މިނިސްޓަރު ސައީދު، ރަސްމިއްޔާތެއްގައި ބައިވެރިވެވަޑައިގަންނަވަނީ. - ފޮޓޯ: މިހާރު
07 އޯގަސްޓް 2018 - 14:28
20 comments
ވެލާނާ އިންޓަނޭޝަނަލް އެއާޕޯޓުގެ އާ ރަންވޭގެ މަސައްކަތް ނިންމައި، ކުރިއަށް އޮތް ދެ ހަފުތާ ފަހުން، ޓެސްޓް ފްލައިޓު ޖައްސަން ފަށާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ވެލާނާ އިންޓަނޭޝަނަލް އެއާޕޯޓު ތަރައްގީ ކުރުމަށް ހިންގާ އެއް ބިލިއަން ޑޮލަރުގެ މަޝްރޫއަކީ މިހާތަނަށް ރާއްޖޭގައި ހިންގާ އެންމެ ބޮޑު އެއް މަޝްރޫ އެވެ. މި މަޝްރޫއުގެ ދަށުން، ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުންނަ އާ ރަންވޭ އެޅުމަށް ވަނީ ހަމަޖެހިފަ އެވެ.
ރަންވޭގެ އިތުރުން ޕަސެންޖާ ޓާމިނަލެއް ވެސް ހަދާ އިރު، ސަރުކާރުން ލަފާ ކުރާ ގޮތުގައި މި މަޝްރޫއު ނިމުމުން، އަހަރަކު 7.5 މިލިއަން މީހުންނަށް ހިދުމަތް ދެވޭނެ އެވެ.
ވެލާނާ އިންޓަނޭޝަނަލް އެއާޕޯޓުގެ އާ ރަންވޭގެ ފަހުގެ މަސައްކަތް ކުރަނީ. - ފޮޓޯ: އެމްއޭސީއެލް
"މިހާރު" އަށް މިއަދު ދެއްވި އިންޓަވިއުއެއްގައި ސައީދު ވިދާޅުވީ އާ ރަންވޭގެ އެންމެ ފަހު ތާރު ފަށަލަ އެޅުމުގެ މަސައްކަތް ކުރަމުން އަންނަ އިރު، ރަންވޭގައި ލައިޓް ހަރުކުރުމާއި ރަންވޭގެ ފަހުގެ މަސައްކަތްތައް މިހާރު ކުރަމުން އަންނަ ކަމަށެވެ.
ސައީދު ވިދާޅުވި ގޮތުގައި ރާއްޖޭގެ ޓޫރިޒަމް ވަރަށް ހަލުވި ދުވެއްޔެއްގައި ކުރިއަރައިގެން ދާއިރު، އެންމެ ރަންވޭއެއް އޮވެގެން ޓޫރިޒަމް އިތުރަށް ފުޅާކޮށް، ރިސޯޓުތައް ހުޅުވޭކަށް ނެތެވެ. ރިސޯޓުތައް ނުހުޅުވޭ ނަމަ، އިތުރު އާމްދަނީއެއް ރާއްޖެ އަށް ނުލިބޭނެ ކަމަށް ވެސް އޭނާ ވިދާޅުވި އެވެ.
ވެލާނާ އިންޓަނޭޝަނަލް އެއާޕޯޓުގެ އާ ރަންވޭ އުތުރުކޮޅުގައި ފަހު ތާރު ފަށަލަ އަޅާ ނިންމާފައި. ދެން އޮތީ ރަންވޭގެ މެދުގައި އޮތް ބައިގެ މަސައްކަތް އެކަނި. ފޮޓޯ: އެމްއޭސީއެލް
"އިތުރު އާމްދަނީ ލިބޭނެ ވަސީލަތެއް ނެތް ނަމަ، ވަޒީފާގެ ފުރުސަތުތައް ތަނަވަސްވެގެން ނުދާނެ. އެހެންވީމަ، އިތުރު ރަންވޭއެއް އަޅަން ޖެހޭ. ޓާމިނަލް ބޮޑު ކުރަން ޖެހޭ. ރާއްޖެ އަންނަ މަތިންދާބޯޓަށް ތެޔޮ އެޅޭނެ އިންތިޒާމުތައް މިހާރަށްވުރެ ފަހި ކުރަން ޖެހޭ،" ސައީދު ވިދާޅުވި އެވެ.
ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ)އާ ހަވާލުކޮށްގެން ކުރިޔަށް ގެންދާ މަޝްރޫއުގެ ދަށުން، އާ ރަންވޭ ހަދަނީ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިގެންނެވެ.
