ބާޒާރުމަތީގައި މީހަކު އަލުވި ބަސްތާއެއް ހިފައިގެން ދަނީ: ބާޒާރުގައި މިހާރު އަލުވީގެ އަގު ވަނީ ހެޔޮވެފައި. .--- މިހާރު ފޮޓޯ: ނިޝާން އަލީ
23 މެއި 2018 - 13:14
3 comments
އެސްޓީއޯ އާއި އެހެން ބައެއް ކުންފުނިތަކުން ގިނަ އަދަދަކަށް އަލުވި އެތެރެކޮށް ބާޒާރަށް ނެރުމާ އެކު، އަލުވި ބަސްތާއެއްގެ އަގު 250ރ. އަށް ތިރިވެއްޖެ އެވެ.
މާލޭގެ ވިޔަފާރި ބަނދަރު ހިންގާ އެމްޕީއެލްގެ ތަފާސްހިސާބުތައް ދައްކާ ގޮތުން މިދިޔަ ހޯމަ ދުވަހު އެކަނި ވެސް މާލޭގެ ބަނދަރަށް 60 ޓަނުގެ އަލުވި (2،400 ބަސްތާ) ބާލާފައިވެ އެވެ.
ރާއްޖެއަށް ގިނަ އަދަދަކަށް އަލުވި، ފިޔާ އަދި ބިސް އެތެރެކުރާ ފިހާރައަކުން ވާހަކަދެއްކި މީހަކު ބުނީ މިދިޔަ ހަފުތާގައި އަލުވި ބަސްތާއެއްގެ އަގު 450ރ. އަށް ވުރެ މައްޗަށް އަރައިގެން ދިޔައީ ރޯދަމަހުގެ ފުރަތަމަ ހަތަރު ދުވަހު ސަރުކާރު ބަންދުވުމުން، ބޯޓުން ނުބޭލި ލަސްވެގެން ކަމަށެވެ.
"އަޅުގަނޑުމެން މި ބަލަނީ ކޮންމެ ދެ ދުވަހުން އެއް ދުވަހު އަލުވި ގެންނަން. މިހާރު ވެސް ގެންނައިރަށް އޮންނަނީ ހުސްވެފައި. އެހާ ވަރަށް އޯޑަރު ލިބެމުންދޭ،" އޭނާ ބުންޏެވެ.
އޭނާ ބުނީ ބާޒާރުގައި އަލުވި ބަސްތާއެއްގެ އަގު 250ރ. އަށް ތިރިވީ މީގެ ދެ ދުވަސް ކުރިން 10 ޓަނުގެ އަލުވި ގެނެސްގެން ކަމަށެވެ. އަދި އިތުރު 700 ބަސްތާގެ އަލުވި ބަނދަރުން އަދި ބޭރުނުކުރެވި އެބަހުރި ކަމަށް ވެސް ބުންޏެވެ.
"ހަމައެކަނި އަލުވީގެ ޑިމާންޑް މާ ބޮޑުވެގެން މިއުޅެނީ. ބިހާއި ފިޔާ ބޭނުން ވަރަކަށް ލިބެން އެބަހުރި މިހާރު ވެސް،" އެ މީހާ ބުންޏެވެ.
އަލުވީގެ އަގު އުފުލުމުން އެސްޓީއޯ އިން ވަނީ ބޮޑު ޝިޕްމަންޓެއް ގެނެސްފަ އެވެ. އެ ކުންފުނީގެ އޮފިޝަލަކު ވިދާޅުވީ އަލަށް ގެނައި ޝިޕްމަންޓުން ދިހަ ވަރަކަށް ދުވަހު ހިފަހައްޓާލެވޭނެ ކަމަށެވެ. ބާޒާރުމަތީ ފިހާރަތަކުން 250ރ. އަށް އަލުވި ބަސްތާއެއް ވިއްކާއިރު އެސްޓީއޯ އިން ވިއްކަނީ 220ރ. އަށެވެ.
"ބާޒާރުގައި ފުދޭ ވަރަަކަށް އަލުވި ލިބެން ހުރުމުން ގެނައުން މިވަގުތަށް މަޑުކޮށްލާފައި ވަނީ. ދެން އިތުރަށް ގެންނާނީ ތާށި ކަމެއް އުޅެންޏާ،" އޮފިޝަލް ވިދާޅުވި އެވެ.
"އާއްމުކޮށް ރޯދައިގެ ފުރަތަމަ ދެ ހަފުތާ ނިމުމުން ޑިމާންޑް ވަރަށް ބޮޑަށް ދަށްވެގެންދޭ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށްދު
23 May 2018
100 ރ އަށް ހަދާ އަލުވި ބަސްތާއެއް ނުގަންނާނަމެ އެހެންނޫނިޔައެއް
ށެފި
23 May 2018
އެސްޓީއޯއިން އަލުވި ނުގެންނަންޏާ ތިޔަ ވިޔަފާރިވެރިން އަލުވި ވިއްކާނީ ބޮޑު އަގުގަ. އަބަދުވެސް ކަންތައްވަނީ އެހެން. ފިޔާ ވިޔަސް ބިސް ވިޔަސް.
އަލުވިބޭ
23 May 2018
"ރާއްޖެއަށް ގިނަ އަދަދަކަށް އަލުވި، ފިޔާ އަދި ބިސް އެތެރެކުރާ ފިހާރައަކުން ވާހަކަދެއްކި މީހަކު ބުނީ މިދިޔަ ހަފުތާގައި އަލުވި ބަސްތާއެއްގެ އަގު 450ރ. އަށް ވުރެ މައްޗަށް އަރައިގެން ދިޔައީ ރޯދަމަހުގެ ފުރަތަމަ ހަތަރު ދުވަހު ސަރުކާރު ބަންދުވުމުން، ބޯޓުން ނުބޭލި ލަސްވެގެން ކަމަށެވެ." ކޯންޗެކޭ ކިޔާކަށް.. އެސް.ޓީ.އޯ އިން އަލުވި ހެޔޮ އަގުގަ ލިބޭނެގޮތް ހެދީމަ މަޖުބޫރުވީ އަގު ތިރިކުރަން.. ދެން ލަލަލާ!