ޑިފެންސް މިނިސްޓަރު އާދަމް ޝަރީފް ނޫސްވެރިންނާ ވާހަކަ ދައްކަވަނީ
23 ޖޫން 2016 - 13:16
25 comments
ރާއްޖޭން ބޭރުގެ ގައުމުތަކަށް ހަނގުރާމައަށް ދިވެހިން ފޮނުވާ ބައެއް މީހުން ދެނެގަނެވިފައިވާ ކަމަށާއި އެމީހުން މޮނިޓާ ކުރަމުން އަންނަ ކަމަށް ޑިފެންސް މިނިސްޓަރު އާދަމް ޝަރީފް މިއަދު ވިދާޅުވެއްޖެ އެވެ.
"މިހާރު"އާ ވާހަކަ ދައްކަވަމުން އޭނާ ވިދާޅުވީ ހަނގުރާމައަށް ދިވެހިން ފޮނުވާ ކަމަށް ތުހުމަތުކުރެވޭ މަދު ބަޔަކު އެބަތިބި ކަމަށެވެ. ނަމަވެސް އެކަށީގެންވާ ހެކި ނެތިގެން މިހާތަނަށް އެއްވެސް ފިޔަވަޅެއް އެޅިފައިނުވާ ކަމަށް ރައީސް އަބްދުﷲ ޔާމީން ސަރުކާރުގެ ތިން ވަނަ ޑިފެންސް މިނިސްޓަރު ވިދާޅުވި އެވެ.
އަޅުގަނޑުމެން ހެކި ހޯދަން މަސައްކަތް ކުރަމުން އެބަދަން. ބައެއް މީހުން ދެނެގަނެވި މޮނިޓާ ކުރެވެމުން މިހާރު ދަނީ --ޝަރީފް
މި މީހުންނާ މެދު ފިޔަވަޅު ނޭޅެނީ ކީއްވެގެންތޯ ސުވާލުކުރުމުން މިނިސްޓަރު ވިދާޅުވީ އެމީހުން ހައްޔަރު ނުކުރެވެނީ "ކޯޓުގައި ސާބިތުވާ ވަރަށް" ހެކި ނެތުމުން ކަމަށެވެ.
"އަޅުގަނޑުމެން މިދަނީ ހެކި ހޯދަން މަސައްކަތް ކުރަމުން، ބައެއް މީހުން ދެނެގަނެވި މޮނިޓާ ކުރެވެމުން މިހާރު ދަނީ،" ޝަރީފް ވިދާޅުވި އެވެ.
ރާއްޖެއަށް ޓެރަރިސްޓް ހަމަލާއެއް ދީފާނެ ކަމަށް ސަލާމަތީ ބާރުތަކުން އަބަދުވެސް އޮންނާނީ ތައްޔާރަށް ކަމަށާއި އެކަމަކު ރާއްޖެއަށް އެއްވެސް އިންޒާރެއް ލިބިފައި ނެތް ކަމަށް އޭނާ ވިދާޅުވި އެވެ. އަދި ދުނިޔޭގެ ހުރިހާ ގައުމުތަކަށް ވެސް ޓެރަރިޒަމްގެ ބިރު އެބަ އޮތް ކަމަށް މިނިސްޓަރު ފާހަގަކުރެއްވި އެވެ.
"ރާއްޖޭގެ ނިސްބަތުގައި ސަލާމަތީ ބާރުތަކުން އޮތީ ތައްޔާރަށް،" މިނިސްޓަރު ވިދާޅުވި އެވެ.
މިނިސްޓަރުގެ ވާހަކައިގައި ޓެރަރިޒަމާއި ހައްދުފަހަނައަޅައި ދިއުމަށް ސަރުކާރުން ހިތްވަރުދޭ ކަމަށް ބުނެ އިދިކޮޅު ޕާޓީތަކުން ދައްކަމުން އަންނަ ވާހަކަތައް ދޮގުކުރެއްވި އެވެ.
