އިދިކޮޅު ފަޜާތްތަކުން ގާއިމުކުރި އެއްބަސްވުން އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބޫ މިރޭ ނޫސްވެރިންނަށް ދައްކާލަނީ.--- ފޮޓޯ: ހުސެން ވަހީދު/މިހާރު
24 މާޗް 2017 - 21:33
37 comments
އަންނަ ހޯމަދުވަހު ބާއްވާ ރައްޔިތުންގެ މަޖިލިހުގެ ޖަލްސާ އަށް އިދިކޮޅު ފަރާތްތަކުން ވަންނާނީ، މަޖިލިހުގެ ރައީސް އަބްދުﷲ މަސީހް މަގާމުން ވަކިކުރުމުގެ ވޯޓު ކާމިޔާބުވާ ވަރުގެ އަޣުލަބިއްޔަތަކާ އެކު ކަމަށް އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބްރާހިމް މުހައްމަދު ސޯލިހް (އިބޫ) މިރޭ ވިދާޅުވެއްޖެ އެވެ.
ސަރުކާރާ ދެކޮޅަށް މަސައްކަތް ކުރުމަށް ކުރީގެ ރައީސް އަދި ޕީޕީއެމްގެ ރައީސް މައުމޫން އަބްދުލް ގައްޔޫމްގެ ފެކްޝަނާއި އެންމެ ބޮޑު އިދިކޮޅު ޕާޓީ އެމްޑީޕީ އާއި ޖުމްހޫރީ ޕާޓީ އަދި އަދާލަތު ޕާޓީން މިރޭ ސޮއިކުރި އެއްބަސްވުން އާންމުކުރުމަށް ބޭއްވި ނިއުސް ކޮންފަރެންސްގައި އިބޫ ވިދާޅުވީ، މަސީހު މަގާމުން ވަކިރުމަށް ނަގާ ވޯޓު އިދިކޮޅު ފަރާތްތަކަށް ކާމިޔާބުވާނެ ކަމުގެ ފުރިހަމަ ޔަގީންކަން އެބައޮތް ކަމަށެވެ.
"އަޅުގަނޑުމެންނާ އެކު ތާއީދު ކޮށްގެން ތިއްބެވި އެއްވެސް ބޭފުޅަކު، އެއްވެސް މެމްބަރަކު، އެ ވިސްނުން މިހާތަނަކަށް ބަދަލު ކުރައްވާފައެއް ނެތް. އަޅުގަނޑުމެންނަށް ފުރިހަމަ އަށް އިތުބާރު އެބައޮތް އަދަދު ހަމަވާނެކަމުގެ،" މަސީހުގެ ވޯޓު ސަރުކާރުން ބޭނުންވާ ގޮތަށް ކާމިޔާބު ކުރުމަށްޓަކައި އަޣުލަބިއްޔަތު އެބައޮތް ކަމަށް ވެރިކަން ކުރާ ޕީޕީއެމުން ބުނާ ވާހަކަތަކާ ގުޅޭ ގޮތުން ނޫސްވެރިއަކު ދެންނެވި ސުވާލެއްގެ ޖަވާބުގައި އިބޫ ވިދާޅުވި އެވެ.
މަޖިލިހުގެ މައިނޯރިޓީ ލީޑަރު ވިދާޅުވީ ހޯމަދުވަހުގެ ޖަލްސާގައި އެންމެ ގިނަ އަދަދަކަށް ވެސް ބައިވެރިވެވަޑައިގެންނެވޭނީ 83 މެމްބަރުންނަށް ކަމަށާއި އެ އަދަދަށް ބަލައިގެން، އިދިކޮޅު ފަރާތްތަކަށް ވޯޓު ކާމިޔާބުވާނެ ކަމުގެ ޔަގީންކަން އެބައޮތް ކަމަށެވެ.
މަޖިލިހުގެ ރައީސްގެ އިތުބާރު ނެތްކަމުގެ މައްސަލަ ފާސްވާނީ މަޖިލިހަށް ހާޒިރުވެ ވޯޓު ދެއްވާ މެމްބަރުންގެ އަޣުލަބިއްޔަތުންނެވެ.
