ފުރަތަމަ ފަހަރަށް އަރަބިއްޔާ ސްކޫލުގެ ހަ ދަރިވަރަކު ގަދަ 10 އަށް

މަތީ ސާނަވީ އިމްތިހާނުގެ ގަދަ 10 ގައި ހިމެނުނު ކުދިންނަށް އިނާމު ދިނުމަށް ދަރުބާރުގޭގައި ބޭއްވި ރަސްމިއްޔާތުގައި، އިނާމު ލިބުނު ދަރިވަރުން އެވޯޑާއި އެކު: އަރަބިއްޔާ ސްކޫލުގެ ދަރިވަރުން މިފަހަރު ވަނީ ގަދަ 10ގެ ހަ ރޭންކްގައި ހިމެނިފައި.-- ފޮޓޯ: ނިޝާން އަލީ /މިހާރު

ފާތިމަތު އަޖްފާން، މިހާރު

19 މެއި 2023 - 11:07

13 comments

މިދިޔަ އަހަރުގެ އޯލެވެލް އިމްތިހާނުގެ ގަދަ 10ގައި ފުރަތަމަ ފަހަރަށް އަރަބިއްޔާ ސްކޫލުގެ ހަ ދަރިވަރަކު ހިމެނިއްޖެ އެވެ.

އަރަބިއްޔާ ސްކޫލުން ކިޔަވާ ދަރިވަރުންނަށް ކުރިން ގަދަ 10ގައި ވާދައެއް ނުކުރެވެ އެވެ. އެ ސްކޫލުގެ ދަރިވަރުންނަށް އޯލެވެލް އަދި އޭލެވެލްގެ ގަދަ 10ގައި ވާދަ ކުރެވޭ ގޮތަށް ގަދަ 10 ހޮވުމުގެ އުސޫލު ބަދަލުކުރީ މިދިޔަ މަހު އެވެ.

ގަދަ 10ގައި ހިމެނުނު ދަރުވަރުންނާއި އެ ދަރިވަރުން ހިމެނުނު ރޭންކްތައް:

- ހައްވާ ޒައިހާ ހަބީބު (ދެ ވަނަ)

- އައިޝަތު ދާއިން އަހުމަދު ޝަރީފު (ދެ ވަނަ)

- އަހުމަދު ޒައުލް (ތިން ވަނަ)

- އައިޝަތު ލައިޝާ، ޝިހާމް (ހަތަރު ވަނަ)

- އަބްދުއްރަހަމާނު ބިން އަހްމަދު ސަމީރު (ހަތް ވަނަ)

- އައިޝަތު ނަދާ (ހަތް ވަނަ)

އެ ސްކޫލުގެ ދަރިވަރު އަބްދުﷲ ސަރޫފް މުހައްމަދު ވަނީ، ހައި އެޗީވާސްއަށް ރައީސް ދެއްވާ ހާއްސަ އިނާމު ހާސިލްކޮށްފަ އެވެ. މިއީ އެ ސްކޫލުގެ ދަރިވަރަކަށް އެ އިނާމް ލިބުނު ފުރަތަމަ ފަހަރެވެ.

ރައިސް ދެއްވާ ހާއްސަ ސްކޮލާޝިޕް ހާސިލްކުރި، އަބްދުﷲ ސަރޫފް މުހުއްމަދަށް ރައީސް އިބްރާހިމް މުހައްމަދު ސޯލިހް އިނާމް ދެއްވަނީ.-- ފޮޓޯ: ރައީސް އޮފީސް

އެ ސްކޫލުގެ ޑެޕިއުޓީ ޕްރިންސިޕަލް އައިޝާ އަޒްމާ ވިދާޅުވީ ގަދަ 10ގައި އަރަބިއްޔާއަށް ބައިވެރިވެވޭ މިނިސްޓްރީން ނިންމި ނިންމުމަށްފަހު ގިނަ ދަރިވަރުންތަކެއް އެ އިނާމް ހާސިލް ކުރުމަކީ ސްކޫލަށް ލިބުނު ފަހުރެއް ކަމަށެވެ.

