ވިލިމާލެ ސާފު ކުރުމުގެ ހަރަކާތުގައި ނައިބު ރައީސް ފައިސަލް ނަސީމް (ކ) އަމަލީ ގޮތުން ބައިވެރިވެވަޑައިގަންނަވަނީ. --- ފޮޓޯ: ރައީސް އޮފީސް
02 ފެބުރުއަރީ 2019 - 15:29
9 comments
ވިލިމާލެ އިން 35 ޓަނަށް ވުރެ ގިނަ ކުނި މިއަދު ނަގައިފި އެވެ.
"ސާފު ރާއްޖެ-އަހަރެންގެ ވެސް ޒިންމާ" ކެމްޕެއިން ގައި ވިލިމާލެ ސާފު ކުރުމުގެ ހަރަކާތް ފައްޓަވައި ދެއްވީ ނައިބު ރައީސް ފައިސަލް ނަސީމެވެ. އެމަނިކުފާނު މި ހަރަކާތުގައި އަމަލީ ގޮތުން ބައިވެރިވެވަޑައިގެންނެވި އިރު، މާލޭ ސިޓީ ކައުންސިލްގެ މޭޔަރު ޝިފާ މުހައްމަދާއި ވެމްކޯގެ މުވައްޒަފުންނާއި ވިލިމާލޭގައި ދިރިއުޅޭ ގިނަ އަދަދެއްގެ އާންމުން ވެސް ހަރަކާތުގައި ބައިވެރިވި އެވެ.
ވިލިމާލެ ސާފު ކުރުމުގެ މަސައްކަތް ބަޔަކު މިއަދު ކުރަނީ. -- ފޮޓޯ: ރައީސް އޮފީސް
ވެމްކޯގެ އޮފިޝަލަކު ވިދާޅުވީ، މި ހަރަކާތުގައި ވިލިމާލޭގެ ގޮނޑުދޮށާއި ސިނާއީ ސަރަހައްދުތަކާއި ޕާކުތަކާއި ބައެއް މަގުތައް ވެސް ވަނީ ސާފުކޮށްފައި ކަމަށެވެ. ވިލިމާލެ ސާފު ކުރިއިރު، ކުނީގެ ގޮތުގައި ބޮޑަށް ފެނިފައިވަނީ ޕްލާސްޓިކް ކަމަށް ވެސް އޮފިޝަލް ވިދާޅުވި އެވެ.
"ޕްލާސްޓިކް ފުޅި ފަދަ ތިމާވެއްޓަށް ގެއްލުން ވާނެ ތަކެތި ފެނިފައި ވަނީ،" އޭނާ ވިދާޅުވި އެވެ.
ވިލިމާލެ ސާފު ކުރުމަށް ހިންގި ޕްރޮގްރާމްގައި ނެގި ކުނިތައް. --- ފޮޓޯ: ރައީސް އޮފީސް
ސަރުކާރުން އިއްޔެ ފެށި "ސާފު ރާއްޖެ، އަހަރެންގެ ވެސް ޒިންމާ" އަކީ ސިލްސިލާ ގޮތެއްގައި ކުރިއަށް ގެންދަން ނިންމާފައިވާ ޕްރޮގްރާމެކެވެ. އެ ޕްރޮގްރާމަށް އެންމެންގެ އެއްބާރުލުމަށް ރައީސް އިބްރާހިމް މުހައްމަދު ސޯލިހު ވަނީ އެދިވަޑައިގެންފަ އެވެ.
މުޅި ރާއްޖެ ސާފުކުރުމަށް އަމާޒުކޮށް ހިންގާ ހަރަކާތުގައި މިދިޔަ އަހަރުގެ ޑިސެމްބަރު މަހު މާލެ ސާފުކޮށް 20 ޓަނަށް ވުރެ ގިނަ ކުނި ނަގާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔަގީނޭ
03 February 2019
ވިލިމާލެ ސާފުކޮށް 35 ޓަނުގެ ކުނި ނަގައިފި ނަމަ އެކަމަކީ އެއީ ހައިރާންވާން ޖެހޭ ކަމެއް ނޫނޭ އެއިން އަންގާ ދެނީ ސިޓީ ކައުންސިލަށް ތިޔާ ކަން ނުވާކަން ސިޓީ ކައުންސިލަށް ތިޔާ ކަންވާނަމަ ތިޔާ ކުންނެއް ނުހުންނާނެއޭ 1 ޓަނު ވެސް ނަގަން ވެފައި މީ ލާމަރުކަޒީ ނިޒާމް ފެއިލްވެފައިވާ ކަމަށް މަމެން މިބުނާ ކަމަކީ ރާއްޖޭގައި ލާމަރުކަޒީ ނިޒާމް ނުހިނގާނެ ނުހިނގާނެ އެއީ ކަށަވަރުވެ ޔަގީންވާ ކަމެކޭ.
