ކުރީގެ ރައީސް އަބްދުﷲ ޔާމީން މިއަދުގެ ޝަރީއަތުގައި މާފުށީ ޖަލުން އޮންލައިންކޮށް ބައިވެރިވެވަޑައިގަންނަވަނީ.
30 މާޗް 2023 - 14:56
25 comments
ވ. އާރަށް މައްސަލާގައި 3.4 މިލިއަން ޑޮލަރު (52 މިލިއަން ރުފިޔާ) ދައްކަން ކުރީގެ ރައީސް އަބްދުﷲ ޔާމީންގެ މައްޗަށް ކްރިމިނަލް ކޯޓުން އަމުރުކުރި މައްސަލާގައި ހައި ކޯޓުގެ ފަނޑިޔާރުންގެ ހޫނު ސުވާލުތަކެއް ދައުލަތަށް މިއަދު އަމާޒުވެއްޖެ އެވެ.
އާރަށް މައްސަލާގައި ޔާމީންގެ މައްޗަށް ރިޝްވަތާއި މަނީ ލޯންޑްރިންގެ ކުށުގައި 11 އަހަރުގެ ޖަލު ހުކުމެއް އިއްވި ފަހުން، އެ މައްސަލާގައި ލޯންޑާކުރި 52 މިލިއަން ރުފިޔާ ހަ މަސް ތެރޭގައި ދައްކަން ކްރިމިނަލް ކޯޓުން އެ މަނިކުފާނުގެ މައްޗަށް އަމުރުކުރި އެވެ.
އެ އަމުރު ޔާމީންގެ ފަރާތްޕުޅުން އިސްތިއުނާފް ކުރުމުން ހައި ކޯޓުގައި މިއަދު ބޭއްވި އަޑުއެހުމުގައި ފަނޑިޔާރުންގެ ބެންޗުގެ ސުވާލުތައް މައިގަނޑު ގޮތެއްގައި އަމާޒުވީ ހުކުމްކުރި ފަހުން އެފަދަ އަމުރެއް ނެރެފައިވާތީ އާއި ޔާމީންގެ ބަހެއް ނެތި އަމުރު ނެރެފައިވާތީ އެވެ.
މިއަދުގެ އަޑުއެހުމުގައި ޔާމީން ވެސް އެކަން ފާހަގަކުރެއްވި އެވެ. އެމަނިކުފާނު ވިދާޅުވީ 52 މިލިއަން ރުފިޔާގެ ތެރޭގައި ސައްހަ މަގުން އެމަނިކުފާނު ހޯއްދެވި އަދި މައްސަލައާ ގުޅުމެއް ނެތް ފައިސާ އެބަހުރި ކަމަށެވެ. އަދި އެކަންކަމާ މެދު ވާހަކަ ދައްކަން ފުރުސަތު ލިބިވަޑައިނުގަންނަވާ ކަމަށް ވިދާޅުވި އެވެ.
"ސައްހަކޮށް، ހަލާލުކޮށް ގާނޫނު އަސާސީގެ 40 ވަނަ މާއްދާގެ ދަށުން މުދާ ހޯދުމާއި މިލްކު ކުރުމުގެ ހައްގުގެ ދަށުން އަޅުގަނޑު ހޯދާފައި ހުރި ފައިސާ ވެސް މީގެ ތެރޭގައި އެބަ ހިމެނޭ." ޔާމީން ވިދާޅުވި އެވެ.
އެކަމާ ގުޅޭގޮތުން ބެންޗުން ސުވާލު ކުރެއްވުމުން ދައުލަތުން ބުނީ ޝަރީއަތުގެ މަރުހަލާގައި އެ ފުރުސަތު ޔާމީންގެ ވަކީލުންނާއި ދައުލަތަށް ލިބިފައިވާ ކަމަށެވެ.
ކުށްކޮށްގެން ހޯދާ މުދަލާއި ފައިސާ ދައުލަތަށް ނަގަން އަމުރުކުރާ ނަމަ ހުކުމުގައި އެކަން ހިމަނަން ޖެހޭނެ ކަމަށް ޖިނާއީ އިޖްރައާތުގެ ގާނޫނުގައި އޮވޭ ނޫންތޯ ބެންޗުން ސުވާލު ކުރެއްވި އެވެ. އެކަމަކު ޔާމީންގެ މައްސަލާގައި އެ ފައިސާ ދައްކަން އެންގީ ފަހުން ނެރުނު އަމުރެއްގެ ދަށުންނެވެ.