ކައުންޓަ ޓެރަރިޒަމް ސެންޓަރުން ބޭއްވި ނިއުސް ކޮންފަރެންސްގައި މިނިސްޓަރު ޝަަރީފް (މ) ވާހަކަ ދައްކަވަނީ. މިނިސްޓަރު ވިދާޅުވީ ހަނގުރާމައަށް ފޮނުވާ މީހުން މޮނިޓާކުރަން ފަށާފައިވާ ކަމަށް. --ފޮޓޯ: ނިޝާން އަލީ/މިހާރު
އިދިކޮޅު ބައެއް ފަރާތްތަކުން ތުހުމަތުކުރާ ގޮތުގައި ދިވެހިން ހަނގުރާމައަށް ދަނީ އިމިގްރޭޝަންގައި މަސައްކަތް ކުރާ ބައެއް މުވައްޒަފުންގެ އެހީތެރިކަން ލިބިގެންނެވެ. މިނިސްޓަރު ވިދާޅުވީ އިމިގްރޭޝަންގެ ބައެއް މުވައްޒަފުންގެ އިހުމާލެއް އޮތްތޯ ދަނީ ބަލަމުންނެވެ.
ބޭރު ގައުމުތަކުގައި ހިނގާ ހަނގުރާމަތަކުގައި ބައިވެރިވާން ރާއްޖެ އިން މިހާތަނަށް ދިޔައީ 49 މީހަކު ކަމަށާއި އޭގެ ތެރޭގައި ހިމެނޭ ގިނަ މީހުންނަކީ ބޮޑެތި ކުށްތަކުގައި ހިމެނޭ މުޖުރިމުން ކަމަށް ޝަރީފް މީގެ ކުރިން ވަނީ ވިދާޅުވެފަ އެވެ.
ދިވެހި ހަނގުރާމަވެރިއަކު ސީރިއާގައި: ހަނގުރާމައަށް ދިޔަ ބައެއް މީހުން ރާއްޖެ ގެނެސް ކްރިމިނަލް ކޯޓުގައި ދަނީ ޝަރީއަތް ކުރަމުން
ބޭރުގައި ހިނގާ ބައެއް ހަނގުރާމަތަކުގައި ދިވެހިން ބައިވެރިވުމަކީ އަދި ބައިވެރިވާން އުޅުމަކީ ޓެރަރިޒަމް މަނާކުރުމުގެ ގާނޫނުގައި ޖިނާއީ ކުށެކެވެ. ހަނގުރާމަތަކުގައި ބައިވެރިވާން އުޅުނު ބައެއް މީހުން އަނބުރާ ގެނެސް އެ މީހުންގެ ޝަރީއަތް މިހާރު ދަނީ ކްރިމިނަލް ކޯޓުގައި ހިނގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަނު
23 June 2016
ޓެރަރިސްޓުން ޤަވްމާ ހިސާބަށް ވާސިލްވުމުގެ ކުރިން އެ މީހުންގެ ނުރައްކާ ނެތި ކޮއްލަން ޖެހެ. ޢެއަށް ޢަޝްކަރީ ބަހުރުވައިން ކިޔާނަމަ ކިޔާނީ ތަނޑިން މާ ނުނިކުންނަނީސް ކަނޑާ ތިރިކޮއްލުން ޤަވްމު ގެ އެތެރޭ ގައި ޓެރަރިސްޓް ހަމަލާއެއް ބަޔަކު ރާވަމުންް ދާ ޚަބަރް ލިބޭ އިރު އޮންނާނީ އަތް ނުފޯރާ ހިސާބަށް ގޮއްސަ އެއީ މިހާރު ކަން ހިނގަމުން ދާ ގޮތް ޑިފެންސް މިނިސްޓަރ މިކަމަށް ޝަމާލްވެ ވަޑައިންނަވާނެ ކަމަށް އުއްމީދު ކުރަން
ކަޅު މޚ
23 June 2016
އެހެން ކިއާފައި ކަމާނުބެހޭމީހުންނަގާ 20 އަހަރަށް ޖަލަށްލާނީ.
އިބްރާހިމް
23 June 2016
ދެން ކިހިނެއް މި މީހުން އަތުވާނީ! ދެން ލިބޭނީ ހެއްކެއް ނޫން... ކެއްސެއް ލިބޭނީ، ހުރިހާ ކަމެއް ފަޅާ އަރުވާލީ ނުން ތީ!!
