އިދިކޮޅު ފަރާތްތަކުން މިރޭ ބޭއްވި މުޒާހަރާގެ ތެރެއިން ފުލުހުންގެ ބެލުމުގެ ދަށަށް ގެންދިޔަ މަހްލޫފު ދޫކޮށްލުމުން، ފުލުހުންގެ މައި މަރުކަޒުން އެހެން ބޭފުޅުންނާއެކު ނުކުމެވަޑައިގަންނަވަނީ.
15 ފެބުރުއަރީ 2018 - 00:32
12 comments
އިދިކޮޅު ފަރާތްތަކުން މިރޭ މާލޭގައި ބޭއްވި އެއްވުމުގެ ތެރެއިން، ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފާއި އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހަންމާ) ފުލުސް އޮފީހަށް ހާޒިރުކުރުމަށް ފަހު ދެންމެ ދޫކޮށްލައިފި އެވެ.
އެނގިފައިވާ ގޮތުގައި އެ ދެ ބޭފުޅުން ފުލުސް އޮފީހަށް ގެންދިޔައީ ސޯސަންމަގާ ހިސާބުންނެވެ.
ފުލުސް އޮފީހުން ނުކުމެވަޑައިގެން މަހްލޫފް "މިހާރު" އަށް ވިދާޅުވީ، ފުލުހުން ކަންތައް ކުރީ ވަރަށް ރަނގަޅަށް ކަމަށާއި ބަދަލު ހިފުމުގެ ރޫހު އެއްގޮތަކަށް ވެސް އެމީހުންގެ ކިބައިން ފާހަގަ ނުކުރެއްވޭ ކަމަށެވެ.
"ފުލުހުންނާ އަޅުގަނޑުމެންނާ އެއްވެސް މައްސަލައެއް ނެތް. އެ މީހުންގެ ފަރާތުން ކަންކަން ފެނުނީ ވަރަށް ރަނގަޅަށް،" އޭނާ ވިދާޅުވި އެވެ.
އިދިކޮޅު ސިޔާސީ ބައެއް ބޭފުޅުން ދޫކުރުމަށް އަންގައި ސުޕްރީމް ކޯޓުން މި މަހުގެ އެއްވަނަ ދުވަހުގެ ރޭ ނެރުނު އަމުރު ތަންފީޒު ކުރުމަށް ގޮވާލައި އޭގެ ފަހުން ކޮންމެ ރެއަކު ވެސް އެމްޑީޕީގެ ހަރުގެ ކައިރީގައި އިދިކޮޅު ހަރަކާތުން އެއްވުން ބާއްވަ އެވެ. އެހެން ބައެއް ރޭ ތަކެކޭ އެއްގޮތަށް، މިރޭ ވެސް އެ ސަރަހައްދަށް އެއްވި މީހުން ރޫޅާލުމަށް ފުލުހުން ވަނީ ޕެޕާ ސްޕްރޭ ޖަހައިފަ އެވެ. އަދި ބައެއް މީހުންނަށް ވަރަށް ބޮޑަށް އޭގެ އަސަރު ކޮށްގެން އޭޑީކޭ ހޮސްޕިޓަލްގައި ވަނީ ފަރުވާދީފަ އެވެ.
ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ނެރުނު އަމުރުގައި ސިޔާސީ ބޭފުޅުންތަކެއް ދޫކުރުމަށް އަންގާފައިވީ ނަމަވެސް، އޭގައި ސޮއިކުރެއްވި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މި މަހުގެ ފަސްވަނަ ދުވަހުގެ ރޭ ހައްޔަރު ކުރުމަށް ފަހު، ދެން ތިއްބެވި ތިން ފަނޑިޔާރުން ވަނީ އެ އަމުރުގެ އެ ބައި ބާތިލްކޮށްފަ އެވެ.
ކުއްލި ނުރައްކަލުގެ ހާލަތު އިއުލާން ކުރުމަށް ފަހު، އުއްތަމަ ފަނޑިޔާރާއި އަލީ ހަމީދު ހައްޔަރުކުރީ، ގާނޫނާ ޚިލާފަށް ވެރިކަން ވައްޓާލުމަށްޓަކައި ރިޝްވަތު ހިފި ކަމުގެ ތުހުމަތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަޗީ
15 February 2018
ކޮންމެ ބާޣީއެއް ހައްޔަރުކޮށް ޙައްޤު އަދަބު ދިނުމަށް ޤާނޫނީ މުއައްސަސާތަކަށް ގޮވާލަން.
