ކުރީގެ ރައީސް އަބްދުﷲ ޔާމީން ޖަލަށް ވަޑައިގަތުމަށް ލޯންޗްގައި: ފުއްގިރި މައްސަލާގައި އެމަނިކުފާނަށް ކުރާ ދައުވާގެ ޝަރީއަތް މަޑުޖައްސާލުމުގެ އަމުރަށް ވަނީ އެދިފައި --- ފޮޓޯ/މިހާރު
28 މާޗް 2023 - 13:57
ރ. ފުއްގިރި މައްސަލާގައި ކުރީގެ ރައީސް އަބްދުﷲ ޔާމީންގެ މައްޗަށް ކުރާ ދައުވާތަކާ ގުޅިގެން ހައި ކޯޓުގައި މައްސަލައެއް އިސްތިއުނާފް ކޮށްފައިވާތީ ކްރިމިނަލް ކޯޓުގެ ޝަރީއަތް މަޑުޖައްސާލަން އެ މަނިކުފާނުގެ ފަރާތްޕުޅުން މިއަދު ހައި ކޯޓުގައި އެދިވަޑައިގެންފި އެވެ.
ވ. އާރަށް ކުއްޔަށް ދިނުމުގެ މުއާމަލާތާ ގުޅިގެން 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޔާމީންގެ މައްޗަށް ފުއްގިރި ކުއްޔަށް ދިނުމުގެ މުއާމަލާތާ ގުޅިގެން ކުރަނީ ރިޝްވަތާއި މަނީ ލޯންޑްރިންގެ ދައުވާ އެވެ. އެ މައްސަލާގެ ޝަރީއަތް ކްރިމިނަލް ކޯޓުގައި މިހާރު ދަނީ ކުރިއަށެވެ.
ޔާމީންގެ ފަރާތްޕުޅުން އިސްތިއުނާފް ކުރެއްވީ ފުއްގިރި މައްސަލާގައި ޝަރީއަތުގެ ކުރީގެ ހުށަހެޅުންތަކާ މެދު ނިންމާފައިވާ ނިންމުންތަކެކެވެ. އެއީ ބައެއް ހެކިތައް ބަލައިނުގަތުމަށް އެ މަނިކުފާނު ފަރާތްޕުޅުން ހުށަހެޅި ހުށަހެޅުން ބަލައިނުގަތުމާއި ބައެއް ލިޔުންތައް ހާމަކުރަން ނުޖެހޭނެ ކަމަށް ނިންމާފައިވާ ނިންމުމެވެ.
މިއަދުގެ އަޑުއެހުމުގައި ޔާމީނާއި ވަކީލުން ބައިވެރިވަނީ
ހައި ކޯޓުގައި މިއަދު ބޭއްވި އަޑުއެހުމުގައި ވަކީލުން ވިދާޅުވީ، އެ މައްސަލަ ހައި ކޯޓުގައި ތާވަލް ކޮށްފައި ވަނިކޮށް، ފުއްގިރި މައްސަލާގެ އަޑުއެހުމެއް ކްރިމިނަލް ކޯޓުން އަންނަ ހަފުތާގައި ބާއްވަން ހަމަޖައްސާފައިވާ ކަމަށެވެ. އެހެންވެ، ޝަރީއަތް މަޑުޖައްސާލުމުގެ އަމުރެއް ނެރެދޭން ވަކީލުން އެދިވަޑައިގަތެވެ.
ދައުލަތުން ބުނީ އިސްތިއުނާފު ކޮށްފި ނަމަ އާންމު އުސޫލުން ކްރިމިނަލް ކޯޓުގެ ޝަރީއަތްތައް މަޑުޖައްސާލާނެ ކަމަށެވެ. އެކަމަކު، ހައި ކޯޓުން ގޮތެއް ނިންމުމުގެ ކުރިން ފުއްގިރި މައްސަލަ ކުރިއަށް ގެންދާ ނަމަ ޝަރީއަތް މަޑުޖައްސާލުމުގެ އަމުރެއް ނެރެން ދައުލަތުން ދެކޮޅު ނަހަދާނެ ކަމަށް ދައުލަތުން ބުންޏެވެ.
ހައި ކޯޓުން އެ މައްސަލަ ބައްލަވާ ފަނޑިޔާރުންގެ ބެންޗް
ޔާމީންގެ ވަކީލުން ވިދާޅުވިގޮތުގައި، ޝަރީއަތުގެ ކުރީގެ ހުށަހެޅުންތަކާ މެދު ކްރިމިނަލް ކޯޓުން ނިންމުން ނިންމީ މަތީ ކޯޓުތަކުގެ ނިންމުންތަކާ ހިލާފަށް، އެ ނިންމުމަށް ވާސިލްވި ސަބަބެއް ބަޔާން ނުކޮށެވެ.
