އެމްޕީއެލްގެ އިމާރާތް: އެ ތަނުގެ މުވައްޒަފުން ރިޔާސީ އިންތިޚާބަށް ވޯޓުލުމަށް ރީ-ރެޖިސްޓްރީ ކުރުމަށް މަޖުބޫރު ނުކުރާ ކަމަށް އެމްޕީއެލުން ބުނޭ.---ފޮޓޯ: މިހާރު
24 ޖުލައި 2018 - 12:31
25 comments
ކުރިއަށް އޮތް މި އަހަރުގެ ރިޔާސީ އިންތިހާބުގައި ވޯޓު ލާން ރީ-ރެޖިސްޓްރީ ކުރަން މަޖުބޫރު ކުރަމުންދާ ކަމަށް ދެކެވޭ ވާހަކަތައް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މިއަދު ދޮގުކޮށްފި އެވެ.
ވެލާނާ އިންޓަނޭޝަނަލް އެއާޕޯޓް ހިންގާ ރާއްޖޭގެ އެންމެ ބޮޑު އެއް ކުންފުނި، އެމްއޭސީއެލްގެ މުވައްޒަފުންނަށާއި ރާއްޖޭގެ އެންމެ ބޮޑު ބަނދަރު ހިންގާ އެމްޕީއެލްގެ މުވައްޒަފުން ރީ-ރެޖިސްޓްރީ ކުރަން އެ ތަންތަނުން މަޖުބޫރު ކުރުވާ ވާހަކަތަކެއް ވަނީ ފެތުރިފަ އެވެ.
އެކަމަކު، އެ ދެ ކުންފުނިން ވެސް މިއަދު ބުނީ ސެޕްޓެމްބަރު 23 ގައި ބާއްވާ ރިޔާސީ އިންތިހާބާ ގުޅޭ އެއްވެސް ކަމެއްގައި މުވައްޒަފުންނަށް އެއްވެސް ކަހަލަ އެންގުމެއް އަންގާފައި ނުވާނެ ކަމަށެވެ.
އެމްއޭސީއެލްގެ އޮފިޝަލަކު ވިދާޅުވި ގޮތުގައި ރީ-ރެޖިސްޓްރީ ކުރުމުގެ ހަރަކާތެއް އެ ކުންފުނިން ކުރިއަށް ގެންދެ އެވެ. ނަމަވެސް އެއީ މުވައްޒަފުންނަށް މަޖުބޫރުކޮށްގެން ކުރާ ކަމެއް ނޫން ކަމަށާއި އެކަން އޮންނާނީ އެ މީހެއްގެ އިހްތިޔާރަށް ދޫކޮށްލާފައި ކަމަށް އޭނާ ވިދާޅުވި އެވެ.
"އަބަދުވެސް ހުޅުލޭގައި ވޯޓު ފޮއްޓެއް ހުންނާނެ. ރީ-ރެޖިސްޓްރީ ކުރާނެ ބައެއް މުވައްޒަފުން. ސަބަބަކީ ޑިއުޓީގައި އުޅޭއިރު އަދި ކިޔޫ ކުރުވީމަ ވޯޓުލާން ފަސޭހަވާތީ،" އޮފިޝަލް ވިދާޅުވި އެވެ.
ވެލާނާ އިންޓަނޭޝަނަލް އެއާޕޯޓްގައި މި ފަހަރު ވެސް ވޯޓް ފޮއްޓެއް ބަހައްޓާ ގޮތަށް އިލެކްޝަންސް ކޮމިޝަނުން ވަނީ އިއުލާން ކޮށްފަ އެވެ.
އެމްޕީއެލްގެ ތަރުޖަމާނު ވިދާޅުވީ، މުވައްޒަފުންނަށް މަޖުބޫރުކޮށްގެން ރީ-ރެޖިސްޓްރީކުރުމުގެ އެއްވެސް ކަމެއް އެ ކުންފުނީގައި ނުހިންގާ ކަމަށެވެ.