އެއީ އެ ސްކޫލްގެ ދަރިވަރުންނަށް ލިބުނު ވަރަށް ބޮޑު ކުރިއެރުމެއް ކަމަށް ވެސް އޭނާ ވިދާޅުވި އެވެ.

"މިފަދަ އަގުހުރި ފުރުސަތެއް ދަރިވަރުންނަށް ފަހިވެގެން ދިޔުމަކީ އެ ދަރިވަރުން ކުރި ބުރަ މަސައްކަތުގެ އަގުވަޒަންކުރުމާއި، އެފަދަ ނަތީޖާތައް ހޯދުމަށް އެހެން ދަރިވަރުންނަށް ހިތްވަރާއި އެކު މަސައްކަތްކޮށް، ފޮނި ކާމިޔާބަކަށް ވާސިލްވުމަށް ހުޅުވައިލަދިން އަގުހުރި ފުރުސަތެއްގެ ގޮތުގައި ދެކެން،" އޭނާ ވިދާޅުވި އެވެ.

ޑެޕިއުޓީ ޕްރިންސިޕަލް ވިދާޅުވީ އެ ސްކޫލުގެ ދަރިވަރުންނަށް ގަދަ 10ގައި ބައިވެރިވުމަށް އެންމެ ބުރަ މަސައްކަތެއް ކޮށްދެއްވާފައި ވަނީ އެ ސްކޫލު ހިންގުމާ ވަގުތީ ގޮތުން ހަވާލުވެ ހުންނެވި އިސްކަންދަރު ސްކޫލުގެ ޕްރިންސިޕަލް ހުސެއިން ސައީދު ކަމަށެވެ.

އެ ސްކޫލުގެ ދަރިވަރުންނަށް ގަދަ 10ގައި ބައިވެރިވުމުގެ ފުރުސަތު ދެއްވި ކަމަށްޓަކައި އެ ސްކޫލުން ވަނީ ރައީސް އިބްރާހިމް މުހައްމަދު ސޯލިހް އަށާއި އެޑިޔުކޭޝަން މިނިސްޓަރު ޑރ. އައިޝަތު އަލީއަށް ޝުކުރު އަދާ ކުރައްވައިފަ އެވެ.

Arabiyya dharivarunnah gadha10 gai baiverivevey vothah usoolu badhal koffi

The most trusted news source in the Maldives

Mihaaru

ގާތްގަނޑަކަށް 1،000 ދަރިވަރުން ކިޔަވަމުން އަންނަ އަރަބިއްޔާ ސްކޫލުގައި ކިޔަވާ ދަރިވަރުންނަށް ގަދަ 10ގައި ބައިވެރި ނުވެވޭ ކަމަކީ އެ ސްކޫލުގެ ބެލެނިވެރިން އަބަދުވެސް ކުރަމުން އަންނަ ޝަކުވާއެކެވެ. އޭލެވެލް އަދި އޯލެވެލް ކިޔަވައިދެމުން އަންނަ އެ ސްކޫލުގައި ގަދަ 10އެއް ނުހޮވި ނަމަވެސް ސްކޫލުގެ އެންމެ މޮޅު ދަރިވަރުން ކޮންމެ އަހަރަކު ވެސް ހޮވަ އެވެ.

އެޑިއުކޭޝަން މިނިސްޓްރީ ޓޮޕް ޓެން އަރަބިއްޔާ ސްކޫލް ރައީސް އިބްރާހިމް މުހައްމަދު ސޯލިހް އޯ ލެވެލް ގަދަ ދިހައެއް

13 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބްރަހް

21 May 2023

ނަސީބެއްނު... އެހެން ނޫންނަމަ ތި ފަންކްޝަން ބޭއްވިތާ ބޭރުގަ މުޒާހިރާކުރީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭނާމީ

