ކުރީގެ ރައީސް މައުމޫން: ސަރުކާރުގެ ބަލިފައި ހޯދިއްޖެ ކަމަށް ވިދާޅުވި
10 އެޕްރީލް 2017 - 16:01
61 comments
ސަރުކާރުގެ ބަލިފައި ހޯދިއްޖެ ކަމަށާއި އިދިކޮޅު ފަރާތްތަކުން މިހާރު ފަށާފައިވާ މަސައްކަތްތައް ކާމިޔާބު ކުރާނެ ކަމަށް ކުރީގެ ރައީސް މައުމޫން އަބްދުލްގައްޔޫމު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ރައީސާއި ނައިބު ރައީސްގެ އިތުބާރު ނެތް ކަމުގެ މައްސަލައެއް، 42 މެމްބަރުންގެ ސޮޔާއެކުގައި ނޫނީ މަޖިލީހަށް ހުށަނޭޅޭ ގޮތަށް މަޖިލީހުގެ ގަވާއިދު މިއަދު ބަދަލުކުރުމާއެކު، މައުމޫން ކުރެއްވި ޓްވީޓެއްގައި ވިދާޅުވީ ސަރުކާރުގެ ބަލިފައި ހޯދިއްޖެ ކަމަށެވެ. އަދި ސަރުކާރު ގޮސް ހުސްވެފައިވާކަން މި ވޯޓުން ހާމަވި ކަމަށް އެމަނިކުފާނު ވިދާޅުވި އެވެ. މައުމޫން ވިދާޅުވި ގޮތުގައި އަދި މިއީ އިދިކޮޅު ފަރާތްތަކަށް ލިބުނު ކާމިޔާބީ އެކެވެ.
މައުމޫން ވަނީ މަޖިލިހުގެ މިއަދުގެ ޖަލްސާގައި ބައިވެރިވި އިދިކޮޅު މެމްބަރުންގެ ހިތްވަރަށް ވެސް ތައުރީފް ކުރައްވައިފަ އެވެ.
"ޖެހިލުމަކާ ނުލައި [ސަރުކާރުން] ދެއްކި މި ބިރުވެރިކަމާ ކުރިމަތިލި، އިސްލާހަށް މަސައްކަތް ކުރާ މެމްބަރުން ދެއްކި ހިއްވަރަށް ސެލިއުޓް ކުރަން،" މައުމޫން ވިދާޅުވި އެވެ.
"ﷲގެ އިރާދަފުޅުން މި ހަނގުރާމަ ކާމިޔާބު ކުރާނަން،"
މަޖިލިހުގެ ރައީސާއި ނައިބު ރައީސް މަގާމުން ވަކިކުރަން ހުށަހެޅޭނީ 42 މެމްބަރުންގެ ސޮޔާ އެކު ކަމަށް ގަވައިދަށް ސަރުކާރުގެ މެޖޯރިޓީ އޮންނަ ކޮމިޓީއަކުން އިއްޔެ ކުއްލިއަކަށް ގެނައި އިސްލާހު މަޖިލިހުގެ ތަޅުމުން މިއަދު ފާސްވީ ވޯޓުގައި ބައިވެރިވެވަޑައިގެންނެވި 46 މެމްބަރުންގެ އިއްތިފާގުންނެވެ. މި ވޯޓުގައި އިދިކޮޅު އެއްވެސް މެމްބަރަކު ބައިވެރިއެއް ނުވެ އެވެ. ގަވާއިދަށް އިސްލާހު ގެނައި އިރު ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކުގެ މައްސަލަ މާދަމާ އަށް އޮތީ އެޖެންޑާ ކޮށްފަ އެވެ. އަދި މަސީހުގެ އިތުބާރު ނެތްކަމުގެ މައްސަލަ، 31 މެމްބަރެއްގެ ސޮޔާ އެކު، އިއްޔެ އަލުން އޮތީ ހުށަހަޅައިފަ އެވެ. އެކަމަކު ގަވާއިދަށް މަޖިލިހުން ގަވައިދަށް އިސްލާހު ގެނައުމާއެކު، މަސީހް އާއި މޫސަ މަގާމުން ވަކިކުރަން މަޖިލީހަށް ހުށަހެޅި މައްސަލަ ބޭރުވީ އެވެ. އެއީ އިސްލާހު ހުށަހަޅާފައި ވަނީ މިހާރު މަޖިލިހަށް ވައްދާފައިވާ އެފަދަ މައްސަލަތަކަށް ވެސް އެޕްލައިވާ ގޮތަށް ކަމަށް ވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަސްމީރު
12 April 2017
ހޮޅިވާހަކަ ނުދައްކާ! އިތުރު ބަޢާވާތަކަށް ފުރުޞަތެއް ނެތް! މަޑުން ހުރޭ...
