ބަންގަލަދޭޝްއާ ދެކޮޅަށް ރާއްޖެ، މާލޭގައި ކުޅުނު މެޗުގައި ކުޅުންތެރިންނަށް ސުޒޭން އިރުޝާދު ދެނީ: އޭނާ ބުނީ ބަންގްލަދޭޝްގެ ދަނޑުގެ ފެންވަރު ރަނގަޅު ވުމުން ބޮޑަށް އެޑްވާންޓޭޖް އޮތީ ރާއްޖެ އަށް ކަމަށް --- ފޮޓޯ: އެފްއޭއެމް
16 އޮކްޓޯބަރ 2023 - 15:29
19 comments
ބަންގްލަދޭޝްގައި މެޗު ކުޅެން ހަމަޖައްސާފައިވާ ދަނޑުގެ ފެންވަރު ރަނގަޅުވުމުން އެ ޓީމަށް ވުރެ ބޮޑު އެޑްވާންޓޭޖެއް އޮތީ ދިވެހި ޓީމަށް ކަމަށް ގައުމީ ޓީމުގެ ކޯޗު އަލީ ސުޒޭން މިއަދު ބުނެފި އެވެ.
ވޯލްޑް ކަޕް ކޮލިފައިންގެ ޕްރިލިމިނަރީ ބުރުގައި ރާއްޖެ އާއި ބަންގްލަދޭޝް ބައްދަލު ކުރާ ދެވަނަ ލެގް މެޗު މާދަމާ، ޑާކާގެ ބަށުންދަރާ ކިންގްސް އެރީނާގައި އޮންނާނެ އެވެ. ފުރަތަމަ ލެގް މެޗުގައި މިދިޔަ ބުރާސްފަތި ދުވަހު މާލޭގައި ކުޅެ އެއްވަރުވީ 1-1 ންނެވެ.
ޕްރީ މެޗް ޕްރެސް ކޮންފަރެންސްގައި ބަންގްލަދޭޝްގެ ނޫސްވެރިންނާ މިއަދު ވާހަކަ ދައްކަމުން ސުޒޭން ބުނީ، ބަޝުންދަރާ އެރީނާގެ ދަނޑުގެ ފެންވަރު ރަނގަޅު ވުމަކީ، ބަންގްލަދޭޝް އަށް ވުރެ ބޮޑަށް ރާއްޖެ އަށް އެޑްވާންޓޭޖެއް ކަމަށެވެ.
މާދަމާގެ މެޗުގައި އޭނާ އަށް ވެސް އަދި ރާއްޖޭގެ ކުޅުންތެރިންނަށް ވެސް ޕްރެޝަރެއް ނެތް ކަމަށް ސުޒޭން ބުންޏެވެ. އެކަމަކު ބަންގްލަދޭޝް އަށް އޮތް ޕްރެޝަރު ބޮޑު ކަމަށް، އޮކްޓޯބަރު 2021 ގައި ރާއްޖޭގެ ދަނޑުގައި ބަންގްލަދޭޝް ބަލި ކުރި އިރު ވެސް ރާއްޖޭގެ ކޯޗަކަށް ހުރި ސުޒޭން ބުންޏެވެ.
ބަންގްލަދޭޝްގައި ކުރިއަށް ގެންދިޔަ ޓްރޭނިންގައި، ސުޒޭން ކުޅުންތެރިންނަށް އިރުޝާދު ދެނީ --- ފޮޓޯ: އެފްއޭއެމް
އޭގެ ސަބަބެއް ކަމަށް އޭނާ ބުނީ ސާފް ޗެމްޕިއަންޝިޕްގައި ބަންގްލަދޭޝްއިން ރާއްޖެ ބަލި ކުރުމުން، ރާއްޖެ އަށް ވުރެ އެ ގައުމުގެ ފުޓްބޯޅައިގެ ފެންވަރު ރަނގަޅު ކަމަށް ބަންގްލަދޭޝްއިން ގަބޫލުކޮށް، ދެން ވެސް ރާއްޖެ ބަލި ކުރަން ޖެހޭނެ ކަމަށް ގަބޫލު ކުރުމަކީ އެ ޓީމަށް އޮތް ޕްރެޝަރެއް ކަމަށެވެ.
"އަހަރެމެން ނުކުޅެން ބޮޑު ބޯޅަ ޖަހައިގެނެއް. އަހަރެމެން ކުޅެން މަސައްކަތް ކުރަނީ ބޯޅަ ތިރިކޮށްގެން. އެހެންވީމަ މި ދަނޑުގައި ކުޅެން އަހަރެމެންނަށް އެޑްވާންޓޭޖް އޮތީ. ބޯޅަ ފަސޭހަ ކަމާ އެކު ޕާސް ކުރެވޭ ފެންވަރުގެ ދަނޑެއް ވިއްޔާ އަހަރެމެންނަށް ވަރަށް ފަސޭހަ ވާނެ ކުޅެން... މިއީ ވަރަށް ރަނގަޅު ދަނޑެއް."
