ރަސްފަންނު ކުރިމަތިން އޮންނަ ހުސްބިން: އެތަނުގައި ބޮޑު ޝޮޕިން މޯލަކާއި ހޮޓަލެއް ނުވަތަ މަތީ ފެންވަރުގެ އެޕާމަންޓްތަކެއް އަޅަން ވަނީ ސިންގަޕޫރުގެ ޗަންހުއާ އާ ހަވާލުކޮށްފައި. ފޮޓޯ: ނިޝާން އަލީ/ މިހާރު
19 ޖުލައި 2017 - 15:56
26 comments
ރަސްފަންނު ސަރަހައްދުގައި މަތީ ފެންވަރުގެ 350 ފްލެޓް ހިމެނޭ 25 ބުރީގެ ހަތަރު ޓަވަރު އަޅަން ސިންގަޕޫރުގެ ޗަންހުއާ ހަވާލުކޮށްފި އެވެ.
ޗަންހުއާ އަކީ އައިޖީއެމްއެޗްގެ 25 ބުރީގެ އިމާރާތް އަޅަމުން އަންނަ ކުންފުންޏެވެ. އެ ކުންފުންޏާ ހަވާލު ކުރީ ބިޑަށް ހުޅުވާލައިގެން އެކަށީގެންވާ ބަޔަކު ކުރިމަތިނުލުމުން ހަތަރު ވަނަ ފަހަރަށް ހުޅުވާލުމަށް ފަހު ކަމަށް ހައުސިން މިނިސްޓްރީން ބުންޏެވެ.
ހައުސިން މިނިސްޓްރީގެ މީޑިއާ ކޮންސަލްޓެންޓް އަހުމަދު ފަޒާލް މިއަދު ވިދާޅުވީ ރަސްފަންނު ސަރަހައްދުގައި އެންމެ މަތީ ފެންވަރުގެ ފްލެޓް އަޅަން ޗަންހުއާ ހަވާލުކުރީ ވަރަށް ފަހުން ކަމަށެވެ. އެގޮތުން ފްލެޓް އަޅަން ނިންމާފައި ވަނީ ރަސްފަންނުގެ ހުޅަނގު ކަންމަތީގައި ހަދާފައިވާ ބީޖީ ދަނޑުން ފެށިގެން ސޯޝަލް ސެންޓަރުގެ ނެޓްބޯޅަ ދަނޑާ ދެމެދުގައި އޮންނަ ސަރަހައްދުގައި ކަމަށް ވެސް އޭނާ ވިދާޅުވި އެވެ.
ރަސްފަންނުގައި ފްލެޓް އަޅަން ނިންމާފައި ސަރަހައްދު.
"އެތަނުގައި ހުރި ޒުވާނުން ކުޅޭ ތަންތަން އެބަހުރި. އެތަން އެކީ ހުސްކުރަން މިނިސްޓްރީން އަންގާތާ ހައެއްކަ މަސްވެއްޖެ. އެކަމަކު ކޮންމެވެސް ސަބަބުތަކާ ހެދި ނުވެ އޮތީ. އެތަން ނެގުމުގެ ސަބަބުން ކުޅިވަރު ކުޅޭ ތަންތަން އެ ސަރަހައްދުގައި ހަދާނެ. މިހާރު އޮތް ޖާގަ ހުސްވީމަ އޭގެ ބަދަލުގައި ޑިވެލޮޕް ކޮށްދޭ ވަގުތީ ކުޅޭ ތަންތަން،" ފަޒާލް ވިދާޅުވި އެވެ.
ފަޒާލް ވިދާޅުވީ 25 ބުރީގެ ހަތަރު ޓަވަރު އަޅާ ނިންމަން ޖެހެނީ 2020ގެ ނިޔަލަށް ކަމަށެވެ. އަދި އެ ތަނުގައި ހަދާ ހަތަރު ޓަވަރުން 120 ފްލެޓް ސަރުކާރަށް ދޭނެ ކަމަށް ވެސް އޭނާ ވިދާޅުވި އެވެ.
"އެ ހަތަރު ޓަވަރު ހަދާއިރު އެތަނުގެ 40 ޕަސެންޓް ގްރީން އޯޕަން ސްޕޭސްގެ ގޮތުގައި އޮންނާނެ. އަދި ބިލްޑިންތަކުގައި ހަތަރު ފްލޯގެ ޕާކިން ސްޕޭސް ހަދާއިރު 500 ކާރާއި 300 ސައިކަލް ޕާކުކުރެވޭނެ ޖާގަ ވެސް އޮންނާނެ. އެ ތަނުން ސަރުކާރަށް ދޭ 120 ފްލެޓް ވިއްކަން ހަމަޖެހިފައި ވަނީ ކޮންޓްރޯލް އަގެއްގައި،" ފަޒާލް ވިދާޅުވި އެވެ.
