ގޯތި ގަންނަން، ފޯމު ހުށަހަޅަން ހައުސިން މިނިސްޓްރީގައި މިއަދު ކިޔޫ ހަދާފައި: ފޯމު ބަލައިގަތުން މިހާރު ވަނީ މަޑުޖައްސާލާފައި. --ފޮޓޯ: ހުސެއިން ވަހީދު/މިހާރު
08 އޮކްޓޯބަރ 2018 - 13:07
17 comments
ހުޅުމާލެ އިން 400 ގޯތި ވިއްކާ ފޯމު ބަލައިގަތުން މެދުކަނޑާލީ އެންޓި ކޮރަޕްޝަން ކޮމިޝަން (އޭސީސީ)ގެ ޖަވާބެއް ލިބެންދެން ކަމަށް ހައުސިން މިނިސްޓްރީން މިއަދު ބުނެފި އެވެ.
ހުޅުމާލޭގެ ދެ ވަނަ ފިޔަވަހިން 1،000 އަކަފޫޓުގެ 400 ގޯތި ދޫކުރަން ނިންމައި އިއުލާންކުރުމާ އެކު އެ މަޝްރޫއު ހުއްޓާލަން އޭސީސީން ވަނީ އަންގައިފަ އެވެ. އެއީ، ގާނޫނީ ގޮތުން ސުވާލު އުފެދޭ އަދި ކޮރަޕްޝަނަށް މަގުފަހިވާ ކަންތައްތަކެއް ހުރި ކަމަށް ތުހުމަތު ކުރެވޭތީ ކަމަށް ވެސް އޭސީސީން ވަނީ ބުނެފަ އެވެ.
މި އެންގުމާ ޚިލާފަށް ހައުސިން މިނިސްޓްރީން އިއްޔެ ފޯމު ދޫކުރަން ފެށި އެވެ. އެ ފޯމުތައް ހުށަހަޅަން މިއަދު ހައުސިން މިނިސްޓްރީގައި ކިޔޫ ޖެހުނު ނަމަވެސް އެ މަޝްރޫއު ވަގުތީ ގޮތުން މަޑުޖައްސާލާފައިވާ ކަމަށް އެ މީހުންނަށް ވަނީ އަންގައިފަ އެވެ.
ހައުސިން މިނިސްޓްރީގެ އޮފިޝަލަކު "މިހާރު" އަށް މިއަދު ވިދާޅުވީ ހުޅުމާލެއިން ގޯތި ވިއްކުން މަޑުޖައްސާލަން އޭސީސީން އެންގުމާ ގުޅިގެން، އެ މިނިސްޓްރީން ދެކޭ ގޮތް ބަޔާން ކޮށްފައިވާ ސިޓީއެއް އޭސީސީއަށް ފޮނުވާފައި ކަމަށެވެ. އެހެންވެ، ފޯމު ބަލައިގަތުން މެދުކަނޑާލީ، އޭސީސީން ޖަވާބެއް ލިބެންދެން ކަމަށް ވެސް އޮފިޝަލް ވިދާޅުވި އެވެ.
ހުޅުމާލެއިން ގޯއްޗެއް ވިއްކަން ހައުސިން މިނިސްޓްރީން ނިންމާފައި ވަނީ 400،000ރ. އަށެވެ.
ހުޅުމާލޭގެ ދެވަނަ ފޭސްގައި މީގެ ކުރިން ވެސް ބިން ވިއްކާފައިވާއިރު އޭރު ފެށޭ އަގަކަށް ހަމަޖެއްސީ އަކަފޫޓެއް 3،000ރ އަށެވެ. އެ އަގުން ބަލާ ނަމަ 1،000 އަކަ ފޫޓެއްގެ ގޯއްޗެއްގެ އަގު ތިން މިލިއަން ރުފިޔާއަށް އަރަ އެވެ. އެ ފަހަރު ގޯތިތައް ވިއްކީ އަކަފޫޓެއް 3،000ރ އަށް ވުރެ މާ ބޮޑު އަގެއްގަ އެވެ.
އެހެންކަމުން، ހައުސިން މިނިސްޓްރީން މި ފަހަރު މި ހުޅުވާލީ ނުއަގުގައި ގޯތި ވިއްކަން ކަމަށް ބުނެ އެއް ބަޔަކު ދަނީ ކަންބޮޑުވުން ފާޅުކުރަމުންނެވެ.
