ހައި ކޯޓު: އެ ކޯޓުގެ ދެކުނު ގޮފީގެ ޝަރީއަތް މިއަދުން ފެށިގެން ދަނީ ހިންގަމުން -- ފޮޓޯ/މިހާރު
16 ޖޫން 2019 - 11:20
6 comments
ހައި ކޯޓުގެ ފަނޑިޔާރުންގެ ވަފުދަކުން، އެ ކޯޓުގެ ދެކުނު ގޮފީގެ ޝަރީއަތްތައް މިއަދު ފަށައިފި އެވެ.
ކޯޓުތަކުގެ ގާނޫނަށް 2014 ގައި ގެނައި އިސްލާހެއްގެ ދަށުން ހައި ކޯޓުގެ އުތުރާއި ދެކުނުގައި ގޮފިތައް ގާއިމް ކޮށްފައި ވާއިރު، ދެކުނު ގޮފި ހުންނަނީ އައްޑޫ ހުޅުމީދޫގަ އެވެ. ގޮފިތަކުގައި މައްސަލަ ބަލަނީ މާލޭގެ ހައި ކޯޓުގެ ފަނޑިޔާރުންގެ ވަފުދަކުން ގޮފިތަކަށް ގޮސްގެންނެވެ.
ހައި ކޯޓުން ބުނީ މިއަދުން ފެށިގެން އަންނަ ބުރާސްފަތި ދުވަހުގެ ނިޔަލަށް އެ ކޯޓުގެ ފަނޑިޔާރުންގެ ވަފުދެއް ދެކުނު ގޮފީގައި މައްސަލަތައް ބައްލަވާނެ ކަމަށެވެ. އެ ވަފުދުގައި ހިމެނިވަޑައިގަންނަވަނީ ފަނޑިޔާރު އަބްދުﷲ ހަމީދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު އަބްދުއްރައޫފް އިބްރާހިމެވެ.
ހައި ކޯޓުގެ ގޮފިތައް ފުރަތަމަ އުފެއްދިއިރު އޮތީ ގޮފިތަކުގައި ދާއިމީކޮށް ފަނޑިޔާރުން ތިއްބަވާ ގޮތަށެވެ. އެކަމަކު އެގޮތަށް ބަދަލު ކުރުމުން މާލޭގެ ހައި ކޯޓުގައި ފަނޑިޔާރުން މަދުވެ، މައްސަލަތައް ކުރިއަށް ގެންދަން ދަތިތަކާ ކުރިމަތިވާން ފެށުމުން ސުޕްރީމް ކޯޓުން ފަހުން ހަމަޖެއްސީ ފަނޑިޔާރުން ގޮފިތަކުގައި ދާއިމީކޮށް ތިބުމުގެ ބަދަލުގައި މައްސަލަތައް ބެލުމަށް މާލެއިން ފަނޑިޔާރުންގެ ވަފުދުތައް ގޮފިތަކަށް ދާ ގޮތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
16 June 2019
އެއްރަށްދައުލަތް ސިޔާސަތުދޫކޮށް ދައުލަތުގެމުއްސަނދިކަމާއި ލާމަރުކަޒީބާރުވެރިކަން ރާއްޖޭގެރައްޔިތުންނަށް ފުރިހަމަގޮތުގައިހިއްސާކުރުމުގެފުރުސަތުދޭންޖެހޭކަން ފަނޑިޔާރު އަޒްމިރަލްޑާ އިސްތިއުފާދެއްވަންޖެހޭސަބަބުކަމަށްބުނެ ލިޔެފައިވާ ސިޓީންނާއި ނޫސްތަކަށްދެއްވިއިންޓަވިއުތަކުންއިގޭ. * * އެއްވަރަކަށް ޓެކްސްނަގާ އެއްޤައުމެއްގެ ރައްޔިތުންގެ ތެރޭގައި ވެރިރަށާއި އެހެންރަށްރަށުގެ ރަށްވެހިންނާއި މެދު މިހާބޮޑު ތަފާތުކުރުންއޮތް ދައުލަތެއް މިހާރު ދުނިޔެއަކުނެތް.
ތުއްތުނާ
16 June 2019
ތިބުނާ ގޮތުން ހީވަނީ ދެކުނު ސަރަހައްދުގައި ފަނޑިޔާރުކަމަށް ޝަރުތުހަމަވާ މީހަކު ނެތީހެން....... އެކަމަކުވެސް ދިވެހިރާއްޖޭގައި އެންމެ ގިނައިން މަތީތައުލީމު ހާސިލު ކޮށްގެން ތިބި ރައްޔިތުން ގިނަ އެއް ސަރަހައްދު ދެކުނު އެއީ........
މަރޭމިތުރު
16 June 2019
ޝުއައިބް ޒަކަރިއްޔާ އެންމެ އިންސާފުވެރި ފަނޑިޔާރެއްގެ ގޮތައް މިފަހުން ފެންނައެކަކު އެއީ. ހީވޭ ރަނގަޅުވާނެހެން.
ނާގަބާޑި
16 June 2019
މިގޮތައް ހަމަޖެހޭ ކޮމެންޓް ކޮބެލަ އޭރުން ލައިކް އިތުރުވާނެ. އެއްގޮތަކައްވެސް އިންޑިޔާ މީގެތެއައް ނުވައްދާ
ލަންބެ
16 June 2019
މިއޮށްޒަމާނެއްގައި މިއީ ދެން ކޮންފަދަ ކަމެއް ހެއްޔެވެ. ވީޑިއޯ ކޮންފަރެންސް ބާއްވައިގެން މިކަންކަން ކުރެވިދާނެއެވެ. މިއީކީ މިޒަމާނުގައި ބޮޑު ޓީމެއް ގޮސްގެން ކުރަންޖެހޭ ވަރުކަމެއްކަމަކަށް ނުދެކެމެވެ. މާ ޚަރަދުވެސް ކުޑަވާނެއެވެ. 21 ގަރުނުގައި ޓޭކްނޮލޮޖީ ގެނެސްދިން ކުރިއެރުން ބޭނުން ނުކުރާނަމަ، ފިޔަވަޅު މިއެޅެނީ ފަހަތަށެވެ.
ގުދުސް
16 June 2019
ވަކި ބަޔަކު ބޭރު ކުރަން އުފެއްދި ގޮފިތަކެއް ތިޔައީ. އެ މަޤުސަދު ހާސިލުވީމާ ވަފުދު ފޮނުވަން ފެށީ. ކޮންމެއަކަސް ކިހާ ބޮޑު ތަކުލީފެއް