"އެއްވެސް މުވައްޒަފަކަށް މަޖުބޫރީ ކަމެއް ކުރުމަށް އަންގާފައެއް ނުވާނެ. ރީ-ރެޖިސްޓްރީ ކުރުން ވެސް އެއީ މުވައްޒަފުން ކޮންމެހެން ކުރަން ޖެހޭ ކަމެއް ނޫން،" އޭނާ ވިދާޅުވި އެވެ.
ރީ_-ރެޖިސްޓްރީވުމުގެ މަސައްކަތް ސަރުކާރުގެ އޮފީސްތަކުގެ މުވައްޒަފުން ލައްވައި ޕީޕީއެމުން ކުރަމުން ގެންދާތީ އިދިކޮޅު ފަރާތްތަކުން އަންނަނީ ފާޑުކިޔަމުންނެވެ. އަދި ބައެއް އޮފީސްތަކުގެ މުވައްޒަފުން އޮފީހަށް ނުކުތުމުގެ ބަދަލުގައި ޕީޕީއެމްގެ ކެމްޕެއިނަށް ދާން އަންގާ ކަމުގެ އަޑުތައް ވެސް ވަނީ އަރައިފަ އެވެ.
ސެޕްޓެމްބަރު 23 ގައި ބާއްވާ ރިޔާސީ އިންތިހާބުގައި 263،000 މީހުންނަށް ވޯޓުލުމުގެ ހައްގު ލިބޭއިރު 483 ވޯޓު ފޮށި ބަހައްޓަ އެވެ. އަދި ވޯޓުގެ ކަންކަމުގައި އިލެކްޝަންސް ކޮމިޝަނުން 3000 ވަރަކަށް މީހުން ގެންގުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
24 July 2018
އެމްއޭސީއެލް އިން އަހަރުމެންނައް އަންގާފަ އޮތީ ހެދުނު ޑިއުޓީ މީހުންނަށް މާލެ އަށް ވޯޓުލާން ނުދެވޭނެ ވާހަކަ ރަޖިސްޓަރ ކުރަން އެކޮޅުގަ އަދި އެހެން މީހުންނައްވެސް އެންގި ރެކޯޑިން އެބައޮތޭ ކޮން ދޮގުބައިވަރެއް ތިހަދަނީ..
ސުތުލިގޯނީގަ ބޮސްދޭ ޢަލީ
24 July 2018
ކޮންމެ އެއްޗެއް ހެދިޔަސް ޔާމީނު ހޮވޭނެ ގޮތެއް ނެތް!
ބުރިޓޯ
24 July 2018
ކަނޑަ އެޅިގެން ދޮގެއް. އެމްއޭސީއެލް ގެ މުވައްޒަފުންނަށް ބިރުދައްކާ މަޖުބޫރުކުރަމުން ދަނީ. އަދި އެމްއޭސީއެލްގެ އެމްޑީ ދަނީ ސިޔާސީ ވިސްނުމުގަ މުވައްޒަފުންނަށް އެޗްއާރު މެދުވެރިކޮށް ދަތިކުރަމުން.
މަރީ
24 July 2018
ތީތެދެއް
ހަސަން1
24 July 2018
ކިހިނެއް ދޮގެކޭ ބުނީމަ ޤަބޫލުކުރާނީ. މަގޭ އާއިލާގަ ވެސް ހުރެ އެއަރޕޯޓުގަ އުޅޭ ކުއްޖެއް. އެމީހުން ގެއަށް އައިސް އެކިޔަނީ ޖަހާ ސަކަރާތްތައް! ޙައްޖު ކޯޕަރޭޝަން ކަހަލަ 15 މުއައްޒަފުން އުޅޭ ތަނެއްގަ ތިކަމެއްކޮށް މުއައްޒަފުންނަށް ބިރު ދައްކަމުން ގެންދާއިރު ބޮޑެތި ކުންފުނިތަކުން ކުރާނެ ވަރު ވިސްނާލާ
ބުރޯ ބުރޯ
24 July 2018
މިމީހުންނަށް ހީވާކަހަލަ އަދިވެސް މިއުޅެވެނީ 80ގެ އަހަރުތަކުގައޭ. އަދި ދިވެހި ރައްޔިތުންގެ ހުރީ އަސާސީ ތައުލީމު ފެންވަރޭ. ބަލަގަ ނިދިން ހޭލަބަލަ. މިއީ 21 ވަނަ ގަރުނޭ. އަތުގައި ޑިގްރީއެއް ނެތް ދިވެއްސަކު މިހާރު މަދުވާނެޔޭ. ހަމަޖެހޭ ވާހަކަ ދައްކަބަލަ.