އިބޫ ފާހަގަ ކުރެއްވި ގޮތުގައި މަސީހް މަގާމުން ވަކިކުރުމަށްޓަކައި އިދިކޮޅު ފަރާތްތަކަށް 42 ވޯޓަށް ވުރެ ގިނައިން ލިބޭނެ އެވެ.
"އަޣުލަބިއްޔަތު އޮންނާނީ އަޅުގަނޑުމެންނާ އެކު. އަޅުގަނޑުމެން ވަރަށް ވިސްނުންތެރިކަމާއެކު އެ ދުވަހު ކުރިއަށް ދާނީ. ކޮންމެ ގޮތަކަށް ވެސް، އެ ދުވަހު ރިޔާސަތުގައި އިންނަވާ ބޭފުޅަކު، އަޅުގަނޑުމެންގެ ތަޖުރިބާގައި [އަމަލު] ކޮށްފާނެ. އެހެންވީމާ އެ ކަންތައްތަކާ ދޭތެރޭގައި ވިސްނައިގެން އަޅުގަނޑުމެން ކުރިއަށް ދާނީ. ޔަގީންކަން އެބައޮތް އެ ދުވަހު ވޯޓާ ހިސާބަށް ގޮސް ކާމިޔާބު ކޮށްގެން ނުކުމެވޭނެ ކަމަށް،" ހިންނަވަރު ދާއިރާގެ މެމްބަރު ވިދާޅުވި އެވެ.
އިބޫ ވިދާޅުވީ ގައުމީ ކަންކަމުގައި ހަތަރު ޕާޓީގެ ވިސްނުން ވަރަށް އެއްގޮތް ކަމަށެވެ. އަދި އެ ޕާޓީތަކުގެ ލީޑަރުން އެއްބަސްވީ ވެސް ރައްޔިތުންގެ މަޖިލިހުގެ އެތެރޭގެ މަސައްކަތްތަކަށް އެކަނި ނޫން ކަަމށް އޭނާ ވިދާޅުވި އެވެ.
"އެތައްއެތައް ބައިވަރު މަސައްކަތްތަކެއް އެބަހުރި. އެހެންވީމާ ހަތަރު ލީޑަރުންނާ އެކު އަޅުގަނޑުމެން ދެމިތިބޭނަން މަގުސަދު ހާސިލް ވަންދެން،" ޖުމްހޫރީ ޕާޓީގެ އޮފީސް ކުނޫޒްގައި ބޭއްވި ނިއުސް ކޮންފަރެންސްގައި އިބޫ ވިދާޅުވި އެވެ.
ކުރީގެ ރިޔާސީ ގަނޑުވަރު ތީމުގޭގެ 2008 ގެ އޮޑިޓް ރިޕޯޓާ ގުޅޭ ގޮތުން މައުމޫންގެ ދަރިކަލުން އަދި ދިއްގަރު ދާއިރާގެ މެމްބަރު އަހުމަދު ފާރިސް މިރޭ ފުލުސް އޮފީހަށް ހާޒިރުކުރާ މައްސަލާގައި ކުރީގެ ޕޮލިސް ކޮމިޝަނަރު އަބްދުﷲ ރިޔާޒް ވިދާޅުވީ އެއީ ފާރިސްގެ މަސައްކަތްތަކަށް ހުރަސް އެޅުމަށް ފުލުހުން ކުރާ ކަމެއް ކަމަށެވެ. އަދި އެފަދަ ކަންކަމަށް ފުލުހުން ފުރުސަތު ނުދިނުމަށް ރިޔާޒް އެދިވަޑައިގަތެވެ.
ކިނބިދޫ ދާއިރާގެ މެމްބަރު ރިޔާޒް ވިދާޅުވީ މަސީހްގެ އިތުބާރު ނެތްކަމުގެ މައްސަލަ މަޖިލިހަށް ހުށަހެޅުއްވުމުގައި އިސްކޮށް ހުންނެވި އެއް ބޭފުޅަކީ ފާރިސް ކަމަށްވާއިރު، މާ ކުރީގެ މައްސަލައެއްގައު މި ދަނޑިވަޅުގައި އޭނާ ފުލުސް އޮފީހަށް ހާޒިރުކޮށްގެން ނުވާނެ ކަމަށެވެ.
