އިލެކްޝަންސް ކޮމިޝަންގެ ފަސް މެމްބަރުން: ރީ ރަޖިސްޓްރޭޝަނަށް ހުށަހެޅި ފޯމުތަކުގެ އަދަދު އާއްމުކުރުމުގެ ވިސްނުމެއް އެ ކޮމިޝަންގައި ނެތް. --ފޮޓޯ/އިލެކްޝަންސް ކޮމިޝަން
16 އޯގަސްޓް 2018 - 16:15
30 comments
ރިޔާސީ އިންތިޚާބުގެ ރީ ރަޖިސްޓްރޭޝަނަށް ސިޔާސީ ޕާޓީތަކުން ފޯމު ހުށަހެޅި އަދަދު އާއްމުކުރުމުގެ ވިސްނުމެއް އަދި ނެތް ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.
އަންނަ މަހުގެ 23 ގައި އޮންނަ ރިޔާސީ އިންތިޚާބުގައި ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލާން 95،000 އަށް ވުރެ ގިނަ ފޯމު ހުށަހަޅާފައިވާއިރު، އޭގެ ތެރެއިން ޕާޓީތަކާއި އިލެކްޝަންސް ކޮމިޝަން މެދުވެރިކޮށް ހުށަހެޅި ފޯމުތަކުގެ އަދަދު އާއްމު ނުކޮށްގެން އިދިކޮޅު ޕާޓީތަކުން ދަނީ ކަންބޮޑުވުންފާޅުކުރަމުންނެވެ.
އިދިކޮޅު އެމްޑީޕީން ބުނެފައިވާ ގޮތުގައި ރީ ރަޖިސްޓްރޭޝަނަށް އެ ޕާޓީ މެދުވެރިކޮށް ފުރާފައިވާ 40،000 އަށް ވުރެ ގިނަ ފޯމު އީސީ އަށް ހުށަހެޅި އެވެ. އެ ޕާޓީން ފޯމު ހުށަހެޅި އަދަދު އާއްމުކުރި ގޮތަށް، ޕީޕީއެމާއި އިލެކްޝަންސް ކޮމިޝަން މެދުވެރިކޮށް ފޯމު ފުރި އަދަދުތައް އާއްމުކުރަން ޖެހޭ ކަމަށް އެމްޑީޕީން ވަނީ ބުނެފަ އެވެ.
ރީ ރަޖިސްޓްރޭޝަންގައި އޮޅުވާލުން ހިމެނޭ ކަމަށް އިދިކޮޅު ޕާޓީތަކުން ތުހުމަތުކުރާއިރު، ޝައްކު އުފައްދަން ޖާގަ ލިބުނީ، ސިވިލް ސާވިސް މުވައްޒަފުން ލައްވައި ރީ ރަޖިސްޓްރޭޝަންގެ ފޯމުތައް ފުރައި އެ ފޯމުތައް ޕީޕީއެމްގެ ޖަގަހަތަކަށް ގެންދިޔަ ކަމަށް އެ ޕާޓީން އެއްބަސްވުމުންނެވެ. ރަޖިސްޓްރޭޝަންގެ މުއްދަތު މިދިޔަ ހަފުތާގައި ހަމަވިއިރު، އެ ފޯމުތައް އިލެކްޝަންސަށް ހުށަހަޅާފައިވާ ކަމަށް ޕީޕީއެމުން ބުނެ އެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވި ގޮތުގައި ޕާޓީތަކުން ހުށަހަޅާ ފޯމުތަކުގެ އަދަދު އެއްވެސް އިރެއްގައި އާއްމުކޮށްފައެއް ނުވެ އެވެ.
"ރަޖިސްޓްރީ ކުރި އަދަދު ހާމަކުރުން ލަސްވި ކަމަކަށް ނުދެކެން. ފާއިތުވި އިންތިޚާބުތަކުގައި ވެސް އަދަދު ހާމަކޮށްފައެއް ނެތް. އެހެންވީމަ މި ފަހަރު ވެސް އެ އަދަދުތައް ހާމަކުރުމުގެ ވިސްނުމެއް ކޮމިޝަންގައި އަދި ނެތް،" އަކްރަމް ވިދާޅުވި އެވެ.
އޭނާ ވިދާޅުވި ގޮތުގައި ކޮމިޝަނަށް ހުށަހެޅި ފޯމުތައް ޕްރޮސެސްކޮށް މިހާރު ކުރަމުން އަންނަ މަސައްކަތަކީ ދެ ވަނަ ފަހަރަށް ޗެކްކުރުމެވެ. އޭގެ ފަހުން އިނގިލީގެ ނިޝާން ރަނގަޅުތޯ ބަލަން ފޯމުތައް ފުލުހުންނަށް ފޮނުވާނެ ކަމަށް އަކްރަމް ވިދާޅުވި އެވެ.
