ޚަބަރު / ލޯކަލް ކައުންސިލްތަކުގެ އިންތިހާބު 2017

ލޮރީބުރު ހުއްޓުވިން، އެއްވެސް ބަޔަކަށް ހުއްދައެއް ނުދެން: ޕޮލިސް

މާލޭ ސިޓީ ކައުންސިލަށް ޕީޕީއެމުން ކުރިމަތިލި ކެންޑިޑޭޓެއްގެ ލޮރީބުރު މިއަދު ހަވީރު މާލޭގައި ބާއްވަނީ: މި ލޮރީބުރު ހުއްޓުވި ކަމަށް ފުލުހުން ބުނޭ.---މިހާރު ފޮޓޯ: ނިޝާން އަލީ

05 މެއި 2017 - 22:48

10 comments

މާދަމާ ބާއްވާ ލޯކަލް ކައުންސިލްތަކުގެ އިންތިޚާބުގައި ތާއީދު ހޯދުމަށް މިއަދު ހަވީރު މާލޭގައި ބޭއްވި ލޮރީބުރު ހުއްޓުވާފައިވާ ކަމަށާއި އެފަދަ ކަމެއް ކުރުމަށް އެއްވެސް ބަޔަކަށް ހުއްދަ ނުދޭ ކަމަށް ފުލުހުން ބުނެފި އެވެ.

ފުލުހުން މިރޭ އެހެން ބުނިއިރު، މާލޭ ސިޓީ ކައުންސިލަށް ވެރިކަން ކުރާ ޕީޕީއެމުން ކުރިމަތިލާފައިވާ ކެންޑިޑޭޓަކަށް ތާއީދު ހޯދުމަށްޓަކައި މާލޭގައި މިއަދު ހަވީރު ލޮރީބުރެއް ބޭއްވި އެވެ.

ޕީޕީއެމްގެ ކެންޑިޑޭޓެއްގެ ލޮރީބުރެއް މާލޭގައި ބޭއްވުމުން އެތައް ބައެއްގެ ފާޑުކިޔުން ސަރުކާރަށާއި ފުލުހުންނަށް އަމާޒުވީ، އިދިކޮޅު އެމްޑީޕީން މާލޭ ސިޓީ ކައުންސިލަށް ކުރިމަތިލާފައިވާ ކެންޑިޑޭޓުންގެ ކެމްޕެއިންގައި މިއަދު ހަވީރު ލޮރީބުރެއް ބާއްވަން ނިންމުމުން، އެކަމަށް ފުލުހުން ހުއްދަ ނުދީ އޮއްވައި ޕީޕީއެމްގެ ކެންޑިޑޭޓެއްގެ ލޮރީ ބުރު ބޭއްވުމުންނެވެ.

ނަމަވެސް ފުލުހުންގެ އިސް އޮފިޝަލަކު މިރޭ "މިހާރު" އަށް ވިދާޅުވީ އެ ލޮރީބުރު ވަކި ހިސާބަކުން ހުއްޓުވާފައިވާނެ ކަމަށެވެ.

އެންމެ ބޮޑު އިދިކޮޅު ޕާޓީ އެމްޑީޕީން ނިންމާފައި އޮތީ 13 ޕިކަޕެއްގައި އަޑުގަދަ ކުރާ ބޭނުންކޮށްގެން މިއަދު ހަވީރު މާލޭގައި ލޮރީބުރެއް ބޭއްވުމަށެވެ. އަދި އެކަން ފުލުހުންގެ ސަމާލުކަމަށް ގެނައުމުން ފުލުހުން އެމްޑީޕީ އަށް އެންގީ އެ ލޮރީބުރު ހުޅުމާލޭގައި ބޭއްވުމާ މެދު އިއުތިރާޒް ނުކުރާ ކަމަށެވެ.

މާލޭގައި ލޮރީބުރު ނުބޭއްވޭނެ ކަމަށް ފުލުހުން ދެއްކި ސަބަބުތަކުގެ ތެރޭގައި ހިމެނެނީ، މަގުތަކުގައި އުމްރާނީ ތަފާތު މަސައްކަތްކުރަމުންދާތީ މަގުތަކުގެ ޓްރެފިކް ބާރުބޮޑުވުމާއި އަދި އާއްމުންނަށް ދަތިތަކާ ދިމާވެދާނެތީ ކަމަށެވެ.

ލޯކަލް ކައުންސިލްތަކުގެ އިންތިހާބު 2017 ލޯކަލް އިންތިހާބު ފުލުހުން ޕީޕީއެމް އެމްޑީޕީ

10 ކޮމެންޓް, 256 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަންދީ

07 May 2017

ހުއްޓުވީ ދުއްވާނެ ވަރަކައް ދުއްވައި ގޭދޮށައް މަޑުކުރަން އުޅެނިކޮއް، ފެންނަންވެސް ފެނުނު އަންގަންވެސް އެންގި ނިމެން ކައިރިވީމަ ގޮތް ދައްކާލަން ޔުނިފޯމް އެޅި ކުދިން ކޮޅެއްވެސް ފޮނުވި، ލޮރީ ބުރުވެސް ވަކި ބަޔަކައް ޖަލްސާވެސް ވަކިބަޔަކައް މަގުތައް ބަންދު ކޮއްގެންވެސް ވަކިބަޔަކައް، ބަޔަކު އެގިގެން ނަމަވެސް މިކުރަނީ މިރާއްޖެ ބައިބައިކޮއް ބޮޑު ލޭއޮހުރުމަކާ ދިމާލައް، މި ރާއްޖޭގެ މުސްތަޤުބަލާ މެދު ވިސްނާ މީހެއް ކަރުނަ އަޅާރޯނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްބުލްވަތަން

06 May 2017

ފުލުހުން މިއަށްވުރެ ޒިންމާދާރު ވާންވާނެ ކަމަށް ދެކެން. އެހެންނޫންނަމަ ޕޮލިޓިކަލީ މޯޓިވޭޓެޑް ޖަވާބެއް ނުދޭނެ. ވަރަށް ދެދުން. ބަޣާވާތުގައި ބައިވެރިވި އެއްވެސް މީހާކަށް މާފުކުރުމެއްނެތް. ގައުމު މިހާލަތައް ވައްޓާލީ އެ މީހުން.