ކާޑެއްދޫ އެއާޕޯޓް އަތުލުން މަޑުޖައްސާލަން ނެރުނު އަމުރު ބާތިލްކޮށްފި

ކާޑެއްދޫ އެއާޕޯޓު: އެތަން އަތުލަން ސަރުކާރުން ނިންމި ނިންމުމަށް އަމަލުކުރުން ހުއްޓުވީ ސިވިލް ކޯޓުގެ އަމުރަކުން-- ފޮޓޯ: ފްލައިޓް ފޯރަމް

މުއިއްޒު އިބްރާހިމް، މިހާރު

23 ފެބުރުއަރީ 2017 - 11:21

9 comments

ގދ. ކާޑެއްދޫ އެއާޕޯޓް ވިލާ އެއާ އަތުން އަތުލުން މަޑުޖައްސާލަން ސިވިލް ކޯޓުން ނެރުނު އަމުރު ހައި ކޯޓުން މިއަދު ބާތިލްކޮށްފި އެވެ.

ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ އެއާ ކުންފުންޏަށް ކާޑެއްދޫ އެއާޕޯޓް 50 އަހަރަށް ކުއްޔަށް ދީފައި ވަނިކޮށް އެތަން އަތުލަން ސަރުކާރުން މިދިޔަ މަހު ނިންމީ އެއްބަސްވުމާ ޚިލާފްވި ކަމަށް ބުނެ އެވެ. އެކަމަކު އެ މައްސަލަ ވިލާއިން ކޯޓަށް ހުށަހެޅުމުން ސިވިލް ކޯޓުން އަމުރުކުރީ މައްސަލަ ނިމެންދެން، ސަރުކާރުގެ އެ ނިންމުމަށް އަމަލު ކުރުން މަޑުޖައްސާލުމަށެވެ.

ސިވިލް ކޯޓުގެ އަމުރު ދައުލަތުން އިސްތިއުނާފް ކުރުމުން އެ މައްސަލަ ހައި ކޯޓުން ބެލި ފަނޑިޔާރުންގެ ބެންޗުގެ ރިޔާސަތު ބެލެހެއްޓެވި އިސް ފަނޑިޔާރު އަބްދުﷲ ދީދީ ވިދާޅުވީ އެ އަމުރަކީ ޝަރުއީ އަދި ގާނޫނީ އުސޫލުތަކާ ޚިލާފަށް ނެރުނު އަމުރެއް ކަމަށް އެ މައްސަލަ ބެލި ތިން ފަނޑިޔާރުންނަށް އެއްބަސްވެވޭ ކަމަށެވެ. އެހެންވެ އެ އަމުރު ބާތިލްކުރީ ކަމަށް އިސް ފަނޑިޔާރު ވިދާޅުވި އެވެ.

ހައި ކޯޓުގެ ހުކުމުގައިވަނީ ވަގުތީ އަމުރެއް ނުނެރެފި ނަމަ ވިލާ އެއާ އަށް ލިބޭނެ ކަމަށް އެ ކުންފުނިން ބުނާ ގެއްލުމަކީ ފައިސާ އިން އަގު ކުރެވިދާނެ ފަދަ ގެއްލުންތަކެއް ކަމަށާއި މައްސަލަ ނިމޭ ގޮތަކުން އެފަދަ ގެއްލުމެއް ވިލާއަށް ލިބިއްޖެ ނަމަ އެ ބަދަލެއް ދޭން ދައުލަތުން ތައްޔާރަށް ތިބި ކަމަށް ދައުލަތުން ބުނެފައިވާ ކަމަށެވެ.

