ފުއްގިރި މައްސަލާގައި ޔާމީނަށް ކުރާ ދައުވާގެ އަޑުއެހުމެއް މާދަމާ ބާއްވަނީ

ޔާމީން: އެމަނިކުފާނަށް ކުރާ ދައުވާގެ އަޑުއެހުމެއް މާދަމާ ބާއްވަން ވަނީ ހަމަޖައްސާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

01 ޖުލައި 2023 - 18:08

ރ. ފުއްގިރި މައްސަލާގައި ކުރީގެ ރައީސް އަބްދުﷲ ޔާމީންގެ މައްޗަށް ކުރާ ދައުވާތަކުގެ އަޑުއެހުމެއް މާދަމާ ބާއްވަން ކްރިމިނަލް ކޯޓުން ހަމަޖައްސައިފި އެވެ.

މިހާރު ވެސް 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޔާމީންގެ މައްޗަށް ފުއްގިރި މައްސަލާގައި ދައުލަތުން ދައުވާކުރަނީ އެރަށް ކުއްޔަށް ދޫކުރުމުން ރިޝްވަތުގެ ގޮތުގައި އެއް މިލިއަން ޑޮލަރު ގަބޫލު ކުރައްވައި، އެ ފައިސާ ލޯންޑާ ކުރެއްވި ކަމަށް ބުނެ އެވެ.

މާދަމާގެ އިތުރުމް ކޯޓުން ވަނީ އަންނަ އަންގާރަ ދުވަހާއި ބުރާސްފަތި ދުވަހުގެ އިތުރުން މިމަހުގެ 9، 11 އަދި 13 ވަނަ ދުވަހަށް ވެސް ޝަރީއަތުގެ އަޑުއެހުންތައް ތާވަލުކޮށްފަ އެވެ.

ޔާމީންގެ އިތުރުން އިތުރު ބަޔަކަށް ވެސް އެ މައްސަލާގައި ދައުވާ ކުރެ އެވެ. އެ މައްސަލާގެ އަޑުއެހުން ތާވަލް ކޮށްފައިވަނީ މާދަމާ ހެނދުނު ބޭއްވުމަށެވެ. އެ މައްސަލާގެ އަޑުއެހުންތައް އަންނަ ހަފުތާގައި ވެސް ބާއްވަން ކޯޓުން އޮތީ ތާވަލްކޮށްފަ އެވެ.

އެ މައްސަލާގައި މިހާރު ކުރިއަށް ދަނީ ހެކިބަސް ނެގުމުގެ މަރުހަލާ އެވެ.

ޔާމީންގެ މިހާރު ޖަލު ހުކުމެއް ތަންފީޒު ކުރައްވަމުން ގެންދަވަނީ ވ. އާރަށް މައްސަލާގައި ރިޝްވަތާއި މަނީ ލޯންޑްރިންގެ ކުށް ސާބިތުވެގެންނެވެ. އެ ހުކުމް އިސްތިއުނާފް ކުރަން އެމަނިކުފާނުގެ ފަރާތްޕުޅުން ހައި ކޯޓަށް އޮތީ ހުށަހަޅައިފަ އެވެ. އެ މައްސަލާގެ އަޑުއެހުންތައް އެ ކޯޓުން ވެސް ވަނީ ފަށައިފަ އެވެ.

ޔާމީން ޖަލަށްލާން ކުރި ހުކުމާ ގުޅިގެން އަންނަ ރިޔާސީ އިންތިހާބުގައި ވާދަކުރެއްވުމުގެ ފުރުސަތު މިވަގުތު އެމަނިކުފާނަށް ވަނީ ބަންދުވެފަ އެވެ. ނަމަވެސް އިސްތިއުނާފް މަރުހަލާގައި އެމަނިކުފާނުގެ ޖަލު ހުކުމް ބާތިލްކޮށްފިނަމަ އެ އެ ފުރުސަތު އަލުން ލިބިވަޑައިގަންނަވާނެ އެވެ.

