ދަރުމަވަންތަ ސްކޫލް އޭސީ ކުރުމަށްފަހު އެޑިއުކޭޝަން މިނިސްޓަރު ޑރ. އައިޝަތު އަލީ އެ ސްކޫލުގެ ދަރިވަރުންނާ މިއަދު ބައްދަލުކުރައްވަނީ .-- ފޮޓޯ: އެޑިއުކޭޝަން މިނިސްޓްރީ
16 ޖޫން 2019 - 19:26
30 comments
ދަރުމަވަންތަ ސްކޫލުގެ ހުރިހާ ކްލާސްރޫމެއް އެޑިއުކޭޝަން މިނިސްޓްރީން އޭސީކޮށްފި އެވެ.
އެޑިއުކޭޝަންގެ ސްޓޭޓް މިނިސްޓަރު އަހުމަދު ރިޔާޒު ވިދާޅުވީ އެ ސްކޫލް ހޫނު ގަދަވުމުގެ ޝަކުވާ ބެލެނިވެރިންނާއި ސްކޫލުގެ ފަރާތުން މިއަހަރުގެ ކިޔެވުން ފެށުމާއެކު ވަރަށް ބޮޑަށް ކުރި ކަމަށެވެ. އެހެންވެ ހާއްސަ ސަމާލުކަމެއް ދީގެން ދަރުމަވަންތަ ސްކޫލު އޭސީކޮށްފައިވާ ކަމަށް ވިދާޅުވި އެވެ.
ދަރުމަވަންތަ ސްކޫލުގެ އާ އިމާރާތް އެޅެންދެން، އެ ސްކޫލުގެ ދަރިވަރުންނަށް 2016 ވަނަ އަހަރުން ފެށިގެން ކިޔަވައިދެމުން އަންނަނީ ވެލާނާގޭ ކައިރީގައި ހަދާފައި ހުރި ވަގުތީ އިމާރާތުގަ އެވެ. އެތަން ހަދާފައިވަނީ ދަގަނާއި ޓިނުން ކަމަށްވާތީ، އެ އިމާރާތުގައި ކިޔަވައިދޭން ފެށީއްސުރެ ހޫނުވުމުގެ ޝަކުވާ ވަނީ ކޮށްފަ އެވެ.
ދަރުމަވަންތަ ސްކޫލް އޭސީކުރުމަށްފަހު އެޑިއުކޭޝަން މިނިސްޓަރު ޑރ. އައިޝަތު އަލީ އެ ސްކޫލުގެ ދަރިވަރުންތަކަކާ މިއަދު ބައްދަލުކުރައްވަނީ-- ފޮޓޯ: އެޑިއުކޭޝަން މިނިސްޓްރީ
އެ ސްކޫލުގައި 24 ކްލާސްރޫމް ހުންނައިރު އެ ހުރިހާ ތަނެއް އޭސީކުރަން އެޑިއުކޭޝަނުން 1.5 މިލިއަން ރުފިޔާ ހަރަދުކޮށްފައި ވެ އެވެ.
ރިޔާޒު ވިދާޅުވީ ދަރުމަވަންތައިގެ އާ އިމާރާތް ކުރެހުމުގެ މަސައްކަތް ކުރަމުން އަންނައިރު މި އަހަރުގެ ތެރޭގައި ސްކޫލުގެ އަމަލީ މަސައްކަތް ފަށާނެ ކަމަށެވެ. ތަފާތު މޮޑިއުލަކަށް އެ ސްކޫލް ހަދައި 2021 ވަނަ އަހަރު ކިޔަވައިދޭން ފަށާނެ ކަމަށް ވިދާޅުވި އެވެ.
ދަރުމަވަންތަ ސްކޫލް އޭސީކުރުމަށްފަހު އެޑިއުކޭޝަން މިނިސްޓަރު ޑރ. އައިޝަތު އަލީ މިއަދު ވަނީ އެ ސްކޫލަށް ވަޑައިގެންފަ އެވެ. އަދި ދަރިވަރުންތަކަކާ ބައްދަލުކުރެއްވުމަށްފަހު ވިދާޅުވެފައި ވަނީ ދަރިވަރުން މޫނުމަތިން މިއަދު ފެންނަނީ އުފާވެރިކަން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުޅާ
17 June 2019
ދަގަނޑުން ހަދާފަ ހުންނަ ތަންތަން ކޮންކްރީޓުން ހަދާފަ ހުންނަ ތަންތަނަށްވުރެ ފިނިވާނެ.