"ފުލުހުންގެ ޕްރޮފެޝަނަލިޒަމް ފުލުހުން ހިފަހައްޓަން ޖެހޭނެ. އިންޑިވިޖުއަލް ކޮންމެ ތަހުގީގެއް ކުރާ މީހަކު ވެސް. ކޮންމެ ރޭންކެއްގައި ހުރި މީހަކު ވެސް ބުނަން ކެރެން ޖެހޭނެ މިއީ ރަނގަޅު ގޮތެއް ނޫނޭ. މިއީ ރަނގަޅު އުސޫލެއް ނޫނޭ. މުއައަސަސާ ދެމިއޮންނަން ޖެހޭނީ ރައްޔިތުންގެ އިތުބާރާއެކު. އެތަނުގައި އެވަގުތު ތިއްބެވި ބައެއްގެ މަސްއޫލިއްޔަތެއް އެއީ ކަންކަން ރަނގަޅަށް ގެންދިއުން،" ރިޔާޒް ވިދާޅުވި އެވެ.
އޭނާ ފާހަގަކުރެއްވި ގޮތުގައި ފުލުހުންނަށް ހިމާޔަތް ލިބިދެނީ ގާނޫނުގެ ތެރެއިންނެވެ. އެއިރެއްގައި ވެރިކަމުގައި ހުންނަވާ ބޭފުޅެއްގެ ދައުރު އެކަމުގައި ނެތް ކަމަށް ރިޔާޒް ވިދާޅުވި އެވެ.
"އެއްވެސް މަގާމެއްގައި ހުންނަ މީހަކު ވެސް ރަނގަޅު ނޫން ކަންތައް ނުކުރާށޭ. އަބަދުވެސް ރަނގަޅަށް ކަންތައް ކުރާށޭ. މީހަކަށް އަނިޔާވެރިވުމަށް ކަންތައް ކޮށްގެން ފައިދާއެއް ނުވާނެ. އޭގެ އަދަބު އެ މީހަކަށް އަންނާނެ. އޭގެ ނަތީޖާއާ އެ މީހަކު ކުރިމަތިލާންޖެހޭ ދުވަހެއް އަންނާނެ،" ޖުމްހޫރީ ޕާޓީގެ ޑެޕިއުޓީ ލީޑަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޥަކަރު
25 March 2017
ފާރިސޫ........ޖަލްސާއަށް ދާންނަ. 36 ޥޯޓުން ބަލިވާން.
ފާރިސް
25 March 2017
7 ފެބްރުއަރީ ގެ ހެދުނު މައްސަލަ ހޫނުވި ވަގުތު ސިފައިން ޓީވީއެމްއަށް ދާ މަންޒަރުގެ ފޮޓޯއަށް ބަލާބަލަ. ހިތުގެ ލޯ ހުޅުވިފަ ތިބި މީހުންނަށް އެނގޭނެ އެއީ އާދައިގެ ކަމެއް ނޫންކަން.
ޕޮގުބާ
25 March 2017
84 މެންބަރުންސޮޔާއެކު މަޖިލީހަށްވަނަސް ތިކަމެއްނުވާނެ އެންމެފަހުންގޮވާނީއަތަށް އެމްޑީޕީގެ ވެރިކަންވެއްޓުނުފަހުން ކުރިކަމެއްވީއްޔަ ގޮވީ އަތަށް ކިތައްމެވަރަކަށް މީހުންއެއްކުރިޔަސް މަޖިލިއްސާ 1000 ފޫޓްދުރުގަ ތިބެންޖެހޭނީ ހަމަޔަށްވެސް ނާދެވޭނެ އަމިއްލަޔަށްބޮލާފޮށާ ނޭޅޭތި
ރަދީފް
25 March 2017
ފޮގުބާ. ކަލޭ މެންޔޫ އިން 100 މިލިއަން ޑޮލަރު ނަގައިގެން އަޅުގަނޑުމެންގެ ދަގަނޑޭގެ ކުޅުންވެސް ދަނޑުމަތިން ނުދެއްކޭލަދުކޮބާ؟؟ ކަލޭގެ އަތަށްދޯ ގޮވީ.
