އިއްސެ މަރާލާފައި އޮތް އައިސް ޕްލާންޓް: އޭނާގެ މަރުގެ ތުހުމަތުގައި ހައްޔަރުކުރީ އެތަނުގައި ކުރިން މަސައްކަތް ކުރި ބިދޭސީ މީހެއް
17 ޖޫން 2017 - 00:04
30 comments
ހއ. އިހަވަންދޫގައި ހުންނަ އައިސް ޕްލާންޓުގައި މަސައްކަތް ކުރާ މުވައްޒަފުން، އިސްމާއިލް އުމަރު (އިއްސެ) ހޯދަން، ޕްލާންޓު ހިންގާ އިމާރާތުގައި އޭނާ ދިރިއުޅޭ ތަނަށް ދިޔައީ، އޭނާ އަށް ގުޅުމުން ފޯނަށް ޖަވާބު ނުދޭތީ އެވެ.
މިއަދަކީ ހުކުރުދުވަސް ކަމަށް ވާތީ މެންދުރު ކުރިން އައިސް ޕްލާންޓު ނުހުޅުވަ އެވެ. އެކަމަކު އަސުރު ނަމާދަށް ފަހު ވެސް އިއްސެގެ ޚަބަރެއް ނުވެގެން އައިސް ޕްލާންޓް ހިންގާ އިމާރާތަށް ވަދެ ދޮރުގައި ޓަކި ވެސް ޖެހި އެވެ. އެއްވެސް ޚަބަރެއް ނުވި އެވެ. އަދި ކޮންމެވެސް ވަރަކަށް ލޭގެ އަސަރު އެތަނުން ފެނުމާ އެކު، އިއްސެ ހޯދަން ދިޔަ މީހުން އެކަން ފުލުހުންނަށް އެންގި އެވެ.
އިހަވަންދޫ އައިސް ޕްލާންޓު ހިންގުމާ ހަވާލުވެ ހުރި އިއްސެ ޒަހަމްތަކާ އެކު މަރާލާފައި އޮއްވައި ފެނުނީ ފުލުހުން ގޮސް ދޮރު ހަލާކުކޮށްލައިގެން ވަދެ އިއްސެ ހޯދަމުން ދަނިކޮށެވެ. ޅ. ހިންނަވަރަށް އުފަން އިއްސެ ފެނުނީ އައިސް ޕްލާންޓް ތެރޭގައި ހުރި ހަނި ދޭތެރެއަކުންނެވެ.
"ފުދޭ ވަރަކަށް އަނިޔާ ކޮށްފައި ހުރި ކަމަށް ވަނީ. ކަރަށް ވެސް އަނިޔާކޮށްފައި ހުރި. ތޫނު އެއްޗަކަށް ވުރެ ބޮޑަށް އެއްޗެއް ބާރުކޮށް، ވާންކޮށްގެން ކަމަށް ބެލެވެނީ،" އެރަށުން ވާހަކަ ދެއްކި މީހަކު ބުންޏެވެ.
އެކަމަކު އިއްސެ އަށް ލިބިފައިވާ އަނިޔާތަކުގެ ތަފްސީލެއް އަދިއެއް ނުލިބެ އެވެ.
ތުހުމަތު ކުރެވޭ ބިދޭސީ މީހާ ދެތިން ދުވަސް ކުރިން "ގެއްލުނީ"
އިއްސެ 54، ގެ މަރާ ގުޅިގެން އެންމެ ފުރަތަމަ ވެސް ތުހުމަތުކުރީ އޭނާއާ އެކު އައިސް ޕްލާންޓްގައި މަސައްކަތް ކުރި ބަންގްލަދޭޝްގެ ރައްޔިތަކަށެވެ. އޭނާ މިރޭ ވަނީ ހައްޔަރުކޮށްފަ އެވެ. އިއްސެގެ މަރާ ގުޅިގެން އެ މީހާ އަށް އެންމެ ފުރަތަމަ ތުހުމަތު އަމާޒުވާން ޖެހުނީ މީގެ ދެތިން ދުވަސް ކުރިން އެ ބިދޭސީ މީހާ ވީނުވީ ނޭނގި ގެއްލުމުންނެވެ.