ތުނިޔަ
15 February 2018
މަޚްލޫފުއަކީ ސިޔާސީ ދާއިރާއިން ފެންނަ ހިތްވަރުގަދަ މަދު މީހުންގެ ތެރެއިން، އެއްމެ ކުރީގައި ހުރި ބޭފުޅާ، ދެގޮތެއް ނުވާ ހިތްވަރާއި ފަންވަރު މަޚްލޫފްގެ ކިބައިންފެނޭ..
މޯޑް
15 February 2018
ކީއްވެހޭ ގިނަ މީހުންނަށް އެހެން އުޅެން ނުކެރެނީ!
ތުއްތޫނިޔާ
15 February 2018
އެތަނަށް ގެން ގޮސް ދޫނިދޫ އަށް ގެންދިއުމުގެ ބަދަލުގައި ވެލްކަމް ޑުރިންކް ދިނުމަށްފަހު ދޫކޮށްލީ
ސަލީމު އިދުރީސް
15 February 2018
ނޫން އަޅުގަނޑު ދެކެނީ މަހުލޫފަކީ ހިއްވަރުގަދަ ފަހުލަވާނެއްގެ ގޮތުގައެވެ
މެންޓަލިސްޓް
15 February 2018
މާނައަކީ ޔާމިންބޭނުންހާ މީހެއް ދެން ހައްޔަރުކޮއްގެން އުޅެވޭނެ މަގުތަށް ހަނިވަމުންނޭ ދަނީ ،،،، ސްޕްރީމްކޯޓްގެ މީހުން ޖަލުގައި ބައިތިއްބައިގެން އިސްތިއުފާ އެމީހުން ނުދީގެން ބުމަރެއްހެން ސަރުކާރުގެ ވެރިން އެނބުރެނީއޭ ،،، މަޖިލިސްގެ މެޖޯރިޓީވެސް ނުލިބެޔޭ ،، ކުއްލިހާލަތް ދޫކޮއްލެވޭކަށްވެސް ނެތޭ ،،،،، އެދިގުދެއްމޭކަށްވެސް ނެތޭ ،،،، އެހެންވެ ކުޑަކަކޫޖެހުނީމައި އާދޭސްކުރަނީ އޯލްޕާޓީ ނެގޯޝިއޭޝަންއަށްދާން ،،، އެވެސް އިޙްލާސްތެރިކަމެއްނެތި ،،، ހަމައެކަނި ބޭނުމަކީ ދިގުދައްމާލުން ،،،، އަޅުގަނޑުބުނާނީ ވަގުތު ކުޑަތަންވެއްޖެއޭ ،،،، ފެބްރުއަރީމަހަކީ 28 ދުވަހުގެ މަހެކޭ ،،، މާނައަކީ 30 ހަމަނުވާ މަހެކޭ ،، މާނައަކީ 5 އަހަރުގެ ދައުރެއް ހަމައެއްނުވާނޭ ،،،، މީއިއްތިފާގެއްހެއްޔޭ ،،، މައައްސަލާމާ
ސައްމޫނު
15 February 2018
ޚަމޯން މަހްލޭފް ..
ޅޮޮޕި
15 February 2018
މަޖުލިސް ފައްޓަން ރެޑީވަނީ. ޢިދި ކޮޅު މެންބަރުން ޖަލަށްލާގެން މެޖޯރިޓީ ގެއްލުވާލަނީ
އެމް ޑީ ޕި
15 February 2018
ދެ ފިތުނަވެރިން ތީ ރަނގަޅު ބަރާބަރު. ޑްރާމާ.ކުޅެނި ބޭރުޤައުމުތަކަށް ފޮޓޯ ފޮނުވަން ރާއްޖެގެ އަގުވައްޓަން. މީދެން މިމީހުންގެ ފެންވަރު ހެވޭ އުޅޭގޮތުންވެސް
ޙަސީން
15 February 2018
ޥަރަށް ރަނގަޅު ނިންމުމެއް، މަހްލޫފް އަކީ ގައުމު ފިތުނަކުރާ ފިތުނަވެރިއެއް.
ޒަންޖަބީލު
15 February 2018
އޭނަ ހަޅޭލަވައިގެންވެސް މިގައުމުގެ ކަންކަން ރަނގަޅުވީމަ ފައިދާ ކުރާނީ ހަމަ ކަލެޔަށާއި ކަލޭގެ ދަރީންނަށް
ތާރޭ
15 February 2018
ޒަންޖަބީލު ބުނިހެން ފައިދާ ވާނީ ކައެއައް . ތިގޮލާގެ ކޮމެންޓުގެ ޑިސްލައިކު ބަލާލީމަ ވެސް އިނގޭ ޔާމީނައް ތާއީދު އޮތްވަރު/