ގާސިމް: ހިތުގެ އާލާސްކަންފުޅެއްގައި އޭނާ އޮންނެވީ އައިޖީއެމްއެޗުގައި އެޑްމިޓްކޮށްފައި.
28 އޯގަސްޓް 2017 - 12:31
17 comments
ހިތުގެ އާލާސްކަންފުޅެއްގައި އައިޖީއެމްއެޗުގައި އެޑްމިޓްކޮށްފައިވާ، ޖުމްހޫރީ ޕާޓީގެ ލީޑަރު ގާސިމް އިބްރާހީމް ބޭސްފަރުވާ އަށް ރާއްޖެ އިން ބޭރަށް ފޮނުވާނެ އިރެއް އަދިވެސް ނޭނގޭ ކަމަށް އޭނާގެ އާއިލާ އިން މިއަދު ބުނެފި އެވެ.
މާމިގިލީ ދާއިރާގެ މެމްބަރު ގާސިމްގެ އާއިލާގެ ފަރާތުން ވާހަކަ ދެއްކެވި، ޖުމްހޫރީ ޕާޓީގެ ސެކްރެޓަރީ ޖެނެރަލް އަހްމަދު ސަމީރު ވިދާޅުވީ، ބޭސްފަރުވާ އަށް ގާސިމް ބޭރަށް ފޮނުވަން ކޯޓުން އަމުރުކުރިތާ ތިން ދުވަސްވީއިރު ވެސް އެކަށީގެންވާ ފަރުވާ ނުލިބި ގާސިމް އޮންނެވީ ސީރިއަސް ހާލަތުގައި ކަމަށެވެ. ގާސިމްގެ ފަރުވާ އަށް ވީހާވެސް އަވަހަކަށް ބޭރަށް ފޮނުވަން އެދި އާއިލާ އިން ދައުލަތުގެ އެކި މުއައްސަސާތަކުގައި އެދެމުން އަންނަ ކަމަށް ސަމީރު ވިދާޅުވި އެވެ.
"ކަރެކްޝަނަލް ސާވިސްއާ ވެސް އިއްޔެ އާއިލާ އިން ބައްދަލުކުރި، މިއަދު ހޯމް މިނިސްޓަރާ ބައްދަލުކުރަން އައިސް މިތިބީ،" ސަމީރު ވިދާޅުވި އެވެ.
އޭނާ ވިދާޅުވީ އުއްމީދުކުރަނީ ވީހާވެސް އަވަހަށް ގާސިމް ބޭރަށް ފޮނުވުމުގެ އިންތިޒާމުތައް ހަމަޖައްސާނެ ކަމަށެވެ.
ރާއްޖެ އިން ކުރެވެން ނެތް އޮޕަރޭޝަނަކާއި ހެދެން ނެތް ޓެސްޓުތަކެއް ހަދަން، ގާސިމް ބެއްލެވި ޑޮކްޓަރުން ވަނީ ލަފާ ދެއްވައިފަ އެވެ. ގާސިމަށް އެ ފަރުވާ ވީހާވެސް އަވަހަކަށް ނުދެވިއްޖެ ނަމަ ފުރާނަ އަށް ނުރައްކާވުމުގެ ފުރުސަތު އެބައޮތް ކަމަށް ވެސް ޑޮކްޓަރުން ވަނީ ވިދާޅުވެފަ އެވެ. އޭގެ ތެރޭގައި ސަރުކާރުގެ ހޮސްޕިޓަލް އައިޖީއެމްއެޗުގައި ހުންނެވި، ހިތުގެ ހަމައެކަނި ޑރ. އަލީ ޝަފީގް ވެސް ހިމެނިވަޑައިގަންނަވަ އެވެ. ރިޝްވަތުގެ ތުހުމަތުގައި ގާސިމަށް ތިން އަހަރުގެ ޖަލު ހުކުމެއް އިއްވީ ވެސް ބޭސް ފަރުވާ އަށް ފޮނުވައިދޭން އެދި އާދޭސްކުރަމުން އަންނަނިކޮށެވެ.
