ލ. ލިންކު ރޯޑުގައި އިއްޔެ ހަވީރު ހިނގި އެކްސިޑެންޓްގައި ހޮޅިދަނޑިއެއް ވެއްޓިފައި -- ފޮޓޯ: ސޯޝަލް މީޑިއާ
11 ފެބުރުއަރީ 2017 - 11:12
އއ. ތޮއްޑޫގައި އިއްޔެ ހިނގި ނުރައްކާތެރި އެކްސިޑެންޓެއްގައި ޒަހަމްވި މީހަކަށް އައިޖީއެމްއެޗްގެ އައިސީޔޫގައި ފަރުވާދެމުން އަންނަ ކަމަށް އެ ހޮސްޕިޓަލުން މިއަދު ބުނެފި އެވެ.
އެނގިފައިވާ ގޮތުގައި އެކްސިޑެންޓް ހިނގީ ތިން މީހަކު އަރައިގެން ދުއްވި ސައިކަލެއް ކޮންޓްރޯލް ނުކުރެވި ގޮސް ރުކެއްގައި ޖެހިގެންނެވެ.
މި އެކްސިޑެންޓްގައި ސީރިއަސް ޒަހަމްތަކެއް ލިބުނީ ސައިކަލް ދުއްވަން އިން މީހާއަށެވެ. އޭނާ އިއްޔެ ހަވީރު މާލެ ގެނެސް، އައިޖީއެމްއެޗްގައި ދަނީ ފަރުވާދެމުންނެވެ.
އައިޖީއެމްއެޗްގެ މީޑިއާ އޮފިޝަލަކު ވިދާޅުވީ ތޮއްޑޫގައި ހިނގި އެކްސިޑެންޓްގައި އަނިޔާވި 34 އަހަރުގެ މީހާގެ ހާލު ސީރިއަސް ކަމަށެވެ.
"ނޭވާލަމުން ދަނީ ވެންޓިލޭޓަރެއްގެ އެހީގައި،" އޮފިޝަލް ވިދާޅުވި އެވެ.
ޒަހަމްވި މީހާގެ މޫނު މައްޗަށާއި ބޮލަށް ބޮޑެތި ގެއްލުންތަކެއް ލިބިފައިވާ ކަމަށްވެ އެވެ.
އެކްސިޑެންޓް ހިނގި އިރު ސައިކަލުގައި ތިބި އަނެއް ދެ މީހުންނަށް ފަރުވާދިނީ އެ އަތޮޅު ރަސްދޫ ހޮސްޕިޓަލުންނެވެ. އެ މީހުންގެ ހާލު ރަނގަޅު ކަމަށްވެ އެވެ.
ލ. ލިންކް ރޯޑުގައި އިއްޔެ ހަވީރު ދެ ސައިކަލް ޖެހި ހިނގި އެކްސިޑެންޓެއްގައި އުމުރުން 27 އަހަރުގެ ޒުވާން ފިރިހެނަކު ވަނީ މަރުވެފަ އެވެ. މިއީ ލާމު ލިންކް ރޯޑުގައި ތާރު އަޅައި ރަނގަޅު ފެންވަރަކަށް ހަދައި މިދިޔަ އަހަރުގެ ޖުލައި ހިސާބުގައި ބޭނުންކުރަން ފެށި ފަހުން، އެ މަގުގައި ހިނގި އެކްސިޑެންޓެއްގައި މަރުވި ފުރަތަމަ މީހާ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
3ޮނ3
16 February 2017
3 މީހުންނާ އެކީ ދުއްވި ސައިކަލު ބާރު ސްޕިޑުގަ ؟؟ އަހަރެމެން މިއުޅެނީ އަންހެނުން އެކަނި އަރުވައިގެންވެސް ސައިކަލު ކުރިޔަސް ނުގޮސްގެން.
އަހުމަދު
11 February 2017
ހައިވޭ ތަކުގަ ހެލްމެޓް އެޅުން މަޖުބޫރު ކުރަން ވީއެވެ.
ޟުހާޓޯ
11 February 2017
ސަރުކާރު ގޯސްވާނީ.
ލަބީދު
11 February 2017
3 މީހުން އަރައިގެން މިރާއްޖޭގަ ސައިކަލު ދުއްވުމުގެ ހުއްދަ ދިނީ ކޮން ދުވަހަކު
ސައިކަލު
11 February 2017
ހުއްދަ ދީީގެންތަ ދުއްވޭނީ
ޔަގީން
11 February 2017
ދުއްވޭލެއް މަޑީ.
ހަސަން
11 February 2017
ދުއްވޭލެއް މަޑީ. ސައިކަލަކަށް އެރިއްޖެއްޔާ ތިބެނީ ރަންބުއްދިވެފަ.
މަހްޖޫބް
12 February 2017
ތިމާމިއީ ފިރިހެނެއްކަން ދެއްކެންޖެހޭވިއްޔާ! އެހެންވެ މޮޅުއުކުޅެއް ނުހަދާ ހަމަ ނުހުރެވެނީ!