ރާއްޖޭގެ ބަޔަކު ހައްޖުގެ އަޅުކަމުގައި: ޕެންޝަން ފައިސާ އިން ހައްޖަށް ދެވޭ އިސްލާހު ވަނީ ތަސްދީގު ކުރައްވާފައި --ފޮޓޯ/މިހާރު
10 މާޗް 2019 - 22:32
15 comments
ހައްޖުގެ އަޅުކަން އަދާކުރުމަށްޓަކައި ޕެންޝަން ފަންޑުގެ ފައިސާ ބޭނުން ކުރެވޭ ގޮތަށް ޕެންޝަނާ ބެހޭ ގާނޫނަށް ގެނައި އިސްލާހު ރައީސް އިބްރާހިމް މުހައްމަދު ސޯލިހް މިއަދު ތަސްދީގު ކުރައްވައިފި އެވެ.
ހައްޖުގެ އަޅުކަން އަދާކުރަން ރިޓަޔާމަންޓް ޕެންޝަން ސްކީމްގެ ބައިވެރިންނަށް ފައިސާ ދޫކުރެވޭ ގޮތަށް ޕެންޝަނާ ބެހޭ ގާނޫނަށް އިސްލާހު ގެންނަން ރައްޔިތުންގެ މަޖިލިހަށް ހުށަހެޅީ ސަރުކާރުގެ ފަރާތުންނެވެ. އެ ބިލް މަޖިލިހުން ފާސްކުރީ މިދިޔަ މަހު އެވެ.
އެ ބިލް ރައީސް މިއަދު ތަސްދީގު ކުރައްވައި، ގާނޫނަކަށް ވުމާ އެކު ހައްޖަށް ދިއުމަށް ޕެންޝަން ފަންޑުން ފައިސާ ދޫކުރެވޭނެ އުސޫލުތައް ކަނޑައަޅައި ތިން މަސް ތެރޭގައި އާންމު ކުރަން ޖެހޭނެ އެވެ. އެކަމާ ގުޅޭ އުސޫލުތައް އެކުލަވައިލާނީ ޕެންޝަން އޮފީހުގެ ބޯޑުންނެވެ.
ހައްޖަށް ދިއުމަށް ޕެންޝަން ފަންޑުގެ ފައިސާ ބޭނުން ކުރެވޭ ގޮތް ހެދުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދެކެވެ.
ޕެންޝަން ސްކީމްގައި ބައިވެރިވެފައި ތިބި މީހުންގެ ތެރެއިން ހައްޖުގެ އަޅުކަން އަދާކުރަން ސޭވިން އެކައުންޓުން ފައިސާ ދޫކުރެވޭނީ އަލަށް ހައްޖަށް ދާ މީހުންނަށް އެކަންޏެވެ. އެކަމަކު، ބޭނުން ކުރެވޭނީ އެ އަހަރަކު ހައްޖަށް ދާން ދައްކަން ޖެހޭ ރަސްމީ އަގުގެ ގޮތުގައި ސަރުކާރުން ކަނޑައަޅާ އަދަދުގެ 50 ޕަސަންޓް ކަމަށް ވެސް ގާނޫނަށް ގެނައި އިސްލާހުގައި ވެ އެވެ.
މީގެ އިތުރުން، އުމުރުން ދުވަސްވީ މީހުންނަށް އަސާސީ ޕެންޝަންގެ ގޮތުގައި 5،000ރ. ދިނުމަށް ވެސް ގާނޫނު ވަނީ އިސްލާހުކޮށްފަ އެވެ. ގާނޫނުގައި މިހާރު އޮންނަ ގޮތުން ދެނީ 2،000ރ. އެވެ. ނަމަވެސް ކުރީގެ ރައީސް އަަބްދުﷲ ޔާމީންގެ ސަރުކާރުން ފެށިގެން އުމުރުން ދުވަސްވީ މީހުންނަށް 5،000ރ. ދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާފުޅު
11 March 2019
ޕެންޝަން ފަންޑުން ޙައްޖަށްދެވޭ ބުނާނަމަ 100% ދައްކައިދޭން ޖެހޭނެއެވެ. އެއްބައި ދީފައި ޙައްޖަށްދެވޭ ބުނުމުން ކަމަކު ނުދެއެވެ. އޭރުން ދެވޭނީ ފުލައިޓާ ހަމައަށެވެ. ފުލައިޓަކަށް ނާރުވާނެއެވެ. އަނެއްބައި ހޯދަން ދާނީ ފަހެ ކޮންތާކަށް ހެއްޔެވެ؟ ކޮންމެ ކަމެއްގައިވެސް އެއްބައި ފުރިހަމަ ކުރަނީ ކީއްވެތޯއެވެ.
ޕެންޝަން
11 March 2019
ޕެންޝަން ފައިސާގަ ހައްޖަށް ދެވެވަރު ހުރިއްޔާ ނުދެވެންވީ ސަބަބެއް ނޭގެ. އެފައިސާ އަކީ ހަމަ މުވައްޒަފުގެ މުސާރައިނ ކަނޑާފަ ސޭވް ކުރި އެއްޗެއް...