އޭނާ ވިދާޅުވި ގޮތުގައި އެހެން އިންތިޚާބުތަކަށް ބަލާއިރު، މި އިންތިޚާބުގައި ހުރިހާ ދިމާލަކުން ވެސް ރީ ރަޖިސްޓްރޭޝަންގެ ފޯމު ހުށަހެޅިލެއް ގިނަ އެވެ. އޭގެތެރޭގައި، ތަކުރާރުކޮށް ފޯމު ހުށަހަޅާފައިވާ މީހުން ރަޖިސްޓްރީ ކުރާނީ، އެ މީހުންނަށް ގުޅުމަށް ފަހު ކަމަށް އަކްރަމް ވިދާޅުވި އެވެ.
މި އިންތިޚާބުގެ ރީރަޖިސްޓްރޭޝަންގައި މަކަރާއި އޮޅުވާލުން ހިމެނޭ ކަމަށް އިދިކޮޅުން ތުހުމަތު ކުރެ އެވެ. އޭގެތެރޭގައި، ރީ-ރަޖިސްޓްރީވުމަށް ފޯމު ހުށަނާޅާ ބައެއް މީހުން، ދުރު ރަށްރަށާއި ރާއްޖޭން ބޭރުގެ ބައެއް ގައުމުތަކުގައި ބަހައްޓާ ފޮށިތަކަށް ވޯޓު ލާން އިލެކްޝަންސް ކޮމިޝަނުން ރަޖިސްޓްރީ ކޮށްފައިވާ މައްސަލަތަކެއް ވަނީ ފެންމަތިވެފަ އެވެ. އެއީ، ބަޔަކު ގަސްތުގައި އޮޅުވާލައިގެން ފޯމު ހުށަހެޅުމުން ދިމާވި ކަމެއް ކަމަށާއި އެކަން ބަލަމުން އަންނަ ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުމަދު
16 September 2018
އެ އަދަދު ހާމާކޮށްފިނަމަ ޝަރީފު އަތަށް ގޮވަނީތޯ. ނޫން ނަމަޝަރީފުގެ ގައިން ތަންގަނޑެއް އުނިވަނީތޯ. ؟ އެހެންވިއްޔާ ތިކަން ކުރައްވަނީ ދެފުށްފެންނަ ގޮތަށްކަމަށް ވިދާލު ނުވާށެވެ. ނޫންނަމަ މިކަމުގަވެސް މަކަރެއް އޮތީތޯއެވެ؟
ޥަސް
17 August 2018
ދެފުއްފެންނަ ގޮތަށް ، އެންމެނަށް އިތުބާރު ކުރެވޭގޮތަށް އިންތިޚާބު ބޭއްވުމުގެ އިންޓަރެސްޓް އެންމެބޮޑުވާންޖެހޭ ފަރާތުން ތިހެން ބުނީމަ މިޖެހެނީ ކޮންތާކު؟
ޢައިޝާބި
17 August 2018
ކަލޭމެންގެ އަމިއްލަ ކަމެއްވީމަ ނުޖެހޭނު ހާމަ ކުރާކައް. މިހާރުވެގެން އުޅޭ ގޮތަކީ ޕީޕީ ކުދިންނަށް ލެވުނު ފޯމް މަދީ.
އިބަ
17 August 2018
ތިޔައީ ހާދަ ވަރުގަދަ ބޮޑު ސިއްރެކޭދޯ.ތިޔަ އަދަދު ހާމަކޮށްގެން ގައުމީ ސަލާމަތަށް ނުރައްކާވަނީތޯ ނުވަތަ މިއިލެކްސަންގަ ކުރިމަތި ލައިގެން އުޅޭ ކެންޑިޑޭޓެއްގެ ޒާތީ ކަމަކީތޯ ނުވަތަ ހަދާ މަކަރާހީލަތް އެގިދާނެތީ ހާމަކުރަން ނުކެރިގެން އުޅެނީތޯ.ދެފުއްފްނަ އިންތިހާބަކަށް ތައްޔާރުވާއިރު ތިޔަފަދަ އަމަލުތަކުގެ ސަބަބުން ތިޔަކޮމިސަނަށް ރައްޔިތުން ކުރާ އިތުބާރުގެއްލެނީ
ވޯޓުއޮޅުޗުބް
16 August 2018
އަކުރަމޫ ތިޔައީ ވަކިޕާޓީއެއް ބުނާގޮތަށް ހަދަންޖެހޭބައެއްނޫން. އިލެކްޝަންގެ އަމަލުތަކުން ޝައްކުއުފެދޭ ވަރުވޭ.
