ފައިރޫޝް: އޭނާއަށް އަލުން ވަޒީފާދޭން ސިވިލް ކޯޓުން މިއަދު ވަނީ ހުކުމް ކޮށްފައި
13 ޑިސެމްބަރ 2018 - 18:31
ކުރީގެ އެސިސްޓެންޓް ކޮމިޝަނާ އޮފް ޕޮލިސް އަބްދުﷲ ފައިރޫޝް އާއި ކުރީގެ ސުޕްރިޓެންޑެންޓް އޮފް ޕޮލިސް މުހައްމަދު ރިޔާޒަށް އަލުން ވަޒީފާ ދޭން ދައުލަތުން އެއްްބަސްވުމުން ސިވިލް ކޯޓުން އެ ގޮތަށް މިއަދު ހުކުމްކޮށްފި އެވެ.
ފައިރޫޝް މިދިޔަ އަހަރުގެ ފަހުކޮޅު ފުލުހުންގެ ވަޒީފާއިން ވަކިކުރީ ސޯޝަލް މީޑިއާގައި ސަރުކާރާ ބެހޭގޮތުން ނުބައި ތަސައްވުރެއް އުފެދޭ ގޮތަށް ވާހަކަ ދެއްކި ކަމަށް ބުނެ އެވެ. އޭނާ ވަކި ކުރިއިރު ހުރީ ޕީއެޗްޑީއަށް ތައުލީމް ހާސިލް ކުރުމަށްޓަކައި އޮސްޓްރޭލިއާގަ އެވެ.
ބޮޑެތި މައްސަލަތައް ތަހުގީގު ކުރުމުގައި އިސްކޮށް ހަރަކާތްތެރިވި ރިޔާޒް ފުލުހުންގެ ވަޒީފާއިން ވަކިކުރީ އޭނާގެ އަޚުލާގީ މައްސަލައެއް ބެލުމަށް ފަހު އެވެ.
ފައިރޫޝާއި ރިޔާޒަށް އަލުން ވަޒީފާދޭން ސިވިލް ކޯޓުން މިއަދު ހުކުމްކުރީ އެ ދެ ބޭފުޅުން ދާދިިފަހުން އެ މައްސަލަ ސިވިލް ކޯޓަށް ހުށަހެޅުމުން އެ ކޯޓުގެ ޑިސްޕިއުޓް ރިޒޮލިއުޝަން މަރުހަލާއިންނެވެ. ޝަރީއަތަށް މައްސަލަ ފޮނުވުމުގެ ކުރިން ހައްލެއް ލިބޭތޯ ކުރިއަށް ގެންދާ އެ މަރުހަލާގައި ދައުލަތުން ވަނީ ފައިރޫޝާއި ރިޔާޒް ވަކި ކުރުމުގައި އިޖްރާއާތުތައް ފުރިހަމަ ނުވާ ކަމަށް އެއްބަސްވެފަ އެވެ.
ރިޔާޒް: ކުރިން ހުރި ފެންވަރުގެ ވަޒީފާއެއް ދޭން އެންގި.
ހުކުމުގައި އެންގީ ފައިރޫޝާއި ރިޔާޒަށް އެ މީހުން ކުރި ތިބި ފެންވަރުގެ ވަޒީފާއެއް ދިނުމަށާއި ވަކިކުރި ދުވަހުން ފެށިގެން އިއްޔެއާ ހަމައަށް ލިބެންޖެހޭ މުސާރަ އާއި އިނާޔަތްތައް ދިނުމަށެވެ.
ފައިރޫޝާއި ރިޔާޒްގެ އިތުރުން ކުރީގެ އެސްއޯ ފުލުހެއް ކަމަށްވާ އިންސްޕެކްޓާ އޮފް ޕޮލިސް އަބްދުﷲ އިބްރާހިމް (ޑީޑީ) އަށް ވެސް އަލުން ވަޒީފާދޭން ކޯޓުން މިއަދު ހުކުމްކުރި އެވެ. އޭނާގެ މައްސަލަ ވެސް ނިންމީ ޑިސްޕިއުޓް މަރުހަލާއިންނެވެ.
ފައިރޫޝާއި ރިޔާޒާއި ޑީޑީއަށް ވަޒީފާދޭން އަމުރު ކުރިއިރު، ފުލުހުންގެ އިންޓެލިޖެންސްގެ ކުރީގެ ވެރިޔާ މުހައްމަދު ހަމީދު (އެމްސީ) ހަމީދަށް އަލުން ވަޒީފާދޭން ސުޕްރީމް ކޯޓުން ހުކުމް ކުރުމުން އޭނާއަށް އަލުން ވަޒީފާދީ، އެކްޓިން ޕޮލިސް ކޮމިޝަނަރު ކަމަށް ވެސް އޭނާ ވަނީ އައްޔަންކޮށްފަ އެވެ. އެކްޓިން ކޮމިޝަނަރު ކަން އޭނާއަށް ދިނީ ޕޮލިސް ކޮމިޝަނަރުގެ މަގާމުން ހަމްދޫން ރަޝީދު ވަކި ކުރެއްވުމަށް ފަހު އެވެ.