އެއާޕޯޓްގެ އެއްބަސްވުން ބާތިލްކުރީ އެއްބަސްވުމުގެ ދަށުން ފުރިހަމަ ކުރަންޖެހޭ ސަލާމަތީ ކަންކަން ވިލާ އިން ފުރިހަމަ ނުކުރާތީ ކަމަށާއި އެއީ އެއާޕޯޓް ބޭނުންކުރާ ފަރާތްތަކުގެ ސަލާމަތަށް ހުރި ނުރައްކަލެއް ކަމަށް ދައުލަތުން ބުނާއިރު އެ ވާހަކަތަކަށް ވިލާ އެއާ އިން އިންކާރު ނުކުރާ ކަން ހައި ކޯޓުގެ ހުކުމުގައި ފާހަގަކޮށްފައިވެ އެވެ.

"ހުށަހެޅިފައިވާ ކަންތައްތަކަށް ބަލާއިރު މި މައްސަލާގައި ވަގުތީ އަމުރެއް ނެރެއްވުމުގައި ހިމާޔަތް ކުރެވޭ ވިލާ އެއާ ޕްރައިވެޓް ލިމިޓެޑްގެ މަސްލަހަތަށް ވުރެ، އެ އަމުރު ނުނެރުމުން ހިމާޔަތްކޮށް ރައްކާތެރި ކުރެވޭ ދައުލަތުގެ މަސްލަހަތު ބޮޑު..." ހައި ކޯޓުގެ ހުކުމުގައިވެ އެވެ.

އިސް ފަނޑިޔާރު އަބްދުﷲ އިތުރުން އެ ބެންޗުގައި ދެން ތިއްބެވީ ފަނޑިޔާރު އަބްދުﷲ ހަމީދާއި ފަނޑިޔާރު އަބްދުއްރައޫފް އިބްރާހިމެވެ.

ދައުލަތުން ކޯޓުގައި ބުނެފައިވަނީ ކާޑެއްދޫ އެއާޕޯޓް ނެގީ ސަލާމަތީ ގޮތުން ފުރިހަމަ ކުރަންޖެހޭ ކަންކަން ފުރިހަމަ ނުކޮށް އޮތުމުން ކަމަށާއި އެހެންވެ، އެތަން އަތުލުން މަޑުޖައްސާލުމަކީ އެއާޕޯޓް ބޭނުންކުރާ މީހުންނަށް އޮތް ނުރައްކަލެއް ކަމަށެވެ.

ވިލާގެ ޗެއާމަން ގާސިމް އިބްރާހިމް ވިދާޅުވެފައިވާ ގޮތުން ކާޑެއްދޫ އެއާޕޯޓް އަތުލީ ބޮޑު އިންވެސްޓްމަންޓަކާ ދިމާލަށް ދަނިކޮށެވެ.

މެމްބަރު ގާސިމް އިބްރާހިމް (މާމިގިލި) ސިވިލް ކޯޓް ވިލާ އެއާ ހައި ކޯޓް ކާޑެއްދޫ އެއާޕޯޓް

9 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ

23 February 2017

ގާސިންބެ ރަގަޅު ތާ އެތަނުގެ އެއްވެސް މުވައްޒަފަކު ނެތް ވިއްޔާ ޖުމްހޫރީ ޕާޓީއަށް ވައްދާފައެއް. އެތަނުގެ ވެރިޔަކީވެސް އެމް.ޑ.އޭ ގެ ބޭފުޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްޕު

23 February 2017

ހަމަ ނަސީބެއްނު ބޮޑު އިންވެސްޓްމެންޓަކާދިމާލައް ގޮސް މުޑި ނޭރި ކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޅު

23 February 2017

ލިބިފައި ހުރި ސިޔާސީ ހަދިޔާ، ސިޔާސީ ގޮތުން އަތުލިޔަސް ބުނެވޭނީ ހަމަ އޯކޭ އެވެ! ދެރައީ އެންމެ މީހަކަ ދެކޮޅަށް މިހެން އަމަލު ކޮށް އެހެނ އެތައް ބަޔަކާމެދު އެގޮތަށް އަމަލު ނުކުރާތީއެވެ!މިސާލު: 1. އޭޑިކޭ ހޮސްޕިޓަލް ހިންގާ ބިން 2. ޖާބިރު އަށް ދިން ހާ ފަޅު ރަށެއް 3. ލަމން ގަރާސް މީހުނަނށް ބިޑް ނުކޮށް ދިން ބިން )ސިޓްރޯން ކެފޭ) 4. ކެނެރީގެ ނަޘީދު ވެރިކަމުގާ ބަހާލި ހުރިހާ އާއްމު ފާޚާނާ ބަރި ތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއްސާރަ ކޯޓު

