ޚަބަރު / ރައީސް އިބްރާހިމް މުހައްމަދު ސޯލިހް

ރައީސް ޔާމީން ހޮވައިފި ނަމަ ރާއްޖެ ހޯދައި ނުފެންނާނެ: އިބޫ

ލ. މާވަށުން، އަހުމަދު ސާއިލް އަލީ، މިހާރު

08 އޯގަސްޓް 2018 - 13:26

ރައީސް އަބްދުﷲ ޔާމީން ރިޔާސީ އިތުރު ދައުރަކަށް އިންތިޚާބު ކޮށްފި ނަމަ ރާއްޖެ ހޯދައި ނުފެންނާނެ ކަމަށް އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހް(އިބޫ) މިއަދު ވިދާޅުވެއްޖެ އެވެ.

އަންނަ މަހުގެ 23 ގައި ބާއްވާ މި އަހަރުގެ ރިޔާސީ އިންތިޚާނުގެ ކެމްޕެއިނަށް ލ. އާއި ތ. އަތޮޅަށް ކުރައްވަމުން ގެންދަވާ ދަތުރުގައި ލ. ވޭވަށުގައި، ގިނަ އަދަދެއްގެ ސަޕޯޓަރުންނާ އެކު ބޭއްވި ބައްދަލުވުމެއްގައި އިބޫ ވަނީ ރައީސް ޔާމީންގެ ސަރުކާރުން ގާނޫނާއި ގަވައިދާ ހިލާފަށް އެތައް ކަމެއް ކުރަމުންދާ ކަމަށް ތުހުމަތު ކުރައްވައިފަ އެވެ.

އޭގެ ތެރެއިން އެއް ކަމަކީ އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބޫ ވިދާޅުވި ގޮތުގައި، ސަރުކާރު މުވައްޒަފުންނަށް ސިޔާސީ ނުފޫޒު ފޯރުވުމެވެ. ސިޔާސީ ތަފާތު ފިކުރުތަކަށް ތާއީދު ކުރުމުގެ ފުރުސަތު އެ މުވައްޒަފުންނަށް މިހާރު ނެތްއިރު، އިދިކޮޅު ކޯލިޝަންގެ ވެރިކަމެއްގައި ހުރިހާ ފިކުރެއްގެ މީހުންނަށް ވެސް ވަޒީފާ ލިބޭނެ ކަމުގެ ޔަގީންކަން އޭނާ ދެއްވި އެވެ.

"ރައީސް ޔާމީނަށް އިތުރު ފަސް އަހަރު ލިބިއްޖެ ނަމަ މި ގައުމު ހޯދާ ނުފެންނާނެ. އަޅުގަނޑުމެންގެ ދަރިންނާ ހިސާބަށް މިކަން [އަނިޔާވެރިކަމާއި ނާއިންސާފް] ދެމިގެންދާނެ،" އެމްޑީޕީގެ ސަޕޯޓަރުން ކުރިއާ ބަލާއިރު ބޮޑުތަން އިތުރު ވެފައިވާ މާވަށުގައި ހުންނަވައި އިބޫ ވިދާޅުވި އެވެ.

އިބޫއަށް މަރުހަބާ ދައްނަވަން ގިނަ އަދަދެއްގެ މީހުން އެއްވެފައި-- ފޮޓޯ: މުންޝިދު

ހިންނަވަރު ދާއިރާގެ މެމްބަރު އިބޫ ވިދާޅުވީ، ރައީސް ޔާމީންގެ ސަރުކާރުން ނާއިންސާފުން ކަންކަން ކުރުމުގެ ނަތީޖާ އަކީ، އެމްޑީޕީ އަށް ބޮޑު ތާއީދެއް އޮންނަ މާވަށުން އިދިކޮޅު ކޯލިޝަނަށް ސަޕޯޓް ކުރާ މީހުން ގިނަވުމެވެ.

"މި ރަށުގެ ސިޔާސީ މަޝްރަހު ކުރިން އޮތްގޮތް އެނގޭ. މިހާރު އެ މަންޒަރު ދަނީ ބޮޑުތަނުން ބަދަލުވަމުން،" އިބޫ ވިދާޅުވި އެވެ.