އެ މީހާ ގެއްލުމުން އޭނާ ހޯދަން އިއްސެ އާއި އޭނާގެ ގާތް މީހުން ވަރަށް މަސައްކަތް ކުރި އެވެ. އެ މައްސަލަ އިހަވަންދޫ ޕޮލިސް ސްޓޭޝަނަށް ހުށަހެޅީ ވެސް އިއްސެ ކަމަށް އެ ރަށުން ވާހަކަ ދެއްކި މީހާ ބުންޏެވެ. އެ ބިދޭސީ މީހާ ހޯދަން ފުލުހުން އިހަވަންދޫގައި މަސައްކަތް ކުރިޔަސް އޭނާ އޭރު ނުފެނުނެވެ.
އެ މީހާ ނުފެނުމުން އިހަވަންދޫ މީހުން ކުރިން ގަބޫލުކޮށްގެން ތިބީ ފެރީއެއްގައި އޭނާ ދިއްދު އަށް ދިޔައީ ކަމަށެވެ. އެކަމަކު ރޭ ދަންވަރުގެ ވަގުތެއްގައި އެ މީހާ ޑިންގީއެއްގައި އިހަވަންދޫން ފުރައިގެން ހޯރަފުށްޓަށް ދިޔަކަން އެނގުމާ އެކު، އިއްސެގެ މަރުގެ ފަހަތުގައި އޭނާގެ އަތެއް ވާ ކަމަށް އިހަވަންދޫ މީހުންނަށް ޝައްކު ކުރެވުނެވެ. ފުލުހުން އެ ބިދޭސީމީހާ ހައްޔަރުކުރީ މިއަދު ހަވީރު އެވެ.
އިއްސެ މަރާލާފައި އޮތް އައިސް ޕްލާންޓް ސަރަހައްދު ބަންދުކޮށްގެން ފުލުހުން ހަރަކާތްތެރިވާއިރު އެތަނުގެ ބޭރުގައި އާންމުން ހަރަކާތްތެރިވަނީ --ފޮޓޯ/ކިޔުންތެރިއެއް
"ކުރިން އޭނާ ނުފެނުނީމަ އެންމެން ވެސް ހީކޮށްގެން ތިބީ މި އޮންނަ ފެރީ ނިޒާމުގެ ތެރެއިން އޭނާ ދިއްދު އަށް ދިޔައީ ކަމަށް. އެކަމަކު ރޭ ދަންވަރު ހޯރަފުއްޓަށް ދިޔަކަން އެނގުނީމަ އެނގިއްޖެ ކުރިން އޭނާ ހޯދިއިރު ވެސް އޭނާ މިރަށުގައި ހުރިކަން. އެ ހިސާބުން ހޯދަން އަނެއްކާވެސް ފެށީ،" އިހަވަންދޫން ވާހަކަ ދެއްކި މީހާ ބުންޏެވެ.
ބިދޭސީ މީހާއާ މެދު މައްސަލައެއް ނުޖެހޭ ކަމަށް އިއްސެ ބުނި
އިހަވަންދޫން "މިހާރު"އާ ވާހަކަ ދެއްކި މީހާ ބުނިގޮތުގައި، އިއްސެ އާއި އެ ބިދޭސީ މީހާއާ ދެމެދު އެއްވެސް މައްސަލައެއް ޖެހިފައި އޮތް ކަމެއް އެނގިފައެއް ނެތެވެ. ބަންގްލަދޭޝް މީހާއާ އެއްވެސް މައްސަލައެއް ޖެހިފައި ނޯންނާނެ ކަމަށް އިއްސެ ވެސް އޮތީ ރަހުމަތްތެރިއެއްގެ ގާތު ބުނެފައި ކަމަށް ވެ އެވެ.
"އިއްސެ ބުނެފައި އޮތް ކަމަށް ވަނީ އެ ބިދޭސީ މީހާއާ މެދު އެއްވެސް މައްސަލައެއް ޖެހިފައެއް ނޯންނާނެއޭ. އެއްވެސް ފައިސާއެއް ވެސް ދޭން ޖެހިފައެއް ނޯންނާނެއޭ. ހޯދާ ނުފެނުނީމަ އެ ހިސާބުން އިއްސެ ގަބޫލުކުރީ ބޮޑު މުސާރަ ހޯދަން ބައެއް ބިދޭސީން ފިލައިގެން ދާތީވެ އެގޮތަށް އެ މީހާ ވެސް ފިލައިގެން ދިޔައީ ކަމަށް،" "މިހާރު" އާ ވާހަކަ ދެއްކި މީހާ ބުންޏެވެ.