މީގެ އިތުރުން ސިފައިންގެ ކުރީގެ ބްރިގޭޑިއާ ޖެނެރަލް އަބްދުﷲ ޝަމާލަށް އަލުން ވަޒީފާދޭން މިދިޔަ އަންގާރަ ދުވަހު ހައި ކޯޓުން ހުކުމް ކުރުމުން އެ ދުވަހު އޭނާއަށް އަލުން ވަޒީފާދީ، ޗީފް އޮފް ޑިފެންސް ފޯސްގެ މަގާމަށް އޭނާ ވަނީ އައްޔަންކޮށްފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
މުހައްމަދު ބ
14 December 2018
އެހެންވީމާ ކުރިން ކުރި ގޯސް ހުކުމް ކުރި މީހުން ކުރީ ކޮންގޮތަކަށް ބަލާފަތޯ. މިއީ އަޖައިބެއފަދަ ހުކުމްތަކެއް އަންނަ ދުވަސްވަރެއް.
ޏަޖީބް
14 December 2018
ޓތީ ދެން މިހާރު އޯވާރވީ މީހަކައް ސަރިއަތުން ވަޒީފާދޭން ހުކުމެއްކޮށްފާނެ އެކަމަކު ވަޓް އިޒް ދިސް..
ކޮވެލި
14 December 2018
ކަރޯ އައްބާހާ ޑީބީ ޝާހިދާ ކާނަލް ޒިޔާދު އަދި ފަލްކަނަށްވެސް ވަޒީފާ ހައްގު
މަރުމޯލު
14 December 2018
ހައްޕު......
ޛުލީ
13 December 2018
ފައިރޫޒް އަށް ކިޔަވައިދެނީ ވިލާއިން ރިޔާޒް އުޅެނީ ކުރީގެ ސީޕީ ރިޔާޒްކާރީ. ދެން މަންޒަރު ވަރަށް ސާފު. ދެންް އެފްއޭ ލާ ކޮމިޝަރަކަށް
ޜޮހެންޔާ ކުޑަ ތުއްތު
13 December 2018
ބައެށް ފަހަރު ރަނގަޅު ޑިސިސަން ކަަމަށް ހީކޮށް ރޯންގުވެސް ނެގެއެވެ. ޙެހެހެ
ޝާމް1945
13 December 2018
އަދި އެމްޑީޕީ މުޒާހަރާ ގައި ފުލުހުންނާއި ދެކޮޅަށް ނިކުމެ މުޒާހަރާގެ ބައިވެރިންނާއި ގުޅުމުން، ވަޒީފާ އިން ވަކިކުރި ކުރީގެ އެސް.އޯ ކުދިންނަށް ވެސް ވާނެ އަލުން ވަޒީފާ ދޭން.
Fisaarikanbaleh
13 December 2018
ކޮބާތޯ އާދައިގެ ރައްޔިތުމީހާ ވަޒީފާއިން ގަކިކުރީމަ ލިބުނު ހައްޤު؟
ތޮރުފި އުނދުޅި
13 December 2018
މިއީ ފުކެއްބޮޑުވަރު ...
ޢަލީ7777777
13 December 2018
ޢިބޫ ވަރަށް ޑިސަޕޮއިންޓިންގ. ކޯޓްތަކަށް ތިމަންނަ ނުފޫޒް ނުފޯރުވާނަމޭ ކިޔާފަ ކީއްތޯ ތިޔަކުރައްވަނީ ، ސިވިލްކޯޓްގައި ދެރަނިކަމެތިންގެ މައްސަލަތައް ފުނިޖެހިފައިހުރި އިރު އެެމައްސަލަތައް ނުނިންމާ ކެމްޕޭންގައި އެހީތެރިވެދިން ކުދިންކޮޅަށް ވަޒީފާ ތިޔަދެއްވަނީ. ÷ޕޮލިސް ސިޔާސީ ނުފޫޒުން އެއްކިބާވާނޭގޮތެއް ހަރާން.
ޖިނާޙް
13 December 2018
އެމައްސަލަތައް ވެސް ކުރިޔަށްދާނެ ސުރުޚީއަށް ނާރަނީ
އިހުސާންބެ
14 December 2018
އެހެންވީމާ ރައީސް އިބްރާހިމް ސޯލިހު ވެސް ދެންތިބި މީހުންވެސް އަނެއްކާވެސް ހުރިހާ ޖަރީމާއެއް ހިންގުމަށް މަގުފަހި ކޮށްދެންވީ ދޯ އެހެން ހުރުހާ ޖަރީމާއާ ކުށްތައް ބަލާފައި ނޫނީ ނުބެލޭނޭގޮތް ހަދައިދީގެން؟ ކުށްވެރިން ހިމާޔަތްކޮށްދޭން ހާދަމޮޮޅެތި ބަހަނާ މީހުން ދައްކައޭވާ!