ކުރީގެ ރައީސް މައުމޫން އަބްދުލްގައްޔޫމް، ކްރިމިނަލް ކޯޓަށް ހާޒިރުކުރަން ލޯންޗުގައި. ---ފޮޓޯ: ނިޝާން އަލީ/ މިހާރު
19 އެޕްރީލް 2018 - 11:19
17 comments
ކުރީގެ ރައީސް މައުމޫން އަބްދުލްގައްޔޫމް އެއްވެސް ކުށަކާ ނުލައި ޖަލުގެ އަނިޔާ ތަހައްމަލް ކުރައްވަމުން ގެންދަވަނީ ރައްޔިތުންނަށްޓަކައި ކަމަށް އިދިކޮޅު ފަރާތްތަކުން ރޭ ބުނެފި އެވެ.
މައުމޫން މިނިވަން ކުރަން ގޮވާލައި ބޭއްވި ޕެނަލް ޑިސްކަޝަންގައި، ކެންދޫ ދާއިރާގެ މެމްބަރު އަލީ ހުސެއިން ވިދާޅުވީ ކުއްލި ނުރައްކަލުގެ ހާލަތު އިއުލާން ކޮށްގެން މައުމޫން ހައްޔަރުކުރީ އެމަނިކުފާނު ކުށެއް ނުކުރައްވާތީވެ، އިތުރު އެހެން ގޮތެއް ނެތިގެން ކަމަށެވެ. ހައްޔަރުކުރި ފަހުން، މިހާތަނަށް ވެސް މައުމޫން ކުރެއްވި ކުށެއްގެ އެއްވެސް ހެއްކެއް ފުލުހުންނަށް ދެއްކިފައި ނުވާ ކަމަށް އޭނާ ވިދާޅުވި އެވެ.
"އިންސާނަކަށް ލިބިގެންވާ އެންމެ ބޮޑު އަނިޔާ، ރައީސް މައުމޫން ތަހައްމަލް ކުރައްވަމުން އެ ގެންދަވަނީ. ރައީސް މައުމޫން ބޭނުންފުޅު ކަމަށް ވާ ނަމަ ޖަލުން ނުކުމެވަޑައިގެން އަމިއްލަ ގެކޮޅަށް ވަޑައިގެންނެވޭނެ. ވެރިކަމުގައި އެ ހުންނެވީ ކޮއްކޮ. އެހެން ނަމަވެސް އަނިޔާ ތަހައްމަލް ކުރައްވަނީ ދިވެހި ރައްޔިތުންނަށްޓަކައި، ގައުމަށްޓަކައި،" އަލީ ހުސެއިން ވިދާޅުވި އެވެ.
އޭނާ ވިދާޅުވި ގޮތުގައި އަމިއްލަ ބޭބޭފުޅަށް ވެސް ރައީސް އަބްދުﷲ ޔާމީންގެ ހިތްޕުޅުގައި ރަހުމެއް، ލޯތްބެއް، އިހްތިރާމެއް ވެސް ނެތެވެ. އެހެން ނޫން ނަމަ، ޝަރީއަތަކާ ނުލައި މައުމޫން ޖަލުގައި ނުބާއްވަވާނެ ކަމަށް ވެސް ވިދާޅުވި އެވެ.
"ހަގީގަތަކީ ރައީސް މައުމޫން ކުށެއް ކުރައްވާފައެއް ނުވޭ. ކުށެއް ކުރައްވާފައިވާ ކަމުގެ ހެއްކެއް ވެސް ނެތް. ކުށެއް ކުރައްވަނިކޮށް ދުށް މީހެއް ވެސް ނެތް. ދެން ކިހިނެއްތޯ ރައީސް މައުމޫން ހައްޔަރު ކުރާނީ؟،" އަލީ ހުސެއިން ސުވާލު ކުރެއްވި އެވެ.
އެމްޑީޕީގެ ޗެއާޕާސަން ހަސަން ލަތީފް ވިދާޅުވީ، ގައުމަށް ގިނަ ޚިދުމަތްތަކެއް ކުރައްވާފައިވާ މައުމޫން ޖަލުގައި އޮންނެވުމަކީ ވަރަށް ލަދުވެތި ކަމެއް ކަމަށާއި އެފަދަ ދައުލަތަކަށް ނިސްބަތްވާ ރައްޔިތަކަށް ވީތީ ވެސް ލަދުގަންނަން ކަމަށެވެ. އެއްވެސް ސަބަބެއް ނެތި މައުމޫން ޖަލުގައި ގެންގުޅޭތީ، އެޓާނީ ޖެނެރަލް މުހައްމަދު އަނިލް އާއި ރައީސް އޮފީހުގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރު ލަދުނުގަނޭތޯ އޭނާ ސުވާލު ކުރެއްވި އެވެ.