އޭނާ ބުނި ގޮތުގައި އެ މައްސަލާގައި އިތުރު ދެ ބިދޭސީއަކު ވެސް މިހާރު ވަނީ ހައްޔަރުކޮށްފަ އެވެ. އެއީ ފިލައިގެން އުޅުނު ބިދޭސީ މީހާއާ ވަރަށް ގާތްކޮށް އުޅޭ ދެ މީހުން ކަމަށްވެ އެވެ.
އިއްސެގެ މަރު ތަހުގީގު ކުރަން ފުލުހުންގެ ޚާއްސަ ޓީމެއް އިހަވަންދު އަށް ގޮސްފައިވާއިރު އޭނާގެ ހަށިގަނޑު މިހާރު އޮތީ އެ ރަށު ސިއްހީ މަރުކަޒުގައި ބާއްވައިފަ އެވެ. އިއްސެގެ އާއިލާ މީހުން އެ ރަށަށް ދިއުމަށް ދަތުރު ކުރަމުންދާ ކަމުގެ މައުލޫމާތު ލިބިފައިވާ ކަމަށް އިހަވަންދޫން ވާހަކަ ދެއްކި މީހާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިލަދުންމަތި
17 June 2017
2-3 ދުވަސް ވާންދެން ފުލުހުން ހޯދިނަމަ ބިދޭސީ މީހާ ނުފެނި ހުންނާނެ ތަ؟ އިހަވަންދޫ އަކީ އެހާ ބޮޑު ރަށެއް ނޫން 3-2 ދުވަސް ވަންދެން ފިލާ އުޅެވެން. އެރަށު މީހެއްގެ އެހީއާ ލައިގެން ދޯ އުޅެވޭނީ. އެހެން ނޫނަސް މީހެއްގެ އެހީއާ ނުލައި އޭނާ އަކަށް ޑިންގީ އަކަށް އަރާގެން ނުފިލޭނެ ދޯ. ހަމަބުނެލީ!!!!
އިބޫ
17 June 2017
އިންނާލިއްލާހި ވައިންނާއިލައިހި ރާޖިއޫން މި އަނިޔާ ދިން މީހުން ހޯދާ ޝަރީއަތށް އަވހށް ހުށަހަޅާ، މިފަދަ އަނިޔާވެރިންގެ ކިބައިން އަޅަމެން ސަލާމަތް ކުރައްވާށި..އާމީން
ސިޔާނާ
17 June 2017
ބިދޭސީން މަދުކުރަން މުޒާހަރާކުރަން ފެނޭ...
ލައްކަ ވާހަކަ
17 June 2017
ކަމެއް ވާ އިރު ބަންގާޅީންނަށް މި ބަވަނީ...އެމީހުން ބޭރުކުރަން މި ގޮވަނީ. އެމީހުން މި ގައުމަށް ގެނެސް މިގައުމު މިހާލަތަށް ވައްޓާލި ބަޔކު ހޯދަން އެބަ ޖެހޭ. ދޮންޖޭމުގޭ އުމަރު ނަސީރު ވަނީ މިކަން ހިންގީ ކާކުކަން ޕޕމ ޕުރައިމަރީގަ ކިޔައިދީފަ. މިއީ ކޮރަޕްޝަނުގެ ބޮޑު ހާއްޔެއްގެ ތެރެއިން ހިންގާ ބޮޑު ޖަރީމާއެއް. މި މީހުން ގެނެސް މިމީހުން ފިލުވަނީވެސް ބޮޑު ރޭވުމެއްގެ ދަށުން. މިމީހުން އެތެރެކޮށް ފިލުވާފަ އަނެއްކާވެސް ދަނީ އިމިގްރޭޝަނަށް. އެތަނަށް ގޮސް އަނެއްކާ ވެސް މީހުން އެތެރެ ކުރަނީ. މިއީ ސީދާ ގަސްތުގަ ހިންގާ ބޮޑު ޖަރީމާއެއް.
