މޫދުގައި މީހަކު ޑައިވް ކުރަނީ: ޑައިވިނަށް ދިޔަ ޓޫރިސްޓަކު މިއަދު ވަނީ ޒަހަމްވެފައި
08 ޖޫން 2019 - 11:51
5 comments
ޕެރެޑައިސް އައިލެންޑް ރިސޯޓު ކައިރިއަށް ޑައިވިނަށް ދިޔަ ޓޫރިސްޓެއްގައި ފައިގައި، އެ ރިސޯޓުގެ ދޯންޏެއްގެ ބުރަފަތިން ޖެހި މިއަދު ވަރަށް ބޮޑަށް ޒަހަމްވެއްޖެ އެވެ.
ފުލުސް އޮފީހުން ބުނީ މިއަދު ހެނދުނު، ޕެރެޑައިސް ކައިރީގައި އޮންނަ މަންތާ ޕޮއިންޓަށް ޑައިވިނަށް ގޮސް އުޅެނިކޮށް ޒަހަމްވީ އެނބޫދޫފިނޮޅު ޑައިވިން ސްކޫލުން ދިޔަ ޖަރުމަނު މީހެއް ކަމަށެވެ.
އެ އެކްސިޑެންޓް ހިނގުމާ އެކު، ޕެރަޑައިސް ރިސޯޓުން ވަނީ އެ މީހާ ޓްރީޓޮޕް ހޮސްޕިޓަލަށް ގެންގޮސް ފަރުވާ ދޭން ފަށައިފަ އެވެ. އަދި އެ އެކްސިޑެންޓް ތަހުގީގު ކުރަމުން އަންނަ ކަމަށް ފުލުހުން ބުންޏެވެ.
ދޯނީގެ ބުރަފަތީގައި ޖެހިގެން ދޭތެރެ ދޭތެރެއިން ނުރައްކާތެރި އެކްސިޑެންޓްތައް ހިނގަ އެވެ. އެގޮތުން ވަރަށް ފަހުން ވަނީ ބުރަފަތީގައި ޖެހިގެން ބިދޭސީއަކު މަރު ވެސް ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިރުޓޭ
09 June 2019
ހުރޭނޫންތަ ބުރަފަތީގެ ބޭރުގަ ހަރުކުރާ ވައްތަރުގެ ފާޑެއްގެ ކޮށްޓެއް، ދަނގަޑުން ހަދާފަ ހުންނަ! އޭރުން ކޮންމެވެސް ވަރެއްގެ ސޭފްޓީ އެއް ފޯރުކޮށްދެވޭނެ އެއްނު!
ޖުލައި
08 June 2019
ޑައިވިން ދޯނިތަކުގަ ޕްރޮޕެލަރ ގާޑު އަޅުވަން މަޖުބޫރު ކުރާނީ ކިތައް މީހުން މަރުވީމަ ބާ. މިކަހަލަ އެކްސިޑެންުތަށް ހުއްޓުވުމަށް އޮތް ނުލާހިކު ފަސޭހަ ހައްލެއް ބުރފަތީގަ ކޮށިގަނޑު ހަރުކުރުން
ބަރާބަރު
08 June 2019
އެބޫދޫ ވިލެޖް އޭ... ފިނޮޅެއް ނޫނޭ...
ހަސަން ނުވަވަނަ
08 June 2019
އެހެންވީމަ ޖަޒީރާ ރާއްޖޭގަ އިންޖީނު ނުލާ ރިޔާ ނަގައިގެން ދޯނި ދަތުރުކުރާ ގޮތަށް ހަދަންވީ
ކުއްލި
08 June 2019
މި ޙަބަރުގެ ފޮޓޯގައި މިއޮތީ މޫދު ބަޑިއެއް ހިފައިގެން އޮތްމީހެއް .. މިއީ ރާއްޖޭގައި މުޅިން މަނާކަމެއް؟