23 February 2017

ހުރި ހިތާމައެއްގެ ބޮޑުކަމާއެވެ..''''އެއާޕޯޓްގެ އެއްބަސްވުން ބާތިލްކުރީ އެއްބަސްވުމުގެ ދަށުން ފުރިހަމަ ކުރަންޖެހޭ ސަލާމަތީ ކަންކަން ވިލާ އިން ފުރިހަމަ ނުކުރާތީ ކަމަށާއި އެއީ އެއާޕޯޓް ބޭނުންކުރާ ފަރާތްތަކުގެ ސަލާމަތަށް ހުރި ނުރައްކަލެއް ކަމަށް ދައުލަތުން ބުނާއިރު އެ ވާހަކަތަކަށް ވިލާ އެއާ އިން އިންކާރު ނުކުރާ ކަން ހައި ކޯޓުގެ ހުކުމުގައި ފާހަގަކޮށްފައިވެ އެވެ.''''.........ވިލާ އިން މިކަމާ އިންކާރު ކުރާތީތާދޯ ސިވިލް ކޯޓަށް މައްސަލަލާނީވެސް......ކީކޭ ބުނާނީ ދޯ.....އަދި މަރުއޮތްކަން ހަނދާންކުރުން މުހިއްމު................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒާހިރު

23 February 2017

ޝަރީއަތުގަ ހުކުމް ކުރަނީ ފަނޑިޔާރުގެ ކުރިމަތީގަ ދެކެވޭ ވާހަކަ ތަކާ ހެކީގެ މައްޗަށް ބިނާކޮށް. ކޯޓުން ބޭރުގަ ކުޅޭ ޗަރުކޭހަކީ މުޅިން އެހެން ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލުލިލު

23 February 2017

އެހެންވީއިރު ހުކުމް ދަށުކޯޓުން ހުކުމް ކުރިމީހާ ވަޒީފާއިން ކަނޑާލާނީ ކޮން އިރަކު؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސިމު

23 February 2017

އިންސާފެއް ނުލިބޭނެ މިސަކާރަކު އެއީ ކަށަވަރުކަމެއް. އޭހުރި ހިތހާމައެއްގެ ބޮޑުކަމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

23 February 2017

މަޖުލީހުގެ ރައީސުގެ އިތުބާރު ނެއްކަމުގެ ޥޯޓު ނެގެންދެން ބާރުބޮޑުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހާމް

23 February 2017

ދައުލަތަށް އެއަރޕޯޓް ނެގުމުން އެތަނުގެ ސަލާމަތީ ކަންކަން ފުރިހަމަވޭ ބާ؟ ދައުލަތުން ހިންގިއަސް އަދި އެހެންފަރާތަކުން ހިންގިއަސް ސަލާމަތީ ކަންކަން ފުރިހަމަ ނުވާހާ ހިނދަކު ފަސިންޖަރުން ނަށް އެ ރިސްކް އޮންނާނެ؟ އެހެންކަމުން ސަލާމަތީ ކަންކަން ފުރިހަމަ ވަންދަން އެއަރޕޯޓެއް ނުހިންގޭނެތާދޯ! ސަލާމަތީ ކަންކަން ފުރިހަމަނުވާ އެއަރޕޯޓެއް ވިއްޔާ ޖެހޭނީ އެތަން އެހިންގާބަޔަކުގެ ކިބައިން ވަކިކުރުމުގައި އެތަން ބަންދުކުރުންނޫންބާ!