ނެޝަނަލް އިންޓެގްރިޓީ ކޮމިޝަންގެ ރައީސް ޔޫސުފް މާނިއު: އިދިކޮޅު ފަރާތްތަކުން މިހާރު މާލޭގައި ބާއްވާ ހަރަކާތްތަކާ ގުޅިގެން ފުލުހުން އަމަލުކުރާ ގޮތް ވަރަށް ގާތުން ބަލަމުން އަންނަ ކަމަށް އޭނާ ވިދާޅުވި.
27 ޖުލައި 2017 - 15:54
40 comments
ރާއްޖޭގެ ސިޔާސީ މަސްރަހު ހަލަބޮލިވެފައިވާ މި ދަނޑިވަޅުގައި އިދިކޮޅު ސިޔާސީ ފަރާތްތަކުން މާލޭގައި މިހާރު ހިންގާ ހަރަކާތްތަކާ ގުޅިގެން ފުލުހުން އަމަލުކުރާ ގޮތް ބަލަމުން އަންނަ ކަމަށް، ނޭޝަނަލް އިންޓެގްރިޓީ ކޮމިޝަން (އެންއައިސީ) އިން މިއަދު ބުނެފި އެެވެ.
އެ ކޮމިޝަންގެ ރައީސް ޔޫސުފް މާނިއު މިއަދު "މިހާރު" އަށް ވިދާޅުވީ މިދިޔަ ހޯމަ ދުވަހު ރައްޔިތުންގެ މަޖިލިހުގެ އިދާރާ ކައިރީގައި މަޖިލިހުގެ މެމްބަރުންނާއި ފުލުހުންނާ ދެމެދު ހިނގި ކުރިމަތިލުމާއި ފަހަކަށް އައިސް ހިނގަމުންދާ ސިޔާސީ ހަރަކާތްތަކުގައި ކަންތައްތައް ކުރަމުންދާ ގޮތް ވަރަށް ގާތުން ބަލަމުން އަންނަ ކަމަށެވެ.
އެ ހަރަކާތްތައް ބެލުމަށް އެންއައިސީގެ މުވައްޒަފުން ހަރަކާތްތެރިވާ ކަމަށާއި ފޮޓޯ އަދި ވީޑިއޯ ފަދަ ތަކެތި ނަގައި، ދިރާސާ ކުރާ ކަމަށް މާނިއު ވިދާޅުވި އެވެ.
"އެއްވެސް ބަޔަކަށް އަނިޔާއެއް ވޭތޯ ބަލާނެ. ވީޑިއޯ އެއްޗެހި ނަގައި އެ ތަކެތި އިވެލުއޭޓް ކުރަމުން މިދަނީ. ފުރިހަމަ އިންވެސްޓިގޭޝަނެއް އެބަ ހިންގަން،" މާނިއު ވިދާޅުވި އެވެ.
އޭނާ ވިދާޅުވި ގޮތުގައި މައްސަލަތައް ބެލުމަށް ފަހު ފިޔަވަޅު އަޅަންޖެހޭ ފަރާތްތަކާ ދެކޮޅަށް ފިޔަވަޅު އަޅާނެ އެވެ. އަދި ގާނޫނޫގެ ދަށުން ލިބޭ ހުރިހާ ބާރެއްގެ ބޭނުން ކުރާނެ ކަމަށް ވެްސް މާނިއު ވިދާޅުވި އެވެ.
އެންއައިސީން އެހެން ބުނިއިރު، އިދިކޮޅު ފަރާތްތަކުން އެމްޑީޕީގެ ހަރުގެ ކައިރީގައި ރޭ ބޭއްވި އެއްވުން ކަވަރު ކުރަން ތިބި ބައެއް ނޫސްވެރިންނަށް ފުލުހުން ވަރަށް ބޮޑަށް އަނިޔާކޮށް، އާދަޔާ ޚިލާފަށް ފުލުހުން ބާރުގެ ބޭނުންކުރި މައްސަލައެއް ވަނީ ފެންމަތިވެފަ އެވެ. ފުލުހުންގެ ވާޖިބަށް ހުރަސްއެޅި ކަމުގެ ތުހުމަތުގައި ހަތް ނޫސްވެރިން ހައްޔަރުކުރިއިރު، އޭގެ ތެރެއިން އެކެއްގެ މޭގައި ފުލުހަކު ވަނީ ކޮޅުފައިން ޖަަހައިފަ އެވެ.
ނޫސްވެރިންގެ ހައްގުގައި މަސައްކަތްކުރާ މޯލްޑިވްސް މީޑިއާ ކައުންސިލް (އެމްއެމްސީ) އާއި މީޑިއާގެ ފިއްތުންތަކުގެ ތެރެއިން އެ ނޫސްވެރިން ރޭ ވަނީ ދޫކޮށްލައިފަ އެވެ.