ސިޔާސަ ދިވެއްސެއް
17 June 2017
ވުޒާރާތަކުގެ ހިންގުމާ ހަވާލުވެ ތިބީ ކިރިޔާވެސް ދިވެހި ގައުމަށް ލޯތްބެއް ހުރި މީހެއް ނަމަވެސް މި ބަންގްލަދޭޝް މީހުންގެ މައްސަލަ ހައްލުކުރަން އެންމެ ހަރުކަށި ފިޔަވަޅު އެޅީސް. ދެގައުމެއްގެ ދެމެދު ވެވިފަހުންނަަ އެއްބަސްވުން ހުންނާނެ، އެހެންނަމަވެސް އެއްވެސް ގައުމެއްގެ އިސްތިޤްލާލަށް އެކަމުން ގެއްލުންވަންޏާ ދަމަހައްޓާކަށް ނުޖެހޭނެ. ޝައިޚް ހަސީނާގެ އަހަރީ ރިޔާސީ ބަޔާނުގަ އިންނަ މުހިންމު ޕޮއިންޓެއް އެއީ ނިމިގެން ދިޔަ އަހަރު ކިތައް ބަންގްލދޭޝް މީހުން ރަށުން ބޭރައް ފޮނުވާ (އައުޓްސޯސްކޮށް) ކިތައް ޑޮލަރު ގައުމަށް ވެއްދިކަން. ވާހަކަ އަކީ އެމީހުން ސިސްޓެމެޓިކަލީ ކުރާކަމެއް ކަމަށް ވިޔަސް އަހަރެމެއް ކަހަލަ ކުޑަ ކުޑަ ގައުމަކުން މިހާގިނަ އަދަދެއްގެ މީހުން ވެއްދުމުގެ ކުރިން ވިސްނަންޖެހޭ ބައިވަރު ކަންކަން ހުންނާނެ ކަން ޔަގީން.
ހަވަނަ ހިއްސު
17 June 2017
އަހަރެމެން ދިވެހި ރާއްޖެއަށް ބޭނުންވަނީ ޓްރަމްޕް ކަހަލަ އިކޮނޮމިސްޓެއް ނޫން. ބޭނުންވަނީ އުމަރު ބުން އަބްދުލް އަޒީޒް ކަހަލަ އިޚްލާސްތެރި ރައްޔިތުންދެކެ ލޯބިވާ އަދުލުވެރި ވެރިއެއް.
މުހައްމަދު
17 June 2017
ދިވެހިރާއްޖެ މީހުންނަށް އެކި ގޮތްގޮތުން ދަތިދަކާ ކުރިމަތިލާން ޖެހިގެން ރާއްޖެއިން ފޮނުވާލި ވޯރާވިޔަފާރިވެރިންގެ ވާހަކަ ހުރިހާ ދިވެހިންވެސް ދަންނާނެ. އެމީހުން ފޮނުވާލަން ޖެހުނު މައިގަނޑު ސަބަބެއްކަމަށްވީ ހުރިހާ ވިޔަފާރިއެއް އެމީހުން ހިސާރު ކުރުން. މިހާރު މިއުޅޭ ބަންގްލަދޭޝް މީހުންނަކީ ރާއްޖޭގެ ކުދި ވިޔަފާރިން ފެށިގެން ބޮޑެތިވަފާރި ކޮންޓްރޯލް ކުރާ އަދި އިޖުތިމާއީ އިޤްތިސާދީ ގޮތުންވެސް ރާއްޖޭއަށް ނުހަނު ގެއްލުންދޭ ބައެއް. މިހެން ބުނާއިރަށް ކޮންމެސް ދިވެއްސެއް ބުނާނެ އެމީހުން ނެތިއްޔާ އަހަރެމެންގެ ގޭތައް ނުހެދޭނޭ، ކުނި އުކާނުލެވޭނޭ. އަޅުގަނޑުގެ ވާހަކައަކީ އަޅުގަނޑު ގެޔައް ކުނިއުކަން އަންނަ ބިދޭސީ މީހާ ނައިސްގެން ގޭގަ ކުނިވަސް ދުވަންފެށީމަ އަމިއްލައަށް އުކާ ނުލާނެ ބާއޭ. ހަމަ އެގޮތައް އެހެން ކަންތައް ކުރާނެ ގޮތްގޮތްވެސް ހޯދާނެ. 2018 ގަ މަ ވޯޓު ލާނީ މިބިދޭސީން ޚާއްސަކޮށް ބަންގްލަދޭޝް މީހުން މިގައުމުން މަދުކޮއް ގަވައިދުން ނޫނީ ނޫޅެވޭ ގޮތައް ހަދައިދޭން ވައުދުވާ މީހަކަށް!