ދިސް އިޒް ސޯ ސޭޑް
12 April 2017
އައި އެމް ކްރައިންގް!!
ކަމަނަ
12 April 2017
އަބުދުއްލާ އަލީ ގަމާރެއްދޯ މައުމޫނުގެ 30 އަހަރުގެ ވެރިކަން ނިމުނުއިރު ދިވެހިރާއްޖެއިންއޮތީ މައުމޫނުކުރި ތަރަށްގީއެ ފެންނަން ކޮބާއިތަ؟ މިހާރު ސަރުކާރުން ތަރަޢްގީއަށް ކުރާ މަސައްކަތް މައުމޫނު ބިންގާއަޅާފަ ހުރި ތަންތައްތަ ދިވެހިރާއްޖޭގެ އެކިއެކި ކަންކޮޅު ތަކުން މިހާރުވެސް ފެންނަނީ ބޯހަލާކުވެފަތިބިމީހުން ކޮމެންޓް ކުރީމަ މާތާހިރެއް ނުވާނެ
އަބްދުއްލާ އަލީ
11 April 2017
މި ގައުމުގާ ވެރިކަންކުރި އާއިލާ ތަކުގެ މުއްސަނދި ކަމށާ ގައުމު އޮތް ހާލަތު ފުރަތަމަ ބެއްލެވުމަށް ފަހު މައުމޫނުގެ 30 އަހަރާމެދު ވާހަކަ ދައްކަވމާ 78 ގާ މައުމޫން މިގައުމާ ހަވާލު ވީ 35 މިލިއަން ރުފިޔާ ގެ އާމްދަނީއަކާ އެކު އޭރު ދިނިޔޭގެ ނިސްބަތުން އެންމެ ފަގީރު ގައުމުތަކުގެ ލިސްޓްގެ ފުލުގަ އޮތް ގައުމު މައުމޫނު 30 އަހަރު ނިންމަވާލީ 7000 މިލިއަން ރުފަިޔާގެ އާމްދަނީ އަކާ އެކު ދުނިޔޭގެ ނިސްބަތުން ތަރައްގީގެ މަދުފަންތީގެ ގައުމަކަށް ރާއްޖެ ބަދަލު ކުރުމަށްފަހު ވީމާ އަދިވެސް މިގައުމުގަ ފެންނަން ހުރީ މައުމޫނުގެ ތަރައްގީ
އަހުމަދު މޫސާ
11 April 2017
އަލިފުގެ ބަސްކޮޅަކީ ކިޔާލުމުން ވަރަށް ސާފުކޮށް މިހާރު މި ހިނގާ ކަންކަމުގައި ފިކުރުކުރާ މީހުންގެ ހިތުގައި މައުމޫނާއިމެދު ހިތުގައި އުފެދިފައިވާ ނުތަނަވަސްކަން ފިލުވާލަދޭ ވަރުގެ ބަސްކޮޅެއް. ކޮންމެ މީހަކު ކޮށްދިނަސް ރަނގަޅުކަމެއްވާނީ ރަނގަޅު ކަމަކަށް، މޮޅުކަމެއްވާނީ ހަމަ މޮޅު ކަމަކަށް. މިހާރު މައުމޫނު އެކުރާ މަސައްކަތުން ފައިދާވާނީ ހަމަ މިރާއްޖެއަށް، މިރާއްޖޭގައި އުޅޭ އެންމެންނަށް! ބުއްދީގެ ބޭނުންކުރާ ބަޔަކަށް މިކަން އެނގޭނެ!
