އެސިސްޓެންޓް ރެޖިސްޓްރާ އައްޔަން ކުރުމުގައި އިޖްރާއާތާ ޚިލާފް ކަމެއް ނެތް ކަމަށް ސުޕްރީމް ކޯޓުން ނިިންމައިފި
ހައި ކޯޓުގެ އެސިސްޓެންޓް ރެޖިސްޓްރާ ފާރިޝް: އޭނާ އެ މަގާމަށް އައްޔަން ކުރުމުގައި ގޯސް އިޖްރާއާތެއް ނެތް ކަމަށް ސުޕްރީމް ކޯޓުން ވަނީ ނިންމާފައި -- ފޮޓޯ/ފޭސްބުކް
10 ޖޫން 2019 - 18:10
9 comments
ހައި ކޯޓުގެ އެސިސްޓެންޓް ރެޖިސްޓްރާ އައްޔަން ކުރުމުގައި އިޖްރާއާތުތަކާ ޚިލާފް ކަމެއް ނެތް ކަމަށް ސުޕްރީމް ކޯޓުން ނިންމައިފި އެވެ.
ހައި ކޯޓުގެ އެސިސްޓެންޓް ރެޖިސްޓްރާގެ ކަމަށް މިދިޔަ މާޗް މަހު ވަނީ ފާރިޝް އަހުމަދު އައްޔަންކޮށްފަ އެވެ. އެކަމަކު މީގެ ދުވަސްކޮޅެއް ކުރިން ހައި ކޯޓުގެ ފަނޑިޔާރުންގެ މަޖިލީހުން ވަނީ އޭނާ އެ މަގާމަށް އައްޔަންކުރި އިޖްރާއާތު ގޯސް ކަމަށް ކަނޑައަޅައި، އޭނާ ވަކިކުރަން ނިންމައިފަ އެވެ.
ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނީ ހައި ކޯޓުގެ ފަނޑިޔާރުންގެ މަޖިލީހުން އެ ނިންމުން ސުޕްރީމް ކޯޓަށް ފޮނުވުމުން ފާރިޝް އެ މަގާމަށް އައްޔަން ކުރުމުގައި އިޖްރާއާތުތަކާ ޚިލާފް އެއްވެސް ކަމެއް ނެތް ކަމަށް ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމާފައިވާ ކަމަށެވެ. އަދި ސުޕްރީމް ކޯޓުގެ އެ ނިންމުން ހައި ކޯޓަށް ވެސް މިއަދު އަންގާފައިވާނެ ކަމަށް ޑީޖޭއޭ އިން ބުންޏެވެ.
އިނގިރޭސިވިލާތުން ގާނޫނީ ދާއިރާއިން މާސްޓާޒް ހާސިލް ކުރައްވާފައިވާ ފާރިޝް އެ މަގާމަށް އައްޔަން ކުރިގޮތުގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ވެސް ހުށަހެޅި އެވެ. އެކަމަކު އޭސީސީން އެކަމުގައި ގޮތެއް ނިންމިކަން ސާފެއް ނުވެ އެވެ. ފާރިޝްއަކީ ރައްޔިތުންގެ މަޖިލީހުގެ ދަނގެތި ދާއިރާގެ ކުރީގެ މެމްބަރު އިލްހާމް އަހުމަދުގެ ކޮއްކޮ އެކެވެ.
