އަރަބިއްޔާ ސްކޫލު ދަރިވަރުންތަކެއް އެ ސްްކޫލު ވަގުތީގޮތުން ހަވާލުވެހުރި ޕްރިންސިޕަލްއާ އެކު ކްލާހެއްގައި. -- ފޮޓޯ: ފަޔާޒް މޫސާ/ މިހާރު
05 އެޕްރީލް 2023 - 14:23
28 comments
އަރަބިއްޔާ ސްކޫލުގައި ކިޔަވާ ދަރިވަރުންނަށް ވެސް އޯލެވެލް އަދި އޭލެވެލްގެ ގަދަ 10ގައި ވާދަ ކުރެވޭ ގޮތަށް ގަދަ 10 ހޮވުމުގެ އުސޫލު ބަދަލުކޮށްފި އެވެ.
މީގެ ކުރިން އަރަބިއްޔާ ސްކޫލުން ކިޔަވާ ދަރިވަރުންނަށް ގަދަ 10ގައި ވާދައެއް ނުކުރެވެ އެވެ.
އެޑިޔުކޭޝަން މިނިސްޓްރީން މިއަދު ވަނީ އެންމެ ރަނގަޅު ނަތީޖާ ހޯދާ ދަރިވަރުން ކަނޑައަޅާނެ އުސޫލެއް އާންމުކޮށްފަ އެވެ. "ސާނަވީ ސްކޫލްގެ ކިޔެވުމާއި މަތީ ސާނަވީ ސްކޫލް ނިންމާ އިމްތިހާންތަކުން އެންމެ ރަނގަޅު 10 ނަތީޖާ ހޯދި ދަރިވަރުން ކަނޑައަޅާ އުސޫލް"ގައި އަރަބިއްޔާ ވަނީ އިތުރުކޮށްފަ އެވެ.
އުސޫލްގައި ބުނެފައި ވަނީ ގަދަ 10 ހޮވުމަށް މީގެ ކުރިން އިނގިރޭސި މީޑިއަމަށް ބެލި ނަމަވެސް އަރަބި މީޑިއަމަށް ކިޔަވައިދޭ ސްކޫލުތަކުގައި ޝަހާދާއި އިއުދާދީ އިމްތިހާނުގެ ނަތީޖާ ވެސް ގަބޫލުކުރާނެ ކަމަށެވެ.
އަރަބިއްޔާގެ ބައެއް ދަރިވަރުން ކްލާހެއްގައި ކިޔަވަނީ.-- ފޮޓޯ: ފަޔާޒް މޫސާ/ މިހާރު
އަރަބި މަންހަޖަށް ކިޔަވައިދޭ ސްކޫލުތަކުން އެންމެ ރަނގަޅު ނަތީޖާ ހޯދާ ދަރިވަރުން އޯލެވެެލްގައި ކަނޑައަޅާނީ ގްރޭޑް ނުވައެއް ނިންމާ (ޝަހާދާ އިއުދާދީ) މާއްދާތަކުގެ ނަތީޖާއާއި އެ ދަރިވަރު ގްރޭޑް 10 ނިންމާ އޯލެވެލް އަދި އޭލެވެލް އިމްތިހާނުގެ ނަތީޖާއަށް ބަލައިގެން ކަމަށް އެ އުސޫލުގައިވެ އެވެ.
އޭލެވެލްގައި ގަދަ 10 ކަނޑައަޅަނީ ގްރޭޑް 12ގެ ދަރިވަރުންގެ ތެރެއިން ޝަހާދާ ސާނަވިއްޔާ ނިންމާ ދަރިވަރުންގެ ނަތީހާއަށް ބަލައިގެންނެވެ. ނަތީޖާ ކަނޑައެޅުމުގައި އާޓް ސްޓްރީމް ކިޔަވާ ދަރިވަރުންގެ އަށް މާއްދާ އަދި ސައިންސް ސްޓްރީމް ކިޔަވާ ދަރިވަރުންގެ ނުވަ މާއްދާއަށް ބަލާނެ ކަމަށް އެ އުސޫލުގައިވެ އެވެ.
