ޚަބަރު / ފޭސްބުކް

ފޭސްބުކް ބޭނުންކުރާ 52 މީހެއްގެ މައުލޫމާތު ހޯދަން ދިވެހި ސަރުކާރުން އެދުނު: ރިޕޯޓް

މީހަކު މޮބައިލް ފޯނުން ފޭސްބުކް ބޭނުންކުރަނީ: ސަރުކާރުން ވަނީ 52 މީހެއްގެ މައުލޫމާތު ހޯދަން ފޭސްބުކްގައި އެދިފައި.

އަބްދުﷲ ޖަމީލު، މިހާރު

21 ޑިސެމްބަރ 2017 - 10:00

10 comments

ފޭސްބުކް ބޭނުންކުރާ 52 މީހެއްގެ މައުލޫމާތު ހޯދަން 37 ރިކްއެސްޓެއް ދިވެހި ސަރުކާރުން ފޮނުވިކަން ހާމަވެއްޖެ އެވެ.

މަޝްހޫރު ސޯޝަލް މީޑިއާ ނެޓްވޯކުން މިދިޔަ ހޯމަ ދުވަހު އާއްމުކުރި ޓްރާންސްޕޭރަންސީ ރިޕޯޓެއްގައި ބުނީ، މި އަހަރުގެ ޖެނުއަރީން ޖޫން މަހާ ދެމެދު ރާއްޖެއިން ހުށަހެޅި ރިކްއެސްޓްތަކުގެ ތެރެއިން 76 ޕަސެންޓް ރިކްއެސްޓް އެއްކޮށްފައިވާ ކަމަށެވެ. އެ ރިޕޯޓުގައި ފޭސްބުކުން ދޭ އެހެން ހިދުމަތްތަކުގެ ތެރޭގައި ހިމެނޭ ވަޓްސްއެޕާއި އިންސްޓަގްރާމްގެ ރިކްއެސްޓްތައް ވެސް ހިމެނެ އެވެ.

އެ ރިޕޯޓުގައިވާ ގޮތުން ދިވެހި ސަރުކާރުން ވަނީ ޖިނާއީ ތަހުގީގަކަށް، އެއް ފަރާތެއްގެ މައުލޫމާތު 90 ދުވަހަށް އެއްކޮށްދިނުމަށް އެދިފަ އެވެ. އަދި އެ ފަރާތުގެ މައުލޫމާތު އެއްކޮށްދީފައިވާ ކަމަށް ފޭސްބުކްގެ ރިޕޯޓުގައި ވެ އެވެ. އަދި ޝަރުއީ މަރުހަލާގައިވާ 49 މީހެއްގެ މައުލޫމާތު ހޯދަން 36 ރިކްއެސްޓް ފޮނުވިއިރު، ތިން މީހެއްގެ މައުލޫމާތު އިމަޖެންސީކޮށް ހޯދަން އެއް ރިކްއެސްޓް ފޮނުވާފައިވާ ކަމަށް ވެސް ފޭސްބުކުން ބުނެ އެވެ.

ފޭސްބުކުން އާއްމުކޮށް ހޯދަން ސަރުކާރުތަކުން އެދެނީ ޖިނާއީ ކުށްތައްކުރާ ފަރާތްތަކާ ބެހޭ މައުލޫމާތެވެ. އެގޮތުން ފޭރުމާއި ރަހީނުކުރުން ފަދަ މައުލޫމާތު ހޯދަން އެދޭ ނަމަ ގާނޫނީ ގޮތުން ބާރުލިބިދޭ ފަދަ ލިޔުންތައް ހުށަހަޅަން ޖެހެ އެވެ. އަދި އެފަދަ މައުލޫމާތު ހޯދަން އެދުމުން އެކަމަށް އިޖާބަދޭ ކަމަށް ވެސް އެ ރިޕޯޓުގައި ބުނެފައިވެ އެވެ.

