މާޅެންދޫ ކުޑަކުއްޖާގެ މަރުގައި ޝައްކުތަކެއް އުފެދިއްޖެ

މާޅެންދޫގައި އިއްޔެ މަރުވި ކުއްޖާގެ ހަށިގަނޑު މިއަދު މާލެ ގެނެސް ހޮސްޕިޓަލަށް ގެންދިއުމަށްޓަކައި އެމްބިއުލާންސަށް އަރުވަނީ.---މިހާރު ފޮޓޯ: ހުސެއިން ވަހީދު

އާމިނަތު ޝިފްލީން، މިހާރު

09 އޯގަސްޓް 2017 - 09:43

55 comments

ނ. މާޅެންދޫގައި އިއްޔެ ދަންޖެހިގެން މަރުވި ކަމަށް ބުނާ 11 އަހަރުގެ ކުޑަކުއްޖާގެ މަރުގައި ޝައްކުތަކެއް ހުރި ކަމަށް ބެލެވޭތީ، އިތުރަށް ތަހުގީގު ކުރުމަށް އެ ކުއްޖާގެ ހަށިގަނޑު ދެންމެ މާލެ ގެނެސްފި އެވެ.

އެ ރަށު ސްކޫލުގެ ގްރޭޑް ހައެއްގައި ކިޔަވަމުން އައި އެ ފިރިހެން ކުއްޖާ އިއްޔެ މަރުވެފައި ހުއްޓާ ފެނުނީ އޭނާ ދިރިއުޅޭ ގޭގަ އެވެ. އަދި "ދަންޖެހިފައި" ހުރި މަންޒަރު ފެނުނު ކަމަށް ވަނީ އޭނާގެ މަންމަ އަށް އެކަންޏެވެ.

އެނގިފައިވާ ގޮތުގައި ފުލުހުން އެ ކުޑަކުއްޖާ މާލެ ގެނައީ، އޭނާ މަރުވީ އަމިއްލައަށްތޯ ނުވަތަ ނޫންތޯ ޝައްކުތަކެއް އުފެދޭތީ އިތުރަށް ޓެސްޓުތަކެއް ހެދުމަށެވެ. އަދި އައިޖީއެމްއެޗަށް ގެންގޮސް މިއަދު ޓެސްޓުތައް ހެދުމަށް ހަމަޖެހިފައިވާކަން ވެސް އެނގިފައި ވެ އެވެ.އެ ގޭގެ އަވައްޓެރިއަކު އިއްޔެ ބުނިގޮތުގައި އެ ކުއްޖާ މަރުވެފައި އޮތްއިރު، އޭނާގެ ކަރުގައި އެއްޗެއް އައްސާފައި ހުރި ކަމުގެ ނިޝާން ފެންނަން ހުއްޓެވެ. އެކަމަކު ދަން ޖެހިފައި ހުރި މަންޒަރު ސީދާ އޭނާ އަށް ފެނިފައި ނުވާތީ، އެއީ ދަންޖެހިގެން ލިބިފައިވާ ޒަހަމްތަކެއް ކަމަކަށް އޭނާ ނުބުނެ އެވެ.

އަވައްޓެރިއާ ބުނިގޮތުގައި ސިއްހީ މަރުކަޒަށް ގެންދިޔައިރު ވެސް އެ ކުއްޖާ އޮތީ މަރުވެފަ އެވެ.

އޭނާ ބުނީ އާއިލާގެ ތެރޭގައި ވެސް އަދި ބޭރުގައި ވެސް އެ ކުއްޖާގެ އެއްވެސް މައްސަލައެއް އުޅޭކަން އެނގިފައި ނުވާ ކަމަށާއި އެހެންވެ، އޭނާ މަރުވި ސަބަބު ލަފާކޮށްލަން ވެސް ނޭނގޭ ކަމަށެވެ.

މިނިސްޓްރީ އޮފް ޖެންޑަ އެންޑް ފެމިލީން އިއްޔެ ނެރުނު ބަޔާނެއްގައި ބުނި ގޮތުގައި އަމިއްލަ އަށް ކުއްޖަކު މަރުވި ކަމުގެ ރިޕޯޓެއް އެ މިނިސްޓްރީ އަށް ވަނީ ލިބިފަ އެވެ. އެކަމަކު އެ ކުއްޖާއާ ބެހޭ އެއްވެސް މައްސަލައެއް އެ މިނިސްޓްރީ އަށް ވެސް އަދި މިނިސްޓްރީން ނ. އަތޮޅުގައި ހިންގާ އާއިލާ އާއި ކުޑަކުދިންނާ ބެހޭ މަރުކަޒަށް ވެސް މީގެ ކުރިން ހުށަހަޅާފައިނުވާ ކަމަށް ބަޔާނުގައިވެ އެވެ.