މިއަދުގެ ޖަލްސާ ގައި، އިބޫ ވަނީ އޭނާގެ ސަރުކާރެއްގައި މާވަށުގައި ފެނުގެ ނިޒާމު ގާއިމުކޮށް ބަނދަރު މަރާމާތު ކޮއްދެއްވާނެ ކަމަށް ވިދާޅުވެފަ އެވެ. އަދި މި އަތޮޅުގައި ޓޫރިޒަމް ފުޅާ ކުރައްވާނެ ކަމަށްވެސް އިބޫ ވިދާޅުވި އެވެ.

މި ރަށުން ލިބެން ނެތް ހިދުމަތްތައް ހޯދުމަށް ފޮނަދު އާއި ގަމަށް ދިގު ދަތުރެއް ކުރަން ޖެހޭއިރު، އެކަން އަވަސްކޮށް ކުރެވޭނެ ގޮތް ހަމަޖެއްސުމަށްޓަކައި ހަލުވި ދަތުރުފަތުގެ ނިޒާމެއް ގާއިމް ކުރައްވާނެ ކަމަށް ވެސް އިބޫ ވިދާޅުވި އެވެ.

ރަޖިސްޓަރީ ގައި 2،030 މީހުން އޮންނަ މާވަށުން ގޯތި ދޫނުކުރާތާ 15 އަހަރު ވަނީ ވެފަ އެވެ. ފުރިފައިވާ ރަށުން ގޯތި ދޫކުރެވޭނީ ހިއްކައިގެން ކަން ފާހަގަ ކުރައްވައި އިބޫ ވިދާޅުވީ އޭނާގެ ސަރުކާރެއްގައި އެ ކަންކަން ހަމަޖައްސައި ދެއްވާނެ ކަމަށެވެ.

އިދިކޮޅު ފަރާތްތައް ޓޫރިޒަމް ރައީސް އިބްރާހިމް މުހައްމަދު ސޯލިހް ލ. އަތޮޅު ކައުންސިލް ލ. އަތޮޅު ރައީސް އަބްދުﷲ ޔާމީން

60 ކޮމެންޓް, 108 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާރިޔާ

13 August 2018

ތީހަމަތެދެއް ބުއްލަބެބުންޏަސް ތަރައްގީވެގެންދާނެ މިންވަރުއެގޭތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކޯރޕިއަން

10 August 2018

އެއްގޮތަކަށްވެސް ކުށްހީއެއް ކުރައްވާކަށް ނުވާނެ. އަދި ކުށްބަސްތަކެއް ވިދާޅުވެގެން ނުވާނެ. ވެރިކަމަށް ވަޑައިގަންނަވަން ބޭނުންފުޅުވަނީ ނަމަ ރައްޔިތުންނަށް ތިމަންނާގެ ވެރިކަމުގައި ކޮށްދޭނެ ކަންތަކާއި ޤައުމަށް ކޮށްދޭނެ ކަންތަކުގެ ތަސައްވުރެއް އޮތްކަން ސާބިތުކޮށްދެއްވާ ފުރިހަމަކޮށް. އެއްގޮތަކަށްވެސް ޤައުމުނުފެންނާނެ ކަމަށް ވިދާޅުނުވޭ ޔާމީނުވެރިކަމަށް އައިސްގެން. ޤައުމު ބީވެދަނީ އެމްޑީޕީއިން ބޭރު ޤައުމުތަކުގައި ތިބެގެން ރާއްޖޭގެ އަގުވައްޓާލަން ކުރާ މަސައްކަތުން. އީޔޫއިން ފިޔަވަޅުއަޅުވަން މަސައްކަތްކޮށްގެން މިޤައުމަށް ލިބޭ ޢަމްދަނީ ހުއްޓުވީމާ ގެއްލުންވާނީ ވެސް ދިވެހިރައްޔިތުން. އެމަސައްކަތްކުރައްވާ ބަޔަކު ރައްޔިތުންނާ ހަމަޔަށް އައިސް ވެރިކަމުގެ ދަހިވެތިކަމުގައި ކަމެއްކުރާނެ ގޮތެއްނޭގޭ ޙާލު ބުއްދިވެރިވާނެ ރައްޔިތުންގެ ކިބައިން މިޤަައުމުގެ ރައްޔިތުން ފަނާ ކޮށްލަން ކުރައްވާ މަސައްކަތްތަކަށް މަޢާފަށް އެދުނިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނި އިއްބެ

