ޓޫރިސްޓުންތަކެއް މާފުށީގައި. އަންނަ އަހަރުގެ އަމާޒަކީ 2.2 މިލިއަން ޓޫރިސްޓުން ގެނައުން -- ފޮޓޯ: މިހާރު
06 ނޮވެމްބަރ 2024 - 11:52
5 comments
އަންނަ އަހަރު ރާއްޖެ އަށް 2.2 މިލިއަން ޓޫރިސްޓުން ގެންނަން އެ އަހަރުގެ ބަޖެޓު ފޮތުގައި ހިމަނައިފި އެވެ.
ފިނޭންސް މިނިސްޓްރީން އާންމު ކޮށްފައިވާ ބަޖެޓުގެ އަދަދުތަކުގައިވާ ގޮތުން، އަންނަ އަހަރު ޓޫރިސްޓުންގެ ޓާގެޓު ކަނޑައަޅާފައިވާ އިރު އެއީ މި އަހަރު އަންނާނެ ކަމަށް އަންދާޒާ ކުރި އަދަދަށް ވުރެ ދެ ލައްކަ އިތުރު އަދަދެކެވެ.
ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް އަންނަ އަހަރު ބޭނުން ކުރަން ފަށާނެ އެވެ. އެހެންވެ، ޓޫރިސްޓުން އިތުރުވުމުގެ ފުރުސަތު އެބަ އޮތެވެ.
މި އަހަރު ދެ މިލިއަން ޓޫރިސްޓުން އަންނާނެ ކަމަށް ލަފާކޮށްފައިވާއިރު، މި އަހަރުގެ މިހާތަނަށް ރާއްޖެ އަށް ވަނީ 1.6 މިލިއަން ޓޫރިސްޓުން އައިސްފަ އެވެ. އަމާޒަށް ވާސިލް ވުމަށް ކުރިއަށް އޮތް ދެ މަހު ހަތަރު ލައްކަ ޓޫރިސްޓުން ރާއްޖެ އަށް އަންނަން ޖެހޭނެ އެވެ.
މި އަހަރުގެ މިހާތަނަށް އެންމެ ގިނަ ޓޫރިސްޓުން އައީ ޗައިނާ އިންނެވެ. އެ ގައުމުން ވަނީ ދެ ލައްކަ އަށް ވުރެ ގިނަ ޓޫރިސްޓުން އައިސްފަ އެވެ. ދެވަނަ އަށް އެންމެ ގިނަ ޓޫރިސްޓުން ޒިޔާރަތްކުރީ ރަޝިއާއިންނެވެ. ތިންވަނައިގައި އުޅެނީ އިނގިރޭސި ވިލާތެވެ.
ޓޫރިޒަމް މިނިސްޓްރީން ވެސް ވަނީ އަންނަ އަހަރު، ރާއްޖޭގެ ޓޫރިޒަމް ޕްރޮމޯޝަން އިތުރުކޮށް، އާ މާކެޓުތަކުން ޓޫރިސްޓުން އިތުރު ކުރަން ހާއްސަ ޕްލޭންތަކެއް ރާވަމުން އަންނަ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1828
06 November 2024
ސައުދިއަރަބިއާގައި ޓުއަރިޒަމް މެކުހަށް ޖަހައިފި. ދިވެހިން އަދިވެސް މިތިބީ ހަމަ ކުރިން ހުރި ފިޔަވަޅުމަތީގައި. ސައުދިއަރަބިއާގައި ޓުއަރިޒަމްއަށް އިސްކަންދީގެން ކަންކަން ކުރަމުން އަންނައިރު ދިވެހިރާއްޖެއިން އެ ޤައުމުތަކާއި ވާދަކުރަން އެއްވެސް މަސައްކަތެއްނުކުރޭ. އިސްކަންދެނީ އިންޑިއާ އަދި ޗައިނާ މާކެޓަށް. މިހާރު ޔޫރަޕްގެ މާކެޓް އިސްކަން ދޭތަނެއް ނުފެނޭ.
ސަދޫމު ސިޓީ
06 November 2024
ޢޯކޭ ނުގެނަޔަސް ގެނައުމުގެ ބޭނުމެތްނެތް އަހަރުމެން މުސާރަކޮޅުގަ ނުޖެހި ގައުމު ނުހިންގޭ ހަމައެކަނި ފަތުރުވެރިކަމުން ލިބޭ ޑޮލަރުންވެސް މި ގައުމު ހިންގޭނެ އެކަމަކު ކީއްކުރާނީ ވެރިކަމަށް އަންނަ ބޭފުޅުން މީހުންނަ ލާރިކޮޅު ބަހާލާ ހުސްކޮށްލަނީ އާހިރުގަ ހުރިހާ ނިކަމެތި ކަމެތް ރައީތުންނަށް މި ލިބެނީ
ރަންނަ
06 November 2024
އަންނަ އަހަރުވާނެ އަދި ޓެކްސްތަކާ ފީތައް އަނެއްކާ ބޮޑުކޮށްލަން. އޭރުން އެއަށްވުރެ ގިނައިން އަންނާނެތާ
ކޮސް
06 November 2024
މިއަހަރު ކުރިކަމަކީ އަންނަ އަހަރު ފަތުރުވެރިންގެ އަދަދު ދަށްކުރުން. ކުރިކަންތަކުން އިތުރުވޫމަށްވުރެ ދަށްވާނީ. ނޫނީ ލިބޭފައިސާ މަދުވާނީ.
އޮނަރަބްލް އަފީފު ދީދީ
06 November 2024
ކ.އަތޮޅު މާލޭގައިއޮތް އެއަރޕޯޓްނޫން ބައިނަލްއަޤުވާމީ އެއަރޕޯޓެއް ރާއްޖޭގައިއޮންނަކަން މާލޭސަރުކާރުހިންގާންތިބި އެރަށުމީހުނަށްނޭގޭޔީތޯ؟ ހަނިމާދުއާއި GAN International Airport ގެ ތަރައްޤީގެ އެއްވެސް މަސައްކަތެއްނުކޮށް އަދި ރާއްޖޭގެ އުތުރާއި ދެކުނުގައިހުރި ރިސޯޓްތަކާއި ގެސްޓްހައުސްތަކަށް އަންނާންބޭނުންވާ ފަތުރުވެރިންނަށް މިތަންތަނަށް އާދެވޭނެ މަގު މަންދުކޮށް މިދެންނެވި 2 އެއަރޕޯޓްގައި މަރުތަޅު އަޅުވައިގެން ތިބެނީ!؟ ކޮންދުވަހަކުން މިކަން ބަދަލުވާނީ!!