ހުޅުމާލެއިން ގޯތި ވިއްކުމުގެ ގާނޫނީ ހައިސިއްޔަތެއް ވެސް ހައުސިން މިނިސްޓްރީ އަށް ލިބިގެން ނުވާ ކަމަށް ގާނޫނީ ބައެއް ވަކީލުން ވިދާޅުވެ އެވެ. އެއާ އެކު، ގޯތި ވިއްކަން މި ހުޅުވާލީ "މިހާރު" އަށް އެނގިފައިވާ ގޮތުގައި، ވެރިކަން ބަދަލުވުމުގެ މި މަރުހަލާ ތެރޭގައި އެއްވެސް ބިމަކާ ގުޅޭ މުއާމަލާތެއް ނުހިންގަން އެޗްޑީސީގެ ބޯޑުން މީގެ ހަފުތާއެއްހާ ދުވަސް ކުރިން ވަނީ ފާސްކޮށްފައި ވަނިކޮށެވެ.
އެކަމަކު މި މައްސަލައިގައި، އެޗްޑީސީން މިހާތަނަށް އެއްވެސް ވާހަކައެއް ނުދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
09 October 2018
އޭސީސީގެ ތިޔަ ޖަވާބް ލިބޭނީ ނޮވެމްބަރ 17 ގެ ފަހުން ، ދެން ފޯމް ދޫކުރަން ކޮންމެވެސް ފަޅުރަށެއް ހޯއްދަވާ
ޢަބްދުﷲނާފިޒް
09 October 2018
"ފޯމު ބަލައިގަތުން މެދުކަނޑާލީ، އޭސީސީން ޖަވާބެއް ލިބެންދެން" ކަމަށް ވެސް އޮފިޝަލް ވިދާޅުވި އެވެ. އުއްމީދު ކުރަނީ ތިގޮތުގަ ތިއްބަވާނެ ކަމަށް، ދެން ޖަވާބެއް ލިބޭތޯ ތިހެން ތިއްބަވާ، ވަރަށް ސަލާމް.
ޛިލި
08 October 2018
އެމް.ޑީ.ޕީގެ ވެރިކަމުގައި، އެ ޕާޓީގެ ނައިބުރައީސަކަށް މިހާރު ހުރި މީހާ ބުނި، ފްލެޓް ދޭނީވެސް ތިމަންނަމެން ނަގާފައި ބާކީ ހުރިއްޔާއޭ. ﷲ ގެ ކުޅަދުންވަންތަކަމުން ފްލެޓްތައް ނުނިމެނީސް ވެރިކަން ވެއްޓުނީ. އެހެން ނޫންނަމަ ރައްޔިތުންނަށް އެކައްޗެއްވެސް ނުލިބުނީސް. ދެން ކުރިޔަށް އޮތް ތާނގައި އެކަންކަން އަނެއްކާވެސް ތަކުރާރުވުން ގާތް.
kibria MD
08 October 2018
ގާނޫނީ ސަރުކާރު ފެށެނީ ވަކި ތާރީހަކުން ނިމެނީ ވަކި ތާރީހަކަށް އެތާރީހުގައި ވެރިކަމުގައި ހުރި ރައީސައް މިއަންގަނީ މީގެން އެއްވެސް ތާރީއެއްގައި ހިމެނިފައި ނުވާ ވާންއުލޭރައީސް ހީ ހީ ހަލާކު ވާވަރުވޭ
ޢަބްދުﷲނާފިޒް
09 October 2018
ވާނުވާ ނޭގެންޏާ ހީހީ ވާނީ ހަމަ އެކަނި ހަލާކެއްވެސް ނޫން، ދުނިޔޭންވެސް މޮޔަވާނެ.