20 May 2023

އަރަބިއްޔާ ސްކޫލް ކުދިން މީގެ ކުރިންވެސް ރަނގަޅު ނަތީޖާ ހޯދައޭ. އަދި އަލަށޭ އަރަބިއްޔާ ކުދިން އެ ހިމެނީ ޓޮޕް ޓެންގަ މީގެ ކުރިން ބާކީ ކޮށްފައޭ ހުންނަނީ. ސްކޫލްގެ ވާހަކަ ހިންދާލަންވެގެން ތޯއްޗެ މިފަހަރު ތި ހިމެނުވީ އަރަބިއްޔާ. ތަންކޮޅެއް ރަނގަޅަށް މައުލޫމާތު ނޯޅޭނެހެން ހަބަރު ލިޔެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަންދަލޫސިޔާ

20 May 2023

މަޢުލޫމާތު ރަނގަޅަށް އަމިއްލައަށް ސާފުކުރުން މުހިންމު. މިއީ ޢަރަބިއްޔާ ކުދިން ހަދާ ޝަހާދާ ޘާނަވީ ހިމެނޭގޮތުން ގަދަ 10 އެއް ދަރަޖަކުރި ފުރަތަމަ އަހަރު. އެކަން ކުރި ފުރަތަމަ ރައީސް. ޢަރަބިއްޔާ ކުދިންނަށް ސަރުކާރުން ވ.ރަނގަޅު. ނަމަވެސް ބައެއް ބެލެނިވެރިން ސިޔާސީވެގެން ވައްކަން ޙަލާލުވާ ކަމަށް ޤަބޫލުކުރާ މީހަކު ސަލާމަތްކުރަން މުޒާހަރާކޮށް ފިތުނަ އުފައްދަނީ! އެ ފިތުނަ ތެރެއިން ނެތް މައްސަލަ އުފައްދައި ޢާންމުންނަށް ދޮގު މަޢުލޫމާތު ދެނީ. މުނާފިޤުކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލަނީ

19 May 2023

ޓޮޕް އެޗީވަރސް ގެ ތެރެއަށް ބީޓެކް ވެއްދުމަކީ ވަރަށް ބޮޑު ގޯހެއް. މިހާރު ބައެއް ރަށްރަށުގަ ސްކޫލް މެނޭޖްމަންޓުން ބާރު އަޅަނީ ބީ ޓެކް ނަގަން، އޭރަށް ޓޮޕް ޓެން އަށް އެރެޔޯ.. ބީ ޓެކަކީ ސްޓްރީމް ނަގައިގެން ނަތީޖާ ނުނެރެވޭ ކުދިންނަށް އޮންނަ ފުރުޞަތެކޭ ބުނުމުގެ ބަދަގަ ފަސޭހައިން ޓޮޕްޓެން އެރެން އޮންނަ މަގެއް ކަމަށް މި ދައްކަ ދެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިރެޔަސް

19 May 2023

ސްޓްރީމް ނަގައިގެން މުންސަނދި ވެވޭތަ، ޓޮޕްޓެން އަށް އަރައިގެން މަހުޖަނުންނަށް ވެވޭތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޞްރުﷲ

19 May 2023

މިހުރިހާ ދުވަހު މި މައުސޫމް ކުދިންނާއިމެދު މިހާބޮޑު އަނިޔާވެރި ތަފާތުކުރުން ބާއްވަމުން އައިއިރުވެސް ދިވެހިރާއްޖޭގެ ހިއުމަށްރައިޓްސް ކިޔާ އިދާރާއެއް ވެސް އޮތެވެ. މިކުދިންގެ ކުށަކީ ކޮބާތޯއެވެ؟ ރައީސް އިބުރާހިމް މޫޙައްމަދު ޞާލު މިކުދިންނަށް މިކުދިންގެ ޙައްގު ހޯދައި ދެއްވިކަމަށްޓަކައި ޝުކުރު ވެރިވަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

