އިންޑިއާގެ އާ ސަފީރުގެ މަގާމުގެ ފަތްކޮޅު ރައީސް މުއިއްޒަށް އަރުވައިފި

އިންޑިއާ އިން ރާއްޖެއަށް ކަނޑައެޅި އާ ސަފީރަށް ފަތްކޮޅު ހަވާލުކުރުން.

މާއިދާ މުހައްމަދު ރަޝާދު، މިހާރު

06 ޖެނުއަރީ 2025 - 12:13

އިންޑިއާ އިން ރާއްޖެ އަށް ކަނޑައެޅި އާ ސަފީރު ޖީ ބާލާސުބްރަމާނިއަންގެ ސަފީރުކަމުގެ ފަތްކޮޅު ރައީސް ޑރ. މުހައްމަދު މުއިއްޒަށް މިއަދު އަރުވައިފި އެވެ.

އެ ރަސްމިއްޔާތަށް ޖުމްހޫރީ މައިދާން ހިމެނޭ ސަރަހައްދުން ފެށިގެން ސަފީރު، ރައީސް އޮފީހާ ހަމައަށް ވަޑައިގެންނެވީ ހަތްކޮޅުގައި ރަސްމީ އިއްޒަތުގަ އެވެ.

ރައީސް އޮފީހުން ބުނީ މަގާމުގެ ފަތްކޮޅު އެރުވުމަށް ފަހު، އިންޑިއާގެ އާ ސަފީރު ވަނީ އެ ގައުމުގެ ބޮޑުވަޒީރު ނަރެންދުރަ މޯދީ އާއި އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރުގެ ހެޔޮ އެދުންތައް ރައީސް މުއިއްޒަށް ރައްދު ކޮށްދެއްވާފައި ކަމަށެވެ.

ރައީސް މުއިއްޒާއި ސަފީރު ވަނީ ރާއްޖެ-އިންޑިއާގެ ޒަމާންވީ ގުޅުން އިތުރަށް ބަދަހިކުރުމާ ގުޅޭ ގޮތުންނާއި އެ ގައުމުން ރާއްޖޭގައި ކުރިއަށް ގެންދާ ތަރައްގީގެ މަޝްރޫއުތަކާ ގުޅޭ ގޮތުން ވެސް މަޝްވަރާ ކުރައްވައިފަ އެވެ.

އިންޑިއާ އިން ރާއްޖެ އަށް ކަނޑައެޅި އާ ސަފީރު ބާލާސުބްރަމާނިއަން އޭނާގެ ސަފީރުކަމުގެ ފަތްކޮޅު ރައީސް މުއިއްޒަށް އެރުވުމަށް ވަޑައިގަންނަވަނީ.---ފޮޓޯ: ރައީސް އޮފީސް

ބާލާސުބްރަމާނިއަނަކީ 1998 ވަނަ އަހަރުން ފެށިގެން އިންޑިއާގެ ހާރިޖީ ދާއިރާގައި މަސައްކަތް ކުރައްވަމުން އަންނަ ބޭފުޅެކެވެ. ރާއްޖޭގެ ސަފީރުކަމާ ހަވާލުވުމާ ހަމައަށް އޭނާ ހުންނެވީ އިންޑިއާ އިން ނައިޖީރިއާއަށް ކަނޑައެޅި ސަފީރުގެ މަގާމުގަ އެވެ.

ބާލާސުބްރަމާނިއަން ވަނީ މޮސްކޯ އާއި ތައިލެންޑުގެ ބެންކޮކުގައި ހުންނަ އިންޑިއަން މިޝަންގެ ޑެޕިއުޓީ ޗީފްގެ މަގާމު ވެސް އަދާ ކުރައްވައިފަ އެވެ. ޔުނައިޓެޑް ނޭޝަންސް އިކޮނޮމިކް އެންޑް ސޯޝަލް ކޮމިޝަން ފޯ އޭޝިއާ އެންޑް ދަ ޕެސިފިކްގައި އިންޑިއާގެ ޑެޕިއުޓީ ޕާމަނަންޓް ރިޕްރެޒެންޓޭޓިވް އަކީ ވެސް ބާލާސުބްރަމާނިއަން އެވެ.

އިންޑިއާ އިން ރާއްޖެ އަށް ކަނޑައެޅި އާ ސަފީރަކަށް ބާލާސުބްރަމާނިއަން އައްޔަން ކުރެއްވީ ސަފީރުކަމުގައި ކުރިން ހުންނެވި މުނޫ މަހާވަރުގެ ދައުރު ނޮވެމްބަރު 2023 ގައި ހަމަވުމުންނެވެ.

އިންޑިއާ ރާއްޖެ-އިންޑިއާ ރައީސް އޮފީސް ޑިޕްލޮމެސީ ޑިޕްލޮމެޓިކް ގުޅުން ޖީ. ބާލާސުބްރަމާނިއަން (އިންޑިއާ ސަފީރު)

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގައުމީ ދޫ

06 January 2025

މަރުހަބާ! ރާއްޖޭގެ ދާޚިލީ ކަންކަމާއި ނުބެހޭނެކަމަށް އުއްމީދުކުރަން. ފޮރިން މިނިސްޓްރީ ބައި ޕާސްކޮށް އެހެން މުއައްސަސާތަކާއި ސީދާ މުޢާމަލާތްކުރަން ނޫޅޭނެ ކަމަށް ވެސް ގަބޫލުކުރަން. ކުރިން ކަންކަން ވަމުން ގޮސްފައިވާ ގޮތާއި ޚިލާފަށް ރާއްޖޭގެ ސިޔާދަތީ ބާރަށް އިހްތިރާމްކުރާނެ ކަމަށް ޔަގީން ކުރަން.