އަމިއްލައަށް ފަނޑިޔާރުގެ އިސްލާހުކުރުމުގެ ފުރުސަތު ގެއްލިއްޖެ، ދެން އޮތް ގޮތަކީ މަޑުން ތިބުން: ހާތިފް
ޝަރުއީ ދާއިރާ ތަރައްގީކޮށް، އިސްލާހު ކުރާނެ މަގުޗާޓު ނެރުމަށް އިސްލާމީ މަރުކަޒުގައި ބޭއްވި ރަސްމިއްޔާތުގައި ސުޕްރީމް ކޯޓުގެ ފަނޑިޔާރުންނާއި ދައުލަތުގެ އިސްވެރިންނާއި ބައެއް ވަޒީރުން ބައިވެރިވެ ވަޑައިގަންނަވަނީ.-- ފޮޓޯ: ނިޝާން އަލީ /މިހާރު
16 ޖޫން 2019 - 23:26
63 comments
ފަނޑިޔާރުންނަށް، ފަނޑިޔާރުގެ އަމިއްލަ އަށް އިސްލާހުކުރަން ލިބުނު ފުރުސަތު ވަނީ ފާއިތުވެގޮސްފައި ކަމަށާއި މަޑުން ތިބުމަށްވުރެ އިތުރު ގޮތެއް ދެން ނެތް ކަމަށް ސިވިލް ކޯޓުގެ ފަނޑިޔާރު ހާތިފް ހިލްމީ މިރޭ ވިދާޅުވެއްޖެ އެވެ.
ޝަރުއީ ދާއިރާގައި މި ފަހުން ހިނގައިދިޔަ ކަންތައްތަކާ ގުޅޭގޮތުން ހާތިފް، އޭނާގެ ފޭސްބުކްގައި ވިދާޅުވީ ފަނޑިޔާރުގެ އިސްލާހުކުރުމުގެ ފުރުސަތު މިހާރު ހަމަވެފައިވާއިރު އެ މުހިއްމު މަސްއޫލިއްޔަތު ރައްޔިތުން ހަވާލުކޮށްފައި ވަނީ ރައްޔިތުންގެ މަޖިލީހަށާއި އެ މަޖިލީހުގެ އިތުބާރު އޮތް މުއައްސަސާތަކަށް ކަމަށެވެ. އެހެންވެ އެ މަސައްކަތްތަކަށް އެއްބާރުލުމާއި މަދަދުވެރިކަން ދީގެން މަޑުން ތިބުމަށް ވުރެ، ފަނޑިޔާރުގެ އިސްލާހުކުރުމުގެ ނަމުގައި ފަނޑިޔާރުންނަށް މިވަގުތު ކުރެވިދާނެ އިތުރު ކަމެއް އޮތް ކަމަކަށް ފެނިވަޑައިނުގަންނަވާ ކަމަށް، 2009 ވަނަ އަހަރު ސިވިލް ކޯޓަށް އައްޔަންކުރެއްވި ފަނޑިޔާރު ވިދާޅުވި އެވެ.
ޝަރުއީ ދާއިރާ ރިފޯމް ކުުރުމުގެ ނަމުގައި ފޯރަމެއް ބާއްވައި އަމިއްލައަށް މަގު ޗާޓެއް އެކުލަވާލައި، ކުރިން ކަމުނުގޮސްގެން އުވާލި ޖުޑީޝަލް ކައުންސިލްގެ ނަމުގައި އާ ޖުޑީޝަލް ކައުންސިލެއް އުފައްދައި، ވުޖޫދުވި ޖުޑީޝަލް ކައުންސިލުން ފަނޑިޔާރުންގެ އާ ޖަމިއްޔާއެއް އުފެއްދުމަށް މަސައްކަތް ފެށިކަން އޭނާ ފާހަގަކުރެއްވި އެވެ. އަދި އެތައް އަހަރެއް ވަންދެން ނިދާފައި އޮތް ފަނޑިޔާރުންގެ ޖަމިއްޔާއެއް ސުވާލު އުފެދޭ ގޮތަށް ކުއްލިއަކަށް ހޭލާފައިވަނީ އަދުލުވެރިކަން ނުފެންނާތީ، އެކަން ހައްލުކުރުމުގެ މަސައްކަތް ރައްޔިތުންގެ މަޖިލީހުން ކުރަނިކޮށް ކަން ފަނޑިޔާރު ފާހަގަކުރެއްވި އެވެ.
އޭނާ ވިދާޅުވިގޮތުގައި ރައްޔިތުންގެ އެންމެ ބޮޑު އެއް ކަންބޮޑުވުމަކީ އަދުލު އިންސާފުގެ ނިޒާމުގެ ތެރެއިން އަދުލުވެރިކަން ފެނިގެންނުދާތީ އެވެ.