އަށްޑޫ މީހާ
08 October 2018
ކޮން ޖަވާބެއް ނުލިބިގެންހޭ. މިހާރަކު ތިޔަ މިނިސްޓަރީޔަކުން އެއްވެސް ޑީލެއް ހެދުމުގެ ގާނޫނީ ބާރެއް ނޯންނާނެ. ދިވެހި ރައްޔިތުން އެއޮތީ ބަސްއިއްވާފަ ދެން މުއިއްޒުވެސް ގަދަބާރުން ކަންތަށް ކުރުމަށްވުރެން ރަނގަޅުވާނީ ބަލި ގަބޫލުކޮށްގެބް އަމިއްލަޔަށް އިސްތިއުފާދީފަ ކޮރަޕްޝަނުގެ ބޮޑެތި މުޖުރިމުން ފިލާހެން ފިލިއްޔާ. ނަމަވެސް އެމުޖުރިމުން މިއަދު ބާރުއޮތޭކިޔާފަ ފިލިޔަސް ކޮންމެ ތަނެއްގާ ތިބިކަމުގަ ވިޔަސް މި ދިވެހިރާއްޖޭގެ ފެހި ގާނުނު އަރާ ހަމަކުރާނެ.
ޅޫލު
08 October 2018
މިހާރު އޮތް ޤާނޫނީ ސަރުކާރަށް އޮންނާނެ. ކަންކަން ކުރުމުގެ ބާރު. މޮޔަނުގޮވާ
ޑޮންބެ
08 October 2018
ޢެޗްޑީސީ އޮތީ ބައެތް ގެ އަތްދަށުވެ ފިތިބާރުވެފަ އެތްޗެއް ބުނާކަށް ނުކެރޭނޭ ނުން އެތްޗެއްބުނެފިއްޔާ އެޗްޑީސީއައް ވައްދާފަ ތިބި ޕާޓޭމެންނަށް ލައްވާ ބުންޏާމީނު އެމީހަކު ފުނޑާލާ އެގޮތަށްވިއްޔަ މީހާރުވެސް ކަންތަށްތައް ކުރަނީ އެޗްޑީސީ ތެރެ އިން މި ސަރުކާރުން ބިރުދައްކައިގެން
ބޭބެ
08 October 2018
ކަލޭމެން ބޭނުންވާ ގޮތަކަށް ނުވަތަ އެދޭގޮތަކަށް ކަމެއް ނުވެއްޖެނަމަ ބައެއްގެ ދަށުވީ!! މީގެ އެއް މިސާލު ދަންނަވާލާނަން!! މިފަހަރު ރިޔާސީ އިންތިޚާބު ބާއްވާ ނިމި ނަތީޖާ އިޢުލާން ކުރުމާއި ހަމަޔަށް އިލެކްޝަންގެ ރައިސް ޝަރީފަކީ ވިކިފަ ނުވަތަ މީހަކު ބުނާހާގޮތަކަށް ހަދަން ހުރި މީހެއް!! އަދި އޭނާ ހުރެގެން އިލެކްޝަންވެސް ބާއްވައިގެންނުވާނެކަމަށް ގޮވި!! އެތައް މައްސަލަތަކެއް ޖެއްސި!! މިހާރު ބޭނުންވާގޮތްވީމަ ހަމަ އޯކޭ އޭ!! ވަރިހަމަ މަކަރާޖަހައިގެން ކެޔަސް!!
އަމީނު
08 October 2018
މެދު ކަންޑާލީ މަތި ޖަހަން ކުރިކަންތައް ފުރިހަމަވީމަ.. މާކުރިން ވެސް ތި 400 ގޯތި އޮންނާނީ ރަޖިސްޓަރީ ކޮށްދީފަ .. ދެން ބުނަންވީނުން ގުރުއަތުން ލިބުނު މީހުންނޭ އެއީ .. ހަލާކު ހުރި
ބޮޑާބެ
08 October 2018
އޭސީސީއިން ޖަވާބެއް ނުލިބޭނެ! ދޭކަށް ނުވެސް ޖެހޭ! އޭސީސީގެ ބަސް އެއޮތީ އިއްވާފަ! މި މަބުނި ވާހަކަ! މީ ނުކުރެވޭނެ ކަމެއްކަންވެސް މިބައި މީހުނަށް އެނގޭނެ! ބޭނުމަކީ ދެން ސަރުކާރާ ޙަވާލުވާ ބަޔަކަށް ޖެއްސުން ކުރުން! އެންމެ ޔާމީނުގެ ހެޔޮފުޅުކަމުން 4ލައްކައަށް ގޯއްޗެއް ވިއްކަން އަހަރެމެންގެ ވެރިކަމުގައި އޮންނާނީ ނިންމާފައޭ ކިޔާ!
