ކޮންގްރެސްގެ ނިންމުންތައް ބަލައިނުގަތް މައްސަލައިގެ ޝަރީއަތް މާދަމާ ފަށަނީ

ޕީޕީއެމްގެ ކޮންގްރެސް ނިންމުމުގެ ރަސްމިއްޔާތުގައި ރައީސް ޔާމީން: އެ ކޮންގްރެސްގެ ނިންމުންތައް ކޮމިޝަނުން ބަލައިނުގަތް މައްސަލަ ވަނީ ހައި ކޯޓަށް ހުށަހަޅާފައި .---ފޮޓޯ: ޕީޕީއެމް

މުއިއްޒު އިބްރާހިމް، މިހާރު

04 ނޮވެމްބަރ 2018 - 16:08

3 comments

ޕީޕީއެމްގެ ކޮންގްރެސްގެ ނިންމުންތައް ބަލައިނުގަތުމަށް އިލެކްޝަންސް ކޮމިޝަނުން ނިންމި މައްސަލާގައި އެ ޕާޓީން ހައި ކޯޓަށް ހުށަހެޅި މައްސަލައިގެ ޝަރީއަތް މާދަމާ ފަށަން ހައި ކޯޓުން ހަމަޖައްސައިފި އެވެ.

ޕީޕީއެމުން މިދިޔަ ސެޕްޓެމްބަރު ބޭއްވި ކޮންގްރެސްގައި އެ ޕާޓީގެ ރައީސަކަށް ރައީސް އަބްދުﷲ ޔާމީން އިންތިޚާބުކޮށް، ޕާޓީގެ އެހެން އިސް މަގާމުތަކަށް ވެސް ބޭފުޅުން ވަނީ އިންތިޚާބުކޮށްފަ އެވެ. އެކަމަކު އިލެކްޝަންސް ކޮމިޝަނުން ނިންމާފައިވަނީ ކޮންގްރެސްގެ އެ ނިންމުންތައް ބަލައިނުގަތުމަށެވެ.

ކޮންގްރެސްގެ ނިންމުންތައް ބަލައިގަތުމަށް އިލެކްޝަންސް ކޮމިޝަނަށް އަމުރުކޮށް ދިނުމަށް އެދި ޕީޕީއެމުން ހައި ކޯޓަށް މައްސަލަ ހުށަހެޅީ މިދިޔަ މަހުގެ ފަހުކޮޅު އެވެ. އެ މައްސަލައިގެ ޝަރީއަތް މާދަމާ މެންދުރު ފަށަން ހައި ކޯޓުން މިހާރު ވަނީ ހަމަޖައްސައިފަ އެވެ.

ޕީޕީއެމްގެ ކޮންގްރެސްގެ ނިންމުންތައް ބަލައިނުގަތުމަށް އިލެކްޝަންސް ކޮމިޝަނުން ނިންމިއިރު، ޕީޕީއެމްގެ ކުރީގެ ރައީސް މައުމޫން އަބްދުލްގައްޔޫމާ ޕާޓީ ހިންގުން ހަވާލުކުރަން އެ ޕާޓީގެ އާންމު ދެ މެމްބަރަކު ސިވިލް ކޯޓުގައި ވެސް ދައުވާކުރި އެވެ. އެ މައްސަލަ އެ ކޯޓުގައި ހިނގަމުން ދަނިކޮށް ސުޕްރީމް ކޯޓުން ވަނީ އެ މައްސަލައިގެ ފައިލް ސުޕްރީމް ކޯޓަށް ގެންގޮސްފަ އެވެ.

ރައީސް ޔާމީނާއި މައުމޫނާ ދެމެދު އުފެދުނު ޚިޔާލު ތަފާތުވުންތަކުގައި ޕީޕީއެމް ހިންގުން 2016 ގައި ސިވިލް ކޯޓުން ވަނީ ރައީސް ޔާމީނާ ހަވާލުކޮށްފަ އެވެ. އޭގެފަހުން އެ ޕާޓީން ވަނީ މައުމޫން ވަކިކޮށްފަ އެވެ.

ސިޔާސީ ޕާޓީ ހައި ކޯޓް އިލެކްޝަންސް ކޮމިޝަން ޕީޕީއެމް

3 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޫމް

05 November 2018

މަގޭ ހިތަށްއަރާ ތިންބާރު ވަކިވުމޭ މިކިޔަނީ ކޮން ތަނަކަށް އަރާ ތިންބާރެއްގެ ވާހަކައެއް ބާއޭ؟ އާނ ފަހެ! ވެރިކަމުގެ ބާރާއިގެން ހުންނެވިއިރު އެމަނިކުފާނުގެ ވިދާޅު ބަސްފުޅަކީ ކޯޓުގެ ޙުކުމް. އެދިވަޑައިގަންނަވާ ގޮތަކީ ޤާނޫނު. ކޮންމެ ނަތީޖާއެއް ނުކުތަސް އޯކޭ. މިހާރު އެބާރު ގެއްލުނީމާ، މިފެންނަނީ ހުރިހާ ގޮށެއް މޮހޭތަން. ޙުކުމް ކުރިމީހުން ބާޠިލްވެސް މިކުރަނީ. ޤާނޫނު ހެދި މީހުން އުވާވެސް މިލަނީ. ވަކިކުރުމުގެ މާނަ ރަދީފުން ބަލަން ޖެހޭނީ... ސޯދުބޭ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

04 November 2018

ކޮބައިތަ ސްޕްރީމް ކޯޓް ފައިލްތައް ބަލާ ނުފޮނުވާތަ!؟ ކުރިން ދަށުކޯޓުން ފައިލްތައްގެންދިޔައީ ތިޔަކަންތައް ތިމަންނަމެން އެބަބަލަމޭ ކިޔާފަ! ބަލަންޏާ މިފަހަރުވެސް ވާނީގެންދަންދޯ