ހުސަންބޭ
16 August 2018
ދެފުށް ފެންނަގޮތަށް އިންތިޚާބު ބާއްވަންޖެހޭނީ. ތިޔަހެން ކަންކަން ފޮރުވައިގެން ހާމަނުކޮށް ތިޔަކަމެއް ނުކުރެވޭނެ. އެހެންކަމަށްތަ ހީކުރީ، ޖެހޭނީ ހާމަކުރަން.
ކޯޑިނޭޓަރ
16 August 2018
ފޮރުވަންވީ ކޮންކަމެއްތޯ.... ތިއުޅެނީ ހެދި ގޯސް ބޭޒާރު ވެދާނެތީ.....އެހެންނޫނީ ކޮން ކަމެއް...
ތިމާވެށި
16 August 2018
ކެމްޕޭން ގަ އުޅެފަ އޮފީހުގަ މަސައްކަތް ކުރަން ވަގުތެއް ނޯވެއެވެ. މިއަށް ކިޔަނީ ސްލޭވަރީ އެވެ.
ލަވަބޫޒާ
16 August 2018
އެމްޑީޕީން 40،000 ހުށަހެޅީއްޔާ، ތިހުށަހެޅުނީ ބޮޑު އަދަދެއް. އެ 40،000އަކީ ގެރެންޓީކޮށް މިސަރުކާރަށް ވޯޓުނުދޭނެ މީހުން. އަމިއްލަގޮތުން އީސީ މެދުވެރިކޮށް އަދި ސަރުކާރުން މަޖުބޫރުކޮށްގެން އެންމެހާ ސިވިލް ސާވަންޓުންނާ ސަރުކާރުގެ ވަސީލަތްތަށް ބޭނުންކޮށްގެން ހުށަހެޅި އަދަދު ދެން އެއޮތީ. އޭގެތެރޭން ބާތިލު ފޯމު ކެނޑީމާ އެއީ 50،000 ވަރު... އެއީ ދެކޮޅަށްވެސް ދިޔުން ގާތް ވޯޓުތަކެއް. ވީމާ ރީރެޖިސްޓްރޭޝަނުން އިދިކޮޅޭ މެން މިއޮތީ ބޮޑުތަނުން އިބުލީސްވެފައި.
މަންސޫރު
16 August 2018
ފޮރުވަން ޖެހެނީ ކީއްވެ؟ ފޮރުވަނީ ކޯންޗެއް؟
falaku ain
16 August 2018
އިބޫ އެބަޖެހޭ އީސީ އަށް ޕާޓީތަކުން ހުށަހެޅީ ކިތައްފޯމްތޯ ޖަވާބުދޭން. އަދި ބޭރުގެ އައިޓީ ކުންފުންޏެއް އިލެކްޝަން ތެރޭގައި އަދި ޑީއެން އާރު ތެރޭގައި ރައްޔިތުންގެ އައިޑީކާޑުގެ މަޢުލޫމާތުގެ ހޯދާލަކަމަށްވެސް އެބަކިޔާ. މިކަމަށްވެސް އިބޫ ޖަވާބުދޭން އެބަޖެހޭ. ދެން މިސަރުކާރުން ފަށާފައި ނުނިމިހުރި މަޝްރޫއުތައް ހުއްޓާނުލާނޭ ކަމާއި އެމަޝްރޫޢުތައް ނުހުއްޓި ކުރިއަށް ގެންދަނީ ކޮންކަމެއް ބޭނުންވެގެންތޯ ރައްޔިތުން ސުއާލުކުރާނެތީ އެއަށްވެސް ޖަވާބުދޭން އެބަޖެހޭ. ދެން ޖަޒީރާ ރާއްޖެއޭ ތިކިޔަނީ މިރާއްޖޭގެ ރައްޔިތުން ކުރިމަގުގައި ދިރިއުޅޭނީ ކެޕިޓަލް ސިޓީގައި ވަށާލެވިފައިވާ ބުރިޖަކުން ގުޅިފައިވާ އެއްރަށެއްގައި.ދެންހުރި ރަށްރަށްރަށަކީ އިންވެސްޓަރުންނަށް ވިއްކާލެވިފައިވާ ރަށްރަށް. އެއީ މިރާއްޖޭގެ ޖަޒީރާތަކޭ ނުކިޔޭނެ. ދެން ކޮންޖަޒީރާ ރާއްޖެއެއްތޯ އިދިކޮޅު މީހުން ތަރައްގީ ކުރަން މިބުނަނީ. މިވެސް އޮޅުވާލުމެއް. އެހެންވީމާ އިބޫއަށް މިސޫއަލުތަކަށް ޖަވާބު ނުދެވިގެން އުޅެނީ. މަގޭވެރިކަމުގާ ޖަޒީރާ ރާއްޖެއެއްނޯންނާނެ.