ލަންކާގައި ބޮންތަކެއް ގޮއްވާލުމުން ސިފައިން ހަރަކާތްތެރިވަނީ: އެ ގައުމުގައި ގިނަ އަދަދެއްގެ ދިވެހިން ދިރިއުޅޭ.
21 އެޕްރީލް 2019 - 16:09
12 comments
ސްރީ ލަންކާގައި ބޮންތަކެއް ގޮއްވާލައި އެތައް ބަޔަކު މަރާލި ހަމަލާގައި، އެ ގައުމުގައި ދިރިއުޅޭ އެއްވެސް ދިވެއްސަކަށް އަނިޔާވި ކަމުގެ ރިޕޯޓެއް މިހާތަނަށް ލިބިފައި ނުވާ ކަމަށާއި ހުރިހާ ދިވެހިންގެ ހާލު ވަރަށް ގާތުން ބަލަމުން އަންނަ ކަމަށް ރާއްޖެ އިން އެ ގައުމަށް ކަނޑައަޅުއްވާފައިވާ ސަފީރު އުމަރު ރައްޒާގު މިއަދު ވިދާޅުވެއްޖެ އެވެ.
ލަންކާގެ އަށް ތަނަކަށް ދިން ބޮމުގެ ހަމަލާގައި މަރުވި މީހުންގެ އަދަދު މިހާރު ވަނީ 190 އަށް ވުރެ މަތިވެފަ އެވެ. ޒަހަމްވި މީހުންގެ އަދަދު އުޅެނީ 300 އަށް ވުރެ މަތީގަ އެވެ. މެންދުރު ފަހު ވެސް ބައެއް ސަރަހައްދުތަކުގައި ބޮން ގޮއްވި އެވެ.
ބޮން ގޮއްވި ބައެއް ސަރަހައްދުތަކަކީ ދިވެހިން އާއްމުކޮށް ގޮސް އުޅޭ ސަރަހައްދުތަކެވެ. ތައުލީމް ހާސިލްކުރުމަށާއި ބޭސްފަރުވާ އަށް ލަންކާގައި ވަޒަންވެރިވެގެން އުޅޭ ދިވެހިންގެ އާބާދީ ގާތްގަނޑަކަށް 10،000 އަށް އަރަ އެވެ.
ލަންކާގެ ހާލަތާ ގުޅޭގޮތުން ސަފީރު އުމަރު "މިހާރު" އަށް ވިދާޅުވީ ދިވެހިން ތިބީ ރައްކާތެރިކޮށް ކަމަށެވެ. ހެނދުނުއްސުރެ މެންދުރާ ހަމައަށް ވެސް އެކި ސަރަހައްދުތަކުގައި ހަމަލާދެމުން އަންނާތީ، ދިވެހިން ބޭރަށް ނުކުމެ ނޫޅެން އެމްބަސީން އިލްތިމާސްކޮށްފައިވާނެ ކަމަށް އޭނާ ވިދާޅުވި އެވެ.
ލަންކާގެ ރައީސް މައިތިރިޕާލަ ސިރިސޭނާ އަށް ސަފީރުކޮޅު ފަތްކޮޅު އުމަރު (ވ) އަރުއްވަނީ: ދިވެހިންގެ ހާލު ގާތުން ބަލަމުން އަންނަ ކަމަށް ވިދާޅުވި.
އޭނާ ވިދާޅުވި ގޮތުގައި ލަންކާގައި ތިބި ދިވެހިންނަށް ވަކިވަކިން ގުޅައި އެމްބަސީން އަންނަނީ ހާލު ބަލަމުންނެެވެ.
"އަޅުގަނޑުމެން މިހާތަނަށް ބެލިބެލުމުން އެއްވެސް ދިވެއްސަކަށް އަނިޔާއެއް، ގެއްލުމެއް ލިބުނު ކަމުގެ ރިޕޯޓެއް ނެތް. ވަރަށް މަޖުބޫރީ ހާލަތެއްގައި ނޫނީ ބޭރަށް ނުނިކުތުން މިވަގުތަށް މުހިއްމީ. އެ މެސެޖް އަޅުގަނޑުމެން ވާނީ ފޯރުކޮށްދީފައި،" ސަފީރު ވިދާޅުވި އެވެ.