މުހައްމަދު ރަޝީދު އަލީ
11 March 2019
މަނިކުފާނު ބިލް ތަސްދީގު ތިކުރެއްވީ މަނިކުފާނު ރައްޔަތުންނަށް ވެވަޑައިގެންނެވި ވައުދު ފުއްދޭގޮތަށް ނުވަތަ މަނިކުފާނު ވޯޓުހޯއްދަވަން ވެގެން ރައްޔަތުންނަށް ދެންނެވިގޮތަށް މަނިކުފާނު ވިދާޅުވި މަގުސަދު ރައްޔަތުންނަށް ހާސިލްވާނެ ގޮތަކަށް ތިބިލުގައި އޮތީމަތޯ...
ހަބީބު
11 March 2019
ޕެންޝަން ފައިސާ ދެހާސްރުފިޔާ އައްކުޑަކުރޭ މިނިމަމްވޭޖުގެ ގޮތުގަ ތިޔަބުނަނީ 6000 ވީމާ ތީމުޅިން ކަޑަކަމެއް
ނޫހުން
11 March 2019
މިހާރުނޫސް މޮޅިއްޔާ ބުނެބަލަ ކިހާވަރެއްގެ މުސާރަލިބޭމީހަކަށް ކިތައް އަހަރު މަސައްކަތް ކޮށްގެއް އުމުރުން ކިތައްއަހަރުގައި މިބުނާ ހައްޖުފައިސާއެއް ލިބޭނީ؟
ބޮކަރުމާ
11 March 2019
ހައްޖަކީ ފައިސާގެ ގޮތުންނާއި ޖިސްމާނީގޮތުން ކެރިކުޅަދާނަވާ މީހުންނަށް އެކަނި ދާން އޮންނަ އަޅުކަމެއް.
ގަހަނަ
11 March 2019
މިބިލް ތަސްދީގު ނުކޮށް ފޮނުވާލިނަމަ..ރައީސް އިބޫ ވައުދުވި ގޮތައް އޮތް ބިލެއްނޫން މީ..ރައީސްގެ ވައުދު ފުއްދުނީ ކަމަށް ނުވާނެ މިގޮތައް އޮވެގެން..
ހައްޖު
11 March 2019
ޤާނޫނުގައިވާ ގޮތުން ހައްޖަށް ދާން އެ 50% ލިބެނީވެސް ޕެންޝަން އެކައުންޓުގައި 336،000 (14 × 12 މަސް × 2000 ރފ ) ހުރެގެން...މުއްސަނދިންނަށް ހަދާފަ އޮތް އެއްޗެއްތިއީ.. އެހެންވީމާ ވައުދު ފުދިއްޖެ. ޝުކުރިއްޔާ ރައީސް
ޖަޒީރާމީހާ
11 March 2019
ހައްޖަކީ ކެރިކުޅަދާނަ ވެގެންވާ މީހާ އައެކަނި އޮންނަ ކަމެއް
އަބްދުއްالله
11 March 2019
މުސްކުޅިވާ ދުވަހު، ޕެންސަނު ލާރިން ބަނޑުފުރާނަ މުއްތިކޮށް، ބޯހިޔާކުރެވި، އުނު އަނދެވޭނެ. ގައިބާރުކަން ފިލާ ގޮސް، ލޯބޯކޮށިވާ ދުވަހު، ހައްޖުގެ ބޭނުން ކޮށްގެން މިކަންކަން ފުއްދާނީ ކިހިނެއް؟
މުޙައްމަދު ގާފުދާލު
11 March 2019
ކަލޯ، ތިޔަ ބުނާ އުމުރަށް ދުނިޔޭގައި ހުންނާނެ ކަމުގެ ގެރެންޓީ ދެވިދާނެތޯ. 65 އަހަރުވަންދެން ދުނިޔޭގައި ހުންނާނެ ކަމުގެ ކޮން ގެރެންޓީއެއްތޯ އޮތީ. އަހުރެމެންނަށް ހެޔޮ މުސްކުޅިވާ ދުވަހު ތި ފައިސާ ނުލިބުނަސް މިހާރު ހައްޖަށް ދެވެނިކޮށް. އޭރުން ސުވަރުގެއިން މާ ފުރިހަމަ ޕެންޝަނެއް ލިބޭނެ.
އަބްދުﷲ
11 March 2019
ވައުދު ފުއްދީ ކަމަށްބުނެ ތިއޮތީ ބަހުގެ މޮޅު ކުޅިކުޅެފަ، ވައުދުގެވެސް 50 ޕަސެންޓް ކަމަށް އަހަރެމެން ބަލާނީ.
ގޮތްކުޑޭ
10 March 2019
އެންޑީޕީ އެބުނާ މެޖޯރިޓީ ނެތަސް ރައްޔަތުންްގެ މަސްލަހަތު އޮތްކަމެއް މި ނިމުނީ. އެހެންވީމާ މެޖޯރިޓީ ނުލިބިގެން އެވެނި މިވެނި ކަމެއް ނުވާނޭ އެ ބުނަނީ އެންޑީޕީ ބޭނުންހާ ކަމެއްގެ ވާހަކަތާ!