ސުޒޭން ބުނީ މާލޭގައި ކުޅުނު މެޗަށް ވުރެ ރަނގަޅު ގޭމެއް މާދަމާގެ މެޗުން ދިވެހި ޓީމުގެ ފަރާތުން ފެންނާނެ ކަމަށެވެ.
ސުޒޭން ޓީމުގެ ޕްރެކްޓިހުގައި: އޭޏާ ބުނީ ފުރަތަމަ ލެގް މެޗުގައި ފެނުނު ކުޅުމަށް ވުރެ ރަނގަޅު ކުޅުމެއް ރާއްޖޭގެ ފަރާތުން މާދަމާ ފެންނާނެ ކަމަށް --- ފޮޓޯ: އެފްއޭއެމް
ރާއްޖޭގެ ޓީމާ އެކު، ޓެކްނިކަލް ޑައިރެކްޓާ ޕޯލް ތޯމަސް ސްމޯލީ، ދަތުރު ކުރި އެވެ. ބަންގްލަދޭޝްގެ ފުޓްބޯޅައިގައި ކުރިން މަސައްކަތް ކުރި ސްމޯލީ ހުރުމަކީ މެޗަށް ނުކުންނައިރު އެޑްވާންޓޭޖެއް ތޯ ނޫސްވެރިން އެހުމުން ސުޒޭން ބުނީ، ރާއްޖޭގެ މަގާމާ ހަވާލުވެގެން ސްމޯލީ އަދި ހޭދަ ކުރީ މަހެއްހާ ދުވަސް ކަމަށާއި އޭނާގެ ހިއްސާ އަދި ރާއްޖޭގެ މި ޓީމުގައި ނެތް ކަމަށެވެ.
"އެކަމަކު އޭނާ އާ އެކު ކުރާ މަސައްކަތުގެ ފައިދާ ވަރަށް ރަނގަޅަށް ރާއްޖޭގެ ފުޓްބޯޅަ އަށް ކުރިއަށް އޮތް ތަނުގައި ކުރާނެ،" ސުޒޭން ބުންޏެވެ.
ބަންގްލަދޭޝް އާއި ރާއްޖެ ކުޅޭ މެޗު ފަށާނީ މާދަމާ ރާއްޖޭ ގަޑިން ހަވީރު 4:45 ގަ އެވެ. މި މެޗުން މޮޅުވާ ޓީމެއް ވަންނާނީ ކޮލިފައިންގެ ގުރޫޕް އައި އަށެވެ. އެ ގުރޫޕްގައި ދެން ހިމެނެނީ އޮސްޓްރޭޅިއާ، ލުބުނާން އަދި ފަލަސްތީނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުނޑުހަސަނު
17 October 2023
ސުޒައިނަށް ވެދުން ސަލާން. ރާކަނި މަސް ކައިގެން ޝޮޕިން ކޮށްލައިގެން އަވަހަށް އަންނެ ކަމަށް އުންމީދުކުރަން. ބަންގާޅު ރާކަނި ރާއްޖޭގެ ރާކަނިހާ މީރުނުވެދާނެ. އިޙްތިރާމް.
މުހައްމަދު88
17 October 2023
ދިވެހި ޓީމްގެ އަސްލު މައްސަލަޔަކީ.. ވައި ކޮޅަށް ބޯޅަ އައުމުން ކުޅުންތެރިން ފެނަނީ މާބޮޑަށް ޕްރެޝާގަ ތިބޭތަން.. އެގޮތުން ގިނަފަހަރު ބޯޅަ ފަޔަށް އަރާތަނުން އެހުރިދިމާލުން ބޭރަށް ނުވަތަ ބޯޅަ ދާނެ ކޮޅެއް ނުބަލާ ކުރިއަށް ޖަހަނީ.. އެހެންވީމަ ގިނަފަހަރު ބޯޅަ ލިބެނީ އިދިކޮޅު ކުޅުންތެރިންނަށް.. ހަމަޖެހިލާފަ ޕާސް ދިނުމެއް ނޯވޭ އެހިސާބުން.. އަޅެ މިކަން ފާހަގަ ނުވޭތަ..