މި ލޯނުގައި ރަންވޭގެ އިތުރުން 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 80،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ޒުވާނުން
08 August 2018
ވާދަނުކުރެވޭނެ އަޅާ ނުކިޔޭނެ ތަރައްޤީ، މިއީ ބިލާހެއް ނޫން، ޙަޤީޤަތެއް، އަހަރެމެން ހުރިހާ ޒުވާނުންގެ މުސްތަގްބަލަށްޓަކައި މިރައީސް ކޮށްދޭ ކަންތައްތަކަށް އަޅުގަނޑުމެން ވަނީ ބޮޑުތަނުން ދަރާފައި، މިއީ މީގެ ކުރިން ވެރިކަން ކުރަން ލިބުނުމީހުންނަށް ހާސިލްނުކުރެވުނު ކަންކަމަކީ
ކައްޕިއަށްރގަޅުވާނީ ރޯނުގޭކޮށި
08 August 2018
ވާރުގެ ގޮތުގައި 3%ން 6%އަށް ހަދައިގެން ގަތީ ސަކަރާތް އިތުރަށް ތިކަނންތައްތައް ތަކުގެ ނަމުގަ ނެގި ލޯނު ދައްކަންޖެހެނޚީވެސް ފރައްޔިތުން ތި ހުރިހާކަމެއް ކުރެވިފަ ހުރީ ބައިއަލަގޮތަށް ކައްޕި ގައިގަ އުނގުޅޭގޮތަށް ރައްޔިތުންނަށް ދެއްކީ ދުށް ނުވިއެއްނުން ފައިބާ
އޯލްޑްޕޯޓް
08 August 2018
ރަންވޭ މަތީ ކައިވެނި ކުރާ ފޯމު ދޫކުރަނީ ކޮންއިރަކުންތޯ؟
ޢަލީމް
08 August 2018
ރަންވޭބަލާކަށް ޓޫރިސްޓުނެއްނާންނާނެ. މިއުޅެނީ ބޮޑަތި ފުލައިޓުތައް ނުޖެއްސިގެން ޓޫރިސްޓުން ނުގެނެވިގެނެއްނޫން. ކިޔުގަ ޖެހެނީ ކައުންޓަރުތަކުގަ. ޓާމިނަލް ހެދިނަމަ މިހާރުވެސް ޓޫރިސްޓުންގެ ޝައުގުވެރިކަން ބޮޑުވީސް.
ދަތްނެތްކުއްޖާ
08 August 2018
ތިޔަ ރަންވޭގަ ބޯޓު ޖައްސާނެހާ ވަރު ހުންނާނެބާ! 5 މަސް ތެރޭގައި ރަންވޭ އެއް ހަދާ ނިންމާލާ ބޮޑެތި ބޯޓު ފަހަރު އެ ރަންވޭ އަކަށް ޖައްސާ ފުރަތަމަ ޤައުމު އަކަށް މި ރާއްޖެވާނެ. އަނެއްކާ ތިޔަ ޖައްސާ ބޯޓު ތަކުގެ ފުރޮޅު ތައް ސަލާމަތުން ހުންނާނެބާ!
ސާއިދު
07 August 2018
ނޫނޭ އަހަރެން ތާއީދުކުރަން ޔާމީން ގެ ތިނިއްމެވުން އާދެ ޖީއެމްއާރު ބޭރުކޮށް ދެރަންވޭ އަޅާދީ ދިވެހިންގެ މިނިވަކަން ގާއިމް ކޮއްދެއްވީތީ.
އާރީ
07 August 2018
އެއާރފޯޓްސް ކޮންފެނީގެ މުއަށްޒަފުން މުސާރަބޮޑް ކޮށްދީބަލަ ސައީދުއަށް ވާން އޮތިންޔާ. އާ ރަންވޭގަ ފުލައިޓް ޖެންސީމަ ގިނަ ބޯޓްފަހަރު އަންނާނެ ކުރިން ލިބުނި ނަފާގެ 4 ގުނަލިބޭނެއެއްނު. މުއަށްޒަފުން އުފާވާނި މުސާރަކޮޅު ބޮނޑްވީމަ.
އުމަރުބެ
07 August 2018
ހެޔޮނުވާނެ ތާރުގަނޑު ހިކެންދެން މަޑުކުރައްވާ، 2 ހަފްތާތެރޭގައި ފުލެއިޓް ޖެއްސިޔަސް، 23 ސެޕްޓެމްބަރުގައި ޖެއްސިޔަސް ހަމަ ރައީސް ޔާމީނަކަށް ވޯޓެއް އިތުރެއްނުވާނެ، ރައްޔިތުން މިހާރުތިބީ ވޯޓްދޭނެގޮތް ނިންމައިގެން، އެއަށް ބަދަލުގެނެވޭނެ އެއްވެސްކަމެއް ރައީސް ޔާމީނުއަކަށް ދެނެއް ނުކުރެވޭނެ، އަދި މިހާރު ރައީސް ޔާމީނުއާއި ޑރ. ޝަހީމު ދައްކަވާ ވާހަކަތަކުން ކުރިން ލިބެންއޮތް ވޯޓްކޮޅުވެސްވަނީ މަދުވެފައި،
ޝޮކްތެރަޕީ
07 August 2018
އެމްޑީޕީގެ ފިކުރަކީ ބަނީ އިސްރައިލްގެ ފިކުރު.
އެޅެގޭއިބްރާ
07 August 2018
ނޫނޭ އަހަރެން ތާއީދުކުރަން ޔާމީން ގެ ތިނިއްމެވުން އާދެ ޖީއެމްއާރު ބޭރުކޮށް ދެރަންވޭ އަޅާދީ ދިވެހިންގެ މިނިވަކަން ގާއިމް ކޮއްދެއްވީތީ. އެކަމަކު ދެން އަދީބް ލައްވާ ގައުމުހިންގާ ކުރިހުރިހާކަމެއް އަދީބް ހިސާބުން ނުނިއްމޭނެ. ކޯޓްތަކަށް އަތްބާނައިގެން ކުރާހުކުމް އަދި މަޖްލިސް މެމްބަރުން ބޭރުކޮއްގެން ތިޖަހާ ސަކަރާތް ގަބޫލުނުކުރަން.