ނިދާލާ
25 March 2017
އިންޓެލިޖެންސް އިން ލިބުނު މައުލޫމާ ތަކަށް ބިނާ ކޮށް ޖަލްސާ ކެންސަލްޑް. ކެންސަލަ ކެންސަލް ކެންސަލް އިނގޭ. އަވަހަށް ހުރިހާ ކުދިން ބަސް އަހައިގެން ގެއަށް ގޮސް ނިދާލާ އިނގޭ. ނިދާލާ ނިދާލާ ނިދާލާ..
އެމަޑޢ
25 March 2017
އެމްޑީޕީ ސަރުކާރަކީ މައުމޫނާއި މަހުޖަނުންގެ ޕްރޮކްސީ ސަރުކާރެއް. މިނިވަން ބަޔަކަށްތަާ އެހެން މީހަކަށް ކަމެއްކޮއްދެވޭނީ
ތަރައްގީ
25 March 2017
ހުރިހަވެސް ނުބައަކީ މައުމޫން އަދިވެސް ބޭނުމީ ނުފޫޒް.
މަންސޫރު
25 March 2017
ތަރައްގީ ބުރޯއަށް ނުބައި ކަަމަކަށް ފެންނަނީ މައުމޫން ކުރާ ކަންތައް އެކަނި؟ ތިހާވަރަށް ދެން މީހަކަށް ޒާތީވެވޭނީ.
މަގޮލާ
25 March 2017
މައުމޫން، ފާރިޝް، އަނާރާ، ޤާސިމް ހަނދުމަފުޅު ބަހައްޓަވާތި! އެމް. ޑީ. ޕީ ވެރިކަމަށް އައިސްފިނަމަ ނިކަން މީރުކޮށް ރާކަނިމަސް ކާންދޭނެހެން އެބަ ހީވޭ. މަޖިލީހުގައިތިބި ބައެއް ކަނބަލުން ތި ބުނަނީ ވޯޓް ދިންއިރު ނޭންގޭ ޤައުމު ވިއްކަނީ ކަމެއް. ބަލަގަ ތިމާއަށް އެނގުން ނުވާ ކަންކަމަށް ވޯޓް ދެއްވުމަކީ އިހުމާލެއް ނޫންތަ؟ ފުރަތަމަ ދާއިރާގެ ރައްޔިތުންގެ ކިބައިން މަޢާފަށް އެދިލައްވާ! ދެން، ވިސްނާލައްވާ! މިހާރު ތިޔަ ދަތުރު ކުރެވޭ މިސްރާބު! "ކޮންމެ ހެއްލުމަކީ ގެއްލުމެއް"
ކަމްބެކް
25 March 2017
އެމްޑީޕީގެ ވިޕުންނަށް ތިބިކަބަލުންވެސް އެވޯޓަށް ވިޕެއްނުލާ
ޔުކުރެއިން މަންޖެ
25 March 2017
އެމްޑީޕީ އަކީ ބަދަލުހިފުމުގެ ރޫޚެއްގައި މަސައްކަތް ކުރާ ޕާޓީއެއްނަމަ، 2008 ގެ ރިޔާސީ އިންތިހާބު ކާމިޔާބު ކުރުމަށް ފަހު އެއިރު ރައްޔަތުން ޖެހިފަތިބި ޖަޒުބާތުގަ މައުމޫނާއި ޔާމީނު ޖަލުގެ ކުޑަގޮޅިޔަށް ލުމަކީވެސް ވަރަށް ފަސޭހަކަމަކަށްވީސް. އެކަމަކު އެމްޑީޕީ އިން މަައުމޫނަށް ދިނީ ރައްކާތެރިކަން!