އެ ހުކުމް ތަންފީޒު ކުރަމުން ދިޔަ ނަމަވެސް ރާއްޖެ އިން ބޭރުން ހެދުމަށް ޑޮކްޓަރުން ލަފާދިން ޓެސްޓުތަކާއި ފަރުވާ ދިނުން ހުރަހަކަށް ވެގެން ނުވާނެ ކަމަށް މިދިޔަ ބުރާސްފަތި ދުވަހުގެ ރޭ ކްރިމިނަލް ކޯޓުން ކުރި ހުކުމުގައި ބުނެފައިވެ އެވެ. އެހެންވެ އެ ޓެސްޓްތަކާއި ފަރުވާ ގާސިމަށް ރާއްޖެ އިން ބޭރުން ހޯދޭނެ އިންތިޒާމު ހަމަޖައްސައި ދިނުމަށް ދައުލަތުގެ ކަމާ ބެހޭ އިދާރާތަކަށް ހުކުމުގައި ވަނީ އަމުރުކޮށްފަ އެވެ.
އެ އަމުރާ އެއްގޮތަށް ގާސިމްގެ ފަރުވާ ލިބޭނެ އިންތިޒާމްތައް ވީހާވެސް އަވަހަށް ހަމަޖައްސައިދޭން ހޯމް މިނިސްޓަރު އަހްމަދު އަޒްލީން ވަނީ މުއައްސަސާތަކަށް އަންގަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައްމާނު
28 August 2017
ޤާސިމް ބޭރަށް ނުފޮނު،ވާ ލަސްކުރާ ކުރުން ކުއްވެރިކުރަން. މީކީ އިއްތިފާގެއްނޫން. ގަސްތުގައި ރާވައިގެން ހިންގާ ޖަރީމާއެއް. މިބާވަތުގެ ލާއިންސާނީ ޖަރީމާއަކުން ސިޔާސީ ފައިދާއެއް ނުނެގޭނެ، މީ ރ.ޔާމީނު ސިޔާސީ މައިދާނުން ފެއިލްވާ ކަމަކީ.... ޖައްބާރުވެގެނެއް މިޒަމާނަކު ކުރިއެއް ނުލިބޭނެ. މިވަރުގެތަންކޮޅެއް ލައިދެވޭވަރުގެ ބޭފުޅަކުވެސް އަރިހުގައި ނެތް.
ޒެޑްސް 1
28 August 2017
ތިޔަ ގާސިމުގެ މައްސަލަ ސުޕްރީމް ކޯޓަށް ލަމާ! ފަހަރުގަ ސުޕްރީމް ހުކުމެއް ވީމަ، އެ ހުކުމްގަ ބުނާ އެއްޗެއް ނޭނގިގެން ލައްކަ ދުވަސް ހިނގައިދާނެ ކަން ވެސް އެނގޭ
ސޮކްތެރެޕީ
28 August 2017
ޤާސިމަ ކޮމްމެވެރިކަމެއްގާ ވާގޮތެއްމީ. އަވަސްސިފާއަކައް އެދެން.
ބަކުރު
28 August 2017
ނުވޭ މިވަރެއް ، ނަޝީދުގެ ވެރިކަމުގައި ނުހަނު އޯގާތެރި ، ގާސިމް އަމިއްލަޔަކަށް މިލިޓަރީއަކާ ނުލާ އުޅުން އެއީކީ ނަޝީދުގެ މައްސަލައެއްނޫން ، މިކަން އިނގޭނެ ގާސިމްގެ ބަހުރުވަ އެވެރިކަމުގައި ހުރިގޮތާ މިހާރު ހުންނަގޮތަށް ބެލިޔަސް
ހަމަރޯޅި
28 August 2017
ހުއްދަ ދިނުމުގަ އިހުމާލުވާ ފަރާތުގެ ކަންކަން ބެލޭނެ އެދުވަސްވެސް އަންނާނެ
ވަރަށް ދެރަ
28 August 2017
އަޅުގަޑަށް ލަފާ ކުރެވެނީ މިހާ ލަސްވަމުން އެއަންނަނީ ޑރ ލަފާ ދެއްވާފައިވާ ޓެސްޓްތަކާއި އޮޕަރޭޝަން ރާއްޖެއިން ހެދުމުގެ އިންތިޒާމްތައް ސަރުކާރުން ހަމަޖައްސަމުން ގެންދާތީކަމަށް. އެކަމަށް ބޭނުންނާނޭ މެޝިނަރީޒް އާއި ޓެކްނީޝަނުންނާއި ސާރޖަނުން ހަމަޖެއްސުމަށް މިހާ ގިނަ ވަގުތު އެނަގަނީކަމަށް ލަފާ ކުރެވެނީ. އެހެން ހަދައިގެންވެސް ޤާސިމް ރާއްޖެއިން ބޭރަށް ނުފޮނުވުމަށް ވިސްނުން ހުރިހެން ހީވަނީ. މިފަދަ އިއްޒަތްތެރިއަކަށް އެފަދަ ގޮތަކަށް ކަންތައްތައް ކުރުމަކީ ހިތާމަކުރާ ކަމެއް.
