އެމްއޭސީއެލްގެ ވެހިކަލް ވަގަށް ނެގި މައްސަލާގައި ދައުވާކޮށްފި

ވެލާނާ އިންޓަނޭޝަނަލް އެއާޕޯޓުގައި ޕޮލިހުންތަކެއް: އެމްއޭސީއެލްގެ އެމްޑީޕީގެ ކާރު ވަގަށް ނެގި މައްސަލާގައި ވަނީ ދައުވާ ކޮށްފައި --- ފޮޓޯ/މިހާރު

ފާތިމަތު އަޖްފާން، މިހާރު

01 ޖުލައި 2024 - 16:21

11 comments

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ވެހިކަލް ވަގަށް ނެގި މައްސަލާގައި ހައްޔަރުކުރި ދެ މީހުންގެ މައްޗަށް ދައުވާކޮށް، ކްރިމިނަލް ކޯޓަށް ފޮނުވައިފި އެވެ.

އެ ކާރު ވަގަށް ނެގީ ވެލާނާ އިންޓަނޭޝަނަލް އެއާޕޯޓުގައި ޕާކް ކޮށްފައިވާ އޮއްވައި މިދިޔަ އޭޕްރީލް މަހު އެވެ. އެ ކާރު ފަހުން ފެނުނީ މާލޭގެ ގެއެއްގެ ތެރެއިންނެވެ.

ޕްރޮސެކިއުޓާ ޖެނެރަލްގެ އޮފީހުން ބުނީ އެ މައްސަލާގައި ދައުވާކުރީ އެމްއޭސީއެލްގެ މުވައްޒަފެއް ކަމަށްވާ މ. ސީނިއަސުރުމާގޭ މުހައްމަދު ހައިޝަމާއި މ. މޮޑަންހޯމް އަހުމަދު ނިޒާމްގެ މައްޗަށް ކަމަށެވެ. އެ ދެ މީހުންގެ މައްޗަށް ކުރަނީ އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތެއްގައި ބާރު ހިންގުމުގެ ދައުވާ އެވެ.

އެ ކުށް ސާބިތުވެއްޖެ ނަމަ ތިން އަހަރާއި ދެ މަހުގެ ޖަލު ހުކުމެއް އެ ދެ މީހުންގެ މައްޗަށް އަންނާނެ އެވެ.

މީގެ އިތުރުން މީހަކަށް އޮޅުވާލުމުގެ ނިޔަތުގައި އެއްޗަކަށް ބަދަލު ގެނައުމުގެ ދައުވާގެ އާއި މުދަލަށް ގެއްލުން ދިނުމުގެ އިތުރު ދައުވާއެއް ނިޒާމްގެ މައްޗަށް ކުރެ އެވެ. އެއީ އެ ވޭންގެ އިންޖީނު ނަންބަރާއި ޗެސިސް ނަންބަރު ކަހާލާއި އެ އުޅަނދުގެ އަސްލު އޮޅުވާލުމަށް މަސައްކަތްކޮށްފައި ވާތީ އެވެ.

އެ މައްސަލައިގައި ވަގަށް ނަގާފައިވާ ކާރުގެ އަގަކީ 34،560 އެމެރިކާ ޑޮލަރު (500،000 އަށް ވުރެ ގިނަ ރުފިޔާ) ކަމަށް ޕީޖީ އޮފީހުން ބުންޏެވެ. އެ މައްސަލާގެ ތަހުގީގުގެ ތެރެއިން ގިނަ އަދަދެއްގެ ވެހިކަލް އޮޅުވާލައިގެން ރަޖިސްޓްރީކުރާ ބޮޑު ސްކޭމެއް ވެސް ވަނީ ހާމަވެފަ އެވެ. އެގޮތުން އެކަކުގެ ނަމުގައި 100 އަށް ވުރެ ގިނަ ވެހިކަލް ރަޖިސްޓްރީ ކޮށްފައިވާއިރު، ބައެއް ވެހިކަލްތަކުގެ ޗެސިސް ނަމްބަރު އޮޅުވާލާފައިވާ ކަމަށް ފުލުހުން ބުނެފައިވެ އެވެ.

ޕްރޮސެކިއުޓާ ޖެނެރަލް ކްރިމިނަލް ކޯޓް އެމްއޭސީއެލް ކުށްކުރުން ވެހިކަލްތައް

11 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަހުލާ ސޭޓް

02 July 2024

ތިޔަ ކާރު ނެގި މީހުނަށް އެކަނި ތޯ ދައުވާ ކުރަނީ؟ 100 ރަޖިސްޓްރީ ތައްޔާރު ކޮށްދިން މީހާ، އަދި މިނިސްޓްރީގައި ތިޔަ ރަޖިސްޓްރީ ހެދުމުގެ ކަންކަން ބަލަހައްޓާ ބޭފުޅާ ގެ އިހުމާލަށް އެއްވެސް ބެލުމެއް ނެތްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުލްސް އައި

01 July 2024

ޢަދި ތި އެމްޑީ ވެސް ވަގު އައިސް ގެންދިއުން އެކަށީގެން ވޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 July 2024

ހަތަރު ބިލިޔަނެއްހާ ޑޮލަރުގެ ދަރަނި ނަގައިގެން "ހުއްޓުމެއްނެތް ގޮތަކަށް" ތަރައްޤީކުރަމުންދާ ކ.އަތޮޅުމާލޭ އެއަރޕޯޓްގެ ސިކިއުރިޓީ ހާލަތުއޮތީ ވަރަށް ގޯސް ގޮތަކަށް. # ތަންކޮޅެއްކުރިން ބްރިޓީޝް އެއަރވޭޒް ތިތަނަށްޖެއްސުން ހުއްޓާލާފައި އެއަރޕޯޓްގައިހުރި މިފަދައެތައްކަމެއް ރަނގަޅުނުކޮށްފިނަމަ އެއްކޮށް ދަތުރުހުއްޓާލާނެކަން އެންގި. # ޑްރަޤް ބޭރުކޮށްދިނުމުގައި އެއަރޕޯޓް ސީނިއަރމީހުން ބައިވެރިވާއިރު އިމިޤްރޭޝަން ޑިޓެންޝަލްގައި ތިބިމީހުން ތިތަނުން ފިލާފައިވޭ.