"ރައީސް މައުމޫނަށް ދެއްވަން ޖެހޭ ގަދަރާއި ޝަރަފެއް ނޫން، ޖަލުގައި ބޭންދެވުން އެ ދެއްވެނީކީއެއް،" ހަސަން ވިދާޅުވި އެވެ.
ހަސަން ލަތީފް ވިދާޅުވި ގޮތުގައި މައުމޫން ސަރުކާރާ ވަކިވެވަޑައިގަތީ، ހިންގަމުން ދިޔަ ކޮރަޕްޝަންތަކާއި ރައްޔިތުންނަށް ދެމުން ދިޔަ އަނިޔާތައް ބައްލަވަން ހުންނަވަން ބޭނުންފުޅު ނުވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔާލިސާ
20 April 2018
އެކަކުވެސް މައުމޫނެއް ނަޝީދެއް ޔާމީނެއް ކިޔާނެ ކަމެއްނެތް ހަމަ ކޮންމެ މީހަކުވެސް އުޅެނީ އަމިއްލަ އެދުމައިގެން ގައުމެއް ރައްޔިތަކަށް ބެލި ބަލާ އެކަކުވެސް ނޫޅޭ މައުމޫނު ރައްޔިތުންނަށް އާދޭސްކޮއްގެން ޔާމީނު ހޮވައދިނީމަ މާނު ހީކުރީ ތިމަން ބުނާހާ ގޮތެއް ޔާނު ހަދާނެކަމަށް އެހެން ނުވީމަ މައްސަލައަކީ
މަނަދޫ ގާދިރު
20 April 2018
ކޮމަންޓް ކުރާ ކުދިންނޭ.. ތިޔަ މީހާގެ 30 އަހަރު ހަދާންހުރި ކުއްޖަކު ނުވަތަ މީހަކު މިގައުމުގަ އުޅޭތަ.. މައުމޫނު ވާހަކަ މި ނޫސްތަކުގަ ނުލިއެބަލަ. އަހަރެމެން ބޭނުމެއްނޫން މިހާރު ތިޔަ މައުމޫނެއް..އަންނި އެއް..ޔާމީން ކަމުނުދާ ކުދިންވެސް އާ ވެރިއެއް ހޯދާ..
ކަޅުމަރިޔަނބު
19 April 2018
މައުމޫން ޖަލުގައި ބަންދުކޮށްފައި އެހެރީވެސް ރައްޔިތުންނަށްޓަކައެވެ. ކޮންމެހެން އަހަރެމެންނަށްޓަކައި މަނިކުފާނު ދެން އަނިޔާ ތަހައްމަލްކުރައްވާނެކަމެއްނެތެވެ! ރައްޔިތުންނަށްޓަކައި 30 އަހަރު މަނިކުފާނު ތަހައްމަލްކުރެއްވި އަނިޔާ ފުދެއެވެ.
ލަތީފާ
19 April 2018
މައުމޫނަކީ އެހާ ރައްޔިތުންނަށް އިޚްލާސްތެރި މީހެއްނޫން. ވެރިކަމުގައި ޚަރަދުބޮޑު މުއްސަނދި ދިރިއުޅުމެއް އުޅުނު އިރު ރައްޔިތުން ތިބީ އަނގަޔާއި އަތާއި ދިމާނުވެ. މީ ކޮންމެހެން މައުމޫނަށް ނަފުރަތު ކުރާތީ ނުބި ވާހަކައެއްނޫން
އަހުމަދު އިބްރާހިމް
19 April 2018
ގައުމަށްޓަކައި ދީނަށް ޓަކައި ފާރިޝް އަށް ނައިބު ރައީސްކަން ނުދީގެންނާއި ، މައުމޫން ހަމީދަށް ޕުރޮސެކިއުޓަރ ޖެނެރަލް ނުދީގެން....
