އިބްރާހިމް ނާސިރު އިންޓަނޭޝަލް އެއާޕޯޓުގެ އާ ޓާމިނަލްގެ ބިންގާ އެޅުމުގެ ރަސްމިއްޔާތުގައި ކުރީގެ ރައީސް މުހައްމަދު ނަޝީދާއެކު ޖީއެމްއާރާއި މެލޭޝިއާ އެއާޕޯޓްސް ކޮމްޕެނީގެ އޮފިޝަލުން ބައިވެރިވެވަޑައިގަންނަވަނީ.
17 އެޕްރީލް 2018 - 13:02
36 comments
ވެލާނާ އިންޓަނޭޝަނަލް އެއާޕޯޓް ހިންގަން އިންޑިއާގެ ޖީއެމްއާރު ކުންފުންޏާ ހަވާލުކުރި އެއްބަސްވުން ސަރުކާރުން އުވާލުމުން ދައްކަން ޖެހުނު 271 މިލިއަން ޑޮލަރުގެ އިތުރުން، 15 މިލިއަން ޑޮލަރު ހޯދަން ޖީއެމްއާރުން ސިންގަޕޫރުގެ އާބިޓްރޭޝަނަށް ހުށަހެޅި މައްސަލައެއް އެ ކުންފުންޏާ ދެކޮޅަށް ނިންމައިފި އެވެ.
ޖީއެމްއާރަށް 271 މިލިއަން ޑޮލަރު (4.1 ބިލިއަން ރުފިޔާ) ދެއްކުމަށް އާބިޓްރޭޝަނުން ކުރިން ނިންމާފައި ވާއިރު ސަރުކާރުން ވަނީ އެ ފައިސާ އެއްފަހަރާ ދައްކައި ހަލާސްކޮށްފަ އެވެ. އެކަމަކު ޖީއެމްއާރުން އިތުރު 15 މިލިއަން ޑޮލަރު ހޯދަން މިދިޔަ އަހަރު ހުށަހެޅީ އެއާޕޯޓް ހިންގި އިރު އެމްއޭސީއެލްގެ އެކި ކަންކަމަށް ޖީއެމްއާރުން ހަރަދުކުރަން ޖެހުނު ކަމަށް ބުނެ އެވެ. އެގޮތުން 11.5 މިލިއަން ޑޮލަރު އެމްއޭސީއެލް އިން ޖީއެމްއާރަށް ދޭންޖެހޭނެ ކަމަށާއި އެ ފައިސާ ނުދައްކާ އޮތުމުން އިންޓަރެސްޓާ އެކު 15 މިލިއަން ޑޮލަރު ލިބެންޖެހޭ ކަމަށް އާބިޓްރޭޝަނަށް ހުށަހެޅި މައްސަލާގައި ބުނެފައިވެ އެވެ.
މީގެ ކުރިން ސަރުކާރުން ވެސް އަދި ޖީއެމްއާރުން ވެސް މި މައްސަލައިގެ ވާހަކަ ހާމަކޮށްފައެއް ނުވެ އެވެ.
"މިހާރު" އަށް އެނގިފައިވާ ގޮތުގައި މި މައްސަލަ އާބިޓްރޭޝަނުން ނިންމީ މިދިޔަ ހުކުރު ދުވަހު އެވެ. މައްސަލަ ނިންމީ އެމްއޭސީއެލް އިން ދައްކަންޖެހޭނީ 230،00 ޑޮލަރު ކަމަށެވެ. އަދި އެއާޕޯޓް ހިންގުމުގެ އެއްބަސްވުމުގެ ދަށުން ޖީއެމްއާރަށް ދެން އިތުރު ދައުވާއެއް ނުކުރެވޭނެ ކަމަށް ވެސް އާބިޓްރޭޝަނުން ވަނީ ނިންމައިފަ އެވެ.
