ކުރީގެ ނައިބު ރައީސް އަހްމަދު އަދީބު: އެމަނިކުފާނު މި ހަފުތާގައި ވަނީ މާފުށީ ޖަލަށް ބަދަލުކޮށްފައި.
05 ޖެނުއަރީ 2019 - 18:06
12 comments
ކުރީގެ ނައިބު ރައީސް އަހުމަދު އަދީބު ޖަލަށް ބަދަލުކޮށްފައި ވިޔަސް އެމަނިކުފާނު އޮންނެވީ ބަލި މީހަކަށް އެކަށީގެންވާ ފަދަ ހާއްސަ ތަނެއްގައި ކަމަށް މޯލްޑިވްސް ކަރެކްޝަނަލް ސާވިސް އިން މިއަދު ބުނެފި އެވެ.
އެތަނުގެ ސީނިއާ ޕްރިޒަންސް އޮފިސަރު އަހުމަދު ލުގްމާން "މިހާރު" އަށް ވިދާޅުވީ އަދީބު އޮންނެވީ ސްޕެޝަލް ޕްރޮޓެކްޝަން ޔުނިޓެއްގައި ކަމަށެވެ. އެއީ ހުރިހާ ގޮތަކުން ވެސް ރައްކާތެރި ތަނެއް ކަމަށް ވިދާޅުވި އެވެ.
"ލުއިފަސޭހަަ ކަން އެކަންޏެއް ނޫން. ރައްކާތެރި ވެސް ތަނެއް. އެއްވެސް އުދަނގުލެއް ނުވާނެ. ބަލި މީހަކަށް އެކަށީގެންވާ ތަނެއް އެއީ،" އަދީބުގެ ހާލަތާ ބެހޭ ގޮތުން ލުގްމާން ވިދާޅުވި އެވެ.
އައިޖީއެމްއެޗްގައި އެޑްމިޓްކޮށްފައި ދުވަސްތަކެއް ވަންދެން ބޭއްވުމަށް ފަހު އަދީބު ގެއަށް ބަދަލު ކުރީ ޑޮކްޓަރުުން އެގޮތަށް ލަފާ ދެއްވުމުންނެވެ. ގޭގައި ބާއްވަން ޑޮކްޓަރުން ލަފާ ދެއްވި މުއްދަތު ހަމަވުމާ އެކު އެމަނިކުފާނު ޖަލަށް ބަދަލު ކުރުމުން އަނބިކަނބަލުން ނަޝްވާ ވަނީ އެ މައްސަލަ ހިއުމަން ރައިޓްސް ކޮމިޝަނަށް ހުށަހަޅުއްވައިފަ އެވެ.
ހޯމް މިނިސްޓަރު އިމްރާން އަބްދުﷲ ވިދާޅުވެފައިވާ ގޮތުގައި ޓެރަރިޒަމާއި ހިޔާނާތުގެ ކުށްތައް ސާބިތުވެ ކްރިމިނަލް ކޯޓުން 33 އަހަރުގެ ހުކުމެއް އިއްވާފައިވާ އަދީބު، ދެ މަހަށް "ހޯމްލީ އެންވަޔަރަމެންޓެއް" ގައި ބަހައްޓަން ޑޮކްޓަރު ލަފާދެއްވީ އޮކްޓޯބަރު 24، 2018 ގަ އެވެ. ނަމަވެސް މިދިޔަ މަހުގެ 24 ވަނަ ދުވަހުގެ ފަހުން އެގޮތަށް ޑޮކްޓަރު ލަފާ ނުދެއްވާ ކަމަށް ވިދާޅުވި އެވެ.
އެކަމާ މެދު ހިތްހަމަޖެހިވަޑައިނުގެން ނަޝްވާ ވިދާޅުވެފައި ވަނީ އަދީބު ގޭ ބަންދަށް ބަދަލުކުރީ މި މަހުގެ 28 ވަނަ ދުވަހުގެ ނިޔަލަށެވެ. އަދި ސާޖަރީއަށް ފަހު ރިކަވަރީ އަށް އާއިލާ ގާތުގައި 6-8 ހަފުތާ އަށް ބެހެއްޓުމަށް ޑޮކްޓަރުު ލަފާ ދެއްވާފައިވާ ކަމަށް ވެސް އޭނާ ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޒުނާ ހަސަން
06 January 2019
އަދބެއް ކަދީބެއްނޯންނާނެ.. އޭނާއެވަނީ މިޖީލުގެ ރައްޔަތުންގެ ލޭބޮއިފައި ގައުމު އެއްކޮށް ދިރުވައިލައިފަ.. އޭނާ ވެސް ޖެހޭނީ އެހެންމީހުންނަކީ އެއްގޮތަށް އަށިމަތީގައި ބާއްވަން.. އޭނާ ނައިބަކަށް ގެނައުމަށް ދިވެހިރައްޔަތުން ވޯޓެއްނުދޭ. ޔމިނުގެ ބޯއި އަކަށް ވުމުން އިންތިޚާބީ ނއިބުބޭރުކުރީ މޖިލިސްމެމްބަރން ގނެގެން.. މިގޮތުން އެބަތިބި ހަމައެކަނި އެޑީލަށް 20 ނުވަތަ 30 މިލިއަނުން އަތުލިމީހުން
ޖުމާ
06 January 2019
ޑރ.އަފްރާޝީމް އަދި ރިލްވާނުގެ މަރުގެ ހަޤީގަތް ، ކިޔާނުދެނީސް އެއްވެސް ލުޔެއް ދީގެންނުވާނެ. އަދި އަދީބަކީ މާފުކުރެވޭނެ ޤައިދީއެއް ނޫން. ހިންގި ޖަރީމާތަށް މާބޮޑޫ. ގޭގަ ހުރެ ސިޔާސީ ހަރކާތް ހިންގަން ފުރސަތު ދީގެންނުވާނެ. ބޮޑު މުޖުރިމެއް.