އެ އުސޫލުގައި ވަނީ އޭލެވެލް އަދި އޯލެވެލް މާއްދާތައް ކަނޑައެޅިފައިވާ ގޮތް ވެސް ކިޔައިދީފަ އެވެ.
ގާތްގަނޑަކަށް 1،000 ދަރިވަރުން ކިޔަވަމުން އަންނަ އަރަބިއްޔާ ސްކޫލުގައި ކިޔަވާ ދަރިވަރުންނަށް ގަދަ 10ގައި ބައިވެރި ނުވެވޭ ކަމަކީ އެ ސްކޫލުގެ ބެލެނިވެރިން އަބަދުވެސް ކުރަމުން އަންނަ ޝަކުވާއެކެވެ. އޭލެވެލް އަދި އޯލެވެލް ކިޔަވައިދެމުން އަންނަ އެ ސްކޫލުގައި ގަދަ 10އެއް ނުހޮވި ނަމަވެސް ސްކޫލުގެ އެންމެ މޮޅު ދަރިވަރުން ކޮންމެ އަހަރަކު ވެސް ހޮވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިއުމަލާ
08 April 2023
މީ ނޫންތޯ ދެކެން ބޭނުންވާ މަންޒަރަކީ؟ އަނެއްކާ ބެލެނިވެރިން ނާއި މަޝްވަރާ ކުރިތޯ؟ މާދަން ތިބޭނެ މުޒާހަރާ ގައި
ޢަރުތަ
07 April 2023
އަނެއްކާ ތިއުސޫލު ބަދަލުކުރިއިރު 'އެއްކަލަ ބެލެނިވެރިން' ގާތު އަހާ އެވެރިން ގަބޫލުކުރާ ކަމެއްތޯ ބެލިބާ!
ބައިކިލޯ
06 April 2023
ކުރިއަށް އޮތީ ރައީސްސޯލިހު 2ވަނަ ދައުރަކަށް ހޮވުން.
އަހުމޭ
06 April 2023
ފެންވަރު ހުރި އެގްޒާމެއްބާ؟؟
ޟުހަނަ
06 April 2023
ޢަރަބިއްޔާ ކުދިންނަށް ޙާޢްސަ އެން ސްކޮލަރސިޕްވެސް ލިބޭ. ޢެހެން ސްކޫލު ތަކުގެ ކުދިންނަށް ނުލިބޭ. ޢެހެންވިއްޔާ، ގަދަ 10 އެއްގައި އެކުދިން ހިމެނޭ އުސޫލު ނިންމާ ކަމަށް ވަންޔާ، މިބުނާ ސްކޮލަރސިޕް ފުރުސަތު އެހެން ކުދިންނަށްވެސް ލިބެން ޖެހޭ ކަމަށް ފެނޭ.
އައައަ
06 April 2023
އަޅުގަނޑަށް އެނގިފައި ވާ ގޮތުން އަރަބިއްޔާ ސްކޫލް ކުދިންނަށް އިނގޭތޯ ސްކޮލަރޝިޕް ނުލިބެނީ ހައި އެޗީވާރސ ނުވަތަ ޕްރެސިޑެންޓް ސްކޮލަރޝިޕްގެ އުސޫލުތަކަށް ބަލާލިޔަސް އެނގޭނެ އޭގަ ހުރި ތަފާތުކުރުންތައް
ވަހީދުބެ
06 April 2023
އަޒުހަރުންދެނީ 25 ޖާގަ ރާއްޖެއަށް. އެވަރަށް އަރަބިއްޔާ ސްކޫލު ކުދިން ނުދޭ އަޒުހަރަކަށް. އިނގިރޭސި މީޑިއަމަށް ވެސް އަޒުހަރުން ކިޔަވައިދޭ. ހަމަ ކުރިމަތިލައިގެން ދާންވީނުން.
