15 އަހަރުގެ ކުއްޖާ ވިއްސީ ގޭގައި، އެކަކު ހައްޔަރުކޮށްފި

ފުލުހުންގެ މައި އިދާރާ: ކުޑަ ކުއްޖަކު ވިހެއި ދަރިފުޅު މަރުވި މައްސަލަ ފުލުހުން އަންނަނީ ތަހުގީގު ކުރަމުން. -- މިހާރު ފޮޓޯ

ފަޒީނާ އަހުމަދު، މިހާރު

14 މެއި 2019 - 12:31

30 comments

ރާއްޖޭގައި އުމުރުން 15 އަހަރުގެ ކުއްޖަކު ވިހެއި ދަރިފުޅު އިއްޔެ މަރުވިއިރު، އެ ކުއްޖާ ވިއްސީ އެ ރަށުގެ ސިއްހީ މަރުކަޒަށް ނުގެން ގޮސް ގޭގައި ކަން "މިހާރު" އަށް އެނގިއްޖެ އެވެ.

ފުލުހުން ތަހުގީގުކުރާ އެ މައްސަލައިގައި ހިމެނެނީ ކުޑަކުއްޖަކަށް ވާތީ، އެއްވެސް ތަފްސީލެއް ފުލުހުން ހާމައެއް ނުކުރެ އެވެ.

އެކަމަކު، މައުލޫމާތު އެނގޭ ބައެއް މީހުން "މިހާރު" އަށް ކިޔައިދިން ގޮތުގައި، އުމުރުން 14 އަހަރުގައި ބަލިވެ އިން އެ ކުއްޖާ ވިހެއީ ދިރިއުޅޭ ގޭގެ ފާޚާނާތެރެ އަށެވެ. ދުވަސްފުރައި ވިހެއި ދަރިފުޅު މަރުވީ ވިހެއުމުގެ ތެރޭގައި ކަމެއް ނުވަތަ ވިހާފައި މަރާލީ ކަމެއް އަދި ސާފެއް ނުވެ އެވެ.

އޭނާ ވިއްސުމުގައި އާއިލާ މީހަކާއި ރައްޓެހިވެގެން އުޅޭ މީހާގެ ބައިވެރިވުން އޮތް ކަމަށް ތުހުމަތު ކުރެ އެވެ. މި މައްސަލައާ ގުޅިގެން ފުލުހުން ހައްޔަރުކުރީ، އެނގިފައިވާ ގޮތުގައި، ރައްޓެހިވެގެން އުޅުނު މީހާ އެވެ. އެކަމަކު މިކަން ވެސް ފުލުހުން ކަށަވަރެއް ކޮށެއް ނުދެ އެވެ.

ޅަ އުމުރުގައި، ބަލިވެ އިނުމާއި އަމިއްލަ އަށް ވިހެއުމަކީ ސިއްހީ ގޮތުން ރައްކާތެރި ކަމެއް ނޫނެވެ.

އެނގިފައިވާ ގޮތުގައި، އިއްޔެ މެންދުރެއްހާ އިރު އެ ކުއްޖާ ސިއްހީ މަރުކަޒަށް ގެންދިޔައީ، ވިހެއުމަށް ފަހު ދަރިފުޅުގެ ފޫޅު ބުރިކޮށްލަން އުޅުމުގެ ތެރޭގައި ދިމާވި ކަމެއްގެ ސަބަބުން ލޭ މަނާ ނުވެގެންނެވެ.

ސިއްހީ މަރުކަޒަށް ގެންގޮސް ލޭ އަޅަން ޖެހުނު ކަމަށް ވެސް ވެ އެވެ.

އެތަނުން އެކަށީގެންވާ ފަރުވާ ދެވެން ނެތިގެން، ސީ އެމްބިއުލާންސްގައި އެ ކުއްޖާ ވަނީ ވަގުތުން މާލެ ގެނެސްފަ އެވެ. އޭނާ ވިހެއި ކުއްޖާ ވެސް ފުލުހުންގެ ބެލުމުގެ ދަށުން މާލެ ގެނަ އެވެ.

އާއިލާ އެކު ދިރިއުޅެމުން އައި 15 އަހަރުގެ ކުއްޖާ ބަލިވެ އިން ކަމެއް ރަށުގެ މީހުންނަކަށް ނޭނގެ އެވެ. ގްރޭޑް ނުވައެއްގައި ކިޔަވާ އެ ކުއްޖާ ވަރަށް ފަހަކާ ޖެހެންދެން ވެސް ސްކޫލަށް ދިޔަ ކަމަށް މައުލޫމާތު އެނގޭ ބައެއް މީހުން ބުންޏެވެ.

ކުޑަ ކުއްޖަކު ވިހެއުމާއި އޭނާގެ ދަރިފުޅު މަރުވި މައްސަލަ ސީރިއަސް ކަމެއްގެ ގޮތުގައި ފުލުހުން އަންނަނީ ތަހުގީގު ކުރަމުންނެވެ.