އެމްޑީޕީގެ ސަރުކާރުން 25 އަހަރަށް ޖީއެމްއާރާ އެކު ހެދި އެއްބަސްވުން 2012 ގައި އުވާލީ ކުރީގެ ރައީސް މުހައްމަދު ވަހީދުގެ ސަރުކާރުންނެވެ. އެއްބަސްވުން އުވާލުމުން ސިންގަޕޫރުގެ އާބިޓްރޭޝަނަށް ޖީއެމްއާރުން ދިޔައީ އެއް ބިލިއަން ޑޮލަރަށް ވުރެ ވެސް ބޮޑު އަދަދެއް ނަގައިދިނުމަށް އެދި އެވެ. އާބިޓްރޭޝަނުން ކަނޑައެޅި 271 މިލިއަން ޑޮލަރު މި ސަރުކާރުން ދެއްކީ ނޮވެމްބަރު 2016 ގަ އެވެ.
ޖީއެމްއާރުގެ އެއްބަސްވުން އުވާލުމަށް ފަހު ސަރުކާރުން އަންނަނީ އެއާޕޯޓްގެ ތަރައްގީއަށް ބިޔަ މަޝްރޫއުތަކެއް ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޯބިވާ ދިވެހިރާއްޖެ
09 September 2018
ތަންދޮރު ނުދަންނަ މީހުން ވެރިކަން ކުރާ ނަމަ ހިވެސް ނުކުރާވަރުގެ ގެއްލުން ލިބޭނެ. 2008 ވެސް އެކަން ފެނުނީ.. މީ އެންމެންގެވެސް ގައުމު..މި ގައުމަށް ލިބޭ ކޮންމެ ފައިދާ އަކީ މިގައުމުގެ ރައްޔިތުންނަށް ލިބޭ އުފަލެއް
ސަބްނަމް
17 April 2018
ކޮބާ؟ އުފެދުނު އިރުވެސް ބާތިލް އެގްރީމެންޓެކޭ ބުނި މީހުން. ރާޢްޖެ ދަރުވާލާފަ ތިޔަތިބީ. ލަދެއްވެސް ނުގަނޭދޯ.
އިބިރިހިންބެއްޔާ
17 April 2018
ބަލަ އެމްޑީޕީ އެކަނިތަ؟ ކޮބާ މަށަށްވާނެޔޭ ކިޔާފައި ނިކުމެ ނާކާމިޔާބު، ރާއްޖެއަށް ގެނެސްދެއްވި ފުންނާބުވެސް އުސް ލޯޔަރު. އޭނަގެ ޒިންމާއެއް ނެތްބާ؟
މެންޓަލިސްޓް
17 April 2018
ޖީއެމްއާރއާޢި އެމްއޭސީއެލްއާޢި ކުރެވުނު އެގްރީމެންޓްއަކީ ހުރިހާ ކަމެށް ފުރިހަމަ އެގްރީމެންޓްއެއްނޫން ،،، އޭގައި ހުރި އިސްލާހްކުރަންޖެހޭ ކަންކަން ،،، އެކަންކަން ކުރަން ފަހުން ޖީއެމްއާރއިން އެއްބަސްވެސް ވީކަމަށް އެންޑްރޫ ބުނެއުޅުނު ،،، ނަމަވެސް ޖީއެމްއާރ ރާއްޖެއިން ބޭރުކުރީ ފުދޭވަރަކަށް ބާރބެރިކޮށް ،،،، ސިވިލައިޒް ސޮސައިޓީތަކުން ކަންކަން ކުރާއުސޫލަކުން ނޫން ،،، އޭގެސަބަބުން އެތަށްސަތޭކަ މިލިއަން ޑޮލަރެއްގެ ގެއްލުން ރައްޔަތުންގެ ފައިސާއިން ދައްކަންޖެހިގެން ދިއައީ ،،،، ދެންޖެހޭނީ މިހާރު 1 ބިލިއަންއާއި ގާތަށް ލޯންނަގައިގެން ކަމަށްބުނެ ހަދަމުން ދާ އެއަރޕޯޓް އޮންނާނެގޮތެއް ،،، ދެގޮތްވެސް އަޅާކިޔާލަން ޖެހޭނީ ،،، އޭގެފަހުން ގޮތެއްނިންމޭނީ ،،، މައައްސަލާމާ
