ކުރީގެ ޕީޖީ މުހުތާޒު މިނިވަން ކޮށްފި

މުހްތާޒަށް 17 އަހަރުގެ ޖަލު ހުކުމް އިއްވުމަށް ފަހު ކޯޓުން ނެރެނީ:

އަހުމަދު ސާއިލް އަލީ، މިހާރު

22 ނޮވެމްބަރ 2018 - 12:19

ކުރީގެ ރައީސް އަބްދުﷲ ޔާމީން ހައްޔަރުކުރަން ސައްހަ ނޫން ލިޔުމެއް ތައްޔާރުކުރި މައްސަލައިގައި 17 އަހަރަށް ޖަލަށްލި ކުރީގެ ޕްރޮސެކިއުޓާ ޖެނެރަލް މުހުތާޒް މުހުސިން މިއަދު ހައިކޯޓުން މިނިވަން ކޮށްފި އެވެ.

އިސްތިއުނާފުގެ މައްސަލަ ބެލުމަށް ފަހު ހައި ކޯޓުން މިއަދު ވަނީ ކްރިމިނަލް ކޯޓުން މުހުތާޒުގެ މައްޗަށް ހުކުމްކޮށްފައިވާ 17 އަހަރުގެ ހުކުމް ބާތިލްކޮށް މުހުތާޒު މިނިވަން ކުރަން އަންގައިފަ އެވެ.

ޓެރަރިޒަމްގެ އަމަލެއް ކުރަން އުޅުމާއި ބައިވެރިވުމުގެ ދައުވާ ކްރިމިނަލް ކޯޓުގައި ސާބިތުވެ، މުހުތާޒު ގެންދަވަނީ 17 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ. އޭނާގެ މައްޗަށް ކުރިމިނަލް ކޯޓުން އެ ހުކުމް ކުރީ 2016 ވަނަ އަހަރުގެ ޖޫން މަހު 9 ވަނަ ދުވަހު އެވެ.

އެ މައްސަލާގައި ދެން ހައްޔަރު ކުރި އދ. މާމިގިލީ ކޯޓުގެ އިސް މެޖިސްޓްރޭޓް އަހުމަދު ނިހާން ވެސް ވަނީ ހައިކޯޓުން މިނިވަން ކޮށްފަ އެވެ.

މުހުތާޒުގެ މައްޗަށް ތުހުމަތު ކުރާ އިތުރު ދެ މައްސަލައެއް ކުރިިނަލް ކޯޓުން މިދިޔަ މަހު ވަނީ ބޭރުކޮށްލައިފަ އެވެ. މުހުތާޒަށް ކުރި ދައުވާތަކުގެ ތެރެއިން ބާތިލު ކުރީ، ވަކި އަސްލެއް އޮތް އެއްޗެއް ސައްހަ ނޫން ގޮތެއްގައި ދެއްކުމަށް ލިޔުމެއް އުފެއްދުމުގެ ދައުވާ އާއި ވަކި އުސޫލަކުން ދޫކޮށްފައިވާ ލިޔުމެއް ސައްހަ ނޫން ގޮތެއްގައި ދެއްކުމުގެ ދައުވާ އެވެ.

މުހުތާޒަކީ ރައީސް ޔާމީންގެ ވެރިކަމުގައި 2014 ވަނަ އަހަރު ޕްރޮސެކިއުޓާ ޖެނެރަލްގެ މަގާމަށް އައްޔަންކުރި ބޭފުޅެއް ނަމަވެސް 2016 ވަނަ އަހަރުގެ ފަހުކޮޅު ސަރުކާރު ހިންގާ ޕީޕީއެމްގެ މެމްބަރުން ވަނީ މުހުތާޒްގެ އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ވައްދައި، މުހުތާޒް އެ މަގާމުން ދުރުކޮށްފަ އެވެ.

ޓެރަރިޒަމް ޕްރޮސެކިއުޓާ ޖެނެރަލް ކްރިމިނަލް ކޯޓް ހައި ކޯޓް ކުރީގެ ޕީޖީ މުހުތާޒް މުހުސިން ޖަލުތައް

6 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގާބާ

22 November 2018

މުހުތާޒަކީ އަދަބު ހައްގު މީހެއް. ނުހައްގުން އެތައް ބަޔަކަށް އަނިޔާ ދިނުމުގައި ބައިވެރިވި އިސްމީހެއް. މުމްތާޒަށްވެސް މިހާރު އަނިޔާއަކީ ކޯއްޗެއްކަން ވިސްނިފައިވާނެކަމަށް ހީކުރަން. މުމްތާޒަށް ވިޔަސް އަދި ކޮންމެ މީހަކަށް ވިޔަސް ކުށެއް ކުރިނަމަ އަދަބު ލިބެންޖެހޭނީ. އަދި ކުށެއް ކުރިނަމަވެސް އެކަމަކަށް އެކަށީގެންވާ އަދަބެއް ލިބެންޖެހޭނީ. މިނިވަންވިޔަސް ދެން އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޗޭ

22 November 2018

މިއީ މައްސަލައަކީ. މުހްތާޒްއަކީ މި ގައުމުގެ ބޮޑު އަނދަވަޅަކަށް ވައްޓާލުމުގެ އެންމެ އިސް ދައުރެއް އަދާކުރި އެކަކު. ރައީސް ނަޝީދު، ޝޭހް އިމްރާން އަދި ކާނަލް ނާޒިމްގެ މައްޗަށް ނުހައްގު ދަޢްވާތަކެއް ކުރީ މީނަ. ދެންވެސް އުޅޭނީ ހަމަ އެހެން. މިކަހަލަ މީހުން މިނިވަންވީމަ އުފަލަށް ވުރެން ބޮޑަށް ރުޅި އަންނަނީ.