ދައުލަތުން ބުނި ގޮތުގައި ކުށްކޮށްގެން ހޯދި މުދަލާއި ފައިސާ ދައުލަތަށް ނަގާއިރު ހުކުމުގައި އެ ވާހަކަ ހިމެނުން ކޮންމެހެން ލާޒިމެއް ނޫނެވެ. ސަބަބެއްގެ ގޮތުގައި ބުނީ އެއީ އެ ގާނޫނުގައި ހުކުމް ތަންފީޒު ކުރުމުގެ ބާބުގައި، ކުށްކޮށްގެން ހޯދާފައިވާ މުދަލާއި ފައިސާ ނެގުމުގެ ވާހަކަ ނެތުމުންނެވެ.
ޕީޖީ ހުސައިން ޝަމީމް --- ފޮޓޯ/މިހާރު
އެގޮތަށް ދައުލަތުން ބުނުމުން، މާނަކުރުމުގެ ހަމަތައް ބަޔާންކުރުމުގެ ގާނޫނުގެ ދަށުން އެގޮތަށް ބަލާނަމަ ނިކުންނާނެ ނަތީޖާއަކީ ކޮބައިތޯ ބެންޗުން ސުވާލު ކުރެއްވި އެވެ.
ޖަވާބުގައި ދައުލަތުން ބުނީ "އަމުރު ކުރަންވާނެ" ކަމަށް ބުނެފައި ގާނޫނުގައި އޮތަސް، އެއީ ކޮންމެހެން ލާޒިމް ކަމެއް ނޫން ކަމަށެވެ. ސަބަބެއްގެ ގޮތުން ދައުލަތުން ބުނީ ވަކި ހާލަތްތަކެއްގައި މީހުން ބަންދު ކުރަންޖެހޭނެ ކަމަށް ގާނޫނުގައި ބުނެފައި އޮތަސް، އެއީ ލާޒިމް ކަމެއް ނޫން ކަމަށް ސުޕްރީމް ކޯޓުން ނިންމާފައިވާ ކަމަށެވެ.
ކުށްކޮށްގެން ހޯދި މުދަލެއް ނަގަން ހުކުމުގައި ހިމަނާފައި ނެތުމަކީ އިޖްރާއީ އުނިކަމެއް ކަމަށް ދެކޭ ނަމަ ދެން އަމަލުކުރަންވީ ގޮތަކީ ކޮބައިތޯ ބެންޗުން ސުވާލު ކުރެއްވި އެވެ.
ދައުލަތުން ބުނީ އާންމު އުސޫލުން އޮންނަ ހައްލަކީ އިސްތިއުނާފް ކުރުން ކަމަށެވެ. އެކަމަކު ހުކުމުގެ ފަހުން ވެސް އެކަން ކުރެވިދާނެ ކަމަށް ދައުލަތުން ބުންޏެވެ.
ދެން ފަނޑިޔާރުން ސުވާލު ކުރެއްވީ ޔާމީނަށް ޖަލު ހުކުމް އިއްވިތާ ދުވަސްތަކެއް ފަހުން އެ ފައިސާ ދައްކަން އަމުރު ނެރުނު ސަބަބާ ބެހޭގޮތުންނެވެ.
"ހުކުމް ކުރިތާ 63 ދުވަސް ފަހުން މިފަދަ އަމުރެއް ނެރުމުގައި މަގްބޫލު އެއްވެސް ސަބަބެއް އެބައޮތްތޯ؟" ފަނޑިޔާރުންގެ ބެންޗުން ސުވާލު ކުރެއްވި އެވެ.
ދައުލަތުން ބުނީ އަމުރު ނެރުމުގައި ލަސްވާން ޖެހޭ ކަމަށް ގަބޫލު ނުކުރާ ކަމަށާއި އެކަމަކު ލަސްވުމުގައި އެކި ސަބަބުތަކެއް ދިމާވެދާނެ ކަމަށެވެ. އަދި އަމުރު ނެރުނީ އެކަމަށް ދައުލަތުން އެދުނުތާ ދުވަސްތަކެއް ފަހުން ކަމަށާއި އެކަމަކު ލަސްވުމަކީ އަމުރު ބާތިލް ކުރެވޭނެ ސަބަބެއް ނޫން ކަމަށް ދައުލަތުން ބުންޏެވެ.
މިއަދުގެ އަޑުއެހުން ހައި ކޯޓުގައި ކުރިއަށް ދަނީ
"ޝަރީއަތުގެ ސުވާލަކީ މަގްބޫލު ސަބަބެއް އެބައޮތްތޯ 63 ދުވަސް ފަހުން މިފަދަ އަމުރެއް ނެރުމުގައި؟" ފަނޑިޔާރުން އަނެއްކާވެސް ސުވާލު ކުރެއްވި އެވެ.