ހުދުކުލަ
23 June 2016
ދެން ހަވާއަރުވަންވީ ނުދޯ. ހާދަ މޮޅޭ ދޯ.
ނަލަސަންގޯރު
23 June 2016
ވިއްސަކަށް ގައުމު ހިފާފަހުރި ޖެހިލުންކުޑަ މިލިޓަރީ ޖެނެރަލްއެއްހެން މިހާރު ހީވަނީ . އަދިވިދާޅުވާ ވާހަކައިންވެސް ހީވަނީ އެފަދަ ގަދަފަދަ ޖެނެރަލް އެއްހެން ! ދެން ބަލަން ތިބެާ ބަހީ ، އެވިދާޅުވާ މީހުން އަތުލައިގަނެވެނީ ކޮން ޒަމާނަކުންތޯ ؟ ތިހެން ފާރަލާލާ ތިއްބާ މުޅިގައުމު ހުސްވާނީ ، ގަދަފަދަ ބަސް ތިޔަފަރާތުން އިވޭނީ . . .
އައްޓަމަސް
23 June 2016
މާކުރިން ތިޔަވީދާޅުވީ މަޅި އެބަޖަހަމޭ މަޅިން ސަލަމަތްވައްޗޭ!
ނައިންސިކްސްޒީރޯ
23 June 2016
ކީއްވެ މި މީހުންގެ ފައިގާ ޓެގް ނާޅުވަންވީ؟!!!!
އިސްމާއިލް
23 June 2016
ވަރަށް ވާހަކަ ރީތި ވެފައި އޮމާން ވާނެ.. އަތުން ފައިން ކުރެވޭ އެއްވެސް ކަމެއް ނޯންނާނެ.. ކަންތައް ކުރެވޭ މީހުން 2 އިރު ދެ ދަޅައަށް ނިއުސް ކޮންފަރެންސް ނުބާއްވާނެ.. އޭގެ ބަދަލުގައި ނަތީޖާ ދައްކާނީ.. ޝަރީފަކީ ދެއްކުންތެރި މީހެއް..
މުނީރު
23 June 2016
އަހަންނަށް އޮޅިއްޖެ؟ ޑިފެންސް މިނިސްޓްރީއަކީ ތަހުގީގް ކުރާ މުއައްސަސާއެއްތަ؟ ހެކި ހޯދުމާއި ހެކި ރައްކާތެރިކޮށް ބެލެހެއްޓައި ، އެހެކިތައް ޕީޖީއާއި ހަމަޔަށް ފޮނުވަން ގާނޫނީ ގޮތުން ވަކި ބަޔަކާއި ހަވާލުކޮށް ފައި އޮވޭ!!!! އެއީ އެއްގޮތަކަށް ވެސް ޑިފެންސް މިނިސްޓްރީ ކުރަން ޖެހޭ ކަމެއް ނޫން.. އަދި ޑިފެންސް މިނިސްޓްރީއަށް ގާނޫނީ ގޮތުން ކުރެވޭނެ ކަމެއް ވެސް ނޫން... ގާނޫނީ ގޮތުން ޑިފެންސާއި މަތިކޮށްފައިވާ މަސައްކަތްކޮށް ބަލަ... ގާނޫން ބޭރު ވެގެން ތިއުޅެނީ ކީއްވެ؟ ޑިފެންސަށް ކުޅެން ނޭގޭ މީހަކި ޑިފެންސަށް ލީމަ ވާނީ ތިހެން..
އިހުސާން
23 June 2016
ޑިފެންސަށް ކުޅެން ނޭގޭ މީހުން ޑިފެންސަށް ލައިގެން ކުޅެގެން ވާނީ ކޮން މޮޅެއް؟ ސަރީފަކީ އެޑިކޭޝަނުގަ މަސައްކަތް ކުރި، އަދި ޑެފެންސްގެ ދާއިރާއިން އުރައްޕެއް ހާ މިންވަރު ނޭނގޭ މީހެއް... މީނާ ދާއްކާ ވާހަކަ ގަބޫލުކުރާނީ މޮޔައެއް<<