ސެހެންސާހް
03 February 2019
ނައިބު ރައީސް ގެ މާބޮޑު ބޭނުމެއްނެތެވެ. ކުނި ހޮވާފަ ދުވެފައި ނިދިމާ އެވީއެވެ. ރެސްޓް 5 އަހަރު
ބަލަމު
03 February 2019
20ސަކަށް ގެ ތަޅާލާފަ ގާކޮޅު އުކާލީ ކަމަށް ވާނީ ?
ޝާރިޢު ވަރުދީ
03 February 2019
މީގެން އެނގެނީ ގައުމުގެ ވެށި ނުސާފު މިނަވަރު
ޢަމްސް
02 February 2019
މާލޭން ވިހި ޓަނު ވިލިމާލޭން 35 ޓަނު. މަހަމަ ހައިރާން ވެއްޖެ. ކުޑަކުޑަ ރަށަކާއި ބަލާފަ ހާދަ ބައިވަރެކޭ އެއީ!! ފަރުދީ ޒިންމާއެއް ނެތީތޯ ހަމަ؟
ކަންއޮތްގޮތް
02 February 2019
ތިކަން ވަރަށްވެސް ރަނގަޅެވެ. ދެރަކަމަކީ ދެއްކުމަށް މިފަދަކަންތައް ކުރާތީއެވެ. މިކަންވެސް މިނިމުނީއެވެ! ޚަބަރުގައި ފަލަސުރުޚީ އެޅިއްޖެއެވެ! ހަމަގައިމުވެސް ތިނެޓުގޯނިތައްހޯދުމަށް ޙަރަދެއްދާނެއެވެ. އަދިގެންނާނީ މަދެއްކޮށެއްވެސްނޫނެވެ. ފަލަސުރުޚީ އެޅުނީމައި އެނިމުނީއެވެ. އެތަކެއްޗަށް ވާނުވާގޮތް ނޭނގޭނެއެވެ. ޒިންމާވާނެމީހަކު ނުހުންނާނެއެވެ. ޕެލެޓުނެގުމަށްފެށިކަންތައްވެސް ބޮނޑުނަގުލަށްވެ، ނިމިއްޖެކަހަލައެވެ. އަދިވެސް ޕެލެޓުފެންނަލެކެއް މަދެއްނޫނެވެ!
އަލީ!
02 February 2019
މިއިން އެގެނީ ދިވެހިންނަކީ އަދިވެސް ވަރަށް ނާތަހުޒީބު ބައެއްކަން. ނަންވާނީ ބަންގާޅީން!
ލޯމާފާނު
02 February 2019
ރައީސަކާއި ނާއިބެއް އިންތިޚާބު މި ކުރީ ގަސް އިންދާފަ، ކުނި ކަހާފަ، ރަށް ވަށާ ކޮންމެ ދުވަަހަކު ދުވަން.
ރިޕްބްލިކް އޮފް ސޭންޑު ބީޗަސް
02 February 2019
ޓޫރިސްޓުން އައިސް ފައިބާހަދާ ޖޭޓީ ބަލާބަ. މާލޭ މަސްމާރުކޭޓް ޖެޓީ އާއި މޫދު ބަލާބަ. މުޅިހިސާބުގަ ކުންޏާ އުކާލާފަ ހުންނަފުޅި. އެ ހިސާބު އޮންނަނީ އެއްކޮށް ކިލަނބުވެފަ. ބައެއްމީހުން ޓޫރިސްޓޫން ބުނާކަމަށްވަނީ މިގޮތައް ހަދައިގެން ނުވާނެނުންހޭ. އެމީހުން ރާއްޖޭގެ ނާޒުކު ޓްއަރިޒަމާމެދު ވިސްނާ އަހަރުމެން ނުވިސްނާވަރަށް.