އެސްޓީއޯގެ މެނޭޖިން ޑިރެކްޓަރު އަމްރު. -- ފޮޓޯ: ނިޝާން އަލީ/ މިހާރު
13 ޖުލައި 2019 - 00:39
34 comments
އެސްޓީއޯގެ ދަށަށް މިފްކޯ ބަދަލުކުރުމުގެ ސަބަބުން، މި އަހަރާ ހަމައަށް އެސްޓީއޯ އަށް ގާތްގަނޑަކަށް 450 މިލިއަން ރުފިޔާގެ ގެއްލުން ވެފައިވާ ކަމަށް، ސަރުކާރުގެ ވިޔަފާރި ކުންފުނީގެ މެނޭޖިން ޑިރެކްޓަރު ހުސެއިން އަމްރު މިރޭ ވިދާޅުވެއްޖެ އެވެ.
މަސްވެރިކަމާ ގުޅޭގޮތުން އާއްމުންގެ ހިޔާލު ހޯދަން ގދ. ތިނަދޫގައި ބޭއްވި "ޖަޒީރާ ހޮޅުއަށި"ގައި ވާހަކަދައްކަވަމުން އަމްރު ވިދާޅުވީ އެ ކުންފުނީގެ ދަށަށް މިފްކޯ ބަދަލުކުރީ އެސްޓީއޯ އިން ބޭނުންވެގެން ނޫން ކަމަށެވެ. އެއީ މިފްކޯ ބަނގުރޫޓުވެގެން ހަދާނެ އިތުރު ގޮތެއް ނެތިގެން ކުރީގެ ސަރުކާރުން ގެނައި ބަދަލެއް ކަމަށް ވިދާޅުވި އެވެ.
މިފްކޯ ނުހިންގި ބަނގުރޫޓުވުމުން، އެ ކުންފުނީގެ 300 މިލިއަން ރުފިޔާގެ ދަރަންޏާ ސަރުކާރުން ހަވާލުވެ އެތަން އެސްޓީއޯގެ ދަށަށް ބަދަލުކުރަން ނިންމީ ސެޕްޓެމްބަރު 26، 2016 ވަނަ އަހަރު އެވެ. އޭގެ ފަހުން އެސްޓީއޯގެ ދަށުން މަސްކުންފުނި ހިންގަމުން އަންނަތާ ތިން އަހަރު ވަނީ އެވެ.
އަމްރު ވިދާޅުވީ އެސްޓީއޯ އިން މިފްކޯ އަށް ތެޔޮ ގެންގޮސް، މިފްކޯ އިން މަސްވެރިންނަށް ތެޔޮ ވިއްކަމުންދާއިރު އެއިން އެއްވެސް ފައިސާއެއް އަނބުރާ އެސްޓީއޯ އަށް ނުލިބޭ ކަމަށެވެ. މި ވަގުތު އެކަނި ވެސް މަސްވެރިންނަށް ތެޔޮ ވިއްކައިގެން އެސްޓީއޯ އަށް 230 މިލިއަން ރުފިޔާ ލިބެންޖެހޭ ކަމަށް ވިދާޅުވި އެވެ.
"[މިފްކޯ] އެސްޓީއޯގެ ދަށަށް އައުމާ ގުޅިގެން، އެސްޓީއޯ އަށް މި ވަގުތު ގާތްގަނޑަކަށް 450 މިލިއަން ރުފިޔާ ގެއްލުން މި އަހަރާ ހަމައަށް ވެފައިވަނީ،" އަމްރު ވިދާޅުވި އެވެ. "ހަގީގަތަކީ އެސްޓީއޯ އަށް އެކަން ކުރެވެން އޮތް އިރަކު ނޫން މިފްކޯ ގެނެސްލާފައި އޮތީ. އަނެއް ވާހަކައަކީ މިފްކޯގެ ބޯޓުފަހަރު މި ވަގުތު ގެންގޮސް ލެވޭނެ މަސް ދޯންޏެއްގެ އެތެރެއަށް. މަސްވެރިންގެ ބޯޓު 150 ފޫޓަށް ބޮޑުވެގެން ދިޔައިރު މިފްކޯގެ ބޯޓު އޮތީ ވަރަށް ކުޑަކުޑަކޮށް ކަމެއް ނުކުރެވި."