ޢެސި
08 October 2018
އެއީސީސީ އަކީ އެމް ޑީޕީގެ ގޮތްޕެއްތަ ބުނާހާގޮތް ހަދަން.
ވިސްނާވިސްނާ
08 October 2018
އެންމެ ފުރަތަމަ ހުޅުމާލައިން ގޯތި ދޫކުރިއިރު ޑައުންޕޭމަންޓަށް ހުށަހަޅަންޖެހޭ ބޮޑު އަގުގެ ސަބަބުން އަޅުގަނޑުފަދަ އެތައް ބަޔަކު އޭރު ގޯތި ހޯދުމަށް ހުށަނާޅާކަން އަޅުގަނޑު ދެނަހުރިން. އެކަމަކު ފޯމު ހުށަހެޅި މީހުންގެތެރެއިން އެ ގޯތިތައް ދިން ބަޔަކަށް ދީފައި ޑައުން ޕޭމަންޓް ގޮތުގައި ދައްކަންޖެހޭ އަދަދު ކުޑަކޮށްލީ. އެއީ އަޅުގަނޑުދެކޭގޮތުގައި ވަކިބަޔަކަށް ނާޖާއިޒް ފައިދާއެއް ލިބިދޭނެ ކަމެއް.
އަހްމަދުބޭ
08 October 2018
ރައީސް ޔާމީނައް ވެރިކަންކުރަން ފަސްއަހަރުގެދައުރެއް ލިބޭކަމަށް ގާނޫނުއަސާސީގަ ވަރައްސާފުކޮށް ލިއެފައެބައޮތް އެހެންވީމާ 17 ނޮވެމްބަރާހަމައަށް އެމަނިކުފާނުބޭނުފުޅުނަމަ ގޯތިވެސް (ދިވެހިރައްޔިތުންނަށް) ވިއްކޭނެ ރާއްޖޭގެއެހެންރައްރަށުގެމީހުންނައް ދޫކުރާއުސޫލުން ހިލޭވެސް ދޫކުރެވެންވާނެ
ކީއް
08 October 2018
ވެރިކަން ކުރަންވީ، މައްސަލައަކީ މިއޮއް ހުރިހާ ދުވަހު ތިޔަ ކޮރަޕްޝަނެއް ހިންގި އިރު ނުފެނުނީމަ. ހީނުކުރައްޗޭ އެއުޅެނީ އާދައިގެ މީހާއަށް ގޯއްޗެއް ދޭންކަމަށް، އެ އުޅެނީ ވެރިކަމުން ދަމުން އެއްޗެހި ދޭން ބުނެވިފަ ހުރި މީހުންނަށް އޭތިކޮޅު ހަވާލުކުރަން. މިއީ އެއްނޫން ވެރިކަން ކުރާ ގޮތަކީ
ހުދަންބަރު
08 October 2018
ދިވެހި ރައްޔިތުންނެއް ނޫން .. ދަރުބާރު ފެކްޝަން އަށް
ޑާޑާޑާޑާޑާ
09 October 2018
ނުވާނޭ ނުވާނޭ، މަދަރި ދެލޯފުޅާ ރަންކޮޅާ ފަސްއަހަރުގެ ދައުރެއް ލިބިފަ އޮތީމަ ފަސްއަހަރުގެ ދައުރެއްތެރޭ ރައްޔިތު މީހާއަށް ކޮށްދޭން ވައުދުވީކަންތައް ދެންވެސް އަވަހަށް ކުރަންވީ، އެކަންކަން ނުކޮށް އިތުރު ކަންކަން ކުރަން އުޅެންޏާ ހުއްޓުވާނެ، ހުއްޓުވަންވެސް ޖެހޭނެ، ހަމަ ހިލާ ދެން މިއޮތް ސާޅީހަކަށް ދުވަހުތެރޭ ޖަރީމާ ހިންގިއަކަ ނުދޭނެ، މިކަން ނިމިއްޖެ، ދެން ތިހެން އުޅެން ހަދައިގެން ހައްތަހާވެސް ބޮވޭނީ ބޮނޑި.