އަދީބަށް ކުރާ އާ ދައުވާތަކުގެ ޝަރީއަތް މާދަމާ ފަށަން ހަމަޖައްސައިފި

އަދީބު: އެމްއެމްޕީއާރުސީގެ ޚިޔާނާތުގެ އެންމެ ބޮޑު ތުހުމަތެއް ކުރެވެނީ އަދީބަށް --ފޮޓޯ/މިހާރު

މުއިއްޒު އިބްރާހިމް، މިހާރު

16 އޯގަސްޓް 2017 - 17:15

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ އެންމެ ބޮޑު ތުހުމަތެއްކުރެވޭ ކުރީގެ ނައިބު ރައީސް އަހުމަދު އަދީބަށް ކުރާ އާ އަށް ދައުވާއެއްގެ ޝަރީއަތް މާދަމާ ފަށަން ކްރިމިނަލް ކޯޓުން ހަމަޖައްސައިފި އެވެ.

އެމްއެމްޕީއާރުސީ މެދުވެރިކޮށް އެކި ފަރާތްތަކަށް ދޫކުރި ރަށްތަކާއި ފަޅުތަކުގެ މައްސަލާގައި މަގާމުގެ ނުފޫޒު ބޭނުންކޮށް ފައިދާއެއް ހޯދައި ދިނުމުގެ ދައުވާގެ ނުވަ ދައުވާއެއް އަދީބުގެ މައްޗަށް އުފުލާފައިވާއިރު މާދަމާ ފަށަނީ އޭގެ ތެރެއިން އަށް ދައުވާއެއްގެ ޝަރީއަތެވެ. އެއީ ނުވަ ރަށަކާ ގުޅޭ ވަކި ނުވަ ދައުވާއެކެވެ.

މިހާރު ވެސް އެކި މައްސަލަތަކުގައި 33 އަހަރުގެ ޖަލު ހުކުމެއް ތަންފީޒު ކުރަމުން ގެންދާ އަދީބުގެ މައްޗަށް އެ ނުވަ ދައުވާ ސާބިތުވެއްޖެ ނަމަ ގިނަވެގެން 27 އަހަރުގެ ޖަލު ހުކުމެއް އައުމުގެ ފުރުސަތު އެބަ އޮތެވެ.

އެމްއެމްޕީއާރުސީގެ ބޮޑު ޚިޔާނާތުގެ މައްސަލާގައި އެ ކުންފުނީގެ އޭރުގެ މެނޭޖިން ޑިރެކްޓަރު އަބްދުﷲ ޒިޔަތުގެ މައްޗަށް ވަނީ ޚިޔާނާތުގެ 25 ދައުވާއެއް އުފުލައިފަ އެވެ. ޒިޔަތު މިވަގުތު ވެސް ގެންދަވަނީ ޚިޔާނާތުގެ މައްސަލައެއްގައި އަށް އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.

ކްރިމިނަލް ކޯޓް ޚިޔާނާތް އެމްއެމްޕީއާރުސީ ކުރީގެ ނައިބު ރައީސް އަދީބު އެމްއެމްޕީއާރްސީގެ ކޮރަޕްޝަން

8 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުލުނު

17 August 2017

އަދީބުއްވެސް ހަމަ ސަރީއަތް ކުރަންވީ....އެއީ ނައިބުރައީސް ދެއްތޯ..ރައީސް މީހާއައްވެސް ކުރަން ޖެހިފަ ނޫންތޯ މިއޮތީ...ރައްޔިތުން ބޭނުން ވޭ މިމަސްސަލަ ތައް ވީހާވެސް އަވަހަކައް ބަލަން..މުއަސްސަސާތައް ނިދާފަ ލަދުންހަލާކު#

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

16 August 2017

ބަލަމިހާރު ތިޔަޝަރީއަތް އަލުން ކުރަންޖެހިފައިނޫންތޯ ތިޔައޮތީ ،،، ޙުދު ރައީސްޔާމިން ވިދާޅުވީނޫންތޯ އެބޭފުޅާގެ ގެގޮޅު ގ.ދޫވެހިއަށް ފައިސާފޮށިތަށް ވައްދާ އެމަނިކުފާނަށް އެފައިސާ ލިބުނުކަމަށް ،، ވީމާޢި ފުރަތަމަ އަދީބަށް ދައުވާކުރުމުގެ ކުރީން އެތަހްގީގް ކޮށް ފައިސާއަށް ވީގޮތެއްހޯދަންވީނޫންތޯ ؟؟؟ ރައްޔަތުންގެ ފައިސާއަށް ވީގޮތެއްހޯދައިދިނުމަކީ ފުލުހުންނާއި ސިފައިންނާއި ގާޒީންގެ މައްޗަށް ދިނީ ބޮޑުވާޖިބެއް ،،، ވީމާ އެންމެ ފުރަތަމަވެސް އެކަންކުރުމަށް ގޮވާލަން ،،،، ވަރަށްވެދުން