ނިހާން މާދަމާ ރޭ ފުލުސް އޮފީހަށް ހާޒިރުވާން އަންގައި ފޮނުވި ޗިޓު އޭނާ މިއަދު ބައްލަވަނީ.---ފޮޓޯ: އަހުމަދު ނިޝާތު/މިހާރު
21 ފެބުރުއަރީ 2019 - 17:33
43 comments
ކުރީގެ ރައީސް އަބްދުﷲ ޔާމީން މިނިވަން ކުރުމަށް ގޮވާލައި، ޕީޕީއެމް/ކޮންގްރެސް ޕާޓީން ރޭ ބޭއްވި މުޒާހަރާގެ ތެރޭގައި، ފުލުހުންގެ ވެހިކަލެއްގެ ފުރޮޅެއް ކައިރީގައި، ޕީޕީއެމްގެ ޕާލަމެންޓްރީ ގުރޫޕުގެ ލީޑަރު އަހުމަދު ނިހާން ގާބުރިއެއް ބޭއްވެވި މައްސަލައިގައި އޭނާ މާދަމާ ރޭ ފުލުހުންގެ އިދާރާ އަށް ހާޒިރުވާން އަންގައި މިއަދު ޗިޓު ފޮނުވައިފި އެވެ.
ނިހާންގެ މައްޗަށް ފުލުހުން ކުރަނީ ފުލުހުންގެ ވާޖިބަށް ހުރަސް އެޅިކަމުގެ ތުހުމަތެވެ.
އެ މައްސަލައިގައި، ސުވާލުކޮށް، ތަހުގީގަށް މައުލޫމާތު ހޯދުމަށް ނިހާން ފުލުސް އޮފީހަށް ހާޒިރުވާން އަންގާފައި ވަނީ މާދަމާ ރޭ 8:30 އަށެވެ. އެކަމަށް 1 ގަޑިއިރާއި 30 މިނެޓް ހޭދަ ވާނެ ކަމަށް ވެސް ޗިޓުގައި ބުނެފައިވެ އެވެ.
އެމްޓީސީސީ ސޯމިލް އިމާރާތް ކައިރި އަށް އިދިކޮޅު މީހުން ރޭ އެއްވެފައި ތިއްބައި، އެތަނުގެ ތެރޭގައި އޮތް ފުލުހުންގެ ވެހިކަލް ދަށުގައި ވިލިމާލެ ދާއިރާގެ މެމްބަރު ނިހާން ގާ ބުރިއެއް ބާއްވަން އުޅުމުން އެކަން ހުއްޓުވުމަށް އެތަނުގައި ހުރި އަންހެނަކު މަސައްކަތް ކުރި އެވެ. ނަމަވެސް، ގާބުރި ބޭއްވުމަށް ފަހު ސަޕޯޓަރުންނާ އެކު ނިހާން އެތަނުން ދުރަށް ވަޑައިގަތީ އެވެ.
އެ ވީޑިއޯ އާއްމުވުމުން އޭނާ ރޭ ކުރެއްވި ޓްވީޓެއްގައި ނިހާން ވިދާޅުވީ ރައްޔިތުންނަށް އަނިޔާވެދާނެތީ އެފަދަ ކަމަކުން ސަލާމަތްކުރުމަކީ ކޮންމެ މީހެއްގެ ވެސް ވާޖިބެއް ކަމަށެވެ. "ފުލުހުންގެ ވެހިކަލެއް ރައްޔިތުންތަކެއްގެ ތެރެއަށް ވަދެ، ފަހަތަށް ދުއްވަން އުޅެފި ނަމަ ރައްޔިތުންނަށް އަނިޔާވެދާނެތީ އެފަދަ ކަމަކުން ރައްޔިތުން ސަލާމަތްކުރުމަކީ ކޮންމެ މީހެއްގެ ވެސް ވާޖިބެކެވެ،" ރައްޔިތުންގެ މަޖިލިހުގެ މެޖޯރިޓީ ލީޑަރު ނިހާން ވިދާޅުވި އެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި ނިހާން ވަނީ ޗާންދަނީ މަގުގައި އޮތް އެއްވުމެއްގައި ފުލުހުންގެ ސަފުތެރެއަށް ވަދެ ހަމަނުޖެހުން ހިންގައިފަ އެވެ. އެ މައްސަލައިގައި އޭނާއާ ދޭތެރޭ ފިޔަވަޅެއް އަޅާފައިނުވާތީ ވެސް ބައެއް މީހުންގެ ފާޑުކިޔުން އޭރު ވެސް އަމާޒުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮޔަ ގާސިމް
22 February 2019
ނިހާނޫ ކައެ ބެދެނީ...... ހަ ހަ ހަ ހަ......