ކްރިމިނަލް ކޯޓް އިދިކޮޅު ފަރާތްތައް ޕީޕީއެމް އެމްއެމްޕީއާރުސީ ރައީސް އަބްދުﷲ ޔާމީން

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިއްޒަތު

03 July 2023

ޔާމީން ދައުލަތުން ބޮޑެތި ވައްކަމާއި، ޚިޔާނާތާއި، މަނީލޯންޑަރ ކުރި މިކަމާދެބަސްވާނީ ވަރަށްވެސް މަދުމީހެއް!!!!!!!!!!!!!!!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

03 July 2023

ވައްކަން ނުކުރިނަމަ ޖަލުގައި އޮންނާކަށް ނުޖެހޭނެ! ވައްކަންކުރީމާ އޭގެ ޙައްޤުއަދަބު ކޮންމެ މީހަކު ވިޔަސް ލިބެންވާނެ ނަމަވެސް ދެރަކަމަކީ ކޯޓްތަކުން ބޮނޑުންގެ މައްޗަށް އިއްވާ ހުކުމް ސާބިތުނުވާކަމަށް ނިންމާ ނިންމުން މިފަދަ ޙުކުމެއް ސްޕްރިމްކޯޓުންވެސްވަނީ ޔާމީންގެ މައްޗަށް ސާބިތުނުވާކަމަށް ވަރަށްފަހުން ނިންމާފައި. މިޤައުމުގައި ވައްކަމާއި، މަނީ ލޯންޑާރ ކުރިކަން ސާބިތުވާނީ އެންމެންގެ ކުރިމަތީ އާއި ކެމެރާ ކުރިމަތީ ލައިވްކޮށް ކުރުމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނރުޓޭ

03 July 2023

ފުށް ވިއްޔާ ފުށް އެހެން އެއްޗެއްވިއްޔާ އެ އެއްޗެއް ގިރާ ދެން ކޮންމެވެސް ކޮޅެއްގައި ޖައްސަން ވެއްޖެނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޫސޯރުޓޭ

01 July 2023

މިކަމުންވެސް އެގެނީ އަވަސް އަރުވާލައިގެން ވަކިމީހަކަށް އަމާޒުކޮށްގެން ކޯޓުމެދުވެރިކޮށް ކަންތަށް ކުރަމުންދާކަން.. އަދީބާއި ޒިޔަތުގެ އަޅުންނަށް ސަރުކާރު ވެފާވާކަން...އިރާދަ ކުރެއްވިއްޔާ މިސަރުކާރު އަވަހަށް ނިމިގެންދާނެ....އަނިޔާވެރިންނަށް ކާމިޔާބު ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

02 July 2023

ދެން މައްސަލަތައް އަވަސް ނުކޮށްގެން ވެސް ހީވަނީ ގަޔަށް ތަދެއް އަރައިގެން އުޅޭހެން. މައްސަލަ އަވަސް ކުރީމާވެސް އަވަސް އަރުވާލައިގެން ކަންކަން ނިންމަނީއޭ ބުނެ ގޯސްމިކުރަނީ ސަރުކާރު. ފުށްގިރި މައްސަލަ ލަސްކުރަން ޖުޑީޝިއަރީގައި އެދި ބަލަ. ހައިކޯޓުގެ އިސްތިއުނާފީ މައްސަލަވެސް ލަސްކޮށް ބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުސް

02 July 2023

ބައްލަވާ ޔާމީނު ނޫންތޯ އެގޮވާލަނީ އަވަސް ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

01 July 2023

ބައިނަލްއަގްވާމީ ޕްރެޝަރާހެދި މިސަރުކާރަށް ޔާމިން މިނިވަން ކުރުން ނޫންގޮތެއްނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސޮލީނީ2

02 July 2023

އެހެންތަ!!!!! ޔާމީނު ކޮމަންވެލްތުން ވަކިވި ގޮތުން އެނގޭ ޔާމީނުގެ ދިފާޢުގައި ދުނިޔޭގެ މިނިވަން ކަމަށް ލޯބި ކުރާ ގައުމުތަކުން އުޅޭނެ މިންވަރު. ޔާމީނު މިނިވަން ނުވެގެން އުޅޭ މީހުން ނިއުރަމްބަރގް ޓްރައަލްސް ތައް ގަބޫލެއް ނުކުރޭދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުު

01 July 2023

އަވަސްކުރިޔަސް ލަސްކުރިޔަސް ޖަމިއްޓެ ރުޅިއަންނާނީ ސަރުކާރުދެކެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

01 July 2023

ދިވެހި ދައުލަތަށް ލިބެންޖެހޭ 50 މިލިޔަން ޑޮލަރު ނުވަތަ 771 މިލިޔަން ރުފިޔާގެ ވައްކަންކޮށް ދައުލަތުގެ ދަރަނި ފޮތުގައި އެ ޖަހައިގެން ހިންގިހާ ޖަރީމާގައި ޔާމީން އޮންނަންޖެހޭނީ ޢުމުރު ދުވަހު ޖަލުގަ. ޑޮލަރު ގުނުން ނިމި ޖަލުގެ ތޭރި ގުނުން ފެށުނީ!