ދޫނިދޫ
28 August 2017
އަނެއްކާވެސް ކޯޓަށް ތިޔަ މައްސަލަ ވައްދަބަލަ. ކޯޓްގެ އަމުރު ތަންފީޒުނުކުރިއޭކިޔާފަ. އަދި ހުކުމް ބާޠިލްކޮށްދިނުމަށް ޤައިރު ހާޒިރުގައި ކުއްވެރިނޫން މީހަކު ޖަލަށްލާފައިވާކަމަށް ބަޔާންކޮށް. ސަމީރު އަޒްލީން ޓީވީގައި ބުނި ޤާސިމްގެ ފަރާތުން ބޭރަށްދާން ނޭދޭވާހަކަ. އަދި ކަންކަން ހަމަޖެހުމުން ފޮނުވާނެވާހަކަ. ދެން ކަރެކްޝަންގެ ބޮޑުމީހާގާތުން ދުރަށްނުގޮސް ޖައްސާފަ ތިބެބަލަ. އަޒްލީންގެ ވެސް. ދެން އޭރުން ބުނާނެތާ ކާކުގެ އޯޑަރު އަންނަންދެންކަން މިތިބެނީ. ޔާﷲ ޤާސިމްގެ އަނިޔާވެރިން ބަލިކުރައްވާ ޤާސިމަށް ފުރިހަމަ ޞިއްޙަތަކާއި ކާމިޔާބު މިންވަރުކޮށްދެއްވާންދޭވެ. އާމީން
ހައްވަ
28 August 2017
ތިޔައީ ބޭކާރުން ކޮށްދޭން އުޅޭ ކަމެއ ނޫން!
ހހާމާނު
28 August 2017
މިދަނޑިވަޅުގައި މިހެން ބުނަންވެސް ދެރަވޭ. އެކަމަކު ދެން ތިބި މީހުންނަށް އިބުރަތެއްގެ ގޮތުންވެސް ބުނަންޖެހޭތީ. ބުނަން. ތިމާ ކުރާ ހެޔޮކަންތައްވެސް އަދި ނުބައި ކަންތައްވެސް ތިމާއާ ބައްދަލު ކުރާނެތެވެ. އަލީ ހަމީދަކީ އަލީ ހަމީދު ނޫންކަމަށް، ޖުޑިޝަރީ އެއްވަނަކަ ކަމަށް ގާސިމް ދެއްކި ވާހަކަ އަދިވެސް މިކަންފަތުގައި އިއްޔެ އިވުނު ވާހަކަހެއް އެބަހުރި. އެ ނުބައި ގާސިމް އާ ތިޔަ ބައްދަލުކުރީ އެންމެ ނިކަމެތިވީދުވަހު. ދެން ތިބި މީހުންނަށް ބުނަން އަބަދުވެސް ނަގަހައްޓަންވާނީ، ކުރިއަރުވަންވާނީ ހައްގު، ތެދު. އެހެން ނޫނީ.....
ސސސސ
28 August 2017
ކަރެކްޝަނުގެ 2 ޑޮކްޓަރުން ތައްގަޑު ޖަހަން ޖެހެޔޯ. 1 ޑޮކްޓަރު ހުރީ. ދެން ހުރި ޑޮކްޓަރަކަށް ވާން އުޅޭ ސޮރު 5 އަހަރުގެ ކޯހެއް ނިންމާ އައީމާ 2 ހަމަވީމަ 2 ލިބޭނެޔޯ.
ނާއިންސާފު
28 August 2017
މަރުވަންދެން, މީހާދަ ހެޔޮވެރިކަމެކޭ, އަދިވެސް 2018ގައި ހޮވަންވީވެސް މި އަނިޔާވެރިންނޯ, ﷲ އިރާކުރެއްވިއްޔާ ރީތިބައްޔަކުން މިވެރިން ބަލިވެ އިދިކޮޅުފަރާތްތަކަށް ވެރިކަން ލިބޭނެ, ނުހައްގުން އަދުލު އިންސާގުން ބޭރުން ކަންތައްކުރި ހުރިހާ ފަރާތްތައް ގާނޫނުގެ ކުރިމައްޗަށް ގެނެސް ގޮޅިގޮޅިއަށް ފެއްތޭނެ.