ބޯ ހަލާކު
17 June 2019
ގާޒީ ސްކޫލަކީ ދަރުމަވަންތަ އަށް ވުރެ އާބާދީ ބޮޑު ސްކޫލް އެއް. ގަޒީ ސްކޫލްގައިވެސް އޭސީ އެއް ނެތް. ގައިމު މާލެ އަށް ވުރެވެސް ހޫނު ވޭ ކްލާސްތަށް ގާޒީގަ. ގާޒީ ސްކޫލް ގެ ކްލާސްތައްވެސް އޭސީ ކޮށްދޭނެ ކަމަށް އުންމީދު ކުރަން....
ޟަގޭ
17 June 2019
ޢަހަރުން ރަށު ސްކޫލު ހުންނަނީ ސީލިންވެސްނުކޮށް. ކުލާސްރޫމުގަ ކުޑަ ދޮރެއް ދޮރުފަތެއް ނުހުރެ. ތަޅުމުގަ މުއްޓެއްނުހުރެ. ކުލާހުގަ އިންނަނި ދެ ފަންކާ، އެނބުރޭ ދުވަހާ ނޭބުރޭ ދުވަހާ. ޢެންމެ ވައްތަރުވާނީ އިހުގެ އޮޑިހަރުގެ އަކާ. ... ޢަހަންނަވެސް ފިހާރައިން މުދާވިއްކަަނި ޓެކުސްލާފަ. ޢެކަމު މަގޯތި ސޮރަށްވެސް ކިރުޕެކެޓް ލިބެ. ޢެހެންވެ ވީވަރު ހެޔޮވަރުކަމަށް ބަލައިގެން މިހުންނަނި..
ރަދީފް
17 June 2019
ހެހެހެހެ.ވަރަށް ރަނގަޅު ވާހަކައެއް.އަހަރުމެން 1994 ވަނަ އަހަރު އީޕީއެސްގަ ކިޔެވިއިރު 02 ކްލާސް ވަކިކުރަން ދަމާފަ ހުންނަނީ ބާ ރިޔަލުގެ ފޮތި.ފަންކާ ގިނަ ފަހަރު ނުވެސް އެނބުރޭނެ.ބުލް ، އަސަރޭ ، ޕަރޭދެކެ ކުދިން ނުލާހިކު ޖެހިލުންވޭ.
ަަެަބުރޯ
17 June 2019
ތިވަރުން ދަންޏާ 32 ބިލިޔަނުން ބަޖެޓް ދެކޮޅުޖައްސާނީ ކިހިނެއް. ދަރަނި 62 ބިލިޔަނުން 100 ބިލިޔަނަށް ތިވަރުންދަންޔާ އަރާފަނެ.
ޔާނު
17 June 2019
ނަންވާނީ ޔާމީން. ހެޔޮނުވާނެ ތިގޮތައް ރާއްޖޭގެ ހުރިހާ ސްކޫލެއް އޭސީ ކުރައްވަން ނޫޅުއްވިއްޔާ ރަނގަޅީ. ރައްޔިތުން ތިބީ ބުއްދިފިލާ ގޮސްފަކަމަށް ހީފުޅު ނުކުރައްވައްޗޭ.
އިދުރީސް19
17 June 2019
މާކެޓުން ލިބެންހުރި އެންމެ އަގުފަލަ އޭސީ އެޅުވިޔަސް ތިޔައްވުރެ މަދުން ޚަރަދުވާނީ. ބަލަމާ ކޮންމެ ކިލާހަަކައް 18000 ހުގެ 2 އޭސީ ކަމައް. އެއީ ޔުނިޓެއް ހަރުކުރުމާއެކު -/13000ރ މަގުން ބަލަންޏާ -/624000ރ. ވީމާ 1.5 މިލިއަން ޚަރަދުވާންވީ ކިހިނަކުން ބާއޭ ހިތައް އަރަނީ.