ޢެޖި
22 February 2019
ބެރިކޭޑް މަތިން ފުންމާލީމަވެސް އަދި ޕޮލިސް ވެހިކަލެއްގެ ފުރޮޅުދަށަށް ގަލެއްލާ މީހުންގެ މޫނަށްކޯދޮވެ މިވެސް ޕީޖީ ލީޑަރެކޭ ބުނީމަ ލަނދުގަނޭ.... ފިޔަވަޅު އަޅަންޖެހޭ ހަމަ މަހުލޫފްވެސް ކުށްވެރިވެ ހުކުމް ތަންފީޒުކުރި... ހްމަހަމަވާންޖެހޭ..
ރިޝާ
22 February 2019
ޤާނޫނު ތަންފީޒުކޮށް ގައުމު ހަލިބޮލިކުރަން ފުރުސަތު ނުދޭތި. މިދިޔަ 5 އަހަރު ޖަލްސާ ބާއްވާލަން ކާނިވަ ދޭން އެދޭއިރު އަބަދު އޮތީ ކަމަކަށް ނަގާފަ. ކުރީރޭ ފުރުސަތު ދިނީމަ މައްސަލައަކީ. ކަނޑުމތީ ނޫނީ އުމުރާއަަކަށް ގޮސްގެން ނުންގޮތަކަށް މިމީހުނަށް އެއްވެވިގެން ނުވާނެ.
ޖިނާޙް
21 February 2019
ހޮސްޕިޓަލު ތެރެގަ މުޒާހިރާ ކުރަން ފުރުސަތު ދެވިގެން ނުވާނެ. މިމީހުންގެ ލީޑަރު ކުރިން ބުނެފަވަނީ އެއްވާން ބޭނުމިއްޔާ ހައްޖަށްދިއުމަށް.
ޝޮކްތެރަޕީ
21 February 2019
މިސަރުކާރު ހިންގަނީ ޔަހޫދީން ނަމޫނާއަކަ ދެކިގެން. ދެރަ
ޖަމްޝީދް
21 February 2019
މާދަމާ މަ ހައްޔަރުކުރަން އަންނަ ފުލުހުންގެ ސައިކަލު ފުރޮޅު ފަޅާލާފަ ބުނަންވީ ދިވެހި ރައްޔިތެއް ގައިގަ ސައިކަލުން ޖެހިދާނެތީ ފުރޮޅު ފަޅާލީއޭ. ދިވެހިރައްޔިތަކު ވަގަށް ނަގާފަނެތީ އަމިއްލަ އެކައުންޓްގަ ބަހައްޓާލީއޭ.
ބުރަކި
21 February 2019
ޚކޮންމެ ވެރިކަމެއް ފެށޭއިރައް އަވަސް އަވަހައ ބަދަލު ހިފުމުގެ ރަުހު ރަށުތެރެ ހަލަބޮލިކުރަން ނޫން ދެވެނަ ކަމެއްނޫން ދެން ހުރިހާކަމެއް ހުއްޓާފަ އެންމެން މިކަމާ
ޢާސިދާ
21 February 2019
ޓތީތި ޖައްސަން ބޭނުންވާ މަޅި މިގައުމުގަ ފުލުހުން މިބޭނުންކުރާ ގޮތެއްދޯ ހަމަ އަޖައިބު ވެދޭނެ .އެއިރަކުއޮންނަ ވެރިކަމުންރާވާ މިކަހަލަ ކޫސަނި މިސަންތަކައް މީއެކަމަކު ރައްޔިތުންގެ ހިމާޔަތުގައި ތިބޭ ބައެކޭ ބުނަނީ ކީކޭތޯ
ާނިހާނު ދެކެ ފޫހިވާ
21 February 2019
ވިސްނުމެއްނެތި ކޮށްފި ކަމަކުން އެެެންމެފަހަރަކު ދޭހުގާ ގިސްލަމުން ކަރުނަ އޮއްސަން ޖެހިދެޔޭ އުމުރަށް މުޅިން ނިހާނުކޮށްފައިވާ ހުރިހާ ކުށަކަށް އަދަބުދިނުމަށް ގޮވާލަން ދޫއޮތިއްޔާ ކާޅެއްނުކާނޭ ހީވާފަދަ ބޮޑާ ބެއަށް
ސަކީނާ
21 February 2019
ބެރިކޭޑް މަތިން ފުންމާލި މައްސަލަވެސް
ކިނބޫ
21 February 2019
އެ މައްސަލަ ބަލައިގެން ނުވާނެ. އޭރުން އަހަރުމެންގެ ރީލޯޑޭގެ މައްސަލަވެސް އޭގެތެރޭ ބަލަން ޖެހިދާނެ. ކަމަކު ނުދާނެ.