އޭނާ ވިދާޅުވީ އެތަނުގައި ކޮންވެންޝަން ހޯލަކާއި ރީޓެއިލް ވިޔަފާރި އާއި އެނޫން ވެސް ވިޔަފާރިއަށް ހާއްސަ ތަންތަން ހުންނާނެ ކަމަށެވެ.
"ކޮރަލް ބުލެވާޑް"ގެ ނަމުގައި އެ ސަރަހައްދުގައި މަތީ ފެންވަރުގެ ފްލެޓްތަކެއް ތަރައްގީކުރަން ނިންމައި، އެތަން ވަރަށް އަވަހަށް އަންނާނެ ކަމަށް ބުނެ އެތަނުގައި މިހާރު ވަނީ ބިލްބޯޑު ޖަހައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމެންޓް
20 July 2017
"އެ ކުންފުންޏާ ހަވާލު ކުރީ ބިޑަށް ހުޅުވާލައިގެން އެކަށީގެންވާ ބަޔަކު ކުރިމަތިނުލުމުން ހަތަރު ވަނަ ފަހަރަށް ހުޅުވާލުމަށް ފަހު ކަމަށް ހައުސިން މިނިސްޓްރީން ބުންޏެވެ." ދޮގެއް.
ބޮޑު މޮޔަ
20 July 2017
ޓާޓާ ފްލެޓް މާލޭގައި އަޅީމާ މާލެ ތޮއްޖެހޭތީ ފްލެޓް މާލޭގައި އެޅުން ހުއްޓާލީ ޝެންހުއާ މީހުން މާލޭ ފްލެޓް އެޅީމާ މާލެއަށް ލުއިވެ ތޮއްޖެހުން ފިލައިގެން ދާނެ 2020 އަށް އިންތިޒާރު ކޮށްލައްވާ
ރިޝްވަތު
20 July 2017
ތި ފްލެޓް ތަކަކީ އިލެކްޝަން ކޮމިޝަން ބޭފުޅުންނާ، މިއަދު އަލަށް ތިހެދި ކޮމިޝަން ބޭފުޅުންނާ ދެންވެސް ކޯޓުތަކާ މަޖްލިސްމެމްބަރުންނާ އަދި ސްޕްރީމް ކޯޓާއި ފުލުހުންނާ ސިފައިންގެ ތެރެއިން ނަޒާހަތްތެރި ނުކުރެވި ތިބި ބޭފުޅުން ނަޒާހަތްތެރި ކުރުމަށް އަޅާ ފްލެޓްތަކެއް.. ތިތަނުގެ ވިއުވެސް ވަރަށް ރީތިވާނެ ޚާއްސަކޮށް އިރުއޮއްސޭވަގުތު. އަދި ވައިފެންވެސް ހަމަ އެހާ ތާޒާވާނެ.
އިބިރިހިންބެއްޔާ
20 July 2017
ކޮބައިހޭ 3 ފަހަރު ބޮޑުކުރިކަމުގެ ސުބޫތު؟
ގފރެގރ
20 July 2017
ހެޔޮ ނުވާނެ.ރާއްޖޭގެ އުތުރާ ދެކުނުގައިވެސް އާބާދީ ބޮޑު ރައްތަށް އެބަހުއްޓޭ.އެތަންތަން ތަރައްގީކޮއްބަ
މަގަތު
20 July 2017
މާލޭގައި ފްލެޓްއެޅުން ހުއްޓާލަންވެއްޖެ. މާލެ ތޮއްޖެހިއްޖެ. ގިނަ ފްލެޓް އެޅިވަރަކަށް މާލޭގައި ދިރިއުޅޭ މީހުންގެ ޢަދަދު އިތުރުވާނެ. އޭރުން ވެހިކަލްވެސް އިތުރުވާނެ. މިހާރުވެސް މާލޭގެ ކޮންމެ މަގެއްގެ ދެފަރާތުގައި ވެހިކަލްތައް ޕާކުކޮށް އޮންނަނީ ފުރިބާރުވެފައި. ދުއްވަން އޮންނަ ތަންކޮޅު ވަރަށް ހަނި. ޓްރެފިކް އިންތިހާއަށް ބާރުބޮޑު. މާލޭގެ އެތައް ގެޔެއް އަދިވެސް ހުރީ ބުރިބުރިޔަށް ހަދަން ބޭނުންވެފައި. ނުރައްކާތެރި ކާރިސާއެއް ދިމާވެއްޖެނަމަ މާލޭގައި ދިރިއުޅޭ ރައްޔިތުން ނުކުމެ ތިބޭނެ ހުސްބިމެއް ނެތް. ވިސްނާލަބަލަ.
