ޔާމީން މަރާލުމަކީ މީޑިއާ އަށް ދިން ހަމަލާއެއް: ސަރުކާރު

ޔާމީން މަރާލާފައި އޮތް ގޭ ސަރަހައްދުގައި ފުލުހުން ހަރަކާތްތެރިވަނީ --ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

23 އެޕްރީލް 2017 - 14:56

ސޯޝަލް މީޑިއާ އެކްޓިވިސްޓް އަދި ބްލޮގަރު ޔާމީން ރަޝީދަށް ހަމަލާދީ މަރާލުމަކީ ރާއްޖޭގެ ޑިމޮކްރަސީއަށާއި މިނިވަން މީޑިއާއަށް ދިން ހަމަލާއެއް ކަމަށް ސަރުކާރުން މިއަދު ބުނެފި އެވެ.

ވަގަށް ނަގާފައިވާ މިނިވަން ނޫހުގެ ނޫސްވެރިޔާ ރިލްވާން އަހުމަދުގެ އެންމެ ގާތް އެކުވެރިންގެ ތެރޭގައި ހިމެނޭ ޔާމީން، 29، މަރާލާފައި އޮއްވާ ފެނުނީ އޭނާ ދިރިއުޅޭ ގޭގެ ސިޑި ކައިރިންނެވެ. އޭނާގެ ގައިގެ 14 ތަނަކަށް ތޫނު އެއްޗަކުން ހަމަލާދީފައިވެ އެވެ.

ޔާމީނަށް ދިން ހަމަލާ ކުށްވެރިކޮށް ރައީސް އޮފީހުން ނެރުނު ބަޔާނުގައި ބުނީ ދިވެހި ޒުވާނަކަށް އެފަދަ އަނިޔާވެރިކަމެއް ދިމާވުމުން އިންތިހާއަށް ހިތާމަކުރާ ކަމަށެވެ. އަދި ޔާމީންގެ މަރަކީ ރާއްޖޭގެ ސޯޝަލް މީޑިއާއަށް ލިބުނު އުނިކަމެއްގެ ގޮތުގައި ސަރުކާރުން ވަނީ ސިފަކޮށްފަ އެވެ.

"..ރައްޔިތުންގެ ސަލާމަތާއި ރައްކާތެރި ކަމަށްޓަކައި އެޅެން ހުރި ހުރިހާ ފިޔަވަޅުތަކެއް ސަރުކާރުން އަޅަމުން ގެންދާނެ ކަމުގެ ފުރިހަމަ ޔަގީންކަން، މި ފުރުސަތުގައި ވެސް ރާއްޖޭގެ ލޮބުވެތި ރައްޔިތުންނަށް އަރުވަމެވެ،" ރައީސް އޮފީހުގެ ބަޔާނުގައިވެ އެވެ.

ސަރުކާރުން ބުނީ ޔާމީނަށް ހަމަލާދިން މީހުން ގާނޫނުގެ ކުރިމައްޗަށް ގެންނަން ސަރުކާރުގެ ހުރިހާ ވަސީލަތްތަކެއް ބޭނުންކުރާނެ ކަމަށެވެ.

އެފަދަ ބޮޑެތި މައްސަލަތަކުގެ ތަހުގީގަށް ބޭނުންވާ ފުލުހުންގެ އޮޕަރޭޓިން ޕްރޮސީޖާ މުތާލިއާ ކުރުމުގެ މަސައްކަތް ކުރަމުން އަންނަ ކަމަށް ވެސް ރައީސް އޮފީހުން ބުންޏެވެ. އެއީ، ސަރުކާރުން ބުނި ގޮތުގައި، ނޫސްވެރިންނަށާއި އާއްމުންނަށް ލިބޭ އިންޒާރުތަކަށް އަވަސް ފިޔަވަޅެއް އެޅުމުގެ ގޮތުންނެވެ.

ޔާމީން މަރާލި އިރު އޭނާ އަށް ވަނީ އެތައް އިންޒާރެއް ލިބިފަ އެވެ. އެ މައްސަލަ ފުލުހުންނަށް ވެސް ހުށަހެޅި އެވެ. ފުލުހުން ބުނާ ގޮތުގައި ޔާމީނަށް އިންޒާރު ދިން ބަޔަކާ ސުވާލު ވެސް ކުރި އެވެ. އެކަމަކު އެޅީ ކޮން ފިޔަވަޅެއް ކަމެއް ނުބުނެ އެވެ.

ޔާމީނަކީ "ދަ ޑެއިލީ ޕެނިކް"ގެ ނަމުގައި ބްލޮގެއް، އިނގިރޭސި ބަހުން ލިޔަމުން އައި ޒުވާނެކެވެ. ރާއްޖޭގެ ސިޔާސީ އަދި ދީނީ ހަރުކަށި ކަމާ ބެހޭ ގޮތުން ވެސް އޭނާ ފާޑު ކިޔަ އެވެ.