ރައްޔިތުންގެ އިތުބާރު ގެއްލިފައިވާތީ ޝަރުއީ ދާއިރާ އިސްލާހުކުރުމަށް ސުޕްރީމް ކޯޓުން އިސްނަގައިގެން ވަނީ މަގު ޗާޓެއް އެކުލަވާލައިފަ އެވެ. އެ ދާއިރާ އިސްލާހު ކުރުމަށް ލިބޭ އެންމެ ފަހި، އަގުހުރި ފުރުސަތަކީ އެ މަގުޗާޓު ކަމަށް އުއްތަމަފަނޑިޔާރު ޑރ. އަހުމަދު އަބްދުﷲ ދީދީ ވަނީ ކުރިން ވިދާޅުވެފަ އެވެ. އޭގެ އިތުރުން ޖުޑީޝަލް ސާވިސް ކޮމިޝަން (ޖޭއެސްސީ) އިން މިދިޔަ ހަފުތާގައި ވަނީ ސުޕްރީމް ކޯޓުގެ ފަނޑިޔާރު އަބްދުﷲ ދީދީ ސަސްޕެންޑްކުރަން ނިންމައިފަ އެވެ.
އެ ފިޔަވަޅު އެޅީ އޭނާއާ ގުޅޭ މައްސަލައެއް ބަލަމުންދާ ކަމަށް ފުލުހުން، ޖޭއެސްސީ އަށް އަންގާފައިވާތީ ކަމަށް އެ ކޮމިޝަނުން އޭރު ބުނެފައިވެ އެވެ. އޭގެ ކުރިން، މި މަހުގެ ކުރީކޮޅު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް އެ މައްސަލަ ޖޭއެސްސީ އަށް ހުށަހެޅުއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހުސާނާ
19 June 2019
ފަނޑިޔާރުގޭގެ މަގު ޗާޓު އޮޅާލާ!
ނުވިސްނޭ ރައްޔިތުމީހާ
17 June 2019
ވަރަށް ރަނގަޅު ވާހަކައެއް ޙާތިފް. މީ ދިވެހިން ބޭނުންވި ގޮތް!!!
ޚހހބ
17 June 2019
ހާތިފްގެ ވާހަކަފުޅަށް ތާއީދު. ފަނޑިޔާރުގެ އިސްލާހުކުރުމަކީ އެއް އިރެއްގަވެސް ފަނޑިޔާރުންގެ ކުރަން ޖެހޭ ކަމެއް ނުން. ފަނޑިޔާރުންނަށް ހުށަހެެޅޭ މައްސަލަ ބަލާ ހުކުމް ކުރަންވީ. އިތުރު ކަމެއް ކުރާނެ ކަމެއް ނެތް. ސުޕްރީމް ކޯޓަށްވެސް މި ނޫން ކަމެއް ޖައްސާނެ ކަމެއް ނެތް. މަޖިލީހުން އަވަހަށް އަސާސީ ބަދަލުކޮށް މުޅި ބެންޗް ބަދަލުކުރަން ވެއްޖެ. މިހާރު ތިބި މީހުންނަށް އިތުބާރެއްވެސް އިހުތިރާމެއްވެސް ނެތް.
އަމީނާ
17 June 2019
މީނަ ވަރަށް ސާފުކޮށް މި ބުނަނީ މީނަފަދަ އެމްޑީޕީގެ އެކްޓީވިސްޓުން ކޯޓުތަކަށް ލައިގެންނޭ ފަޑިޔާރުގެ އިސްލާހް ކުރެވޭނީ. މީ މިމީހުންގެ ފެންވަރަކީ.
ހަފަރާތް
17 June 2019
މީނަ މިއޮއްހުރިހާ ދުވަހު އެއްޗެއް ނުބުނީތީ މީނަ މިހާރު އެބޭނުންވެގެން އުޅެނީ ކޮންކަމެއްކަމާ މެދު ސުވާލު ނުއުފެދޭތަ؟ އެމްޑީޕީން ޖުޑިޝަރީ އިސްލާހު ކުރާއިެރު ވަޒީފާ ކަށަވަރުކުރުން ނޫނީ މަތީކޯޓަކުން ޖާގައަކަށް ހިފާފަ އެހެރީ.