ސާއިމާ އިދްރީސް
19 April 2018
އަޚްވަންތަކަމެއްވެސް ނެތް ވެރިޔެއް މިހާރު އެހުރީ އެކަމު ކައިރީގައި ތިބި މަކަރުވެރިންނަށް ވަރަށް އިތުބާރުކުރޭ ކޮބާ އަދުރޭގެ ކޮރަޕްޝަން މައްސަލަ ވަޅުލެވިފައި އޮތީ ކީއްކުރާނީ މިކަހަލަ ވެރިޔަކަށް ވޯޓް ދެވުނީތީ ދެރަވެ ހިތާމަ ކުރަން
ރާއްޖެ
19 April 2018
ގާނޫނު ކުރިމަތީގައި އެންމެންވެސް ހަމަހަމަ ވާންޖެހޭނެ. އެއީ ރޫހާނީ ލީޑަރަށް ވިޔަސް ހުދުމުހުތާރު ބޭބެ އަށް ވިޔަސް...
އަހްމަދް
19 April 2018
މައުމޫނަށް މައުމޫނު ކިޔުމުގެ ބަދަލުގައި ކިޔަން ވިނޫންތޯ އަލް އުސްތާޒު ދިވެހިރާއްޖެ؟ އޭރުން މާބޮޑަށްވެސް ޤައުމީ ވަންތަ ވާނެ ނޫންތޯ!؟
އީމަން
19 April 2018
ރައީސް މައުމޫނަކީ ގަދަރާއި، ޝަރަފް އަދި އެމެންގެ އިޙްތިރާމް ލިބިގެންވާ މީހެކެވެ. ކުށެއް ނެތް ގައުމުގެ "ބައްޕަ" ޖަލުން ނުކުމެވަޑައިގެން، މިނިވަންވާނެ ދުވަހަކަށް އަހަރެން އިތިޒާރުކުރަމެވެ
ވަހީދު
19 April 2018
މައުމޫނު ކުށެއް ނުކުރާކަން އެނގުނީ ކިހިނެތްތަ؟
ރައްޔިތުމީހާ...
19 April 2018
ތިކަހަލަ ވާހަކަތައް ދެއްކީމަ އަހަރެމެނަށްވަނީ ބޮޑު ޖޯކަކަށް ސަބަބަކަށްވަނީ މައުމޫނު އެކުރައްވާ ހުރިހައި ކަމެއްވެސް އެކުރައްވަނީ އަމިއްލަ ނަފްސަށްކަން އަހަރެމެނަށް ޔަޤީންވާތީވެ ! ޤައުމަށް ހެޔޮއެދޭ ބައެއްނަމަހީ މިޤައުމުގައި ރައްޔިތުންގެ ލާބައާއި މަންފާއަށް ކުރެވޭކަންތައްތަކާއި ހިންގޭ ޕްރޮޖެކްޓްތަކާއި އިދިކޮޅުނުވެ އެއްބާރުލުން ދޭނެކަން ޔަގީން .. މިހާރު މިކުރެވޭކަންތައްތަކަށް ހަމައެކަނިބެލިޔަސް ފާއިތުވެދިޔަ އަހަރުތަކުގައި މިޤައުމަށް އެއްވެސް ވެރިޔަކަށް ނުގެނެވޭވަރުގެ ތަރައްޤީގެނެވިފައިވާކަން ހަމަބުއްދިހުރި ކޮންމެމީހަކަށްވެސް އެނގޭނެ... އެމީހުން އެއުޅޭގޮތުން ކޮންމެމީހަކަށްވެސް އެނގެން އެބަޖެހޭ ޤައުމަށްނޫންކަން ހެޔޮއެދިގެން އެއުޅެނީކީ ! ހައްތަހާވެސް ހަޖަމުނުވުމުގެ މައްސަލަތަކާއި ހަސަދަވެރިވުމުގެ މައްސަލަތަކެއް ދިމާވެގެން އެއުޅެނީ... ދެންބުނާނެ ކުށެއްކުރީމަ އަދަބެއްދީފިނަމަ އަނިޔާވެރިވަނީޔޭ... ތިރުޅިވެރިކަން ވޯޓުން ދައްކަން މައިތިރިވުން ކިހިނެއް؟
ާއަފުން
19 April 2018
މައުމޫނު އަނިޔާ ތަހައްމަލް ކުރައްވަނީ އަމިއްލަ އެދުމަށްޓަކައި. ދާދި އަވަހަށް ވެރިކަމުގެ ލައްޒަތާއި، އާރާއި ބާރު އަނެއްކާވެސް ލިބިދާނެކަމަށް ރައީސް ނަޝީދު ދައްކަވާ ނަނާ ހުވަފެނަށްޓަކައި. ރައްޔިތުން ބަނޑަށް ޖައްސާފަނަމަވެސް ވެރިކަން ހޯދަން މަސައްކަތް ކުރާ ބަޔަކު ރައްޔިތުންގޭ ހައްގޭ ބުނަން ލަދުވެތިވާން ޖެހޭނެ.