ހައި ކޯޓުގެ ގަވާއިދު ބުނާގޮތުން ހައި ކޯޓުގެ ރެޖިސްޓްރާއަކީ ހައި ކޯޓުގެ އިސް ފަނޑިޔާރާއި ފަނޑިޔާރުން ފިޔަވައި، އެ ކޯޓުގެ ދެން އެންމެ އިސް މަގާމެކެވެ. އަދި އިސް ފަނޑިޔާރު ކަނޑައަޅާ ގޮތެއްގެ މަތިން، ރެޖިސްޓްރާގެ ބައެއް މަސްއޫލިއްޔަތުތައް އެސިސްޓެންޓް ރެޖިސްޓްރާއާ ހަވާލު ކުރެވިދާނެ ކަމަށް ވެސް އެ ގަވާއިދުގައިވެ އެވެ. ހައި ކޯޓުގެ ރެޖިސްޓްރާއަކީ މަރިޔަމް ހޫރުޝީދާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޔޯ
11 June 2019
އިނގިރޭސި ވިލާތުން ގާނޫނު ކިޔަވައިގެން ކީއްކުރަން ރާއްޖެއަށް އަންނަނީ. އެތާ އޮތް ނަމަ
ހުސައިންމަނިކު
11 June 2019
ސިޔާސީ ވަކި މީހެއްގެ ކޮއްކޮ އަކަށް ވީމާ، އެ ސިޔާސީ މީހާ ތިމަންނާމެން ސަރުކާރާ އިދިކޮޅުވީމާ، ކޮއްކޮގެ މަގާމާހެދި ތިވަރަށް އުޅުމުން އަހަރުމެން އެންމެން ވެގެން އިބްރާހިމް މުޙައްމަދު ސޯލިހް އަށް ވޯޓް ދިނުމުގެ ނަތީޖާއަކީ މިއީ ހެއްޔެވެ. އަހަރުމެން ވޯޓް ދިނީ ނުގަވާއިދުން މީސްމީހުން ވަޒީފާއިން ވަކި ނުކުރާނެކަމަށް ވަޢުދުވީމާ ނޫންހެއްޔެވެ.
އަލީސައީދު
11 June 2019
މިއީ ވަރަށް ދެރަކަމެއް. ސުޕްރީމް ކޯޓަކީ އިދާރީ ކަންކަން ބަލާ ތަނެއް ނޫން. 2008 ވަނަ އަހަރުގައި އަމަލުކުރަންފެށި ފެހި ޤާނޫނު އަސާސީގެ ދަށުން މިނިސްޓްރީ އޮފް ޖަސްޓިސް އުވާލާ، މިނިވަން ތަނެއްގެ ގޮތުގައި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން އުފެއްދީ މިކަހަލަ ކަންކަން ވިޔަ ނުދިނުމަށްޓަކައި. އެހެން ނަމަވެސް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަކީ ސުޕްރީމް ކޯޓުގެ ބައެއް ކަމުގައި ހެއްދެވުމުގެ ނަތީޖާއަކީ މިއީ.
ބިސް
10 June 2019
ފަޑިޔާރުން މި ބާވަތުގެ އިދާރީ ކަންކަމާ ނުބެހި ކޯޓަށް ހުށަހެޅޭ މައްސަލަތައް ބެލުމުގައި ވަގުތު ހޭދަކުރައްވާށެވެ.
ޖަމްބޯ
10 June 2019
މިއީ މިހާރުގެ އިދިކޮޅު ޕާޓީ ތޯ؟
ޑޮންޑޮން4
10 June 2019
މިވާ އެއްޗެއް ނުވާ އެއްޗެއް ނޭގޭ! ކުށަަކީ ކޮބާ؟. އިލްހާމް ކޮއްކޮއަށް ވުންތަ؟ ރައީސް މީހާ ފަތު އަޑުކިޔާފައި ތަނެއް ދޮރެއް ނުދަންނަ ކޮއްކޮތަކާ ރަށްޓެހިންތައް އެ ހަމަަޖައްސާލަނީ އެ އޯކޭ ދޮތަ؟
ފެންޓާ5
10 June 2019
ރައީސް މީހާއަށް ސިޔާސީ މަގާމްތަކަށް ބޭނުން މީހަކު ލުމުގެ ބާރު ޤާނޫން އަސާސީއިން ދީފައިވޭ.
ރޔޒ ރށދ
10 June 2019
ގާނޫނު އަސާސީގެ 156 ވަނަ މާއްދަގައި ބުނާ ގޮތުން ކޯޓުތައް ހިންގުމާގުޅޭ ގޮތުން ގާނޫނުތައް ހެދުމުގެ ބާރު ކޯޓުތަކަށް ލިބިގެންވޭ. އެ ބާރުގެ ދަށުން ހަދާފައިވާ ގަވާއިދާ އެއްގޮތަށް އެ މީހެއްގެ ގާބިލްކަން ސާބިތުކޮށްދީފައިވާ މީހަކު ޝަރުއީ ދާއިރާގެ މަގާމަށް ލުމަކީ ކުށެއްތޯ؟
ޤާސިމު ބިން އިލްހާމު
10 June 2019
ސުޕްރީމް ކޯޓް ދޯ؟