ފަޅުވެރިން
11 April 2017
މައުމޫން ތިޔައީ ސަރުކާރުގެ ބަލިފައިގެ ގޮތުގައި މިއޮތްހުރިހާ ދުވަހު ހުރި މީހާ! ތިޔަކަމުން ސަލާމަތްވީމާ މިހާރު ސަރުކާރުގެ ދުވެލި އިހުނަށްވުރެ އެތައް ގުނައެއް ހަލުއިވެ، ސަރުކާރަށް ދަނީ އާރޯކަން ލިބެމުން. 30 އަހަރުގެ ކަހަނބު ދުވެއްޔަށް ދިވެހިން އަލްވަދާޢު ކިޔައިފި! ކިތަންމެ ވަރަކަށް ރުޔަސް ދެން ކުރާނެ ކަމެއް ނެތް. ކުރީގެ ރައީސެއްގެ ގޮތުގައި ޢިއްޒަތާއި ޝަރަފާއެކު ހުރެވެން އޮއްވައި ޢާއިލީ ވެރިކަމެއް ޤާއިމްކުރަން އުޅެގެން ލިބުނެ ކެއްސެއް ތިޔައީ. އަމިއްލައަށް ބުއި ބޮނޑިއެއް ތިޔައީ! ތިޔަކަމާ ދިވެހި ރައްޔިތުންނަކަށް ޒިންމާއެއް ނުވެވޭނެ!
އަޙްމަދުﷲ
11 April 2017
މައުމޫނުގެ ޑިމޮކްރަސިއަކީ ސަރުކާރާ ކިޔާލު ތަފާތުވި އެންމެން ޖަލަށް ލުމެވެ. ވަޒީފާ ދިނުމާއި ވަކިކުރުމުގައިވެސް އޮތީ ރުއްސެވުމާއި ނުރުއްސަވާ ޑިމޮކްރަސީއެވެ. ވޯޓް ލުމުގައި އޮތީ ނުފެންނަންޏާ ކުޑަ ކާފު ފެންނަންޏާ ބޮޑު ކާފު ލުމެވެ. ކަތީބުން ތިބީ ވޯޓު ފޮށިމަތީ ބަނޑުއަޅާގެނެވެ. އެހެންނަަމަވެސް އެއީ މާޒީއެވެ. ރައީސް މައުމޫނު ހީފުޅުކުރައްވާގޮތަށް މިހާރު ކަންތައް ނުހިނގާނެއެވެ. އެމަނިކުފާނު އެއުޅުއްވަނީ އެމަނިކުފާނު ކެހި ކަނޑުލުގެ ހިތި ފިލުވައިދޭކަށެއްނޫނެވެ. އެމަނިކުފާނުގެ ބޭފުޅާއަށް ރައީސްކަން ނުވަތަ ނާއިބު ރައީސްކަން ލިބޭތޯއެވެ. ޔާމިނާ މެދު އުފެދުނު ހިތް ނުތަނަވަސްކަން މިހާރު ޒާތީވެގެންނެވެ. އަދިވެސް މައުމޫނާއި ޢާއިލާއަށް ހެޔޮއެދޭނީ ޔާމިނެވެ. އެމްޑީޕީ ނުވަތަ ޖޭޕީއެއް ނޫނެވެ.
ކުޑަ ކާފު
11 April 2017
ނުފެންނަންޏާ ކުޑަ ކާފު ފެންނަންޏާ ބޮޑު ކާފު މި ކިޔުއްވަނީ ކީކޭތޯ!
ބޮޑު މުހައްމަދު
11 April 2017
މައުމޫނު ކެހި ކަނޑުލުގެ ހިތި މައުމޫނު ޖެހޭނެ ފިލުވަންް ...