ކެނެޑީ
17 June 2019
ސަރވިސް ޗާޖާ ޖީއެސްޓީއާ ސަޔާ ކަޓާލީމަ ބޮޑުވާނެދޯ :ޕ
ރަދީފް
17 June 2019
18000 ބީޓީޔޫގެ އޭސީއެއްގެ މާކެޓް އަގަކީ 13000 ރުފިޔާ ތޯ!!!؟؟ ހަބަރުގަ އޮތް އަދަދު 1.5 މިލިއަނުގެ ފައިސާއިން ހިސާބްޖެހީމަ ރޫމެއް އޭސީކުރުމަށް 62500 ރުފިޔާ ޖެހޭ.ހަބަރު ލިބޭގޮތުގަ މި ޕްރޮޖެކްޓް ހިންގީ އެސްޓީއޯއީން.
ފާފުހާ
17 June 2019
ދަރުމަވަންތަ ސްކޫލް އަކީ ވަގުތީ އިމާރާތެއްގެ ގޮތުގަ ސްޓީލް ޝީޓްސް އިނ ހަދާފަ ހުރި ތަނެއް. އެ ސްކޫލް ގެ ކްލާސްރޫމްތަކުގެ ހޫނު އިންތިހާ އަށް ގޮސްފަ ހުންނަނީ.. ކިތައް އަހަރު މިވީ. އެ ހޫނުގަ މި ދިޔަހުރިހާ ދުވަސްތައް ކުދިން ތިބީ. އާ އިމާރާތް އެޅެއްދެންވެސް ސަރުކާރުން އެ ކުރީ ހަމަ ކުރަންޖެހޭ ކަމެއް. ކުދިންތަކެއް ކްލާސްރޫމް އަށް ވައްދާފަ ތިބޭއިރު އިތުރަށް ހޫނު ވާނެ. ވެންޓިލޭޝަން އެހާ ރަގަޅެއް ނޫން ހުރިލެއް، ހަމަ ސްޓީލް ކޮއްޓެއް ހެއް ހުރީ ހަދާފަ.
ނާޡިމް
17 June 2019
ތިކަން ކުރަން އުޅޭތާ މިހާރު 3 އަހަރު ވެއްޖެ. ޕޭރެންޓުން އަމިއްލައަށް ތިކަން ކުރަންވެސް ހުށަހެޅި. ސަރުކާރުން ކުރާނަމޭ ކިޔައިގެން މިހާ ދުވަސް މިދުއްވާލީ. އޭސީ ހަރުކޮށްފަ ހުންނަތާވެސް 6 މަސްވެއްޖެ. ކަރަންޓު ނުގުޅިގެންނޭ ކިޔައިގެން މިއަހަރުވެސް އެގޮތަށް ދުއްވާލަން އުޅުނީ. ޖެހިގެން އޮތްދުވަހު ޕޭރެންޓުން ޕެޓިޝަން ހަދައިގެން މުޒާހަރާއަށް ނުކުންނަން ރާވާފަ އޮތީމަ ވީކެންޑްގަ އަވަސް އަރުވާލައިގެން ކަރަންޓް ގުޅާފަ ނިންމާލީ.
ިުގފދ
17 June 2019
އޭސީ ކުރަންވީ ދަރުމަވަންތަ ސްކޫލް އޭސީ އެކަންޏެއް ނޫން. ތަފާތު ނުކުރޭ
ތުނިޔަ
17 June 2019
އެހެން ސްކޫލްތަށް ހުރީ ހުސް ދަގަނޑާ ޓިނުންތަ؟ ތަފާތު ނުކުރޭ!
ދޮމްބޭބެ
17 June 2019
24 ކްލާސްރޫމް އޭސީ ކުރަން އެންމެ ޚަރަދު ބޮޑުކޮން ބެލިޔަސް ދާނީ 960000 ހާސް ރުފިޔާ. އެހެންކަމުން އަނެއް 540000 ރުފިޔާ ވަނީ ކޮންތާކަށްބާ؟ އަދި ތިތާ ހަރުކޮށްފަހުރީ ކޮން ބްރޭންޑެއް ކަމެއްނޭންގޭ. އަގޮހެޔޮ ބްރޭންޑެއް ނަމަ އަދި މާ އަގުކުޑަކޮން ވާނެ.