"ކަމެއް ދިމާވެއްޖިއްޔާ އަޅުގަނޑުމެން އެހީވާނަން. އަޅުގަނޑުމެންގެ މިހާރު ވާނީ ހޮޓްލައިނެއް ވެސް ގާއިމްކޮށްފައި."
ލަންކާގައި ދިން ހަމަލާތަކާ ގުޅިގެން އެގްޒާމްތައް ފަސްކޮށް، ސްކޫލްތަކާއި ކޮލެޖްތައް ވަނީ ދެ ދުވަހަށް ބަންދުކޮށްފަ އެވެ. އެ ގައުމުގައި ވަނީ ވަކި މުއްދަތެއް ނެތް ގޮތަށް ކާފިއު ވެސް އިއުލާންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަފީސާ ސޯދިގު
22 April 2019
ގާތުން ބަލަނީ ޓެލެސްކޯޕް އަޅައިގެންތަ ؟ ނޫނީ މައިކްރޮސްކޯޕް ގެ ޒަރިއްޔާ އިންތަ ؟ މަމީ 20 އަހަރު ލަންކާގަ އުޅޭތާ ވެއްޖެ މީހެއް. ޢެންމެންހެން ދަންނާނެ. ގައިމު އެކަކަށް ވެސް ގުޅާލި ނަމަ މަގޭ ކައިރި ބުނާނެ. ކޮން ބުހުތާން ދޮގެއް ހަދާކަށް ؟ އިބޫ އަށް ގޮވާލަން. މި އުމަރު އިސްތިއުފާ ދިނުމަށް އޭނާ އަށް އެންގަވައިދެއްވާ ! މިވަރު ކަމެއް ވާއިރު މި އެމްބެސެޑަރ އުމަރު ގެ ހިލަމެއް ވާން ރަގަަޅެއްނު !!!!!؟؟
މުހައްމަދު އަލީ
22 April 2019
ވިސާ ހޯދާ އެމްބަސީ ގެ ހުއްދަ ލިބެނީ ފޯނު ނަންބަރު ވެސް ދީގެން. އުމަރު އެންމެ މީހަކަށް ވެސް ގުޅިތޯ މިފަހަރު ވަކިވަކިން ދިވެހިން ކައިރި އަހާ ސީރިއަސް ކޮން ހޯދާ ނަން. އަހްމަދު ހަލީލް އަށް ވެސް މި އުމަރަކީ ދޮގު ހެދި މީހެއް ކަން އިގެން ޖެހޭނެ. މި އުމަރު އެބަޖެހޭ ބަދަލު ކުރަން. އާސަންތަ އިން މީހުން އައިސް ތަޅައިގަންނަ ދަރަޖަ އަށް ދިޔަ ޖަލްސާ އަކަށް ވެސް އެމްބެސެޑަރ އުމަރު ނާދޭ. ކީއްކުރަން އަހަރުމެންގެ ޖީބުން ބޮޑު މުސާރަ ދޭ މީހެއް ؟؟؟؟
އެމްސް
22 April 2019
ކޮން ޙާލެއްބާ ބެލޭނީ، ތި ތަނަކީ ރަސްމީ ގަޑީގަވެސް ފޯނު ނުނަގާ ތަނެއް!
ގަމާރުސްތާން
22 April 2019
ގާތުން ބަލަނީ އަނގައިން. ލަންކާގާ ދިރި ޢުޅޭ މީހުންގެ ފޮނު ނަމްބަރުތަށް ހުންނާނެ. ކިތަށް މީހުންނަ އެމްބަސީން ގުޅީ. ލަންކާގާ ހުންނަ އެމްބސީ އަކީ ބޭކާރު ގޮތުގާ ސަރުކާރުގެ ފައިސާ ޚަރަދު ކުރާ ތަނެއް. ބޭކާރު ވަޒީފާ ތަކާ އެކި ނަމުގާ ގެ މަގާމުތަށް ހަދައިގެން ރަށްފުށުގެ ގަސްދަށު ޖޯލި ފައްޗަ އެންބަސީ އާ ސޯޝަލް ސެންޓަރެއް ހަދައިގެން އުޅޭ ތަނެއް.