ބަލައިނުގަތުމަށް ޔާމީންގެ ފަރާތްޕުޅުން ހުށަހެޅުއްވި ހެކިންގެ ތެރޭގައި ކުރީގެ ނައިބު ރައީސް އަހުމަދު އަދީބާއި މޯލްޑިވްސް މާކެޓިން އެންޑް ޕަބްލިކް ރިލޭޝަންސްގެ ކޯޕަރޭޝަން (އެމްއެމްޕީއާރުސީ) ގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ވެސް ހިމެނެ އެވެ.
ދެން އޮންނަ އަޑުއެހުމެއްގައި އޮންނާނީ އެ މައްސަލާގައި ދައުލަތުން ޖަވާބުދާރީވުމެވެ.
އެ މައްސަލަ ބައްލަވަނީ ފަނޑިޔާރު ހަސަން ޝަފީއު އާއި ފަނޑިޔާރު މުހައްމަދު ފައިސަލްގެ އިތުރުން ފަނޑިޔާރު ދީބާނާޒް ފަހުމީ އެވެ. ބެންޗުގެ ރިޔާސަތަކީ ފަނޑިޔާރު ޝަފީއު އެވެ.
އާރަށް މައްސަލާގައި ޔާމީން ޖަލަށްލާން ކުރި ހުކުމް ވެސް އެ މަނިކުފާނުގެ ފަރާތްޕުޅުން އޮތީ އިސްތިއުނާފަށް ހުށަހަޅައިފަ އެވެ. އެކަމަކު އެ މައްސަލަ މިހާތަނަކަށް ބަލައެއް ނުގަނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ބޮޑުމީހާ
29 March 2023
މިވަރުވީމަ ދެން މިގައުމުގަ ކަމެއް އިސްލާހުވާނެކަމަށް އުއްމީދުކުރުމަކީ ބޭކާރުކަމެއް. ޕީޕީއެމްގައިވެސް ގާބިލު އެތައް ބަޔަކު އެބަތިބި. ދައުލަތުގެ ފައިސާގައި ޖެހިފައިހުރި މީހަކު ހިމާޔަތުގައި ރައްޔިތުންތަކެއް އުޅުމަކީ އެ ބަޔެއްގެ ގޮތެއް ނެތްކަން އަދި ވައްކަމާއި ކޮރަޕްޝަނަށް ހިތްވަރު ދިނުން. މިމަންޒަރު މިވަގުތު އޮތް ސަރުކާރުތެރެއިންވެސް ފެނޭ
ބަޑިތަކުރު
29 March 2023
ކުރީގެ ސަރުކާރުން ފެނިގެންދިޔަ ކޮރަޕްޝަންތަކާއި މިސަރުކާރުގެ ތެރެއިން ފެންމަތިވާ ކޮރަޕްޝަންތަކުގެ ތަފާތު ދެނެގަތުން ވަރަށް މުހިންމެވެ. ކުރީގައި އެކަންކަންކުރީ އެންމެ އިސްމީހާގެ މޭސްތިރިކަމުގައި މުޅި ނިޒާމު އެކަމަށް މަގުފަހިވާނޭހާގޮތަކަށް ބައްޓަންކޮށްގެން އެންމެން ގުޅިގެންނެވެ. އެހެން ސަރުކާރުތަކުން ފެންނަނީ ވަކިވަކި ފަރުދުން އަމިއްލަ އެދުމަށް ހިންގާފައިވާ ކޮރަޕްޝަންތަކެވެ. އެއީ އިންސާނުން އުޅެންޏާ ވެދާނެކަމެކެވެ. މި ތަފާތު އެނގެންޖެހެއެވެ.
ގާބުރި
29 March 2023
ކުށުން ފުރިފައިވާ މީހަކު ކުށެއް ނެތްކަމަށް ނިންމޭނެ ގޮތެއް ނުވިސްނުނު
އަންޑޭ
28 March 2023
ޔާމީންގެ ލީގަލް ޓީމުން ބޭނުންވަނީ ޔާމީން 2023 އަށް ނުކުތަ ނުދިނުން.