09 August 2018

ވަރަށް ރަނގަޅު ވާހަކަ އެއް . ރައީސް ޔާމީން ދެވަނަ ދައުރަކަށް ހޮވިގެން މި ރާއްޖެ ތަރައްޤީގެ ގޮތުން ހޯދާވެސް ނުފެންނާނެ . ރައީސް ޔާމީން އަށް ފުރުސަތު ދިނުން ވަރަށް މިހުންމު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފާންތަ

09 August 2018

ވަރަށް ރަނގަޅު ވާހަކަ އެއް . ރައީސް ޔާމީން ދެވަނަ ދައުރަކަށް ހޮވިގެން މި ރާއްޖެ ތަރައްޤީގެ ގޮތުން ހޯދާވެސް ނުފެންނާނެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައި

09 August 2018

އިބޫ ތިބުނީ ތެދެއް. މަޖިލީހަށް ނުގޮސް މުސާރަ ނަންގަވާއިރު ތިޔަ ކުރައްވަނީ އިންސާފުން ތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޭވިލޭރޭ

09 August 2018

ވަރަށް ހަޤީޤީ ބަސްފުޅެއް ޝުކުރިއްޔާ އިބްރާހީމް މުޙައްމަދު ޞާލިޙް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުޅޯ

09 August 2018

ދެބަހޭ. އަޅެ މި ޕާޓީގައި މިނޫން މީހަކު ނޫޅެނީތަ؟ އަބަދު ކޮސްގޮވުން ނޫން ކަމެއް މިމީހުންގެ ނެތް. ތެދެއް ތި ބުނީ. ރައީސް ޔާމީނަށް އަދި 5 އަހަރުގެ ދައުރެއް ދީފިނަމަ ކަލޭމެންނަކަށް ދެން މިޤައުމު އަތަކު ނުޖެހޭނެ. އެއީ ކަލޭމެންނަކީ ފަނާކުރަނިވި ފަސާދަ ކުރަނިވި ޕާޓީ އަކަށްވާތީ. ކަލެމެންގެ ހުންނާނީވެސް އެ ވިސްނުން. ދުވަހަކުވެސް އެނޫން ވިސްނުމެއް ނާންނާނެ. އަބަދު އަންބޮޑި ބޮޑުކުރުން ނޫން ކަމެއް ކަލޭމެންނަކަށް ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެވަކަރުއަޑިޔަށް

09 August 2018

ޔާމީނު ނުހޮވޭނެ ރައްޔިތުންނަށް ޔާމީނު ސިފަކުރެވޭގޮތުން ނުހޮވޭނެ ވެދިޔަތަނުން ދައްކަނީ ބަނަކޮން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

09 August 2018

ޔަގީނެވެ. ރައީސް ޔާމީނު ހޮވައިފިނަމަ ތަރައްގީ ކުރިއަރައިގެން ދާނެ. އެމްޑީޕީން ގައުމަށް ދިން ގެއްލުމާއި ހަލާކު ކުރި އިޖްތިމާޢީ ފޭރާން ހޯދައި ނުފެންނާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުދިންބެ

09 August 2018

ވަރަށް ރަގަޅުވާހަކަޔެއް ތިވިދާޅުވީ. ޔާމީން އިތުރު ދައުރަކަށް ހޮވައިފިނަމަ ރާއްޖެތަރައްޤިވެ އެހެންމީހުންކައިރިޔަށް ސަލާންޖަހަން ނުޖެހި ދާނެއެވެ، މިހިގާދިޔަ 4 އަހަރުގެ ތަރައްޤީ އަށްބަލާއިރު އަދި އިތުރު ދަޢުރެއްދީފިނަމަ ރާއްޖެ ތަރައްޤީގެ ރޮގުން އާއުސްމިންތަކަކަށްގޮސް ހޯދާނުފެންނާނެ. ތީހަމަތެދުވާހަކަޔެއް،