ނަބީލާ/ލަންކާ
21 April 2019
ހުސް ދޮގު. މީނާގެ ހިލަމެއް ވެސް ނުވޭ. މިއަދު ހާލުގަ ޖެހިގެން 35 ގުޅީން. ސީދާ މީނާގެ ނަންބަރަށް. އާދޭސް ކޮށްފަ 5 އެސްއެމްއެސް ފޮނުވީން. ހަބަރެއް ނުވި. ކުރިން ވެސް ފަރުވާ ކުޑަ މީހެއް މީނާ އަކީ. މީނާ ބަދަލު ކޮށްދެއްވާ !!!!!
އަމާމިތުރު
21 April 2019
ކަލޭ ދެން ހުރިހާ ތާކަށް އުނދުޅި ބާނަން ޖެހޭތަ. ނޫސްވެރިން އެމީހުންގެ މަސައްކަތް އެބަކުރެޔޭ
މުޖުތަމައުގެޒިންމާ
23 April 2019
ބަލަ،އެތާ އެތިބީ އަހަރުމެންނާ އެއްލޭ ހިނގާ އަހަރުމެންގެ މައިންބަފައިން ދަރިން ދައްތައިން ބޭބެއިން ކޮއްކޮމެންނޭ. އެމީހުންގެ ކަންކަން ނޫސްވެރިންނާ ވަކީލުކޮށްލާފަ ތިބޭކަށްނުޖެހެޔޭ. ރައްޔިތުންގެ ފައިސާއިން ބޮޑުމުސާރަ ދީފަ ލައްވާފަ ތިބި މީހުން ވާޖިބުއަދާނުކޮށް މަކަރާހީލަތް ހަދާ ދޮގުހަދާއިރު ނޭނގޭކަމަށް ހަދާލާފަ ތިބޭކަށް.
ނާޒިމާ/ލަންކާ
21 April 2019
ހުސް ދޮގު. މީނާ އަކީ އެއްވެސް ދިވެއްސަކާ އަޅާލާ މީހެއް ނޫން. ވަރަށް ފަރުވާ ކުޑަ މީހެއް. ހޮޓްލައިން އިން 2 ނަންބަރުން އެއް ނަންބަރަކީ ކަނޑާލާފައިވާ ނަންބަރެއް. މިއީ މީނާގެ ހާލަކީ. ބޮޑު އުނދަގުލެއް މީނާ އާއި ހެދި.
ސަންޕަ އަހަންމަދު
21 April 2019
ރާއްޖޭގައި ހުރިހާކަމެއްވެސް ބަލާނީ ވަރަށް ގާތުން. ދުވަހަކުވެސް ދުރަކުންނުބަލާނެ.
ހުރިހާކަމެއްވެސް
21 April 2019
އަޖައިބެންނުން ފޯރިމެރުމަކީ ސަލަމާތީކަންކަން ވަރުގަދުކުރުމެއްނޫން! ރާއްޖޭގައި ހުރިހާކަމެއްވެސް ބަލާނީ ވަރަށް ގާތުން. ދުވަހަކުވެސް ދުރަކުންނުބަލާނެ.
ޙަބީބު
21 April 2019
ދިވެހިއަސްކަރިއްޔާ އަބަދުވެސް ތައްޔާރީ ހާލަތުގަ ތިބުމަކީ ވަރައްމުހިންމުކަމެއް ގިނަފަހައް ހަމަލާދޭނީ ނޭނގިތިއްބާ ރިސޯޓު ތަކަކީ ޓެރެރިސްޓުންގެ މައިޓާގެޓު ކަނޑުމަގުން ދުއްވާބޯޓުފަހަރާ އޮޑިފަހަރުވެސް ދޭތެރެދޭތެރެއިން ޗެކުކުރަންވާނެ ބިދޭސީން އޮޑިފަހަރު ދުއްވުން މަނާކުރަންވާނެ
މަރޭމިތުރު
21 April 2019
ޒަހަމްވި މީހުންގެ އަދަދު400 އަރާ، ފޮރިނަރުންގެ އަދަދު ސާފެއްނުވޭ އެއްވަޔަކުބުނޭ 9 އެއް ކަމަށް. އެކަމަކު އެއަށްވުރެ ގިނަވާނެ!