ވަންއޮފްއަސް
06 April 2023
ގަދަ 10 ތީ، އެތަކެއް ދަރިވަރުންނަށް ޕްރެޝާ ބޮޑުވެ ނަފްސާނީ އެތައް މައްސަލަތަކެއް ދިމާވަމުން އަންނަކަމެއް. ފަސް އިނގިލި އެއްވަރެއް ނުވާނެ!
މީދިރާސާ
05 April 2023
ގަދަ 10 އަކީ ބޭކާރު ކަމެއް. އެތަނުގެ ކުދިންނަށް އެހީތެރިކަމެއް ނުލިބޭ. ގަދަ ދިހައެއްގެ 80% އަކީ އިތުރަށް ކުރިޔަށްދއވޭނޭ ގޮތެއްނެތި ކިޔެވުން ނިމިފައި ތިބިކުދިން.
ޛދޖދ
05 April 2023
އިންޑިއާގައި ވެސް ބުރުގާ އަޅާމީހުން ތިބެނީ އެކަހެރި ކޮށްލާފައި. މިވެސް އިންޑިއާ އަަވަށެއް
މިކޯމީ
05 April 2023
ދައުރެއް ނިމިދާއިރުވެސް މުޅިންވެސް އަނބުރާ ހެރިޔާކޮށް ވަގުުތު ނަގާލުން ފިއްލަދޫ އިހްތިސާސްގަ ދައްޕަރު ހިމަނާ ގަރާު ނެރެ ބާޠިލްކޮށް މިހުންނަނީ ހާވާ ހަޑި
ޢަރުތަ
07 April 2023
ދެން އާ ދައުރަކާ ހަވާލުވާން ދާންވީނު، ވާގޮތެއް ބަލާލަން.
އަބްލޯ ގައިސް
05 April 2023
ޢަރަބިއްޔާގެ ބެލެނިވެރިންނައް ވެސް ގަދަ ދިޙައެއްގަ ބައިވެރިވެވޭގޮތް ހަދާދޭންޖެހޭނެ! އެއީ އެމީހުންނަކީ ހުރިހާ ކަމެއް އެނގޭކަމައް ވަކާލާތު ކުރާ ބައެއް. މިގައުމުގެ މީހުންނާ، ޖެހިގެން އޮތް ގައުމުގެ މީހުންނާ، އަދި ކީއް، މުޅި ދުނިޔޭގެ މީހުންވެސް އުޅެންވީގޮތް އަންގާ ބުނެދޭން ފޫގަޅައިގެން ތިބި ބަޔަކައް ވާތީވެ، ހިއްވަރުދިނުމުގެ ގޮތުން ދޭންޖެހޭ އިނާމް!
ވަހީދުބެ
06 April 2023
ބަޔަކާ ޖައްސާލައި ފުރައްސާރަކޮށްގަތީމަ ތިބާއަށް ލިބޭނެ މޮޅެއް ނޯންނާނެ.
ވިސްނާ ވިސްނާ ވިސްނާ
05 April 2023
އަދިވެސް ހުރިހާ އެންމެން ދިމާކުރާތި އަރަބިއްޔާ ބެލެނިވެރިންނަކީ ޝުކުރުނުކުރާ ބައެކޭ ކިޔާގެން. މިޒަމާނުގައި މިހާބޮޑު އިހްމާލެއް ވާއިރުވެސް ވިސްލް ބްލޯ ކޮށްލާނީ މީހަކުވެސް ނެތް. މީޑިއާތަކުންވެސް ކީއްބާ މިކުރަނީ.
ގަޅިބެ
06 April 2023
ކޮންބޮލޯއެކޭ. ދިވެހިން ކިޔާބަލަ ތިޔަ ކިޔާއެއްޗެއް. މާ ފަރަންޖީނުވެ. ދިވެހި ބަހުންވެސް ބުނެވޭނެ. ދިވެހިބަސްދެކެ ތިޔަހާ ފަކުރުގަންނަންޏާ ފަރަންޖީ ޤައުމަކަށް ދާންވީނު.