ޒާހިރު
11 April 2017
ރައީސް މައުމޫނަކީ 30 އަހަރު ވެރިކަންކޮށް އެމަނކުފާނުގެ ބޭފުޅަކު ރާއްޖޭގެ ރައީސް ނުވަތަ ނާއިބު ރައީސްކަމަށް ފައްކާކުރަން ވަގުތާއި ދަނޑިވަޅު ލިބިވަޑައިގެން ބޭފުޅެއް. އެހެންނަމަވެސް އެމަނިކުފާނު މަސައްކަތްފުޅުކުރެއްވި ވީހާވެސް ގިނަ ދުވަހަކު ވެރިކަމުގައި ހުންނެވޭތޯ. ލިބިވަޑައިގެން ފުރުތަކުގެ ބޭނުންކުރެއްވިނަމަ މިއަދު ފާރިޝް ހުންނާނީ ވެރިކަމަށް ތައްޔާރުކުރެވިފަ. މިހާރު ތިޔަ އުޅުއްވާގޮތުން އަގުވެއްޓެނީ ރައީސް މައުމޫނާއި ފާރިޝްގެ. ވަރަށް ދެރަ. މަނިކުފާނަކީ އަޅުގަނޑުމެން ހާދަ އިޙްތިރާމްކުރި ބޭފުޅެކެވެ. އެހެންނަމަވެސް މަނިކުފާނު ތިކުރައްވާ މަސައްކަތުގެ ނަތީޖާ ނިކުންނަނީ މަނިކުފާނާ ދެކޮޅަށެވެ. ރައީސް ނަޝީދު އާއި އެމްޑީޕީ އިން މަނިކުފާނަށާއި ޢާއިލާއަށް އެއްވެސް ހެވެއް ނޭދޭނެކަން ޚުދު މަނިކުފާނުވެސް ޤަބޫލުކުރާނެއެވެ. މަނިކުފާނަށް ހެޔޮ ވިސްނުން ﷲ މިންވަރުކުރައްވާށި. އާމިން
އަލިފު
11 April 2017
ޒާހިރު ތިޔައިންވެސް އެގެނީ އެމަނިކުފާނަކީ ކޮންމެހެން އެމަނިކުފާނުގެ ވެރިކަން ދަމަހައްޓަން ދަރިފަސްކޮޅު ތައްޔާރު ކުރި މީހެއް ނޫންކަން. އެކަމަށް އެކަށީގެންވާ ކޮންމެ މީހަކަށްވެސް އެފުރުޞަތު އޮންނާނެކަން. މިއަދި އެމަނިކުފާނު ބަހެއް ވިދާޅުވާންޖެހިގެން އެ އުޅުއްވަނޫ މިވެރިކަމުގެ ފަރާތުން، ރައްޔިތުން ނުރުހޭ ކިތަންމެކަމެއް ކޮށް، ރާއްޖެ އޮޔާލާ ހިސާބަށް ދާތީ އެކަން ރަގަޅުކުރުމަށް ދެއްވި ނަސޭހަތްތަކުގަ ކޮޅުފައިން ޖެއްސެވީމަ، މިކަމުގައި މައުމޫނުވެސް ޒިންމާ ވާންޖެހޭނެތީ، އެމަނިކުފާނު ުނިޔޭގައި ހުންނަވަނިކޮން، އެމަނިކުފާނު ކެހި ކަނޑުލުގެ ހިތި ފިލިވައިދީ، ރައްޔިތުންގެ ރާއްޖެ އަނބުރާ ރައްޔިތުންނަށް ހޯދައިދީ، ރައްޔިތުންގެ ހިތް އެމަނިކުފާނަށް ސާފު ކުރުމަށްޓަކައި ކުރައްވާ މަސައްކަތްތަކެއް. އެކަން الله އިރާދަފުޅު ކުރެއްވިއްޔާ ކާމިޔާބުވާނެ.