ހަނދުރުނބާ
17 October 2023
މެޗު ނިންމާފަ ބުނާނެ..ދިވެހިން ކުޅޭ ސްޓައިލް މާ ރަނގަޅު، ބޯޅަ ހިފަހައްޓައިގެން ރީތި ޕާސިން ގޭމެއް ކުޅުނީ، މީ ވަރަށް ރަނގަޅު ތަޖުރިބާއެއް...ބަންގާޅު ޓީމު ކުޅެނީ ބޮޑުބޯޅަ ޖަހައިގެން، އޭރިޔާ ތެރެއަށް ދިގު އެއްލުންތަކެއް ލައިގެން.. އެމީހުންގެ އާބާދީބޮޑު، ބަނގާޅި ޓީމު މާ ހަލުވި، ބަންގާޅީ ޓީމު ތިބީ ބޭރު ލީގުތަކުނކުޅޭ ކުޅުންތެރިން، ފިޒިކަލް ގޭމެއް އެމީހުން ކުޅުނީ..... ދިވެހިންގެ 12 ވަނަ ކުޅުންތެރިޔާގެ އެހީތެރިކަން ލިބުނުނަމަ މޮޅުވާނެ
އަންދަލޫސް
17 October 2023
މިކަލޭގެ ބުއްދި ސަލާމަތުން ހުރިތޯ ބަލަން ވެއްޖެއެއްނޫން!!އަ
ދިބަން
17 October 2023
ދިވެހި ދަނޑުތަޢްވެސް ވ ރަގަޅު، ހުރިހާ ފައިދާއެއް ނަގަނީ ބަންގާޅީން، ބަންގާޅީ މީހާ ގޮޅިން 30އަށް ވިއްކާ ކަންބާކިލޯ ރާއްޖެމީހާ ގޮޅިން 40އަށް ނުވިއްކޭ،،
ވާވާ
17 October 2023
ހާދަ ފޮންޏެއް ތި ކަނޑާލީއޯ .....؟؟؟؟؟
ކައްރާޒީ
16 October 2023
ރާއްޖޭގެ ދަނޑުގައި ދިވެހިން މޮޅުނުވީ ބަންގާޅުން ގަލޮޅުދަނޑަށް ފަރިތަވީމަދޯ...އާނ އެހެންތާ ވާނީ އެތަނުގެ ހުރިހާ މަސަަަކަތެއްކޮށް ފެންދީ ބަލަހައްޓަނީ ބަންގާޅިންވީމަ އެމީހުން އެތަނަށް ވަރަށް ފަރިތަ... އެކަމު ބަންގާޅު ދަނޑުގެ ފެންވަރު ރަނގަޅުވެގެން ދިވެހިޓީމަށް ވަރަށްބޮޑު އެޑަވާންޓޭޖެއް
އިއްޕަޓޭ
16 October 2023
މެޗު ފެށުމުގެ ކުރިން ތިޔަ ފޮނިކަނޑާކެނޑުމުގެ އާދަ އެބަހުއްޓާލަންޖެހޭ. އަބަދުވެސް މިދައްކަނީ ކުޅުންތެރިންގެ ކިބައިގަ ޕްރޮފެޝަނަލް ކަމެއް ނެތް ވާހަކައާއި ޑިސިޕްލިން ނުހުންނަ ވާހަކަ. ހަމައެފަދަ ސިފަތައް ދިވެހި ކޯޗުންގެ ކިބައިގަވެސް ނެތް.
ޢިހްސާސް
16 October 2023
ސުޒޭނު ފޮނިނުކަނޑާ...
އިބޫ
16 October 2023
ހިިއްވަރު ދިނުމަކީވެސް މިޔަދު އަހަރެމެން ދިވެހިންގެ ކިބާގައި ނެއްކަމެއްތޯ؟ މީ އަޅުގަނޑުމެންގެ ޤައުމީ ޓީމު .ޤައުމީ ޓީމު ކޮންމެ ހާލަތެއްގައި އޮތްނަމަވެސް ކޮންމެ ނަތީޖާއެއް ލިބުނު ކަމކުގައި ވީނަމަވެސް އަޅުގަނޑުމެން ތިބެންވާނީ ޤައުމީ ޓީމާއެކު. ޔާ ﷲ މާދަމާ ގެ މެޗު ދިވެހި ޤައުމީ ޓީމަށް ކާމިޔާބު ލިބުމުގެ ނަސީބު މިންވަރު ކުރައްވާށި. އާމީން
އާދެ ރަގަޅު ވާހަކައެއް
17 October 2023
އާމީން
ތުނޑުހަސަނު
17 October 2023
އަހަރެމެން މިތިބީ ގައުމީ ޓީމާއެކު. އެއީ ވެސް މަތިންބައިން ޖެހިގެން. ފުޓުބޯޅަ ހިންގަން ހަވާލުވެގެން ތިބި މީހުން ބޭނުން ނުވޭ ދިވެހިން ގައުމީޓީމާއެކު ތިބެން. އެނީހުންގެ ޢަމަލުތަކުން ބުނެދެނީ ފުޓުބޯޅަ ކިތަންމެ ދަށަަށް ވެއްޓުނަސް ގައުމީޓީމުތަކަަށް ޖޮންމެ ޙާލެއްޖެހުނަސް ތިމަންމެންނަށް ހެވޭ. އެމީހުން ނަގަހައްޓާ މީހުން ބުނަނީ ފުޓުބޯޅައިގެ ނިވަލުގައިތިބެ ތިމަމްމެން ކުރަން ބޭނުންވާ ކަބްކަން ބަރާބަރަށް ކުރެވެޔޭ. އެ ނިމުނީނުން.