ތުލުސްދޫ ދާއިރާގެ ޕީޕީއެމްގެ މެމްބަރު މުހައްމަދު ވަހީދު. ބިން މިލްކު ކުރެވޭ އިސްލާހަށް ވޯޓު ދެވުނީތީ ރައްޔިތުންގެ ކިބައިން އޭނާ މައާފަށް އެދިވަޑައިގެންނެވި.---ފޮޓޯ: މަޖިލިސް
27 ފެބުރުއަރީ 2017 - 13:47
28 comments
ބޭރުގެ ފަރާތްތަކަށް ރާއްޖޭގެ ބިން މިލްކުކުރެވޭ ގޮތަށް ގާނޫނުއަސާސީ އަށް އިސްލާހު ގެންނަން ވޯޓު ދެއްވުނީތީ ހިތާމަ ކުރައްވާ ކަމަށް ޕީޕީއެމްގެ ރައީސް މައުމޫންގެ ފެކްޝަންގެ ތުލުސްދޫ ދާއިރާގެ ޕީޕީއެމްގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) މިއަދު ވިދާޅުވެއްޖެ އެވެ.
އެމްޑީޕީން މަޖިލީހަށް ހުށަހަޅާފައިވާ ގަރާރަށް ބަހުސް ކުރައްވަމުން ވައްޑެ ވިދާޅުވީ ގާނޫނުއަސާސީ އަށް އިސްލާހުން ގެންނަން 2015ގައި ވޯޓު ދެއްވުމުން އެކަމާ ދެރަވާ ކަމަށެވެ. އަދި ސަރުކާރުން ބޭނުންވި ގޮތަށް އެ ދުވަހު ވޯޓު ދެއްވުމުން، ދިވެހި ރައްޔިތުންގެ ކިބައިން ވައްޑެ ވަނީ މައާފަށް އެދިވަޑައިގެންފަ އެވެ.
ހަމައެއާއެކު، ބޭރުގެ ފަރާތްތަކަށް ބިން މިލްކުރުމާ ދެކޮޅަށް ކުރަން ޖެހުނު ކޮންމެ މަސައްކަތެއް ވެސް ކުރައްވާނެ ކަމަށް، ވައްޑެ އަށް މަޖިލީހުގެ ތަޅުމުގައި ވާހަކަ ދައްކަން ލިބިވަޑައިގެންނެވި ކުޑަ ވަގުތުކޮޅުގެ ތެރޭގައި ވިދާޅުވި އެވެ.
މަޖުބޫރުކޮށްގެން ޕީޕީއެމަށް މެމްބަރުން ވައްދާ ކަމަށް ބުނެ، މަޖިލީހަށް ހުށަހެޅި ގަރާރަށް ބަހުސް ކުރައްވަމުން ވައްޑެ ވިދާޅުވީ ޕީޕީއެމަށް ސޮއިކުރާ ގިނަ މީހުންނަށް ސަރުކާރުގެ އިދާރާތަކުންނާއި ކުންފުނިތަކުން ވަޒީފާ ލިބެމުންދާ ކަމީ ހަގީގަތެއް ކަމަށެވެ. އަދި ރައީސް އަބްދުﷲ ޔާމީންގެ ސަރުކާރުން ރައްޔިތުންނަށް ދެމުން އަންނަ ހުރިހާ ހިދުމަތެއްގެ އަގު ބޮޑުވެފައިވާ ކަމަށާއި "ކުޑަވެފައި ވަނީ ހަމައެކަނި ލަދުހަޔާތް" ކަމަށް ވެސް މަލާމާތުގެ ރާގަކަށް ވައްޑެ ވިދާޅުވި އެވެ.
ބިދޭސީންނަށް ބިން މިލްކުކުރެވޭ ގޮތަށް ގާނޫނުއަސާސީ އަށް ގެނައި އިސްލާހު ފާސްކުރީ އެމްޑީޕީގެ ބައެއް މެމްބަރުންގެ ވެސް ވޯޓާ އެކުގަ އެވެ. ސަރުކާރާ އެކު ހެދި "ޑީލެއް"ގެ ދަށުން އެ އިސްލާހަށް އެމްޑީޕީ ވޯޓު ދިން މައްސަލާގައި އެ ޕާޓީގެ އާއްމު މެމްބަރުންގެ ނުރުހުން ވަރަށް ބޮޑަށް އަމާޒުވި އެވެ.
ގާނޫނުއަސާސީ އަށް ބަދަލެއް ގެނެވޭނީ މަޖިލިހުގެ ހަތަރު ބައި ކުޅަ ތިން ބައިގެ ވޯޓުންނެވެ. އެއީ މިހާރު 85 މެމްބަރުން ތިއްބެވި މަޖިލިހުގެ ނިސްބަތުން 64 މެމްބަރުންގެ ވޯޓެވެ.