އަންނަނީ އަންނަނީ
28 March 2023
މުއިއްޒު 2023
ފައިސާގޯނި
28 March 2023
މައްސަލަތައް މަޑުޖައްސާލުމަކީ އަހަރެމެން ޕޕމ މެމްބަރުން ބޭނުންވާގޮތެއްނޫން، އަހަރެމެންބޭނުންވަނީ ވީހާވެސް އަވަހަކަށް ތިމައްސަލަތައްބަލާ ނިންމާ ރ.ޔާމީނަކީ ކުށެއްނެތް މީހެއްކަމައް ސާބިތުވެ ރިޔާސީ އިންތިހާބުގަ ވާދަކުރެވުން، މުއިއްޒުމެން، އަދުރޭމެން، ސައީދުމެންބޭންވަނީ މައްސަލަތައް ދިގުލާގެންގޮސް އިންތިހާބާ ކައިރިވީމަ ރ.ޔާމީނަށް ހުކުމްކޮށް އިންތިހާބުގަ ބައިވެރިނުވެވޭގޮތްހެދުން، އެއީ ރ.ޔާމީންއަށް އަހަރެމެން އަރުވާފަވާ އެއްޗެއް
ގެދާނޯމޮސް
28 March 2023
ދިހެވި ބަހުގަ އަރުވާފަ ބޭނުން ކުރުމުގެ ބަދަލުގަ ރީތިގޮތަކީ ދެއްވާފަ ވާ އެއްޗެއް ކަމަށް ބުނުމެވެ. ނަމަވެސް ބައެއްއަންހެނުން ނަށް މިބަސް ބޭނުން ކުރެވެނީ ބޭއަދަބީ އިބާރާތަކުންނެވެ.
މޮޔަވެއްޖެ
29 March 2023
ގެރާނޯމޮސް، އަލުން ދިވެހިބަސް ދަސްކުރުން ބުއްދިވެރި. އޭރުން ބޭޒާރެއްނުވާނެ.
އިނޑޔ
28 March 2023
މުޅި ސަރުކާރު މުއިއްޒު ދެކެ ބިރުން ކުޑަކަކޫ މައްޗަށް ތިރިވެއްޖެ – އަދުރޭ
ވިންޑޯސް
28 March 2023
ލެޓްސް ސީ ހޫ ވިލް ވިން
އަބޫޫ
28 March 2023
ޔާންޓެ 2028 މުއިއްޒު 2023
މިފަހަރު ޔަގީން
28 March 2023
2023 ނޮވެމްބަރު 11ގައި ރާއްޖޭގެ ރައީސުލްޖުމްހޫރިއްޔާ ކަމުގެ ހުވާކުރައްވާނީ ޑރ މހއމދ މއއޒ އިންޝާ ﷲ
އަންޑޭ
29 March 2023
ވައްކަމުގެ މޭސްތިރިން ކަމަކުނުދޭ. އާދަމް ޝަރީފް ނޫނީ ސަޢީދު ރަނގަޅުވާނެ ޕީޕީއެމް އިން.
ނަނާ241
28 March 2023
ތިމީހާ ލަދެއްވެސް ނުގަންނަތޯ
މީހާ މިހާ
28 March 2023
ކޮން މީހާ
އަންނަނީ އަންނަނީ
28 March 2023
ޑރ މުހައްމަދު މުއިއްޒު އަކީ އިލްމީ ގާބިލް ބޭފުޅެއް މިހާރު މާލޭ ސިޓީގައި ހިންގާ މަޝްރޫއު ތަކަށް ބަލައިލުމުން ވެސް މިކަން ހާމަވާނެ މއއޒ2023. އިންޝާ ﷲ އިސްވެ ދުށް ކެރުމާއި މަންޒަރު ދައުރުވާ މއއްޒ ހޮވުމަށް ނިންމައިފީމޭ ވޯޓު ލާން މިކޮމެންޓް މި ސައިޓަށް ޕަބްލިޝް ކުރަން ނުކެރުނަސް މީ ހަގީގަތް
އަންދަލޫސިޔާ
28 March 2023
ރާއްޖޭގައި ދީފައިވާ ފްލެޓްތަކުގެ ލިސްޓަށް އަތްބާނައި ބަހާލިމީހާ. ޕާކިންގ ސްޕޭސްގެ ނަމުގައި މާލޭގެ ބިން ވިއްކި މީހާ.
މާނުބެ
28 March 2023
ޢިސްލާމީ މަރުކަޒު ބޭރުގަ ޖެހި މާބުލުން ވެސް އެގިއްޖެ މުއިޒު އަކީ ގާބިލު މީހެއްކަން.އަހަރެމެންރަށުގަ އެއްކަމެއް ހަފަރު ކޮށްގެން ވެސް ރަގަޅު ނުވީމަ ކިޔަނީ މުއިޒު ވީ އޭ. ތީ ބޮޑު ފޭލިޔާ އެެއް. ސިޓީ ކައުންސިލަށް ހޮވީ އެމަގާމަށް ރަނގަޅު މީހަކު ކުރިމަތި ނުލީމަ. މޑޕ ޝިފާ މެންނަށް ހިންގަން ނޭގުނީމަ.
ގެދާނޯމޮސް
28 March 2023
ހިޔަށް ގޮސްހުސްވެފައެވެ.