ފުލުހުން ކުޑަކުދިން އަމިއްލައަށް މަރުވުން މަރު ނ. އަތޮޅު

55 ކޮމެންޓް, 452 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުލީމިއާ

11 August 2017

ބުލީ ކުރީތޯ ބަލާ، މިހާރު ވަރަށް ބޮޑުވެއްޖެ މައްސަލައެއް. މާލޭގައި މިކަން ބޮޑަށް އޮތީ. ރަށްރަށަށްވެސް މިކަން މިދަނީ ފެތުރެމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނަމާ

10 August 2017

މީގެ 15 ވަރަކަށް އަހަރު ކުރިން މަޖީދިޔާ ކުއްޖަކު ދަންޖެހުން ހަމަ ތި އުމުރުގަ ދެ މަފިރިއެްއްގެ ފުރާނަފަދަ ލޯބިވާ ހަމައެކަނި ދަރިފުޅު ބުލީގެ ސިކާރަޔަކަށް ވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާދޭސް

09 August 2017

ޙެޔޮނުވާނެ ތިތަހްޤީގް ވީއެންމެ އަވަހަކަށް ފަށައި ވާނުވާ ރައްޔިތުންނަށް އަންގާ ދިނުން އެދެން ށުކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަ ތެދެއް

09 August 2017

ދޮރުގެ ތަޅެއްގައި ދަންޖެހޭނީ ކިހިނެއްތަ؟؟ ކޮންމެވެސް މީހަކު ބުނެދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީނާ

09 August 2017

ކޮމެންޓް ކުރައްވާ ބޭފުޅުންނޭވެ. އެ ކުއްޖާގެ މަރުގެ ތަހުގީގު ތިބޭފުލުން އަމިއްލަފުޅަށް ނުކުރައްވާށެވެ. މަންމަ ކުށްވެރި ކޮށްފަ ވާހަކަ ދައްކަން އަދި ތަންކޮޅެއް އަވަހެވެ. އެ ކުއްޖާގެ މަންމަ އަކީ ތިބުނާހާ އަނިޔާވެރި މަންމަ އެއް ނަމަ އަވަށްޓެރިންނަށް ޝައްކެއް ނަމަވެސް ވާން ޖެހޭނެ ކަމަށް ފެނެއެވެ. މަންމަ އަށް އިތުރު ހިތާމަ އެއް ނުޖައްސަމާތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުބަސް

09 August 2017

11 އަހަރުގެ ކުއްޖަކު އަމިއްލަޔަށް ދަންޖެހިގެން މަރުވެދާނެކަމަކަށްނުފެނޭ އެހެންކަމަށްވަނީނަމަ ތިކަމުގައި ގޮތްނޭނގޭ ކަންތައްތަކެއް ހިގައިފި.. ކުއްޖާގެ މަންމައާ ސުވާލުކޮށްގެން ވީގޮތެއް ހޯދިދާނެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސާންތެރިޔާ

09 August 2017

11 އަހަރުގެ ކުއްޖަކު ފިލްމެއްގެ މަންޒަރެއްވެސް މިހާރު ނުކުޅޭނެބާ. އެހާވެސް ދިވެހިން ކުރީގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

11 August 2017

ޕްލީސް ޕްލީސް އެކުއްޖާގެ މަންމަ އަށް ހިތްދަތިކަން ނުދީ. ޢަދި އެއްވެސް ވަރަކަށް މީހަކަށް އެއްވެސް ފަރާތަކުން ތުހުމަތު ނުކުރޭ. ޚެތްތެރިވާން ވީ ވަގުތު މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހުމަތްތެރިޔާ

09 August 2017

އަޅުގަނޑު ބުނާއަޑުއަހަށް އެއްމެފުރަތަމަ ފެންނާނީ ނުވަތަ އެ ވާހަކަ ބުނާނީ ކަންކުރާމީހާއެވެ އެ މަރުމޫމްގެ އިތުރު ކޮއްކޮއެއް ނުވަތަ ބޭބެއެއްވެސްނެތީތޯ ނުވަތަ ބައްޕަވެސް ދުނިޔޭގާ ނެތީތޯ މިހުރިހާސުވާލެއް ކުރެވެނީ ކުށެއްނެތް މަޢުސޫމް އެކުޑަކުއްޖާ މި ދުނިޔެ ދޫކޮއްފައި އެދިޔައީ ކޮންފަދަ ގިލަންވެރިކަމެއް އެކުއްޖާފުޅަށް ޖެހުނީތޯ ( އެ މަރުހޫމަށް ސުވަރުގޭގެ ދާއިމީ ނިއުމަތް މިންވަރު ކޮއްދެއްވާދޭއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސް

09 August 2017

ބުނާއަޑު އިވޭ ކޮންމެ އެއްޗެއް ތެދުވޭތަ.މަވެސް ދެކުނިން މީހަކު ދަންޖެހިފާ ހުއްޓާ އެވާނީ މަ އޭނަ މެރީކަމަށްތަ.ކަލޭމެން ހަޤީގަތް ނޭންގޭ ވާހަކަ ނުދަށްކަންވެއްޖެނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲ

09 August 2017

އިންޑިޔާގައި މަޝްހޫރުވި އާރޫޝީ ތަލްވާރުގެ މަރުފަދަ ގޮތަކަށް ތި ސިފަވަނީ. އެކަން ކުރިކަމަށް ވަނީ މަންމަ އާ ބައްޕަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދުރުވަގު

09 August 2017

މި އުމުރުގެ ކުއްޖަކު އަމިއްލައަށް މަރުވުމަކީ ވަރަށް ނާދިރު ކަމެެއް. މިހެން މިބުނީ އެހާ ޅަ އުމުރުގައި އެއްވެސް ހިޔާލެއް ފިކުރެއް ނުހުންނާނެ. އެހެން ވީމާ މަންމަގެ ތަހުގީގެއް ކުރަން ވަރަށް މުހިއްމު. ދަރިންނަށް ނުހައްގުން އަނިޔާ ކުރާ މައިންބަފައިން މަދެއް ނޫން.