ފުލުހުން މީހުން މެރުން ރައީސް އޮފީސް ސޯޝަލް މީޑިއާ ޔާމީން ރަޝީދު މަރާލުން

53 ކޮމެންޓް, 217 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާގޯށި

24 April 2017

ރާއްޖޭގައި މީޑިޔާގެ މިނިވަންކަން މި ފަހަކުން ވަނީ ިނގުޅައިގެންފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިކީލަ

24 April 2017

ރާއްޖޭގަ އެންމެ ނުރައްކާތެރި ބަޔަކީ ޕޮލިޓީޝަނުން. އެއަށްފަހު ގޭންގްތައް، ދެން ޑިޕްރެޝަންގެ ބަލި ކުރިމަތިވެފައިވާ މީހުން. އެންމެ މޮޔައީ ރައްޔިތުން، ސަބަބަކީ ކުރިން މިބުނި އެއްވެސް ކަމެއް ގަބޫލު ނުކޮށް ޕޮލިޓީޝަނުން ޖަހާހާ ބެރަކަށް ނަށާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލީތާ

24 April 2017

ވ ހަބޭސް ހަގީގަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޓެލް

24 April 2017

ކޮބައިތޯ އެއޮއް އަންނަހާރިޕޯޓުތައް....؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

23 April 2017

ތިޔަބުނާ ޔަޤީންކަމެއް ދިވެހި ލޮބުވެތި ރައްޔިތުންނަށް އަރުވަ އަރުވަ އޮއްވާ، ކިތައްމީހުން މަރާފިތޯ؟ އެކަމަކު އެކަމެއް ކުރި މީހަކަށް މިހާތަނަށް އަދަބެއް ދެވި ހުކުމެއް ތަންފީޒު ކުރެވިއްޖެތޯ؟ އެކަމަކު ހަމަ ޔަޤީންކަން އަރުވަނީ ދެއްތޮ، އަހުންނަށް ރަނގަޅީ ތިޔަ ޔަޤީންކަން ނޭރުވިއްޔާ، ވަރަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނަ

23 April 2017

މީޑިއާއަށް މިހާތަނަށް ދިން އެންމެ ބޮޑު ޙަމަލާއަކީ އަބުރުގެ ޤާނޫން. އެއަށްވުރެ ވަކިން ބޮޑު ޙަމަލާއެއް، އަނިޔާއެއް، ޖަރީމާ، އަދި ޖެއްސުމެއްވިޔަސް ކޮށްފއެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީރާއްޖެ

23 April 2017

ފުލުހުންނަކަށް، ސަރުކާރަކަށް އަދި ކޯޓުތަކަކަށް ރައްޔިތުންގެ އިތުބާރެއް ނެތް! އަދިކޮބާ ސަރުކާރު ހިންގާ ޕާޓީގެ ތާއިދެއްވެސް ސަރުކާރަކަށް ނެތް! އިންސާފު ހޯދޭނީ ރައްޔިތުންނަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާ

23 April 2017

މި ނުބައި ކަންތައް ހިނގިތާ މިހާރު 15 ގަޑިއުރަށް ވުރެއް ގިނަ ވަގުތު ހޭދަވެއްޖެ. ޝައްކު ކުރެވޭ މީހަކު ހައްޔަރެއް ނުކުރޭ. ފުލުހުން ޕްރެސް ކޮންފްރަންސް އެއް ނުބާއްވާ...! ކިހިނެއް މިހަދަނީ؟ މުޅި ސަރަހައްދުގައި ހުރި ސީސީޓީވީ ކެމެރާތަކުގެ ފުޓޭޖް ގެއްލުނީތޯ ؟ ނުވަތަ ނަގާލީތޯ ؟ ނުވަތަ އަދި އެކަންކުރަން ވެރިފަރާތްތަކުން ހުއްދަ ނުދީގެން އުޅެނީތޯ ؟ މިސުވާލުތަކަށް އަވަސް އަވަސް ޖަވާބު ބޭނުންވޭ...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްލާހު

23 April 2017

މީޑިޔާ އަށް މިޤައުމުގައި ޙަމަލާ ދޭ އާންމުން ހަމަ ގިނައީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިންބި

23 April 2017

އަޅުގަނޑު ސަރުކާރު ދަތުރެއްގައި އަތޮޅުތެރޭގައި އުޅެމިކޮށް ކޮންމެވެސް ބޭފުޅަކު މަރުގެ އިންޒާރު ދިން، އެ މައްސަލަ ޕޮލިހައް ހުށަހެޅި ފަހުން ގައިމު ދެއަހަރު ޚަބަރެއްނުވޭ. މިހާރު އެ ބޭފުޅަކީ ވެރިކަން ހިންގާ ޕާޓިގެ އިސްބޭފުޅެއް. ނަތިން މަޗް ޓު ސޭ. ޕްރޮފެޝަނަލިޒަމް ގެ އެންމެ މަތީ ދަރަޖަ.