ޥަލު
17 June 2019
އާތިފް އާދޭތެރޭ ހިތާމަ ކުރަމެވެ. ކޮރަޕްޝަނުން ފުރިގެން ވާ އިޖުރަައަތުގެ ބޭރުން ހެކިން ހާޒިރު ނުކޮށް ޗުއްޓީގައި ހުންނަވާ ކުއްލިޔަކަ ހުކުމް ކުރި ކިތަމެ މައްސަލަ އެއް އެބަހުއްޓެވެ. ޚުދު އަޅުގަނޑު ވަކާލަތު ކުރި މައްސަލައެއްގައި ފިޔަފާރި ވެރި އެއް ގެ ފަރާތުން ނޫންވީމާ ފަޑިޔާރު ކުރި ހުކުމް އެދިޔައީ ބޯމަތިން ނެވެ ވީމާ ތިކަހަލަ މީހަކު ތިހެން ބުނީމާ އަނެއްކާވެސް ރިސްވަތުގެ ނުބައި ލަރީގައި ޖެހުނު ކަމާ މެދު ސައްކެއް ނެތެވެ
ފެންވަރު
17 June 2019
ވާހަކަފުޅު ރަނގަޅު. ނަމަވެސް މި ފަނޑިޔާރުން ކޮބައިބާ ބޭފުޅަކު ވީޑިއޯ ކުޅުނުއިރު؟ ކޮބައިތޯ ސުމޯޓޯ އޭކިޔާ މުއައްސަސާތަކުގެ ބާރު ކެނޑުވިއިރު؟ ކޮބައިތޯ ނުހައްގުން އެތައްބައެއްގެ ހައްގުތައް ނިގުޅައިގަތްއިރު؟ ކޮބައިތޯ މުޢުތަސިމްފަދަ ނަޒާހްތެރި ފަނޑިޔާރުން ވަކިކުރިއިރު؟ ސުޕްރީމް ކޯޓު ފުރާޅުހިއްލާ ވަދެގަނެ އެންމެ އިސް ފަނޑިޔާރާ ދެން ހުރި މީހާ ނެރި ޖަލަށްލިރު ކޮބައިތޯ ދެންތިބި ފަނޑިޔާރުން؟ މިހާރު މާ ލަސްވެއްޖެ! އިތުބާރުގެ ކަންފުޅެއްވެސް ނެތް. ސޮރީ!
ސީސީސީ
17 June 2019
ވޭތުވެދިޔަ 7 ވަރަކަށް އަހަރުތެރޭ އިވުނު އެންމެ ރަގަޅުވާހަކަ ތީ ؟
އަންޒަލަ
17 June 2019
ހާތިފް އެހެން ފަނޑިޔާރުންނައް އިންޒާރުވެސް ދޭން ފެށީތޯ..؟
ސަޒަން
18 June 2019
ހަދާން އެބަހުރިތަ ވެލިޒިނީއޭ ކިޔާމީހަކު އާދޭސްކަރަމުން ދިޔަތަން ލައިވްކޮށް ފެނުނެއްނު ކަލޭމެން ތިހެންކަތައްނުކުރާށޭ ތީމުޅިދިވެހި ގައުމަށް ދޭގެއްލުމެކޭ އެމީހަކީ އަދި ކޮންމެމީހަކަށް އޭނާ އޭރުއެދެއްކީ ރަނގަޅުވާހަކައެއްކަން މިހާރު ގަބޫލްކުރެވިއްޖެއްނު! މިބައިގަނޑު އަމިއްލައަމިއްލައަށް ކަންކަން ނިންމާ ހަދަންވެގެން އެކަންއެކުރީ މަރުވަންދެން ވަޒީފާގައިތިބެ ހުރިހާކަމެއް ބޭނުންގޮތަކަށްނިއްމީ
އަފްރާހު
17 June 2019
މިއީ ސިޔާސީ ފަނޑިޔާރެއް.. ޔަމީނު ސަރުކާރުގައި އެމްޑީޕީކަން ވަންހަނާ ކުރައްވައިގެން ސިއްރީޔާތުގައި ހުންނެވީކަމައް ލަފާކުރެވެނީ. އެއްފަނޑިޔާރަކު އަނެއް ފަނޑިޔާރުންނައް މިފަދަ ބަސް ރައްދުކުރުމަކީ އަންޕޮރޮފެޝަނަލް ކަމެއް. ހަނދާންވަނީ ޑޮނަލްޑް ޓުރަމްފުގެ ތާކުންތާކު ނުޖެހޭ ޓުވީޓުތައްމަތީން.
ާއަފްލާ
17 June 2019
އެމްޑީޕީގެ ސަޕޯޓަރުން ހުރިހާ ތަނެއްގަ ތިބީމަ ދޯ އިސްލާހްވާނީ ހާދަ ތަސައްރަފް ނުފުދޭ ވާހަކަ މީނަ ދައްކައެ