ޝައިހާ
06 January 2019
ކޮންމެ ތާކު އޮތަސް އަދީބު އޮންނަން ޖެހޭނީ މުޖުރިމުންގެ ގޮޅީގަ ފަހުގެ ތާރީޚެއްގައި ގައުމުދުށް އެންމެ ބޮޑު އެއް ޚާއިނަކީ މީ
ހަޝާން
06 January 2019
މި ފެންނަނީ ވެރިކަމުގެ ދަހިވެތިކަމުގައި ބަޔަކު މީހުން ދިހެރާއްޖޭގައި ހިންގި ޑުރާމާތަކުގެ ނަތިޖާ.. މިރާއްޖެ ހަލާކި ކުރަނީ މިހާރު މިތިބަ ސިޔާސީ މަސްރަހުގެ މީހުންތައް.. މިއެންމެން އެކީއެކައްޗަކައް ރިޕްލޭސް ކުރެވިގެންނޫނީ ގައުމައް ސަލާމަތެއް ނޯންނާނެ. ހާދަ ދެރަވަމޭ ރައްޔިތެއްގެ ހައްސިއްޔަތުން.. އިތުބާރުކުރެވޭ ހަމަ އެއްބަޔަކުވެސް އިސްސަފުގައެއްނެތް.
ހާމަވާ
05 January 2019
މިހާރުގެ ބަތަލުން ކުރީގަ "އަނިޔާވެރި" ޖަލުގަ ތިބެ ނެގި ސެލްފީއިން ފެންނަ ގޮތުގައި މިފަދަ ސިޔާސީ ކުށްވެރިން ބައިތިއްބަނީ ކިތަންމެހާވެސް ގައިދީންނަށް އެކަށޭނަ ތަނެއްގައި. އެހާމެ އަރާމު އެނދެއް ހުރި. ފާރުގަ ލާފަ ހުރި ކުލަވެސް އެހާ ހިތްގައިމު. އިސްތިރިއެއްވެސް ހުރި ބަހައްޓާފަ.
ނަޝްވާ
05 January 2019
މީނާއަކީ ބަލިމީހެއް ނޫން. ބަލިމީހުނަށް އެކަށީގެންވާ ތަނެއްގައި އޭނާ ބާއްވާކަށް ނުޖެހޭ. އޭނައަށް ހައްޤީ ޖަލުގައިވެސް ހުރި އެންމެ ކުޑަ ގޮޅި.
ގައުމީ ލޯބީގާ
05 January 2019
ޖަލަށް ބަދަލު ކުރީ ބަލިވީ .ގޭގަ ހުރިއިރު ޑޮކްޓަރަކަށް ދައްކާލަން ވެސް އޮޕަރޭޝަނެއްކޮއްފަ ހުރި މީހަކަށް ވަގުތުނުވި.އެހާމެ ބިޒީ ސިޔާސީ ޕާޓީ އެއް ހަދަން އުޅެން ހަދައިގެން އެމްޑީޕީ ކުދިން ކަންތައް ބޮޑުވެގެން ޖަލަށް ގެންދިއައީ އެނިކުތީ ބަލިވެގެން.
ބިރު
05 January 2019
ހަމަ ޖަލަށް ލީ ބަލިވީ އިއްތިފާގެއްބާ? އެކަމަކު އަދީބުގެ އަމަލުތައް ފެނުނީ މަކަރުވެރި ބިރުވެރިފާޑަކަށް. އަނެއްކާވެސް ސުލްހަވެރި ޒުވާނުންންނަށް ހަރަދުކުރާތަން.
މުސަޅުޖޯޑު
05 January 2019
ތީގެ އަދި އެއްތަން ހަދަންޖެހިފައެއްނު މިއޮތީ. ކިއުގަ އެބައިން ރަނގަޅު މީހެއް.
ޅިޔަނާ
05 January 2019
ބޮޑަށް ދިރުވާލާ ވަރަކަށް ދަރަޖަ މަތިވަނީ. އެހެން ބަލި ގައިދީންވެސް ގައިމު އެބަ ތިބި ކީއްވެބާ ތިކަހަލަ ފަރުވާ ނުދެނީ. ގައިމު ހަރަދުކުރަނީ ހަމަ ރައްޔިތުންގެ ފައިސާ