ފެލިވަރުގައި ބަންދުކުރެވެނީ ދުވާލަކު 50 ޓަނުގެ މަސް ކަމަށާއި އެކަމަކު އެކަން އިތުރުކުރުމަށް ވެސް މިއިން ޒަމާނަކު މަސައްކަތެއް ކޮށްފައިނުވާ ކަމަށް އޭނާ ވިދާޅުވި އެވެ. އެހެންވެ އެންމެ ފުރަތަމަ ކުރަންޖެހޭ ކަމަކީ ގެއްލުން ނުލިބި ހިނގާ ތަނަކަށް މިފްކޯ ބަދަލުކުރުން ކަން އަމްރު ފާހަގަކުރެއްވި އެވެ.
މަސްވެރިކަން ރަނގަޅަށް ދެމި އޮންނާނީ ވެސް މިފްކޯ ރަނގަޅަށް މަސައްކަތްކޮށްގެން ކަމަށާއި މަސްވެރިންނަށް މިހާރަށްވުރެ ރަނގަޅު އާމްދަނީއެއް ލިބިގެން ނޫނީ މިހާރަށް ވުރެ ރަނގަޅަކަށް މަސްވެރިކަން ނުގެންދެވޭނެ ކަމަށް ވެސް އޭނާ ވިދާޅުވި އެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމާ
11 December 2021
ގެއްލުންވާ ވާހަކަ ދައްކާއިރު މީގެ 3 ދުވަސްކުރިން ސައިކަލަށް ޕެޓްރޯލް އަޅަން 30ރ ދިނީމަ 29ރ 46ލ އަށް ކައުންޓަރ ދިޔަތަނާ މަންޖެ ކިޔައިފި ތި ފުރުނީއޭ ދެން އިތުރަކަށް ނޭޅޭނޭ. މަށަށް ބާކީ ދޭންޖެހޭ 54ލ ނުދިން. މިހެން ކިތައް މީހުން އަތުން އިތުރަށް 50ލ ނަގާފަ ހުންނާނެ؟
ނޫސް ބަލާމީހާ
14 July 2019
ޢޯކޭ. މަނިއްޕުޅާ ކޮޔާ. ދެން ހަދާނެ ގޮތެއްވެސް ބުނެބަލަ މިފްކޯ ހިންދެމިލަން. ގައިމުވެސް އިލިޔާސް ތިތަން ހިންގިއިރު ފައިދާވެގެން ކޫއްޑޫގައި ބޮޑު ތަނެއް ހަދާފަ އެހުރީ. ޢޭގެ ފަހުން މިފްކޯއަށް ފައިދާއެއް ވެގެން ހިންގުނުއެއްވެސް މީހަކު ހިންގުމަކާ ހަވާލެއްނުވޭ.
ނައްޓު
14 July 2019
އަޅެ މީނަ ސޓއ އާ ހަވާލުކުރި ފަހުން މި ނޫން ވާހަކައެއް ދެއްކޭތަ. އަބަދުވެސް ކުރީސަރުކާރުގެ މައްސަލައޭ ކިޔާގެން އިންނަނީ. އަމިއްލަ އަށް ކަމެއް ރަގަޅުކުރެވޭ ކަމަކަށް ނުވޭ. ކަމެއް ނުވާމީހުންގެ ސިފައެއް އެއީ އަބަދުވެސް އެހެން މީހުންގެ ބޮލަށް ކެޑުން
ހަސަން.
14 July 2019
10 މަސް ވީ އިރުވެސް އަދިވެސް އޮޕަރޭޝަންގަ ހުރި ކަންތަކުގެ ވާހަކަ. އެކަން ރަގަޅު ކުރާކަންނު ހަވަލުވީ. ރަގަޅުކުރަން ކުރިކަމެއް އަދިވެސް ނުބުނެވޭ. ހުރި ޙިޔާލެއް ނެތް. ވަރަށް ވެދުން.
ނަޖީއްބެ
14 July 2019
މިދިޔަ ފަސްއަހަރު ފެލިވަރަށް ގެނެސްދީފައިވާ ބަދަލު އެތާގަ އުޅޭ މީހުންކާރީ އަހާލަބަ
ވެހިކަލް
14 July 2019
ނިކަން މިފްކޯގެ ގޯތިތެރެޔަށްގޮސް ބަލައިލަ ބަލަ. މުޅި ގޯތު ފުރިފައި އޮންނާނީ އެތާ އިސްކޮށް އުޅޭ މީހުންގެ މޮޅެތި ކާރުން. ތިޔަތަނަކީ ދުވަހަކުވެސް ފައިދާއެއްވީ ތަނެއްނޫން. އުފެދުމުގައިވެސް ގެއްލުން. އެތަނަކީ އެއިރެއްގަ ވެރިކަމުގަ ތިބޭ ބަޔަކު ކައި ހުސްކުރަން އުފައްދާފަ އޮތްތަނެއް. އެއީ ކުރީގެ މަޝްހޫރު އެފްޕީއައިޑީ. ދެން މިހާރު ވަކި ފައިދާ ވާނެތަ.