އިދިކޮޅު މެމްބަރުން މަޖިލިހުގެ އިދާރާ އަށް ހޯމަ ދުވަހު ވަންނަން އުޅުމުން އެބޭފުޅުންނަށް ފުލުހުން ހުރަސް އަޅައި، އަދި މަޖިލިހުގެ އިދާރާ އަށް ފުލުހުން ވަދެ މެމްބަރުން ގަދަކަމުން ނެރުނު މައްސަލަ ވެސް އިދިކޮޅު ފަރާތްތަކުން ވަނީ އެންއައިސީ އަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަދިރި
28 July 2017
ކައިރިން ބަލާ. ދުރުން ބަލާ. ޓީވީން ބަލާ. ބަލަބަލާ ތިބީމާ ނިމުނީ. ރައްޔިތުންގެ ފައިސާއިން މުސާރަ ކަންޑައިގެން. ރައްޔިތުން ގައިގާ ތަޅާއިރު ބަލާށޭ. އެކަމަކު ފެންނަކަމަން ނުހަދާތި ތިޔަމޮޅު ވަޒީފާ ގެއްލިދާނެ.
ޢަލީ
02 August 2017
ރައްޔިތުންގެ ލާރި ހައްތަހާވެސް. ފުލުންގެވެސް ލާރި. ޢެވެސް ރައްޔިތުްން.
މަލިކު ޢަލީ
28 July 2017
ސާބަހޭ...! ވާނެ ހައެއްޗެއް ވަންދެން ބަލަން ތިބޭ...! ތިބޭފުޅުންނަށް ބޮޑު މުސާރަ ދީފަ ތިތިބީ މަންޒަރު ބަލަންވިއްޔަ...!
ނަދީމް
28 July 2017
ކޮމިޝަން ހިންގާނެ އިޚްތިޔާރު ނެތިއްޔާ އިސްތިއުފާދީ. އެހެންނޫނީ ތިކޮމިޝަނާމެދު ދައުވާ ކުރާނެދުވަސްވެސް އަންނާނެ. މަތިއޮމާންކުރަން ފޮނިވާހަކަތަކެއް ބޭނުމެއްނޫން. ފުލުހުން ހިންގާ އަނިޔާވެރި އަމަލަކީ އިވެލުއޭޝަނަށް ބޭނުންވާ ކަންކަމެއްނޫން. އިވެލުއޭޝަނޭ ތިކިޔަނީ އިޚްތިޔާރެއްނެތީމަ ބަހަނާޔަކަށް. ދޮގުނުހަދާ އަވަހަށް އިސްތިއުފާދީ.
ފޭސްބުކް
28 July 2017
ނުބެލޭނެ ދެންއިސްތިއުފާ ދެއްވާ، ވަޒީފާ އަދާނުކޮއް ފޭސްބުކް ޓުއިޓަރު އަޕްޑޭޓު ކުރެވޭ ދޯ
ިެޔޫމީ
27 July 2017
ބަލަނީ ،ބަލަނީ، ބަލަނީ، ބަލަނީ ،ބަލަނީ، ބަލަނީ.
ނަން
27 July 2017
އަދިވެސް ފުލުހުންގެ ކަންކަންތަ ބަލަން ތިއުޅެނީ މުޒާހަރާ ތަކުގައި ބައިވެރިވާ ގުންޑާއިން ފުލުހުންނަށް ކުރާ އަނިޔާ ބަލާނެ ބަޔަކު ނެތް
ޢަހުމަދު
28 July 2017
މީހާގެ ވަށައިގެން ޝީޓްޕައިލްކޮށްފަ ތިބޭއިރު ފުލުހުންނަށް އަނިޔާވޭތަ. ޢާންމުންގެ ލޮލަށްބޮލަށް ސުޕްރޭކުރާއިރު.
ސަޅި
27 July 2017
ނުވާނެ ތިކަމެއް މަގާމް ގެއްލޭނީ
ހިއުމަން ރައިޓްސް
27 July 2017
މަ ހުވައި މިވެރިން ބަލަނީ ޓީވީ؟ އެހެން އެއްތަ މިވެރިޔަ ނި ބަލަތާ؟
ނޯވަން
27 July 2017
ތި އެންއައިސީ އަކީ އުފެދުނު ފަހުން އެެއްވެސް މައްސަލައެއް ބަލައި ނިމުނު ތަނެއް ނޫން. ހުސް މާބޮނޑޭ ވެފަ ތިބޭބަޔެއް. ބޭކާރު ވާހަކަ ނުދައްކާ
މީނީސްޓަރީ އޮފް ކަރަޕްޝަން އެންޑު ޑީވެލޮޕްމެންޓު
27 July 2017
ކަލޭމެން އަބަދުވެސް ބަލަބަލާ ބަލަބަލާ.. ތީބޭނީ.. ދެން ހުރެލާފަ ކަމެއް ކުރާއީރު އެއީ ވައީބައްޑާއެއް ނޫނު ޖަމަލު ފޮޑީޔަކައްވުރެވެސް ބަލީ އެއްޗަކައް ވެފައީ އޮންނަނީ.. ކަލޭމެން ހީކުރަނީ ޑީކުޓޭޓާޝީޕެއް ހީނގާއީރު މާމޮޅެތީ ނަންނަންދީފަ ތީބޭ ކޮމީޝަންތަކަކީއަދީވެސް ބާރުއޮންނަ ތަންތަންކަަމައްދޯ..