ދައުލަތުން ބުނީ އޭގެ ޖަވާބު ދެވޭނީ ކްރިމިނަލް ކޯޓަށް ކަމަށެވެ.
"ދައުލަތުގެ ފަރާތުން ކްރިމިނަލް ކޯޓުގައި މިފަދަ އަމުރަކަށް އެދުމުގައި 60 އެތައް ދުވަސް ފަހުން އެއީ އެކަށީގެންވާ މުއްދަތެއްތޯ؟" ބެންޗުގެ ރިޔާސަތު ބެލެހެއްޓެވި ފަނޑިޔާރު މުހައްމަދު ފައިސަލް ވެސް އެ ސުވާލު ކުރެއްވި އެވެ.
ދައުލަތުން ބުނީ ހުކުމަށް ފަހު އެ ހުކުމުގެ އެ ބައި އިސްތިއުނާފް ކުރުމާ މެދު ދިރާސާ ކުރަން ވަގުތުތަކެއް ނެގި ކަމަށެވެ. އަދި ފަހުން އިސްތިއުނާފަށް ނުގޮސް، ކްރިމިނަލް ކޯޓުގައި އެފަދަ އަމުރަކަށް އެދުނީ އިސްތިއުނާފީ ކޯޓުގެ ވަގުތު ބޭކާރު ނުކުރަން ވެގެން ކަމަށް ދައުލަތުން ބުންޏެވެ.
ޔާމީންގެ ޖަލު ހުކުމުގެ އިސްތިއުނާފް މަރުހަލާގައި ނުނިމި އޮއްވައި، 52 މިލިއަން ދެއްކުމުގެ އަމުރު ހައި ކޯޓުން ދަމަހައްޓާނީ ކިހިނެއްތޯ ބެންޗުން ސުވާލު ކުރެއްވި އެވެ.
"މިދަންނަވާ މައްސަލާގައި ނިކުންނާނެ ނަތީޖާއެއް އަޅުގަނޑުމެންނަކަށް ނުއެއް އެނގޭ. އެ ހާލަތުގައި، ޕެންޑިންގައި އޮއްވައި ތި ވިދާޅުވާ ގޮތަށް ނިންމިދާނެތޯ." ބެންޗުން ސުވާލު ކުރެއްވި އެވެ.
ޖަވާބުގައި ދައުލަތުން މި މަރުހަލާގައި އަމުރު ދެމެހެއްޓިޔަސް، ޔާމީންގެ ޖަލު ހުކުމް ހައި ކޯޓުން ބާތިލްކޮށްފި ނަމަ އެ އަމުރު ނިމުމަކަށް އަންނާނެ ކަމަށެވެ.
ފަނޑިޔާރު ފައިސަލާއި ފަނޑިޔާރު ހަސަން ޝަފީއުގެ އިތުރުން ފަނޑިޔާރު ދީބާނާޒް ފަހުމީ ހިމެނިވަޑައިގަންނަވާ ބެންޗުން އިއުލާން ކުރެއްވީ އިތުރު ކަމެއް ސާފުކުރަން ނުޖެހޭ ނަމަ ދެން އޮންނާނީ މައްސަލާގެ ހުކުމް އިއްވުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައުލަތް
31 March 2023
“ސައްހަކޮށް، ހަލާލުކޮށް ގާނޫނު އަސާސީގެ 40 ވަނަ މާއްދާގެ ދަށުން މުދާ ހޯދުމާއި މިލްކު ކުރުމުގެ ހައްގުގެ ދަށުން އަޅުގަނޑު ހޯދާފައި ހުރި ފައިސާ ވެސް މީގެ ތެރޭގައި އެބަ ހިމެނޭ." ޔާމީން ވިދާޅުވި އެވެ. އެހެންވީމަ ގޯސް ފައިސާ ވެސް އެބަ އުޅޭ ކަމަށް އެއްބަސް ވެވިފަ މި އޮތީ
އަލީރާޖާ
31 March 2023
އެއްވެސް ފިޔަފާރިއެއް ނުކުރަމޭ އަމިއްލައަށް ބުނާ މީހަކު 52 މިލިއަން ހޯދީ ކިހިނެއްހޭ!
ޓިކްޓޮކް ޗޫ
30 March 2023
އެފައިސާ މިފައިސާ ފައިސާ ފައިސާ
އެމްސް
30 March 2023
52 މިލިއަން ރުފިޔާގެ ތެރޭގައި ސައްހަ މަގުން ހޯދި ފައިސާ އެބަހުރި ކަމަށް ބުނެވުމީ ކުށްކޮށްގެންވެސް ފައިސާ ހޯދިކަމަށް ވެވޭ އިޢުތިރާފެއް!