ފަޅޯ
14 July 2019
ކަމަށް ނާގާބިލު މީހުން ތަންތަނަށް ލުމަށްފަހު، ހުރިހާ ކަމެއް ރަނޅުވާނެ ކަމަށް ހީކުރުމީ ވަރަށް ބޮޑު ގޯހެއް. އެސްޓީއޯގެ މުގޫ ހިފަހައްޓަން ތިބި އިސްވެރިންތައް ބޭރުކުރުމަށް ފަހު، ހުރިހާ ކަމަކަށް ވަރިހަމަ ޓީމެއް ގޮވައިގެން މަސައްކަތް ކުރުން އެއީ އެންމެ ފަސޭހަގޮތް ކަމަށްވާތީ އެގޮތް ހިޔާރު ކުރީ. މިހާރު އެސްޓީއޯ އިން ރައްޔިތުންނަށް ކޮށްދޭނެ ހެޔޮކަމެއްގެ ވާހަކަ އަކަށްވުރެއް ގިނައިން އިވެނީ ކުރީގަ އެހެނޭ. ނުވަންޔާ ނުވާހަކަ ބުނުން އެއީ ސަޅިކަމެއް.
ނަން
14 July 2019
ވަރަށް ކުރުކޮށް ބުނަންޏާ ބުނެވޭނީ ތިހަދަނީ ހުސް ދޮގޭ. އެކަމަކު އެއީ އާ ކަމެެއް ނޫން.
ކަޅުބިލަ
14 July 2019
އަމްރު ކޮއްކޯއެވެ، ތިޔަ ދައްކަނީ ކުޑަކުދިން ދައްކާ ވާހަކަ، ތިޔަ ގެނެސްދެނީ މަސްވެރިންނަށް ނުތަނަވަސްކަމާ ހާސްކަން، ރިޔާސީ އިންތިހާބުގަވެސް ތިވާހަކަ، ގޯސްކޮށް ކަންކުރާވާހަކަ ބުނުމުން ރަނގަޅުކުރަން ދޯ މީހުން ވޯޓްދިނީ، ތަސައްވުރެއްނެތް މެނޭޖްމެންޓެއްކަން ހާމަވަނީ!
ސައީދުތުރީ
14 July 2019
އެހެންވާންއެޖެހެނީ ތިޔަތަންތާގެ ވެރިންނަށް އެކްޓިވިސްޓުން ލައިގެން ތަން ހިންގަން ވީމަ ވާގޮތް އަނެއްކޮޅުން ކިތަންމެ ބޮޑު ޙިޔާނާތެއް ވިޔަކަސް އަދަބު ނުދޭކަން މިމީހންނައް ހީވާކަހަލަ ދުނިޔެ އުމުރު ދެމިތިބޭނެކަމަށް ގިޔާމައް ދުވަހަކީ އަންނާނެ އެއްޗެއް ނޫންކަމަށް ހަމަ ހިލާ އެހެންނެއް ނުވާނެ އުފަންވީ ފަދައިން މަރުވެސް ވާނެ ކޮބާ އެދިގު ތިރީސް އަހަރު ކޮބާ އެމްއެސްއެލް 98ބޯޓް ކޮބާ އެއަރމޯލްޑިވްސް މަތިންދާބޯޓްތައް މިހިރަ މިހިރަ މަސްއަލަތައް ނުބަލާ ދޫކޮއްލީ
ބޮޑުމީހާ
13 July 2019
މިފްކޯއަށް އަދި އިތުރު މެނޭޖަރެއް ވައްދަންވީނުން. ކޫއްޑޫގަ ތިބީ ހުސް މެނޭޖަރުން. ބޮޑު މުސާރަދީފަ ބޭކާރު އެތައްމަގާމެއް، އަންލިމިޓެޑް އޯޓީ، މިފްކޯއަކީ ވިޔަފާރި ކުންފުންޏެއްނޫން އެއީ އޭރަކު އޮންނަ ސަރުކާރެއް ޕްރޮމޯޓް ކުރަން ބޭނުންކުރާ ތަނެއް. އަދިވެސް ގެއުންވާވަރު ކުޑަ