އެކަމަކު ބޭރުގެ ފަރާތްތަކަށް ރާއްޖޭގެ ބިން މިލްކުކުރެވޭ ގޮތަށް ގާނޫނުއަސާސީ އަށް ގެނައި އިސްލާހު ބަދަލުކުރަން މަޖިލީހަށް ހުށަހަޅަން އިދިކޮޅު އެމްޑީޕީގެ ޕާލަމެންޓްރީ ގްރޫޕުން މިހާރު ވަނީ ނިންމައިފަ އެވެ. އެ ޕާޓީން ބުނި ގޮތުގައި ގާނޫނުއަސާސީއަށް އިސްލާހު ހުށަހަޅަން ނިންމީ ސަރުކާރުގެ ނުބައި ރޭވުމެއްގެ ދަށުން ފ. އަތޮޅު ވިއްކާލަން ނިންމާފައިވާ ނިންމުން ބަދަލުކުރާށެވެ.
ސައުދީ އަރަބިއްޔާގެ ޝާހީ އާއިލާގެ ބޭފުޅުންނަށް ފ. އަތޮޅު ވިއްކާލަން އުޅޭ ކަމަށް ފަތުރާ މައުލޫމާތުތަކާ ގުޅިގެން ސަރުކާރުގެ ބައެއް ވަޒީރުންނާއި ޕީޕީއެމްގެ ރައްޔިތުންގެ މަޖިލިހުގެ ބައެއް މެމްބަރުން ވިދާޅުވަނީ ބޭރުގެ އެއްވެސް ބަޔަކަށް އެ އަތޮޅު ވިއްކާލަން ނޫޅޭ ކަމަށެވެ. އޭގެ ބަދަލުގައި އެ އަތޮޅުގައި ހިންގަން ރާވާފައި ވަނީ ތަރައްގީގެ ވަރަަށް ބޮޑު މަޝްރޫއުއެއް ކަމަށް އެ ބޭފުޅުން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާމާ
09 March 2017
ކަލޭ ހޮވި މީހުން މާ ހިތާމަކުރޭ. ތަރައްގީއަށް ހުރަސް އަޅާކަށް ނޫން ހޮވީކީ. ސަރުކާރަށަް ޖެއްސުން ކުރާކަށްނޫން ހޮވީކީ. މަޖލިސް ގެ ރައީސާ ދިމާކޮށް ގައުމުގެ ރައީސާ ދިމާކުރާކަށްނޫން ހޮވީކި. ގައުމުގަ ފިތުނަ ޜޯކުރާކަށްނޫން ހޮވީކީ.
ޤައުމު
28 February 2017
ދިވެހި ޤައުމުގެ ބިން ބޭރުމީހުންނަށް މިލްކު ކުރަން ޤާނޫނެއް ފާސްކޮށް ޤާނޫނުއަސާސީ އިޞްލާޙު ކުރީ ރޭގަނޑެއްގެ މެންދަމެއްގެ ބައެއްގައި! ދެން ވިސްނާ އެކަމާއިމެދު މަޖިލީހުގެ މެންބަރުން ވޯޓު ދޭއިރު ތިބޭނެގޮތް! އޭރު ދިވެހިންނަކީ އެހެން ޤައުމެއްގެ ބައެކޭ! ނުވަތަ ބިމެއްނެތް ބައެކޭ ބުނެ ޤާނޫނެއްހުށަހެޅި ނަމަވެސް މިމީހުން ވޯޓް ދިނީސް! ދިވެހި ރައްޔިތުންގެ ކިބައިން މަޢާފަށް އެދުނަސް އެކަން އެހެނެއް ނުނިމޭނެ! ހާދަހިތާމައެކޭ ކުރަން ތިޖެއްސީ.
ޗިކުސް
28 February 2017
ރައްޔިތުންނަށް ތިވަނީ ބޭވަފާތެރިވެފަ . އަވަހަށް އިއްތިއުފާދީފަ ގެޔައް ވަޑާއިގަންނަވާ.
ޙަފްޞާ / މާލެ
28 February 2017
ކަލޭ މަޖުލިހަށް ހޮވައިދެވުނީތީ ދާއިރާމީހުން އެތިބަ ހިތާމަކޮށް ރޮނީއެވެ. އިސްތިޢުފާދީބަލަ ކެރެންޏާ!!!!