ރޯނުއެދުރުބެ
30 March 2023
ބަލަ ރައްޓެހިންނާ ހެޔޮއެދޭ މީހުންދޭ ފައިސާ 42 މާއްދާ. ދެން ޕާޓީ ފަންޑު 43 ވަނަ މާއްދާ. އަދި ކޮބާ ތަރިކަމުދާ ވާރުތަ މުދާ. ޔާނު އެކިޔަނީ އެޔާ ނުލާ ބުރަ މަސައްކަތުން ހިންފިލަ ބިންދާގެން 40 ވަނަ މާއްދާއިން ވެސް ހޯދި ވާހަކަ
އެބޭ އަހަންމަދު
31 March 2023
"ބަހުސުގެބޭނުމަށްޓަކައި" މި ބަސް ޔާމީނު ބޭނުންކުރި... މިހާރު ނޫހުން ޔާމީނުގެ ބަސް ކޯޓުކުރިއިރު އެބައި ހިމަނާފައި ނެތުމަކީ އޮޅުވާލުމެއް....
މުޖުތާޒު
31 March 2023
މީހުންދައްކާވާހަކަރީތިކޮއްއަޑުއަހާފަ އެއްއްރައްދުދޭނީ ޔާމީނު ވިދާޅުވިއެއްޗެއް ރަގަޅަށް އަޑުނާހާ ރައްދުދިނަސް ކަމަކުނުދާނެ ރުޅިއަނަނަހާބަޔަކައް ތިގޮތައްރައްދުދިނުމަކީ އޮންނަކަމެއްނޫން.
ތުންބުރި
30 March 2023
އޭނާ އަތުގަ ހަލާލުގޮތުގައި ހޯދާފައިވާ ފައިސާއެއް ހުރެދާނެކަމާމެދު ޝައްކު
ދިއްދޫމީހާ
30 March 2023
ސުވާލަކީ 1 މިލިއަން ޑޮލަރުގެ ތެރެއަށް އިންޓްރަސްޓް ލައިގެން 53 މިލިއަން ރުފިޔާގެ އަދަދު ދިމާވާނެ ގޮތެއް ނިކަން ބުނެދީބަލަ؟މިކަހަލަ މުކޮސްކަންތައް ދައުލަތުން ކުރަނީ ބޭބެމެން ކިޔެވީ ކަތީބް ގޯތިންނާ މުދިމްބެ ގާތުން ޕީޖީ ހުރީ މިސްރުން ކިޔަވާގެން ނަސީބެއް ބޭބެމެން މިސްރަށް ކިޔަވަން ނުދެވުންކަން ޢިލްމް ހުއްޓަސް ޢިލްމް ނެތިއްޔާ މީހަކަށް ނުވާނެ..
އެމްސް
30 March 2023
ރައީސެއްގެ 5 އަހަރުގެ މުސާރައިން 100 މިލިޔަނުން އެކައުންޓުގަ ފައިސާ ހުންނަން ޖެހެނީ ކީއްވެބާ؟ ޔާމީން އަކީ އެއްވެސް ވިޔަފާރިއެއް ކުރި މީހެއް ނޫން! ހަމަގައިމުވެސް މުސާރައާއި އެލަވަންސަށް މަހަކު 5 ލައްކަވެސް ނުޖެހޭނެ! މަހަކު މިލިޔަނެއް ލިބުނަސް އެހާ ބައިވަރެއް އެމުއްދަތަކު އެކެއްވެސް ނުކުރެވޭނެ! އަނެއްކޮޅުން ފުރަތަމަ ނެގީ ބައި މުސާރަކަމަށްވެސް ޔާމީންއަށް އޮތީ ބުނެވިފަ! މަހަކު ލައްކައެއް އެއްކުރެވުނަސް 100 މިލިޔަން ހަމަވާނީ ޢުމުރުން 100 އަހަރާއި...!