2018ނޫނުމީހާ
17 April 2018
ކަލޯގެޔާ! ޖީ.އެމް.އާރަށް ތިޔައަތުލީ މިރާއްޖޭގަ 7 ރިސޯޓް ހެދޭނެހާ ޑޮލަރު. ނުވަތަ 2 ޓްރީޓޮޕް ހޮސްޕިޓަލް ހުޅުވޭނެހާ ޑޮލަރު. 3 އަހަރުގެ މޮޅުވެރިކަމޯ... މާތްކަލާކޯ މީވާހަމަ ބޮޑުވަރު ދޯ... މިވެރިން ތިރާކުނުން އަށްޑުއަށް މިލިމީޓަރެއްވެސް ނުބޭއްވީސް 5 އަހަރުވަންދެކަ ވެރިކަމުގަ އުޅެވުނުނަމަ... އަދިވެސް ވަގުންގެ ލަގަބު މިދެނީ އެހެންމީހުނަށް. ތިޔަ 4 ބިލިޔަން ތީ ހިޔާނާތުގެ ރެކޯޑެއް. ޅަކުދިންނޭ ވިސްނާށެވީ މިގައުމަށް.
ޚާދިމް
17 April 2018
ޖީއެމްއާރު ވެސް މި ހަދާގޮތަކީ ހަމަ އަތްމަތި ދަތިވާއިރަށް އެމްއޭސީއެލް ގޮވައިގެން އާބިޓްރޭޝަނަށް ދަނީ. މީ އެނގި ތިބެ މިގައުމަށް ރީނދޫ މީހުން ދިން ގެއްލުމެއް.
މަންޑޭލާ
17 April 2018
އެމްޑިޕީގެ ސަބަބުން މިރާއްޖެއަ ނުހަނު ގެއްލުންލިބުނު މިހާރުގެ ސަރުކާރުން އެދަނީ އެއަރޕޯޓުން ޑޮލަރު ވައްދަމުން މިޤައުމަ.
ތަރައްގީ
17 April 2018
ނަޝީދުގެ ހުރިހާކަމެއް އޮންނަނީ އޮޅުވާލުމެއްގަ.
މިލިޓަރީ
17 April 2018
އެމްޑީޕީ އިސްސަފުގަ ތިބީ ޤައުމީވަންތަކަން ނެއްމީހުން.
ޑާޑާޑާޑާޑާ
17 April 2018
ޤައުމީވަންތަކަން ހުރި މީހުން ވީމަ ދެއްތޮ ތިޖޫރިއަށް މާދޯޅުވެގެން އުޅެނީ، ހީހީހީ.
ފުޅު
17 April 2018
ވެރިކަމަށް އެރި ގޮތަށް މިރާއްޖޭގަ ހުރި ހުރިހާ ކުންފުންޏެއް ވިއްކާލީ، ދިރާގް، ފެން ކުންފުނި، އެއަރޕޯޓް، މީ އެންމެ ރިސޯޓަކުން ގައުމު ހިންގޭނެއޭ ކީ މީހާއަށް ވީވަރު. މީނާ ދެން ވެރިކަމަށް އަޔަސް ވާނީ ހަމަ އެހެން.
ޢަބްދުﷲނާފިޒް
17 April 2018
"މީނަ" ވެރިކަމަށް ގެންނާކަށް ނޫނޭ މިއުޅެނީ، މިހާރު ވެރިކަމުގަ ހުރި މީހާ ވެރިކަމުން ދުރުކުރަން މިއުޅެނީ، އިތުރު ފުރުސަތެއް ނުދީ ނިންމާލަން މިއުޅނެި، ﷲ އިރާދަ ކުރެއްވިއްޔާ އެކަން ކުރާނަން، ވަރިހަމަ ޕައްލަންބެ ކުރިމަތިލިއަސް އެމީހަކަށް ވޯޓު އަޅާ މިކަން ނިންމާލާނަން، އޯކޭނު.