ޕޮކަންޑި މޭން
28 February 2017
މިހުންނަނީ މީހުންނަށް އޮޅިގެން ނޭނގި ކުރެވޭ ޒާތުގެ ކަންކަމޭ ތިބުނަނީ؟
ޒީރޯ
28 February 2017
ވައްޑެ އެކަން މިހާރުމިވަނީ މާޒީވެ ގޮސްފައެވެ. މާޒީވެދިޔަކަމެއް ދެން އަނބުރާ ނުގެނެވެނެއެވެ. ސުޕަރމޭން ހެން ފިލްމްގެ ރީލް އެކޮޅުކޮޅަށް އަނބުރާނުލެވޭނެއެވެ. މާޒީގައިހެދުނު ގޯހަށްޓަކައި ދެރަވެ ދެންއެފަދަ ކަމެއް ނުކުރަން އަޒުމުކަނޑައެޅީމަ ނިމުނީއެވެ. މިހާރުގެ ވެރިޔާއަށް ވޯޓުދިންއިރު މަވެސް ވައްޑޭވެސް މިވަރުގެ މީހެއްކަން ހީނުކުރެއެވެ. ދެރަވެއެވެ. މިހާރު ހިތާމަކުރުމުން ވާނެއިތުރކަމެއް ނެތެވެ. ދެން ދުވަހަކުވެސް ހަމަހޭހުއްޓާ މީނައަށް ވޯޓެއް ނުދޭނަމެވެ. އަދި މީނަގެ ސަޕޯޓަރަކަށްވެސްމެއެވެ.
ބޯގޯސް
28 February 2017
ހިތާމަކޮށްފަ ނެގި ފައިސާތައް އަނބުރާ ދީބަލަ؟
ޕޮގުބާ
28 February 2017
ސަރުކާރާދެކޮޅަށް މީހަކު މޮޔަގޮވިޔަސް އެކަމަށް އެމްޑީޕީން މަރުހަބާކިޔާނެ އެހެންތާވާނީ ތާއީދު ލިބި ތާއީދު ދަމަހައްޓާކަށް ނޭންގުނުވީއްޔަ ގާނޫނު އަސާސީޔާ ސަރުކާރުން ޚިލާފުވާ ވާހަކަ ދައްކާއިރު އެމްޑީޕީގަ ނެތެ ގާނޫއަސާސީޔާ ޚިލާފު ނުވާ ހަމައެކަކުވެސް ސަރުކާރުން ގާނޫނު އަސާސީޔާ ޚިލާފަށް މަޖިލިސްތެރޭގަ ވޯޓް ދޭކޮންމެފަހަރަކު އެމްޑީޕީ މެންބަރުންވެސް ވޯޓް ސިއްރިޔާތުގަނަމަވެސްދޭ އަނެއްކާ އެމްޑީޕީގެ ދާދާ އެހުންނަނީ ދިވެހިރާއްޖޭ ހުރިހާ ގާނުނެއްގަ ރަސްގެޖަހާފަގޮސް އިގިރޭސް ވިލާތުގަ ދެންޕާޓީގައުޅޭ އެހެންމީހުންގެ މީހުންގެ މައްޗަށް އަދަބެއް އިހުތިރާމެއް ކުރާނެތަ؟ ނޫނީވިއްޔަ ގާނޫނުއަސާސީ އެމީހުންގެ ކުރިމަތީގަ އެއްޗަކަށްވާނެތަ؟ މިހާރުވެސް އެއުޅެނީ 2018އަހަރު ރިޔާސީ އިންތިހާބުގަ އެމްޑީޕީން ނަސީނު ނޫނީޔަ ވާދަކޮއްލެވޭވަރުގެ ކެނޑޑޭޓަކު ނެތިގެން ނަސީދު ނޫން އިތުރު މީހަކު އެމްޑީޕީން ކުރިމަތިލައިފިއްޔަ ޕާޓީ މިހާރު އޮތްވަރަށްވުރެވެސް ބޮޑަށް އަތަށްގޮވާނެ
ޝުޙޫދު
28 February 2017
މާފް ކުރެވޭކަށްނެތް، އަވަހަށް އިސްތިއުފާ ދެއްވާފައި ގެއަށް ވަޑައިގަންނަވާ. ރައްޔިތުންގެ މުދަލަށްވާ ގެއްލުން ޒިއްމާވެސް ނަގަން ޖެހޭނެ. ގަސްތުގައި ކުރާކުށަކަށް މާފްއެއް ނޯވޭ.
ވައްޑެއް
27 February 2017
ވައްޑެގެ މައާފް ބަލައި ގަނެފިން. އެކަމަކު އަދިވެސް ވައްޑެގެ ނިންމުން/ވޯޓްތަކުގައި މައްސަލަ އުޅޭނެ. އެހެނީ ބިން ވިއްކާ އިސްލާހައް ވޯޓް ދެއްވީ މައުމޫނުގެ ރުހުމާއެކު. ދެން ދެއްވާނެ ހުރިހާ ވޯޓެއްވެސް ދެއްވާނީ މައުމޫނުގެ ރުހުމާއެކު. ވައްޑެ އަށް ޅައެއްޗެއް ނޭޅި ސަލާމަތް ވާނީ އަމިއްލަ ބުއްދިން ދިވެހި ރައްޔަތުންނައް ފައިދާ ވާނެ ގޮތައް ވިސްނިން ގެންގުޅުއްވިއްޔާ.