ޚަބަރު / ޣިޔާސުއްދީން އިންޓަނޭޝަނަލް ސްކޫލް

ފެންބޮޑުވުމުން ގިޔާސުއްދީން ސްކޫލުގެ ކިޔެވުން ބަންދު

ގިޔާސުއްދީން ސްކޫލު ސަރަހައްދުގައި ފެންބޮޑުވެފައި.-- ފޭސްބުކް ފޮޓޯ: އަހުމަދު ސައީދު (ގަހާ ސައީދު)

އާސިމާ ނިޒާރު، މިހާރު

30 އޮކްޓޯބަރ 2018 - 11:29

ރެއިން ފެށިގެން މާލެ އަށް ބޯކޮށް ވާރޭ ވެހި ބައެއް މަގުތަކުގައި ފެންބޮޑުވެ ސްކޫލަށް އައުމުގައި ދަރިވަރުންނަށް ދަތިތަކާ ކުރިމަތިވަމުންދާތީ ގިޔާސުއްދީން އިންޓަނޭޝަނަލް ސްކޫލުގެ ކިޔެވުން މިއަދު ބަންދުކޮށްފިި އެވެ.

ރޭ ފަތިހުން ފެށިގެން މާލެ އަށް ބޯކޮށް ވާރޭވެހުމުގެ ސަބަބުން ބައެއް މަގުތަކުގައި ހިނގާބިނގާގވެ އުޅެން ދަތިވާ ވަރަށް މަގުތަކުގައި ފެންބޮޑުވެފައިވެ އެވެ. ވަކިން ޚާއްސަކޮށް، ގިޔާސުއްދީން ސްކޫލު ހުންނަ އަމީނީ މަގުގައި، އެހެން މަގުތަކަށް ވުރެ ބޮޑަށް ވަނީ ފެންބޮޑުވެފަ އެވެ.

އެ ސްކޫލުގެ ޕްރިންސިޕަލް ތޯހާ ސަލީމް ވިދާޅުވީ ހެނދުނު 7:30ގައި ހެނދުނުގެ ކިޔެވުން ފަށާ ގޮތަށް އޮތް ނަމަވެސް، ފެންބޮޑުވެފައިވާތީ ކިޔެވުން ފެށުން 8:30 އަށް ލަސްކޮށްލި ކަމަށެވެ.

"ސްކޫލަށް އަންނަ ވަގުތާއި ވާރޭވެހޭ ގަޑިއާ މިއަދު މި ދިމާވީ. އެހެންވެ ކިޔެވުން ފެށުން 8:30 އަށް ލަސްކޮށްލީ. އެކަމަކު އެ ވަގުތު ޖެހުނު އިރު ވެސް ފެންގަނޑު ނުހިދޭ. އެހެންވެ ކިޔެވުން މިއަދު މި ބަންދުކޮށްލީ،" ތޯހާ ވިދާޅުވި އެވެ.

ސްކޫލު ތެރެ އަށް ފެން ނުވަނަސް، މަގުމަތީގައި ހެދިފައިވާ ފެންގަނޑު ވަނީ ޕޭމަންޓުން މަތިން އަރައިފަ އެވެ.

ތޯހާ ވިދާޅުވި ގޮތުގައި މީގެ ކުރިން، ވާރޭ ވެހުނަސް އެ ސަރަހައްދުގައި އެހާ ބޮޑަކަށް ފެންބޮޑެއް ނުވެ އެވެ.

ބޯ ވާރޭގެ ސަބަބުން މާލޭގައި އާދަޔާ ހިލާފަށް ފެންބޮޑުވެފައިވާ އިރު ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވި ގޮތުގައި އާދަޔާ ހިލާފަށް ފެންބޮޑުވަނީ ފެން ހިންދުމަށް އެންމެ ފަހުން ގާއިމު ކުރި ނިޒާމަށް ބަޔަކު ގެއްލުންދީފައިވާތީ އެވެ.

މޫސުން ފެންބޮޑުވުން ކިޔަވާކުދިން ވާރޭ ޣިޔާސުއްދީން އިންޓަނޭޝަނަލް ސްކޫލް މާލެ

15 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ސަ

05 December 2018

‫މިހާރު ފެންބޮޑުވެގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާސިލް

30 October 2018

ގިޔާޟުއްދީން ސްކޫލު ހިމެނޭ ސަރަހައްދުގައި މީގެ ކުރިން ފެންބޮޑު ނުވާ ވަރަށް މިހާރު ކިރިޔާ ވާރޭކޮޅެއް ވެހިލާއިރަށް ފެންބޮޑުވޭ! ސައިކަލުގެ ސައިލެންސަރުތެރެއަށްވެސް ފެންގަނޑު ވަދެ އިންޖީނު ހުއްޓޭ. ކިހިނެތް ދަރިން ކިޔަވަން ގެންދާނީ މިވަރުން؟ ނުވިތާކަށް ޖަންކްޝަންތަކުން ނަޖިސް އުތުރިއަރަނީ! މުޅި މާލެ ފެއިލްވެފަ!