20 May 2023

އިސްލާމް ދީނުގެ ހިމާޔަތުގައޭ ކިޔައި 2013 އިން 2018 އަށް ވެރިކަން ކުރެެއްވި ރައީސް މިކަމެއް ނުކުރައްވާ. އެބޭފުޅާ ޑޮލަރު ގުނުއްވަން ބިޒީކޮށް އުޅުއްވީ. ޑޮލަރު ގިނަކަމުން ނަރީޝް ލައްވާ އެއްބައި ގުނީ! ވައްކަން އޯކޭ، ބެންކޮކް އަންހެން ކުދިން ކައިރިއަށް ދަނީ ހިލެއަކު ނޫނޭ އޯކޭ ވާނެ ވިދާޅުވި ރައީސް އެއީ. ގިނަ ޢަދަދަކުން ފައިސާ ލިބެންޏާ ހޯދަންވީއޭ ބުނި ރައީސް. ޤައުމަށް ވަންނަންޖެހޭ އެތައް ސަތޭކަ މިލިޔަން ޑޮލަރެއް އަމިއްލައަށް ބޭނުންކުރެއްވި ރައީސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ-ކަތީބު

19 May 2023

ޓޭޮޕް10 އަށް އެރިޔަސް، ނޭރިޔަސް، ޓޮޕް10 އިން ފޭބިޔަސް، ރަނގަޅު ފުރިހަމަ ސްކޫލު އިމާރާތެއް ލިބުމުގެ ހައްގު އަރަބިއްޔާއަށް ފުރިހަމައަށް އޮންނާނެ. އެ ހައްގު މަހުރޫމްކޮށް އަރަބިއްޔާއަށް މި ދައުރުގައި ދެއްކި ދުރާލާ ޖެއްސި ހާލު ރައްޔިތުން ހަނދާން ބަހައްޓާނެ. ދުވަސްކައިރިވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނިގެ

19 May 2023

ދޮގު ހެދިޔަސް ބޮޑުވަރު! މީހުންނަށް ގަބޫލުކުރެވޭ ވަރުގެ ދޮގެއް ހެދި ނަމަވެސް ރަނގަޅު! ސްކޫލެއްގައި ކިޔަވަމުން ދަނިކޮށް އެކުދިން މަގުމަތިކުރީ ކޮންބައެއްކަން، ނޫސްތައް ކޮންމެވެސް ވަރަކަށް ބަލާ އުޅޭނަމަވެސް އިނގޭނެ! ޢަރައްބިއްޔާގެ ޕޭރަންޓުންގެ ނަމުގައި އެކި ދޮގުތައް ހަނާ ބަޔަކު މިހާރުވެސް ސޯޝަލް މީޑިޔާގެ އުޅޭ! އަދި އެޚަބަރުތައް ކަވަރ ކުރަނީ ކޮންކޮން ބައެއްކަން ބަލާލުން މުހިއްމު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުކަތީބު

21 May 2023

"ރައްޔިތުން" ނަކީ ކޮބާ؟ ގިނަރައްޔިތުން ތިބީ ތި ބެލެނިވެރިން އުޅޭގޮތުން ފޫހިވެފަ. އަރަބިއްޔާއަށް މިމާރާތެއް ލިބުނުކަންވެސް ރަނގަޅު. ކިތައް ސްކޫލް ހުރީ ތިފެންވަރުވެސް ނުލިބޭ.. ހަމަ ފޮނި ބޮޑީ.. ދީނީ ކާދު ކުޅެގެން އަމިއްލައަށް ވިކްޓިމް ހެދިގެން މުޒާހިރާކުރަން ހުއްޖަތެއް ހޯދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބެ

19 May 2023

ރަށްޔިތުންނާއި ސިޔާސީބައެއް މީހުން އަރަބިއްޔާ ސްކޫލާމެދު ދެކޭ ގޯސްގޮތް ބަދަލު ކުރުމަށް މަސައްކަތް ވެސް ކުރަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ-ކަތީބު

19 May 2023

އަރަބިއްޔާއާމެދު އެންމެ ގޯސްކޮށް ދެކެނީ ސަރުކާރުން. މިހާރު މި އޮތް ނާގާބިލު ސަރުކާރުން. ކުރިއަށް އޮތީ ރައްޔިތުން އެކަން ހަަނދާން ބަހައްޓައި، ބަދަލަކަށް ވޯޓުދޭ ދުވަސް