ފޭސްބުކްގެ ރިޕޯޓުގައި ވަނީ އާއްމުކޮށް ސަރުކާރުތަކުން އެދެނީ އެކައުންޓް ބޭނުންކުރާ ފަރާތްތަކުގެ ނަމާއި ހިދުމަތް ބޭނުންކުރި މުއްދަތުގެ މައުލޫމާތު ހޯދަމަށް ކަމަށެވެ. އަދި އެ ފަދަ މައުލޫމާތެއް ހޯދަން އެދޭ ކޮންމެ ރިކްއެސްޓަކީ ގާނޫނީ ގޮތުން ސައްހަ މައުލޫމާތުތަކެއްތޯ ބަލާ ކަމަށް ވެސް އޭގައި ބުނެފައިވެ އެވެ.

ރިޕޯޓުގައިވާ ގޮތުން އެކި ގައުމުތަކުން ފޭސްބުކް އެކައުންޓްތައް ބޭނުންކުރާ ފަރާތްތަކުގެ މައުލޫމާތު ހޯދަން އެދޭ މިންވަރު 21 ޕަސެންޓް ވަނީ އިތުރުވެފަ އެވެ.

ފޭސްބުކްގެ ރިޕޯޓުގައި ބުނެފައި ވަނީ އެންމެ ގިނަ އެކައުންޓްތަކުގެ މައުލޫމާތު ހޯދަން އެދި ހުށަހަޅާފައި ވަނީ އެމެރިކާއިން ކަމަށެވެ. އެގޮތުން 52،280 މީހެއްގެ މައުލޫމާތު ހޯދަން 32،716 ރިކްއެސްޓް އެމެރިކާއިން ކޮށްފައިވާ ކަމަށް ބުނެފައިވެ އެވެ. ދެވަނައަށް އެންމެ ގިނައިން ހުށަހަޅާފައި ވަނީ އިންޑިއާއިންނެވެ. އޭގެ އިތުރުން ތިންވަނަ އަށް އެންމެ ގިނައިން ރިކްއެސްޓް ފޮނުވާފައި ވަނީ އިނގިރޭސި ވިލާތުންނެވެ.

ކުށްކުރުން ފޭސްބުކް ފުލުހުން ސޯޝަލް މީޑިއާ ދިވެހި ސަރުކާރު

10 ކޮމެންޓް, 95 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގިނަމަގު

22 December 2017

މައުލޫމާތަށް އެދިފައިވަނީ ފްރީޑަމް އޮފް އެކްސްޕްރެޝަން އަށް އެހެން ގައުމުތަކަށް އެންމެ ބާރަށް ގޮވާ ތިން ގައުމުން. .މިހާރު އެއްޗެއް އެނގޭނު؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިތިރި

22 December 2017

އަސްލު މިހާރު ދުނިޔޭގެ ރައީސަކު ހޮވާނަމަ ރައީސަކަށް ވާނީ ފޭސްބުކްގެ ބާނީ މާކް ޒުކަބާގް.. ބައިވަރު ސޯޝަލް މީޑިޔާ އެޕްލިކޭޝަންސް ތިބިއިރު އެންމެ ޔޫޒަރސް ގިނަވާނީ ފޭސްބުކްގަ.. އަނެއްކާ ކުރިންހެން ހަމައެކަނި ރައްޓެހިންނާ ގުޅުން ބާއްވާކަށް ނޫން ފޭސްބުކް މިހާރު ބޭނުންކުރަނީ... ވިޔަފާރި ކުރުމާއި ތައުލީމު ދިނުމާއި މުބާރާތްތަށް ހިންގުން ފަދަ އެތައްކަމެއް.. ފޭސްބުކަކީ މިހާރު އެއާ ނުލައި ނޫޅެވޭނެ ވަރުގެ ވާރޗުއަލް ރިއަލިޓީ ދުނިޔެއެއް.. އަދި ފޭސްބުކް ދަނީ ވަަރަށް ހަލުވިކޮށް ކުރިއަރަމުން.. އެހެންވީމަ މިދުނިޔޭގެ އަސްލު ރައީސަކީ... ރައީސުލް ވާރޗުއަލް ދުނިޔެ އަލްފާޟިލް މާކް ޒުކަބާގް. އޯކޭ އެއްނު؟ ހައްހައްހާހާހާއްހައްހާާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނު

22 December 2017

އަލްފާޟިލް؟؟؟ ނުވާނެ! އަލްފާޟިލް ނޫން އެހެން އެއްޗެއް ކިޔައިގެން ތަހުތަށް ލައިގެން ދުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސް

22 December 2017

ނިސްބަތުން އެންމެ ގިނައީ ތާއްޖޭގަތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

21 December 2017

އާދެތިޔަކަން ހިނގާނީ ތިޔަހެން ،،،، ތާއަބަދަށްވެސް ހިނގަނީ އެހެން ދަނޑީގެ ދެކޮޅު އޮންނަ ފަދައިން ތިޔަކަމުގައި ވެސް ދެކޮޅު އޮވޭ. މިނިވަންކަން ވެސް އޮވޭ. އެކަންވެސް އަސްލުގައި އޮންނަންވަނީ ހައްދެއްގެ ތެރޭގައި. އެހައްދު ކަނޑައަޅައި އެކަން ގަބޫލު ކުރުމުގެ މައްސަލަ މިއުޅެނީ. އެކި މީހުންގެ ޕާރސްޕެކްޓީވް ތަފާތީ. އަނެއް ކަމަކީ ސަރުކާރުތަކުން އެމީޙުންނަށް ފާޑުކީމައި އެމީހެއްގެ ދުވަސް ދުއްވާލަން އެކިޒާތުގެ ބަދުނާމްއަޅުވާ އެމީހެއް މައުލޫމާތް ހޯދަން އުޅޭ. ހަގީގަތުގައި ސެކިއަރ ކޮށް ވާހަކަދެއްކޭނެ ނިޒާމެއްނޯވޭ. ޓެރަރިޒަމްގެ ދަށުން ނުބެލޭނެ ކަމެއް ނޯވޭ. ސިޔާސީ ގޭސް އަނބުރަން އަދިވެސް އެންމެ ރަގަޅުވާނީ "ދަ އޯލްޑް ޓްރިކް " ،،،، މައައްސަލާމާ ،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާމް

21 December 2017

މިސަރުކާރުން އަފްރާޝީމް ގޮތަށް މަރާލެވިފައިވާ އެއްވެސް ފަރާތެއްގެ ގާތިލުން ހޯދަން ފޭސްބުކްގައި އެދިފައިވޭތޯ؟ ހަމައެކަނި ސިޔާސީ ފައިދާއެއް ހޯދުމުގެ ނިޔަތުގައި ފޭސްބުކްގައި ރިކުއެސްޓް ކުރިޔަކަސް އަދި ނިމުނީއެއްނޫން. ކޮންމެސް ބަޔަކުވެއްޖެ ފޭސްބުކްގައި ވަރުގަދަ ކެމްޕެއިންއެއްކުރަން މިގައުމުގައި. ސްޓޭޓަސްއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔުނައިޓެޑް އައްޑޫ

21 December 2017

ޑިމޮކްރަސީ ފައްކާވެ ފުރިހަމަވާ ވަރަކަށް ފޭސްބުކް އެކައުންޓްތަކުގެ މައުލޫމާތު ހޯދަން އެދޭ މިންވަރު ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

22 December 2017

ޑިމޮކްރަސީ ފައްކާވެގެން ގޮސް ގަސްދޮށަށް ފައިބަން ނުފަށާފިއްޔާ ރަނގަޅު........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރޯ

21 December 2017

މީ އަދި ބޭނުން ކުރަން ހެޔޮވާވަރުގެ އެޕް އެއް ނޫން. ބޮއިކަޓް އެފްބީ. ސަރުކާރުން އުޅެނީ އިދިކޮޅު ފަރާތްތައް ފަހތުން ދޮގުތުހުމަތް ކޮއް 2018 ގ ހުރިހާ އެންމެން ޖަލައް ލާން.ވަރައް ސާފު