ކުށްކުރުން ފުލުހުން ކުޑަކުދިން ކުޑަކުދިންނަށް އަނިޔާކުރުން މާބަނޑުވުން

30 ކޮމެންޓް, 186 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިމަނާ

16 May 2019

ރަށުގެ މީހުން ދީނީ ހޭލުންތެރިކަން ކުޑަވީމާ ވާގޮތެއް އެއީ. ދީނީ ޢިލްމުވެރިންނާ. ޖުޑިސަރީގެ ޒިންމާއެއް ވަކިކުޑައެއްނޫން. މިކަހަލަ ކަންތައް ހުއްޓުވުމަށް އަދިވެސް މަސައްކަތެއް ކުރަމާހިނގާ. ސދތ ބަދަލުކުރަންވީ. ކަމެއްނުވާމީހުން ދުރުކުރުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެން..!

15 May 2019

އެންމެ ރަނގަޅު ގޮތަކީ ޒިނޭ ނުކުރުން..ޒިނޭއާއި ދުރުވާނެ ގޮތަށް އަމަލުތައް ބެހެއްޓުން..އެކަމު ހަޤީޤަތަކީ މިއީ ވާކަންކަން ހަމަ ހުރިހާ މުޖުތަމައުއެއްގަވެސް..އެނޫން ގޮތަކަށް ޤަބޫލުކުރުމާއި ހަޤީޤަތަށް ކަނު ވުން ދޫކޮށްލަންޖެހޭ އެބަ..މިފަދަ ހާލަތެއްގައި އެންމެ މުހިންމީ ސަލާމަތްތެރި ރައްކާތެރި ގޮތެއް އިޚްތިޔާރުކުރުން..ކޮންފިޑެންޝިއޭލިޓީ ޔަޤީންކޮށް އެހީތެރިވާނެ ފަރާތެއް ހުންނަންޖެހޭ..އަދަބު ނުދޭށެކޭ ނޫން..ނޫނީ ޑެސްޕަރެޓްވެގެން ކުރެވޭނީ ގޯސްކޮށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމު

15 May 2019

" ކައިވެނިން ބޭރުން ގުޅުން ހިންގުން " މީ ދިވެހިންގެ ތެރޭގައި އަބަދު ހިނގާ އެންމެން ދަންނަ ދައްކަން ބޭނުން ނުވާވާހަކަތަށް. ޖަހާ ކޮމެންޓްތަށް ބްލޮކް ކުރިޔަސް މިއީ ހަޤީގަތް. މިކަހަލަ ވާހަކަތަށް ހާމަކޮއް ބަހުސް ކޮއްގެން ކަންތަށްތައް ރަނގަޅުވާނީ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭއިންސާފު

15 May 2019

ޒިނޭ ނުކުރާށޭ. ގިނަފަހަރަށް ފަލީހަވަނީ ވެސް އަދަބު ލިބެނީވެސް އަންހެން މީހާއަށް އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 May 2019

ކައިވެނިން ބޭރުން ގުޅުން ހިންގަން މަގުފަހިވާ ފަދަ ކަން ކަން ކުރުމަށް މައިން ބަފައިން ގަބޫލު ވާނެ ކަމެއްނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެ

14 May 2019

މުޅި ދުނިޔެއޭ ކީއްވެތަ ނުބުނީ.. ޒިނޭ ކުރަނީ އެގިތިބެ... ޒިނޭގެހައްގު އަދަބު ދިނީމަ ތިކަން ހުއްޓުވޭނީ... މުޖްތަމައު ބުނެގރނެއް ނޫން އޭން ޒިނޭކުރީ.. ދެން އިސްލާމްދީނުގަ އަންހެނުން އެއީ ބާލިގް ވީމަ..މ އެކަމް ރާއްޖޭގަ ކުޑަކުދިން .. ބަލަ ތައްތު ކުދިންނައް ހަދާ ބޮޑެތި އަންހެނުން ޅިކޮއް ގެންގުޅެން ވެއްޖެޔާ ތި ހުރިހާ ހަޑިއެއްވެސް ހާވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިނޭ ފިރިހެނާ

15 May 2019

ޒިނޭކުރި ފިރިހެނާއަށް ފުރިހަމަ އަދަބު ލިބެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމުއްދީން ބާޝާ

14 May 2019

ނަޝީދު ބުނާގޮތަށް ނުވިހާގޮތް ހެދީމާތަ މިކަން ހައްލުވާނީ؟ ނޫން އޭނާ ބުނާގޮތަށް ނެހެދީމާ މިކަން ހައްލުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުކޮސް

14 May 2019

ކޮބާބާ މަރުވި ކުއްޖާގެ ބައްޕަ؟؟ އަބަދުވެސް ދައްކާނީ ރަށްމެދަށް ވިހާ އަންހެނާގެ ވާހަކަ އެކަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަކަސް

14 May 2019

ރޯދަ ވީއްލާލައިގެން އަދި އެއް ފަހަރު އާޓިކަލް ރަނގަޅަށް ކިޔާލަބަލަ. ލޮލަށް ގޮވީމަ ގޮވާ މީހާ ނުބައި ވާނީ...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ކުޑަސޮރު

14 May 2019

ކ‫ުއްޖާގެ މައުލޫމާތު ނުދިނަސް ތިކަމުގައި ވާގިވެރިވި އެހެން މީހުންގެ މައުލޫމާތު އާންމުކުރަން ޖެހޭ. އަނެއްކާ އެ ވެސް އުމުރު ހަމަނުވާ ކުޑަކުދީންތަކަކީބާ?