ނިބިހޫރު
17 June 2017
މިޤައުމުގެ ބޮޑުންގެ ޖީބަށް ފައިސާ ގޯނިގޯންޏަށް އަޅަންވެގެން ތަނެއްދޮރެއްނުބަލާ ބަންގާޅީން އެތެރެކުރަމުންދާއިރު މިކަމަށް އެއްވެސް ޙައްލެއް ސަރުކާރުން ނުހޯދުނު. މީ ދުނިޔޭގައި މިގޮތަށް ހިނގާ ހަމައެކަނި ޤައުމު. ދިވެހީންނަށްވުރެން ބަންގާޅީންގެ ބާރު މިޤައުމުގައި ގަދަ. އިހަކަށްދުވަހު އަޑުއިވުނު ސަރުކާރުން އެއްމެ ދުވަހެއްގެ ތެރޭ ފަސްދޮޅަސް ހާސް ވަޒީފާ އުފެއްދި ވާހަކަ. އެއީ ފިހާރަތަކުގައި ސޭޓުންގެ ގޮތުގައި ބަންގާޅީންނަށް ނުތިބޭނެކަމަށާއި އެ ގޮނޑިތަކުގައި ތިބެން ޖެހެނީ ދިވެހީން ކަމަށް. އެކަން އެގޮތަށް ހިނގަމުން އެބަދޭ. ނަމަވެސް އެގޮނޑިތަކުގައި އެތިބަ ދިވެހި ކުދިންނަށް ދިވެހިބަހުން ވާހަކަ ދައްކާކަށް ނޭނގެ. މިކަހަލަ އަނދުން ރައްޔިތުންގެ ލޮލުގައި އަޅުވައިގެން ވެރީން އެތިބެނީ. އަދި ރައްޔިތުން މިތިބެނީ ގުޅަގުޅައަށް އަނދުން ވަށަން ލޯތައް ދީގެން
ޝަނީފް
17 June 2017
ދެން މި ބަންގާޅީންގެ އުނދަގުލުން އަހަރުމެން ދިވެހިން ސަލާމަތްކުރެވޭނީ ވަރަށްވެސް ހިއްވަރު ހުރި ބަތޮލަކަށް. މިމީހުން ގެންނަން ފެށީއްސުރެ މިއަދާހަމައަށްވެސް މިކަމަކީ ސަރުކާރުގެ ބޮދުންނަށާއި އޭގެ ދަށަށް ތިބޭ އެތައްބަޔަކަށް ބޮޑެތި އަދަދުތަކުން ފައިސާ ލިބެމުން ދާ ކަމެއް. އިހައްދުވަހަކު އިމިގްރޭޝަނުން އައި ކޯޓާއަކަށް އެދުމުން އޮފީސް ބަލަން. އައިސް ބުނެފި 2 ކޯޓާއޭ ލިބޭނީ. އެކަމަކު އެތެރޭން ހަމަޖައްސާލެވިދާނޭ 15 ވެސް. އެކަމަކު އެއީ 15،000 ރުފިޔާއޭ. މިވަރުން ކިހިނެތް މިކަންކަން ހައްލުވާނީ!
އަސްލު
17 June 2017
އަސްލު ބުނަންތަ...... އިއްސެ(މރހމ) ކީއްވެ މާކުރިން ބިދޭސީ މީހާވާހަކަ ދެއްކީ.... އަސްލު ހީވަނީ އެޓޭކެއް އަންނާނެކަން އިއްސެ(މރހމ) އަށް އިނގުނީ ކަންނޭގެ... އިއްސެ އަށް ސުވަރުގޭގެ ދާއިމީ ނިއުމަތް ދެއްވާށި
ހުސެން
17 June 2017
ބުރޯ ބޮންދު ކަލޭގެ ފިލީމައެއްނުން ބުނެފަ އެއޮތީ ފިލަންޖެހޭ ސަބަބެއް ނެތްކަން ދެއްކުމުގެ ގޮތުން "ދޭންޖެހޭ ފައިސާއެއްވެސް އަދި މައްސަލައެއްވެސް ޖެހިފައެއް ނޯންނާނެޔޭ" ދިވެހިބަހުން ލިޔެފަ ހުންނައެއްޗެހިކިޔާނިމޭ އިރުވެސް ވާނުވާ ސާފުނުވޭ ދެއްތޯ؟
ވަސްލު:
17 June 2017
ހާދަބޯގަޅިޔޭދޯ!!! ދެތިންދުވަސްކުރިން އެބިދޭސީމީހާ ގެއްލިގެން ފުލުހަށް އިއްސެ ރިޕޯޓުވެސްކުރިއިރު އެމީހާގެވާހަކަ ނުދައްކާ ދެން ކާކުގެވާހަކައެއްދައްކާނީ؟