ސިންސިއަރިޓީ
20 July 2017
މުއީޒޫ މި މާލޭގައިތުރު ފްލެޓް ތިއަޅަނީ ހަމަ ހިތުގެ އަޑިން ކޮށްދޭ ހެޔޮކަމަކުތަ؟ ނޫނީ އެެއިން ޖީބަޢް ވަންނަ އެތި ބޮޑުވެގެން އުތަ؟ ބަލަ މިހާރު މާލެޔަކީ ޑިސާސްޓަރ އެއްގައި އިތުރު 5 ޑިސާސްޓަރ އަމިއްލައަށް އެފެދޭނެ ވަރަށް ތަނުގެ ހާލަތު ނުރައްކާ، ދުނިޔޭގެ އެހެން ގައުމަކުން ނުފެންނާނެ ހާ ނުރައްކާ މިންވަރަކަށް މީހުންގެ އާބާދީ ތޮއްޖެހިފައިވާ، އިންސާނީ ހަމަތަކުން ބަލާނަމަ މީހުން ދިރިއުޅޭން ކަމުނުދާ ފަދަ ހާލަތަކަށް މިތަން ވެއްޓިފައިވާ ތަނެއް، ދެން މިކިޔަނީ އިރުއިރު ކޮޅާ ފްލެޓްއަޅަން، މީ ރޯމާ ދުވާލު މިޤައުމުގެ ރައްޔިތުންނަށް ޣައްދާރު ވުން ނޫން އެހެން ނަމެއް މަށަކަށް ނުކިޔޭނެ، ހުޅުމާލެ ހަދާ ބުރިޖް އަޅާ މިހުރިހާކަމެއް ނިމޭތަނުން ބޮޑިތަނުން ފެއިލް ވާނެކަހަލަ އާކަމެއް ތިފައްޓަނީ ކަލޭމެންގެ އެމްޕީން ޓީވީ އަށް އަރާ އެބުނާހެންމިޤައުމުގައި ދިރި އުޅެނީ ތަންދޮރު ނުދަންނަ ބަޔެއްކަމުގައި އަސްލު ކަލޭވެސް ދެކޭތީ
ފޫހި
20 July 2017
ތިޔަ ހުރިހާތަނެއް ގަންނާނީ ބޭރުމީހުން. ނޫނީ ރިޝްވަތުން މުއްސަދިވެފައިވާ މީހުން. ދިވެހިން ތިބެންޖެހޭނީ ހަމަ ނިކަމެތިކަމުގައި. ކުރިން ތިޔަތުގައި ކުޅެލަންވާ ލިބުނު ދެން އެވަރުވެސް ދިވެއްސަކަށް ނުލިބޭނެ. ދިވެހިން އިތުރަށް މިދަނީ ނިކަމެތިވަމުން. މާލޭގައި ތޮއްޖެހުން ބޮޑު. ކާރިސާއެއްގައި ނުކުމެލާނެ ހުސްޖާގަވެސްނެތް. ވަރަށް ވަރަށް ދެރަ.
އިންސާފު
20 July 2017
މާލޭގެ ރައްޔިތުންމީ އެކަމަކު 40 އަހަރުވީއިރުވެސް ގެތޮރެއް އެންމެ ކުޑަވެގެން ފްލޭޓްއެއްވެސް ނެތް. ކޮންމެ ސަރުކާރެއްވެސް އިލެކްޝަން ދުވަސްވަރު ނޫނީ ސިޔާސީ ހަމަނުޖެހުންތެރޭގައި ރައްޔިތުންގެ ލޮލުގައި އަދުން އެޅުވުމަށް މިފަދަ ޕްރޮޖެކްޓް ތައް އިއުލާންކުރާނެ. ކޮބާވީކަމެއް. ރައްޔިތުންނަށް ކަމޭހިތާނަމަ އަސާސީ ހައްޤެއް ކަމަށްވާ ބޯހިޔާވެހިކަން ރަގަޅުކޮށްދީ.
ޔާމީން
20 July 2017
މީ މަޖްލިސް މެންބަރުންނާއި، ކޯޓްތަކުގެ ޖަޖުންނަށް ދޭ ފްލެޓްތަކެއްތޯ؟ އޭރުންތާ ދެއްތޯ އެބޭފުޅުން ފައިސާގެ ނުފޫޒުން އެއްކިބާވާނީ. ދުނިޔެ ދައްކަވަން ހުރި ތަނެއް ވެއްޖެއްޔާ ދައްކަވާނެ