ހުވަދޫ އަލިބެއްޔާ
31 March 2023
ކަލޭ ކަންބޮޑުވީ ޔާމީން އެކައުންޓުގައި އެވަރަށް ހުރުމުން.. ރޭގައި ހަވާ އަރުވާފާ އުފަންދުވަސް ފާހަގަކުރި "ކައި" އަށް ލާރި ލިބޭގޮތެއް ނިކަން ވިސްނާލިން؟؟؟ މީ ސީދާ ރައްޔިތުންނާ ގުޅިފަހުރިކަމެއް.. ރަމަޟާން ރޯދަމަހެއްގަ.. ނިކަން ވިސްނާ.. އޭނާ ކުރާ ވިޔަފާރި އަކީ ކޮބާ؟؟؟
ދިއްދޫ ރޯނުއެދުރު
31 March 2023
ދިއްދޫ ކަލޯ މިތާ ވާނުވާ އެބަ އިނގޭތަ؟ ހަމަ އެކަނި ހެޑްލައިން ކިޔާފަ ކޮމެންޓް ކުރީމަ ވާނީ ތިހެން
ރާއްޖެތެރޭމީހާ
30 March 2023
ޔާމީނުވެސްްވައްކަންކުރިކަމަށްއެއްބަސްއެބަވޭ
އެމްސް
30 March 2023
ކަމެއް ނުކޮށެއް، 5 އަހަރުގެ ދައުރެއް ތެރޭ، މިލިޔަން މިލިޔަނުން އެކައުންޓަކު ފައިސާ އެއްވެފައެއް ނުހުންނާނެ! ޔާމީން އަކީ ޤާސިމް ފަދަ ވިޔަފާރި ވެރިއެއްވެސް ނޫން!
ބޮދުވަގު
30 March 2023
ޖަލަށް ލުމަށް ހުކުމްކުރީމަ ދެރަނުވާވަރަށް 52 މިލިއަން ދައްކަން ހުކުންކުރީމަ ޔާމީނު މާބޮޑަށް ދެރަވެ ހިތުގަ ޖެހުނު އެއީ ޔާމީނަކީ އަބަދުވެސް ފައިސާ ފަހާދުވާމީހަކަށްވެފައި އެވަރުގެ ރޭވުންތެރިކަމުންކުރި އެހާބޮޑު ވައްކަމަކުން ނެގި ފައިސާއަށްވުރެގިނައިން ދޭން ޖެހުނީމަ
އެމްސް
30 March 2023
އެމްއެމްޕީއާރުސީން މަދުވެގެން އުޅެނީ މިލިޔަނުކެއް ނޫން، ބިލިޔަނުން! 200 އެތައް އެކައުންޓަކަށް އެފައިސާ ވަދެފަ ވާ އިރު، ޔާމީން އެކަނި ގެންގޮސްގެން ތަޅުވާތީ އެންމެ ބޮޑު އަޅައިގަތުމަކީ! މަޖިލިސް މެމްބަރެއް 88 މިލިޔަން ނެގި، ފިންގަރ ޕްރިންޓްވެސް ހުރި، ލިޔެކިޔުންތަކެއް މީސްމީޑިއާގަވެސް އެބަ ދައުރުވޭ! އެކަމަކު ސަރުކާރު ނޫން އެހެން މުވައްސަސާއަކުންވެސް އެކަމަކާ ކަންބޮޑެއްވެސް ނުވޭ! އަމިއްލަ ފައިސާ ނޫންވީމަ ބާ؟
ދަންބި
30 March 2023
"ސައްހަކޮށް، ހަލާލުކޮށް ގާނޫނު އަސާސީގެ 40 ވަނަ މާއްދާގެ ދަށުން މުދާ ހޯދުމާއި މިލްކު ކުރުމުގެ ހައްގުގެ ދަށުން އަޅުގަނޑު ހޯދާފައި ހުރި ފައިސާ ވެސް މީގެ ތެރޭގައި އެބަ ހިމެނޭ." ޔާމީން ވިދާޅުވި އެވެ. މިއޮތީ ނުހަލާލު ކޮން ވެސް ފައިސާ ހޯދި ކަމަށް އިޢުތިރާފް ވެފަ.
ޕިކްސް
30 March 2023
އެބުނަނީ ސަރުކާރުން އެބުނާ ނުހަލާލު ފައިސާގެ އިތުރުން ޔާމިނުގެ ފައިސާގެ ވާހަކަ. ޔާމީނު އެއްބަސް ވަނީކީ ނޫން.
ކުކުނި
30 March 2023
ދަންބި. އެދައްކާ ވާހަކަ އަޑު އަހާބަލަ. ޝަަރީއަތުގައި އުޅެ ފައިސާއެއްގެ ވާހަކަ ބުނާއިރު . އެފައިސާ ނިސްބަތްކުރާނީ މައްސަލަ ރައްދު ކުރާ ފައިސާއަށް އެހެންވީމާ ބުއްދި ކޮށްބަލަ.
ނުނން
30 March 2023
މަނިކުފާނުނޫން ތޯ ވިދާޅުވީ ހަލާލުނޫން ފައިސާ ގެއަަށްވަން ވާހަކަ !