އަާލަމް
24 July 2018
އެހެންވެ ދޯ އިރު އިރު ކޮޅާ ފޯމް ހިފައިގެން އަންނަނީ ފޯމް ފުރާށޭ ކިޔާފަ... މަގޭ ހިތައް އަރާ މަށައް މިއުޅެވެނީ ސިޔާސީ ޕާޓީއެއްގަ ބާވައޭ ނޫނީ މި ކުންފުނީ މުވައްޒަފަކުބާއޭ މިއުޅެނީ ރައީސް ކަމައް ކުރިމަތި ލައިގެން...
މުހައްމަދު ބަތޫތާ
24 July 2018
މިދެކުންފުނީގެ މުވައްޒަފުންނަށް މަޖޫބޫރު ނުކޮށް ތިބޭނީ ، ފުލުހުންނަށް މަޖުބޫރު ނުކޮށްތިބިނަމަ އެއްނު. ފުލުހުން ލައްވާވެސް ގަދަކަމުން ތިކަމެއް ކުރުވާ ، ރީރެޖިސްޓާވާން ފޯމް ފުރަން ދެކޮޅުހެދި ފުލުހުން އުލުގަ ބައިތިއްބާ ، ރީރަޖިސްޓާވެފަތިބި މީހުން ލައްވާ ގަދަކަމުން އަލުން ފޯމް ފުރުވި އިރު، ތިޔަ ދެކުންފުނި ފަދަ މުވައްޒަފުންނަށް އެހާ ވަރަށް ވަޒީފާގެ ބިރު ދައްކާ ތަކެއްގައި މަޖުބޫރު ނުކުރުވާ ތިބޭނެތަ. 70% ޔަގީން ބަޔަކު މިފާޑަށް އުޅޭނެތަ.. މަ ހަމަ އަޖައިބުން އަންތަރީސްވޭ
ނޯ ވޮރީސް
24 July 2018
ހުރިހާ އަޑެއްވެސް އަރާނެ. އަރުވާނެ އިވޭނެ. މީ ނިމޭނެ ކަމެއް ނޫން. މަގުގެއްލި ވާވަދެވިފައި ތިބޭ މޮހޮރު ބޮލުން މިހުރިހާ ސަކަރާތެއް ޖަހާނެ. ނޯ ވޮރީސް.
ރައްޔަތު މީހުން......!!!!!
24 July 2018
ތިޔަ 2 ތަނުން ދެއްކި ވާހަކަ ދޮގުކޮށްފީމު.. މިވެސް ޖަހަލައްޗޭ... ހެޑިންގެ ފޮޓޯ ފުލައިޓު ތަކުގެ ބަދަލުގައި އެތަކެއްހާސް މުވައްޒަފުންގެ ފޮޓޯ ޖަހައި
ރަމީޒާ
24 July 2018
އާސަންދައިގެ ހުރިހާ ސްޓާފުންނަށް މަޖުބޫރު ކޮށް އަދި އެންސްޕާގެ ހުރިހާ ސްޓާފުންނަށް މަޖޫބުރު ކޮށް ފެނަކައިގެ ސްޓާފުންނަށް މަޖުބޫރު ކުރޭ. މިތިން ތަނުގައިވެސް މިގޭގެ ކުދިން ވަޒީފާ އަދާ ކުރެއެވެ. އަދި ފޮނުވު އެސްއެމްއެސް އެހެރީ އެކުދިންގެ ފޯނުގައެވެ. ދޮގު ހެދިޔަސް ތިޔައީ ބޮޑުވަރެއެވެ.