ދޭދޭބޭ
25 March 2017
އެމްޑީޕީއަށް މައުމޫނަށް ދެވޭނީ ކޮންރައްކާތެރިކަމެއް އެމްޑީޕޯ ސަރުކާރުވެސް އަޑިން ހިންގީ މައުމޫނާއި މަހުޖަނުން
ފަޅޯ
25 March 2017
ޔުކްރެއިން މައުމޫނު ރައްކާތެރިކުރާ ހިތްވަންޏާ ފަޅޮލޭކިޔައިގެން މައުމޫނު ބާލަންއުޅުނީ ކިޔައްވެ
އިއްބެ 22
25 March 2017
ޔާﷲ! މިބައިމީހުންގެ ނިޔަތަކީ އަމިއްލަ އެދުމުގައި މި ޤައުމު ފަސާދަކޮށް، ޞުލްޙަ މަސްލަޙަތާއި ޤައުމުގެ އަމްނު އަމާން ނަގައިލުން ކަމުގައިވަނީނަމަ، އެމް. ޑީ. ޕީ، ޖޭ. ޕީ، މައުފާއެމް. އަދި އަދާލަތު ލަދުގަންނަވާލާފަދަ ނަތީޖާއެއް ހޯމަދުވަހުގެ ވޯޓްގައި ނެރުއްވާށިއެވެ! އާމީން. މިބައިމީހުންނީ މުޅި ޤައުމުގެ ހަމަޖެހުން ނަގާލައި ފިތުނަ ފަސާދަ އުފައްދަމުންދާ ބައެއްކަން ނުވަތަ ނޫންކަންވެސް އެންމެ މޮޅަށް ދެނެވޮޑިގެންވަނީ އިބަ އިލާހުކަން ކަށަވަރެވެ!
ޢަބްދުﷲނާފިޒު
25 March 2017
ތރައްޔިތުންގެ ފައިސާއަށް ޚިޔާނާތްތެރިވެ، ޤައުމުގަ ޖަރީމާ ހިންގަނީ ކޮންބައެއްކަން އެންމެ މޮޅަށް ދެނެވޮޑިގެންވަނީ އިބަ އިލާހުކަން ހަނދާނުން ފޮހެނުލުމަށް ނަސޭހަތްތެރިވަން.
އިއްބެ 23
25 March 2017
22 ކީއްވެ މިބައިމީހުން ގެ ނިޔަތަކީ ޢަމިއްލަ އެދުން ނޫން ކަމުގެ ވާނަމަ ކާމިޔާބަށް އެދި ދުޢާ ނުކުރީ. އެހެން ވީމާ 22 ނަންބަރުގެ އިޚްލާޞްތެރިކަން ވަރަށް ކަޑަ.
ދޮން އަލިބޭބޭގެ ހަސަން ދީދީ
25 March 2017
ޔާ ﷲ، އިނބަ އިލާހުއީ ހުރިހައިކަމެއް މޮޅަށް ދެނެވޮޑިގެންވާ އިލާހު. މިގައުމު ފަސާދަކޮށް ގައުމު ވިއްކާލައި ބައިތުލްމާލު ވަގަށްނަގާ، ރައްޔަތުން ދަރަނިވެރި ކުރުވަމުންދާ ސަރުކާރުގެ ކިބައިން މި މުސްލިމް ރައްޔަތުން ސަލާމަށް ކޮށް، 27 ގަ ނެގޭ ވޯޓުން މަސީހު ބޭރުވުމުގެ ހެޔޮ ތައުފީގް އަޅަމެންނަށް މިންވަރު ކުރައްވާނދޭވެ.. އާމީން
އިބޫ
25 March 2017
މިހާރު 2018 އައިސް ރިޔާޒް އިންނެވީ ގޮނޑިކޮޅުގައިހެން ހީފުޅުވީތޯ. އަދި ތަންކޮޅެއް އަވްސް ދޯ!
މުހަންމަދު
24 March 2017
އިބޫއަށް ތިދެއްކެވެނީ ރައްޔިތުންގެ މާލިއްޔަތަށް ވަންނަންޖެހޭ އެއްޗެއް، ގޯނިގޯންޏަށް އަޅައިގެން ގެންގޮސް ނަގާނެވަރަކަށް ނަގަންދީގެން ބެހިވާހަކަ އަމިއްލައަނގައިން އިޢުތިރާފުވެ، މީޑިޔާގައި ދެއްކިނަމަވެސް އެމީސްމީހުންނާއިމެދު އެއްކަމެއް ނުވިތަނެއްގެ ވާހަކައެވެ! އިބޫގެ ވަޒަން ބިނާކުރައްވާނީ ބުނާބަހަކާއި ދައްކާ ވާހަކައެއްގެ މައްޗަށެވެ! އިންތިޒާރު!