިކަން ހާމަވާނެ މއއޒ2023. އިންޝާ ﷲ އިސްވެ ދުށް ކެރުމާއި މަންޒަރު ދައުރުވާ މއއްޒ ހޮވުމަށް ނިންމައިފީމޭ ވޯޓު ލާން މިކޮމެންޓް މި ސައިޓަށް ޕަބްލިޝް ކުރަން ނުކެރުނަސް މީ ހަގީގަތް
މާލިމީ
27 March 2023
ނުދޭނެ ނުދޭނެ، ޔާމީނު ކީއްކުރަން ދެންތިބި މީހުންވެސް ނުދޭނެ
48343
27 March 2023
ބަލަ ކައިލިއެއްޗެއް ޖެހޭނީ އަނބުރާ ދޭން. ކޮންމެގޮތެއްހަދާފާނަމަވެސް ތި ނެރޭނަން.
މިސްޓަރ ޓިނޭ
28 March 2023
ފައިސާ ފައިސާ ަ ފައިސާ ފައިސާ ފައިސާ ފައިސާ ފައިސާ ފައިސާ ، އެގުޅީގަ ހުރި މަގޭ ފައިސާ ، އަދީބު އަތުގަ ހުރި މަގޭ ފައިސާ ، މމޕރސ ގަ ހުރި މަގޭ ފައިސާ ފައިސާ ފައިސާ ފައިސާ